حسبي الله ونعم الوكيل في المطبات واللي بيعملوها

[Khaled Lanos]

بسم الله الرحمن الرحيم

الموضوع ياجماعة اننا من 5 ايام كدا كنت راجع من 6 اكتوبر لزايد, المهم بعد مول العرب كدا بشوية كنت ماشي 140 كيلو بالظبط ومشغل النور العالي والطريق ضلمة أوي وشايف بالعافية..فجأة وبدون أي سابق انذار لقيت مطب كبير مرة واحدة في وشي حتى ملحقتش أفرمل أصلا..قومت واخده مرة واحدة كدا على 140 كيلو كيلو..أقسم بالله العربية طارت من على الأرض في ثواني ونزلت مرة واحدة وسمعت صوت طاااااااااااااااااااخ قومت هديت السرعة وركنت على جمب وشغلت الانتظار ونزلت أبص على العربية من تحت وفتحت الكبوت بردو لكن الحمد لله محصلش حاجة..

وكان قلبي بيتقطع على العربية

المهم كملت واحدة واحدة لحد ما وصلت البيت وركنتها وكنت متدايق اوي من اللي حصل..

والحمد لله انها جات على قد كده والعربية متقلبتش ولا كان في حد قدامي كان زمان عملت حادثة كبيرة..

على فكرة انا كنت لوحدي يمكن عشا كدا طارت بيا ههههههههه

عموما يا جماعة أنا متدايق أوي من حوار المطبات دا بصفة عامة المفروض يكون في في تحذير قبليها بنص كيلو ولا حاجة عشان الناس تاخد بالها مش مرة واحدة كدا..

وبعدين هما يحطو مطبات على طريق سريع ليه أصلا؟

وكمان لا في نور في الشارع ولا حاجة والدنيا ضلمة والواحد بيشوف بالعافية بالليل..

حاجة تخنق والله..مش هقول إلا حسبي الله ونعم الوكيل..

ياريت تشاركو في الموضوع دا عشان نعرف ازاي نتفادى المطبات المفاجئة دي..

وتحياتي للجميع.

[yalahwy2010]

أى مطب بيتحط ....بيبقى عشان حصلت حادثة فى المكان ده.......فا عشان يهدوا الناس.....بيعملوا مطب....وتغور فى داهية الناس اللى راكبة العربيات
احنا فى الزقازيق بيعملوا مطبات فوق الكوبرى............حاجة مسخرة........كان فى مطبات كتيرة برضه على كوبرى على طريق الاوتوستراد........مليان مطبات..........حاجة بصراحة تقرف........
المشكلة ان مافيش أى وسائل تنبيه ولا يافطة ولا كشافات اضاءة تنور للعربيات وتعرفهم ان فى مطب......للأسف

[graffittiii]

يبقي أنت أكيد ف مصر ...
حمدالله علي سلامتك ياباشا وربنا ستر الحمدلله ..

[احمد المصرى]

معلش انا مختلف معاكم يا شباب الطريق دا من اسؤا الطرق فى مصر اولا لو اخد بالك هتلاقى الدركسيون فى ايدك مش مظبوط ودا عيب ارضيه الطريق مايله شويه حلوين ثانيا بعد ميدان جهينه وانت رايح على هايبر هتلاقى هبوط ارضى جامد فى الشمال بقالوا سنين


وجود المطبات فى الطريق دا لازم مع انه مش حل لانه طريق سريع بس بدون المطبات كنت بتلاقى حوادث يوميا كتير جداااااااااااا وعربيات مقلوبه وناس ميته وهيا بتعبر الطريق حاليا الحوادث موجوده بس اقل من الاول بكتير


معادله صعبه جداااااااااااااا العربيات ولا الناس ال بتعبر الشارع دا المفروض انه طريق سريع ولا يوجد فيه عبور مشاه بس هتحلها اذاى ؟؟؟؟؟؟؟؟؟؟؟؟

معادله صعبه جداااااااااااااااااااااااا

[Salamonti]

حضرتك أصلا الطريق ده ماينفعش تجري فيه..

وعموما بعد كده ابقا خد بالك وانت معدي منه
أي منطقة فيها مول أو تجمع أو مكان خدمات لازم هاتلاقي عندها مطبين مش مطب واحد
مطب قبلها عشان يهدي العربيات تحسبا لعبور المشاه
ومطب بعدها عشان يهدي العربيات تحسبا لأي عربيات تانية طالعة من البارك..

فانت حط دي قاعدة أساسية في دماغك هاتلاقي نفسك بتهدي أوتوماتيك كل ما بتقرب من مول أو مكان فيه تجمعات كبيرة عشان عارف انك هاتقابل المطبين..

