ار بي ام العربيه عالي

[hugan]

أولا كلام حضرتك ده كله بيأكد ان بالفعل العيب في الضفيرة ومش في اي شيء تاني ده مبدئيا

بالنسبة لاستفسار حضرتك فمن خلال خبرتي بالصيانة عموما كهربية (ضفاير و حساسات و أنظمة كنترول للماكينات) و ميكانيكية وصلت للحقائق دي :-
1- العيوب و المشاكل الميكانيكية عيوب واضحة ولا تظهر و تختفي (يعني مش بتروح و تيجي و تقدر توصل للعيب بسرعه ) ومش هي اللي تعملك الوش و الصداع ده كله ابدا لذلك لا يوجد ليدك عيب ميكانيكي في قصتك دي
2- العيوب و المشاكل الكهربية نسبة منها عيوب واضحة تماما و دي هي العيوب التي تجد فيها انقطاع تام لشيء معين (زي مثلا العربية قاطعه كهرباء تماما هيكون الحل البديهي هو ان مافيش طاقة داخل البطارية هتعمل وصلة هتشتغل العربية او مثلا مافيش بنزين رايح للمحرك علطول هيكون الحل هو طلمبة البنزين احترقت او فيوزها ضرب او فيشتها مهزوزة مثلا ) دي العيوب الواضحة و اللي حلها سهل

- فيه عيوب أخري كهربية غير واضحة تماما و بتروح و تيجي و دي دايما بتحصل في الأنظمة المركبة التي تحتوي علي وحدات كنترول كثيرة و حساسات و ضفيرة متشعبة زي العربيات كده و دي عيوب رخمة جدا و حلها محتاج مهندس او فني دماغة نضيفة جدا و هيتعب نفسه و لكن اكيد هيوصل للحل ولكن هيحتاج لوقت و لمحاولات كثيرة حتي يصل للحل

فالمشكلة اللي عند حضرتك دي من العيوب الكهربية الغير واضحة و دي بتنتج عند :-
1- طرف سلك في حساس معين بيلمس !!! عمال مع هزة معينة يفصل و مع اي هزة تانية يوصل و هكذا و بشكل عشوائي
2- طرف سلك في سوكيت معين عندك لأي وصلات في الضفيرة او او عند تجميعة الفيوز بوكس او في الفيشة اللي موصله الكنترول او اي فيشة عندك لأي حساس ... الطرف ده ايضا بيعلق و يلمس و نفس القصة مع اي هزة يفصل ومع اي هزة يشتغل تاني و هكذا
3- أحد أسلاك الضفيرة هو نفسه داخل جرابه مقطوع و بيلمس و انت مش شايفه ولا اي حد قادر يشوفه و عاملك كل التهييس ده

كل المشاكل دي تسبب التهييس اللي بيحصل معاك ده و كل المشاكل دي قابلتني في حاجات شبيهه لمشكلتك دي و حلها بيحتاج فقط صبر و وقت عشان توصل للحل فين و ربنا ييسرلك الحال

عندي شوية حاجات جت علي بالي ننقاشها مع بعض لعل الله ان يوفقنا للحل
مسألتش علي ضفيرة المحرك بكام ؟؟ وهل عندك اجزاء منها سهلة التغيير تقدر تغيرها و تشوف الدنيا فيها ايه ؟
هل راجعت علي كل الفيوزات و قواعدها و الفيش اللي واصلة ليها و داخلة و خارجه منها لأن ممكن تكون قاعدة اي فيوز واسعه و بيعلق و مصدعك كده بمشاكل غريبة ؟
هل راجعت علي قواعد الريليهات (اللي بيسموها كتاوت) اللي عندك و شفتها كلها سليمة ولا فيها مشكلة وعلي الريليهات نفسها و علي الفيش اللي رايحة للعلبة اللي راكبه فيها؟
هل حاولت تشوف اي فيشة حساس او اي حاجه تخص الكهرباء و راجعت علي اسلاك الفيش دي سلك سلك تحاول تختبر اذا كان راكب في السوكيت كويس ولا حد نتشه خلاه بقي سايب و بيعلق ؟

معلش انا اسف عارف اني كلامي كتير شوية و فيه جزئيات كتير رخمة في الكشف و لكن بنحاول نوصل لحل و اللي ممكن يكون فيه وصلة سلك بسيطة ملهاش لازمة ولكن مصدعاك و كلفتك ارقام كبيرة بدون معني !!!!
ربنا ييسرلك الحال و تتحل المشكلة ان شاء الله وانا واثق انها هتفرج قريبا طالما بنجتهد اننا نوصل للحل

تعديل للمشاركة :
نسيت أقلك
1- كمان ان الحساسات دي عيوبها عيوب كهرباء وليست ميكانيكا
2- مافيش حاجه اسمها تخزين... العيب اول ما بيحصل الكنترول بيسجله لحظيا و مش بيتمسح غير لو دخلت بجهاز تمسحة او فصلت البطارية تماما عن الكنترول فبيمسح الايرورز و بيعمل ريسيت لكل شيء و كمان حتي لو العيب حصل و اختفي تاني مش بيتمسح الايرور غير لو دخلت مسحته ولكن الكنترول بينتظم عمله لما العيب بيختفي ..

سالت علي ضفيره الموتور في التوكيل المره قبل الاخيره وقالي انها محتاجه تغيير
قولت له غيرها وكان سعرها 1200 جنيه
وبعد شوبه جالي المهندس وقالي ان الضفيره سليمه ومش محتاجه تغيير
طيب ياعم ايه الحل
قالي احنا ظبطنا للك الكهربه والعربيه بقت تمام
كل اللي عليك انك تغير علبه البيئه لان الموتور مكتوم
غيرتها وقعدت علي كده اسبوع بالتمام والكمال واللمبه نورت تاني
من ضمن الحجات اللي غيرتها الفيشه بتاعت البوابه
قولت يمكن تكون هي السبب لكن بلا فايده
اما مراجعه كل الفيوزات والفيش والسوكيتات
هو ده الاجراء اللي لازم اعمله لو نورت اللمبه تاني
مع اني طلعت علي اكتر من كهربائي
والكل يقعد يلف ويدور حوالين العربيه ويخلع مني بطريقه
بينه وبين نفسه انا هاوجع دماغي واقعد ادور علي عيب مخفي
وفي الاخر يايوصل للسب او مايوصلش
معظم الكهربائيه مش عايزين يتعبو نفسهم في عيب مش معروف
لكن وصلت لكهربائي الناس بتشكر فيه ومش بيتعامل الا مع العربيات الحديثه وعنده جهاز كشف اعطال
ربنا يسهل لو حصل مشكله هاطلع عليه
وكمان في حد قالي ان الكهربائي الواجب يراجع علي الضفيره وكهرباء العربيه كلها تقريبا بجهاز افو ميتر
الجهاز هايقدر يساعده ويكتشف اي تلميس او قطع في الاسلاك
منش عارف ربنا يسهل
ومن ضمان الحجات اللي غيرتها امس
بلف اسمه بلف الكانستر
وده مسؤل عن البخار الراجع من تانك البنزين لانه لو تالف بيعمل برجله في العربيه
هاشوف وكله علي الله

[ehab_mansour]

سالت علي ضفيره الموتور في التوكيل المره قبل الاخيره وقالي انها محتاجه تغيير
قولت له غيرها وكان سعرها 1200 جنيه
وبعد شوبه جالي المهندس وقالي ان الضفيره سليمه ومش محتاجه تغيير
طيب ياعم ايه الحل
قالي احنا ظبطنا للك الكهربه والعربيه بقت تمام
كل اللي عليك انك تغير علبه البيئه لان الموتور مكتوم
غيرتها وقعدت علي كده اسبوع بالتمام والكمال واللمبه نورت تاني
من ضمن الحجات اللي غيرتها الفيشه بتاعت البوابه
قولت يمكن تكون هي السبب لكن بلا فايده
اما مراجعه كل الفيوزات والفيش والسوكيتات
هو ده الاجراء اللي لازم اعمله لو نورت اللمبه تاني
مع اني طلعت علي اكتر من كهربائي
والكل يقعد يلف ويدور حوالين العربيه ويخلع مني بطريقه
بينه وبين نفسه انا هاوجع دماغي واقعد ادور علي عيب مخفي
وفي الاخر يايوصل للسب او مايوصلش
معظم الكهربائيه مش عايزين يتعبو نفسهم في عيب مش معروف
لكن وصلت لكهربائي الناس بتشكر فيه ومش بيتعامل الا مع العربيات الحديثه وعنده جهاز كشف اعطال
ربنا يسهل لو حصل مشكله هاطلع عليه
وكمان في حد قالي ان الكهربائي الواجب يراجع علي الضفيره وكهرباء العربيه كلها تقريبا بجهاز افو ميتر
الجهاز هايقدر يساعده ويكتشف اي تلميس او قطع في الاسلاك
منش عارف ربنا يسهل
ومن ضمان الحجات اللي غيرتها امس
بلف اسمه بلف الكانستر
وده مسؤل عن البخار الراجع من تانك البنزين لانه لو تالف بيعمل برجله في العربيه
هاشوف وكله علي الله

يارب يا مسهل

علبة البيئة ليس لها اي علاقة بالقصة دي ولا بلف الكانستر (علي فكرة البلف ده انا لغيته تماما في عربيتي السابقة لتلف المبخر نفسه و لم يحدث شيء و لغيته لوقت بسيط في عربيتي الحالية ولم يحدث تغيير يذكر لأنه مسئول عن فتح و غلق الخرطوم اللي بيودي بخار البنزين الزائد داخل المانيفول لمكثف البنزين عشان يتكثف و يرجع للتانك )و للامانه هو له تأثير و لكن بسيط جدا وبيخلي الأر بي ام يعلو قليلا في السلانسيه اوقات فصله وانت ماشي بالعربية علي سرعات و لكن بيرجع يرتاح تاني عادي جدا

علي فكرة هو فعلا مش هيعرف يراجع الضفيرة غير بأفوميتر و ده جهاز أساسي المفروض عند اي كهربائي او اي حد بيشتغل في الصيانة الكهربية و هيبين اي شيء ولكن فيه حاجه تانيه أفضل منه هي حاجه اسمها السيريا (ودي عبارة عن وصلة كهرباء 220 واصل علي أحد اطرافها لمبة 200 وات و بنخد طرفي المفتاح اللي هيشغل اللمبة في ايدينا و نختبر الوصلات الكهربية فقط بيه (الأسلاك يعني) نحط طرف علي احد أطراف السلك من ناحية و الطرف التاني في الناحية الأخري لو اللمبة نورت دون اهتزاز تبقي سليمة ولو نورت و فصلت او فضلت تعلق يبقي السلك ده فيه مشكلة ) و فكرة استخدام السيريا هو انه بتضع حمل عالي شوية (اللمبةال 200 وات) علي السلك فلو فيه حته بتعلف مش بتتحمل مرور التيار الي يشغل اللمبة فبتقطع وانا استخدمتها اكثر من قبل في اختبار لف المواتير الكهربية و اختبار عزل الملفات عن جسم الموتور و دي شبه تعليق الأسلاك كده

اسف علي كثرة الكلام لكن عشان يكون قدامك حلول كثيرة تجرب بيها

المهم عايزك لما تحاول تجرب حاجه من الفيوزات او الريليهات او اي فيش (جمع فيشه) تجرب حاجه حاجه و بعدها تشوف المشكلة راحت ولا لأ راحت يبقي المشكلة هنا في الحاجه دي ... لو ما راحتش تجرب حاجه تانيه و هكذا بهذه الطريقة هتقدر تحجم من المشكلة و تحددها في مكان معين

وربنا يوفقك لما فيه الخير و انا متاكد ان مشكلتك هتتحل قريبا ان شاء الله
بالتوفيق يا عزيزي هوجان

[hugan]

ربنا يكرمك باشمهندس ايهاب
ان شاء الله اي جديد هاديك خبر
وربنا يصلح الحال والمشكله تتحل
يا رب

[hugan]

ربنا يكرمك با شمهندس ايهاب
انشاء الله اي جديد هاقولك
ربنا يصلح الحال واقدر اوصل لنتيجه
متشكر جدا

[No Comment]

متابع ومستمتع بطريقة التفكير للوصول للحل ... وربنا يعينك وتوصل لحل المشكلة قريباً .

[ehab_mansour]

متابع ومستمتع بطريقة التفكير للوصول للحل ... وربنا يعينك وتوصل لحل المشكلة قريباً .

يا مسهل الحال ربنا يوفقه ان شاء الله
مش معقول فيه حد متابع ده انا بقالي كام يوم بتكلم انا و الراجل لوحدنا ههههههههههههه
بس تصدق ان كده بيكون أسهل للمتابعه و عشان الواحد ميتهش في المشاركات
بس برضه بتحس انك في صحراء ههههههه و مافيش اي معونات

[No Comment]

يا بشمهندس ايهاب المواضيع اللى من العينة دى هية اللى تستحق ان الواحد يتابعها ... لان الواحد بيزود معلوماته من خلالها عن طريق التجارب اللى بتعملوها .
ومعلش الواحد مش قادر يقدم افكار جديدة بعد كم الافكار اللى انتوا قدمتوها ... مع ان المشكلة فى النهاية ممكن تكون بسبب حاجة عبيطة بس ما تخطرشى على بال حد .

[hugan]

متابع ومستمتع بطريقة التفكير للوصول للحل ... وربنا يعينك وتوصل لحل المشكلة قريباً .

يارب اقدر اوصل لحل
شرفت الموضوع

يا مسهل الحال ربنا يوفقه ان شاء الله
مش معقول فيه حد متابع ده انا بقالي كام يوم بتكلم انا و الراجل لوحدنا ههههههههههههه
بس تصدق ان كده بيكون أسهل للمتابعه و عشان الواحد ميتهش في المشاركات
بس برضه بتحس انك في صحراء ههههههه و مافيش اي معونات

لكن لو في حد تاني شارك ممكن يكون عنده معلومه او مر بتجربه مشابهه ونقدر نوصل لحل

يا بشمهندس ايهاب المواضيع اللى من العينة دى هية اللى تستحق ان الواحد يتابعها ... لان الواحد بيزود معلوماته من خلالها عن طريق التجارب اللى بتعملوها .
ومعلش الواحد مش قادر يقدم افكار جديدة بعد كم الافكار اللى انتوا قدمتوها ... مع ان المشكلة فى النهاية ممكن تكون بسبب حاجة عبيطة بس ما تخطرشى على بال حد .

باشمهندس ايها ب علي العموم البشاير ابتدت تبان النهارده راجع من التجمع
العربيه مخنوقه وفي انتظار اللمبه الكريمه انها تنور

[ehab_mansour]

يارب اقدر اوصل لحل
شرفت الموضوع


لكن لو في حد تاني شارك ممكن يكون عنده معلومه او مر بتجربه مشابهه ونقدر نوصل لحل



باشمهندس ايها ب علي العموم البشاير ابتدت تبان النهارده راجع من التجمع
العربيه مخنوقه وفي انتظار اللمبه الكريمه انها تنور

يا ريت اتمني مشاركة اي حد يفيدنا بشيء
وربنا يسهل و جرب و شوف ايه الموضوع

[hugan]

باشمهندس ايهاب
زي ما قولت لك امس
اللمبه نورت النهارده بس في حاجه حصلت ولاول مره

انا خرجت الصبح عادي والعربيه تمام لكن في احساس ان العربيه مش مضبطه
المهم وصلت الشغل وجالي مشوار بعد
حوالي ساعتين
دورت العربيه ومشيت حوالي 2 كيلو
فجاءه لقيت دواسه البنزين فصلت والعربيه دايره زي ماهي
طفيت ودورت تاني نفس الكلام
بعد كام محاوله الدواسه استجابت ودوست بنزين جامد لقيت اللمبه طفت لوحدها وعلي غيرالمعتاد ان اللمبه لما تنور ما تطفيش تاني
المهم الموضوع اتكرر معايا حوالي 3 مرات ونفس النظام بالضبط واللمبه تطفي
وخلصت مشاويري واللمبه مطفيه لحد ماروحت البيت ومفيش اي حاجه
الدواسه بتفصل ايوه لكن الجديد اللمبه بتطفي تاني

اتصلتباتنين من الميكانيكه اللي اتعاملت معاهم
الكل اجمع علي ان العيب بوابه وقالولي افصل كابل البطاريه ووصله تاني بس انا ما عملتش كده
الكلام ده مش بياكد ان العيب عيب الكهرباء الواصله مابين دواسه البنزين والبوابه ولا ايه رائيك

[ehab_mansour]

باشمهندس ايهاب
زي ما قولت لك امس
اللمبه نورت النهارده بس في حاجه حصلت ولاول مره

انا خرجت الصبح عادي والعربيه تمام لكن في احساس ان العربيه مش مضبطه
المهم وصلت الشغل وجالي مشوار بعد
حوالي ساعتين
دورت العربيه ومشيت حوالي 2 كيلو
فجاءه لقيت دواسه البنزين فصلت والعربيه دايره زي ماهي
طفيت ودورت تاني نفس الكلام
بعد كام محاوله الدواسه استجابت ودوست بنزين جامد لقيت اللمبه طفت لوحدها وعلي غيرالمعتاد ان اللمبه لما تنور ما تطفيش تاني
المهم الموضوع اتكرر معايا حوالي 3 مرات ونفس النظام بالضبط واللمبه تطفي
وخلصت مشاويري واللمبه مطفيه لحد ماروحت البيت ومفيش اي حاجه
الدواسه بتفصل ايوه لكن الجديد اللمبه بتطفي تاني

اتصلتباتنين من الميكانيكه اللي اتعاملت معاهم
الكل اجمع علي ان العيب بوابه وقالولي افصل كابل البطاريه ووصله تاني بس انا ما عملتش كده
الكلام ده مش بياكد ان العيب عيب الكهرباء الواصله مابين دواسه البنزين والبوابه ولا ايه رائيك

أهلا بيك عزيزي هوجان منور طبعا
كده العيب بدأ ينحسر تقريبا في ثلاث حاجات و اهمها بالترتيب من الأهم الي الأقل اهميه :-
1- الدواسة نفسها هي اللي بايظة او بتعلق و عمله معاك القلق ده كله لأن كما شرحنا من قبل ان الدواسة دي عبارة عن مقاومة متغيرة بريش راكبه علي الدواسة و من السهل انها تبوظ من التراب او من الاستخدام او من اي وسخ ييجي عليها او بتتأكل من كثرة احتكاك الريش بتاعتها مع جسم المقاومة نفسه

دليلي الثاني انها الدواسة ان اللمبة طفت لما دوست جامد و ده معناه انك دخلت بالدواسة في منطقة في نهاية المقاومة و المنطقة دي سليمة و غير متأكله و اعطت قيمة مناسبة لحركتها دون اهتزاز للقيمة عشان كده طفت اللمبة

2- فيشة الدواسة او الوصلة بينها و بين الكنترول و دي تاني احتمال ممكن يكون هو السبب

3- البوابة و دي احتمال ضعيف ان ممكن يكون موتور البوابة لا يستجيب احيانا مع قيمة الجهد البسيط اللي بيروحله من الكنترول عشان يحرك البوابة ولما بتحاول معاه مره و اتنين بأعلي جهد ممكن يوصله (دوستك علي الدواسة للأخر) بيتحرك و شتغل تاني بشكل طبيعي و ده من رأيي هو أقل احتمال ليه !!!!!!!!!!!!!!!! لأن موتور البوابة لو فصل تماما مش هيفتح قيمة السلانسيه و حتي لو المحرك داير و قادر يدور لأول مرة تحصل المشكلة لو طفيته و البوابة مشتغلتش مش هيدور تاني

و عشان نأكد ان البوابة سليمة هل لما كانت المشكلة موجوده و طفيت و دورت مرتين ثلاثة كان الموتور بيعلي شوية و بعدين يرجع لقيمة السلانسيه الطبيعية ولا لأ ؟
هل الموتور لما كان داير و لا يستجيب للدواسة كان داير بشكل طبيعي علي قيمة السلانسيه و عدد اللفات الطبيعي له ولا بيرجرج ولا بيعلي و يوطي ولا ايه بلضبط اوصفلي داير ازاي ؟

منتظر ردك سريعا

[hugan]

أهلا بيك عزيزي هوجان منور طبعا
كده العيب بدأ ينحسر تقريبا في ثلاث حاجات و اهمها بالترتيب من الأهم الي الأقل اهميه :-
1- الدواسة نفسها هي اللي بايظة او بتعلق و عمله معاك القلق ده كله لأن كما شرحنا من قبل ان الدواسة دي عبارة عن مقاومة متغيرة بريش راكبه علي الدواسة و من السهل انها تبوظ من التراب او من الاستخدام او من اي وسخ ييجي عليها او بتتأكل من كثرة احتكاك الريش بتاعتها مع جسم المقاومة نفسه

دليلي الثاني انها الدواسة ان اللمبة طفت لما دوست جامد و ده معناه انك دخلت بالدواسة في منطقة في نهاية المقاومة و المنطقة دي سليمة و غير متأكله و اعطت قيمة مناسبة لحركتها دون اهتزاز للقيمة عشان كده طفت اللمبة

2- فيشة الدواسة او الوصلة بينها و بين الكنترول و دي تاني احتمال ممكن يكون هو السبب

3- البوابة و دي احتمال ضعيف ان ممكن يكون موتور البوابة لا يستجيب احيانا مع قيمة الجهد البسيط اللي بيروحله من الكنترول عشان يحرك البوابة ولما بتحاول معاه مره و اتنين بأعلي جهد ممكن يوصله (دوستك علي الدواسة للأخر) بيتحرك و شتغل تاني بشكل طبيعي و ده من رأيي هو أقل احتمال ليه !!!!!!!!!!!!!!!! لأن موتور البوابة لو فصل تماما مش هيفتح قيمة السلانسيه و حتي لو المحرك داير و قادر يدور لأول مرة تحصل المشكلة لو طفيته و البوابة مشتغلتش مش هيدور تاني

و عشان نأكد ان البوابة سليمة هل لما كانت المشكلة موجوده و طفيت و دورت مرتين ثلاثة كان الموتور بيعلي شوية و بعدين يرجع لقيمة السلانسيه الطبيعية ولا لأ ؟
هل الموتور لما كان داير و لا يستجيب للدواسة كان داير بشكل طبيعي علي قيمة السلانسيه و عدد اللفات الطبيعي له ولا بيرجرج ولا بيعلي و يوطي ولا ايه بلضبط اوصفلي داير ازاي ؟

منتظر ردك سريعا

شوف حضرتك
ايوه الموتور بيعلي وده كان العنوان الرئيسي للموضوع بيعلي عند بدء الدواره وبعد كده يبقي طبيعي
لكن علوه عند بدء الدواره هو اللي غير طبيعي
زي ماقولت كانك دايس بنزين
والدواسه فاصله الموتور علي السلانسيه طبيعي
وانا معاك في ان البوابه سليمه لان زي ماحصرتك قولت لو البوابه السبب العربيه هاتبرجل في السلانسيه او ما تدورش خالص لان البوابه ما بتفتحش صح ولا غلط

[hugan]

نسيت الدواسه كانت من ضمن الحاجا ت اللي انا غيرتها
انا ميل جدا للا حتمال رقم 2
وهو الكابل الواصل ما بين الدواسه والكنترول ومنه الي البوابه

[ehab_mansour]

شوف حضرتك
ايوه الموتور بيعلي وده كان العنوان الرئيسي للموضوع بيعلي عند بدء الدواره وبعد كده يبقي طبيعي
لكن علوه عند بدء الدواره هو اللي غير طبيعي
زي ماقولت كانك دايس بنزين
والدواسه فاصله الموتور علي السلانسيه طبيعي
وانا معاك في ان البوابه سليمه لان زي ماحصرتك قولت لو البوابه السبب العربيه هاتبرجل في السلانسيه او ما تدورش خالص لان البوابه ما بتفتحش صح ولا غلط

صح
وعلي كرة صدقني الارتفاع اللي بيحصل مع بدأ الدوارة ده طبيعي للمحركات دي المهم انه يكون مبيطولش يعني يرفع و ينزل علطول يبقي مافيش مشكلة

عليك و علي دواسة البنزين و علي فكرة لو فيه حد بيفهم في الالكترونيات كويس شافها لما تفكها هيرعف هي بايظة ولا لأ من غير تغيير علي العموم لما تفكها عايز اشوف صورتها ماشي

للتتأكد من انها الدواسة هتعمل ايه ... في وقت العربية تكون سليمة و زي الفل هتقوم حضرتك مرجع كرسي السائق للأخر و تنام عند الدواسة حتي تصل الي فيشة الدواسة افصلها خالص و دور العربية بعدها و شوف ايه بيحصل

هتلاقي اللمبة نورت و العربية دايرة تمام
هتطفيها و ترجع تحط الفيشة و تدور هتلاقي كله تمام و مافيش مشاكل
لما تحصل الحركة دي معاك حاول لو عندك wd40 تنزل علي الجزء الكهربي للدواسة (المقاومة و تديها رشة ) تمام و تقوم مدور هتلاقي المشكلة اختفت ان شاء الله و لكن اعتقد انها محتاجه كده تتغير وده استنتاج من الحوار بينا كله من الأول للأخر

[ehab_mansour]

نسيت الدواسه كانت من ضمن الحاجا ت اللي انا غيرتها
انا ميل جدا للا حتمال رقم 2
وهو الكابل الواصل ما بين الدواسه والكنترول ومنه الي البوابه

كده المعادلة اختلفت ههههههههههههه

عموما معاك ان احتمال كبير يكون الكابل او الفيش و خلي بالك ان البوابة و كابلها و توصيلها ملهاش علاقة بالدواسة و كابلها و توصيلها لأن الاتنين متجمعين في جزء مشترك وهو الكنترول يونت

لأن البوابة مش بتاخد اشاراتها غير من الكنترول و الكنترول هو اللي بياخد من الدواسة
علي العموم جرب و شوف هتعمل ايه وانا منتظر تقلي وصلت لايه