[HAITHAM1985]

أى مطب بيتحط ....بيبقى عشان حصلت حادثة فى المكان ده.......فا عشان يهدوا الناس.....بيعملوا مطب....وتغور فى داهية الناس اللى راكبة العربيات
احنا فى الزقازيق بيعملوا مطبات فوق الكوبرى............حاجة مسخرة........كان فى مطبات كتيرة برضه على كوبرى على طريق الاوتوستراد........مليان مطبات..........حاجة بصراحة تقرف........
المشكلة ان مافيش أى وسائل تنبيه ولا يافطة ولا كشافات اضاءة تنور للعربيات وتعرفهم ان فى مطب......للأسف

إزيك يا زقازيقى ......... فين المطبات دى اللى فوق الكوبرى ....... متفتريش على المدينة المعفنة أكتر ما هى معفنه .......... هههههههه

[shaddadfalcon1]

نفس الموقف حصل معايا وكنت حوالي 130 وهوووووووووووب البس يامعلم وكنت راجع من الصحراوي والعربيه متظبطه وصارف عليها ومبسوط قوي منها وساعتها حسيت ان كل مسمار في العربيه اتكسر وهديت نزلت ل 90 ودوست بنزين لقيت العربيه ماشيه عادي وهوووووووووووووووووووووووووووب المطب التاني وكان مطب بلدي يامعلم وعالي من ناحيه وواطي من ناحية وقلت بس العربيه هتتقلب والحمد لله ربنا سترها وكل ده عشان طريق معلهوش اناره وعذب في كل حته والبشوات عند اي طريق او بيت بيرمو مطب وشكرا

[saadelden]

يااااااااااااه , انا لبست المطب دا علي 80 :d
مكانه غبي جدا و حته مضلمه و معليهوش اي اشاره و ف منزل
يعني الي عمله في المكان دا قمه التخلف و الغباء

بس انا شوفته علي اخر لحظه و خدته علي 80

[ma7amadk]

والله أنا زيك بعاني من المشكلة دي
وخصوصا إني يوميا بمشي على الطريق ده ومع كده كذا مرة أخد مطب بسرعة بسبب ان مفيش أي عواكس أو حاجة تبين المطب ده
بس عندي سؤال للمسؤولين عن عمل المطبات في شوارعنا المحروسة
ليــــــــــــــــــــــه مش بتصمموا المطبات زي كده؟؟
ليــــــــــــــــــــــــــــــــــــــــه؟؟؟؟؟؟؟ ؟؟؟
والله العظيم مش هتكلفكوا حاجة قصاد الدعوات والشتايم اللي بتاخدوها
ليه طيب على الأقل ما تبقاش المطبات زي اللي على طريق الواحات اتجاه الرماية
كده كده الناس بتهدي بس ع الأقل اللي بيلبس المطب الأضرار بتبقى أخف








وليه مش بيحلالكو تعملوا مطب إلا في الأماكن الضلمة بالذااااااات





وسؤال للناس اللي بتعدي الطريق
ليييييه مش بيحلالكو تعدو الطريق غير في المنحنيات وقبل المطبات؟؟
ما تعدوا بعد المطب بمسافة كافية ع الأقل تكون العربية هدت خالص وما تشيلش واحد ....* فيكو
ما تعدوا في الطرق المستقيمة ع الأقل اللي جاي ما يتفاجئش إن فيه ب....*ييييييم بيعدي الطريق

[bmya]

ده العادي انا كنت بزعل اوي لما ابس مطب وبعدين اتعودت وحسبي الله ونعم الوكيل انا اكلت مطب اهالي اللي هو صبه وعالي جبلي بالونتيت في فرديتين كاوتش وعوجلي الجنوط وبوظلي بلي العجل

[dongol123]

كلنا بنعاني من حكاية المطبات دي و المفروض المطبات دي لازم يبقي متخطط لها هتتحط فين و ازاي مش اي حد يروح عامل مطب قدام بيتهم و خلاص

[nicegypt]

بالنسبة للمطبات والطريق .. ف مش معنى ان وجود مطب يقلل حوادث .. بل ممكن يعمل حادث شنيع كمان
لان ممكن العربية تتقلب .. وبالتالى اي مطب يتعمل لازم يكون مطب قانوني مش اهالي ولازم يكون قبلة علامة فسفورية
ومضيئة بنص كيلو على الاقل زي البلاد المحترمة .. لكن احنا بلدنا ماشية بدعا الوالدين

بالنسبة لعربيتك حضرتك : متستهونش ابداَ بالموضوع .. اي مطب حتى لو كلتة على 90 ك لازم تكشف على عربيتك
روح لعفشجى اكشف ع العفشة كلها لو سليمة بأذن الله هتديلة عشرة جنية وتمشى وتبقى اطمنت على عربيتك
وخلي سمكري يبص ع الشاسية والدنجل الخلفي والعفشجى هيبص ع المساعد والبطاحات والدشمة من تحت لفوق
اي مطب تاكلة لازم يترك اثر ولو 5 % ف العربية .. وممكن يعمل شروخ ومتبانش غير مع الوقت .. ربنا يستر طريقنا جميعا ويحفظها لك بس نصيحة منى اكشف عليها عشان تطمن نفسك

[AhMeD MeTwAlY]

أى مطب بيتحط ....بيبقى عشان حصلت حادثة فى المكان ده.......فا عشان يهدوا الناس.....بيعملوا مطب....وتغور فى داهية الناس اللى راكبة العربيات
احنا فى الزقازيق بيعملوا مطبات فوق الكوبرى............حاجة مسخرة........كان فى مطبات كتيرة برضه على كوبرى على طريق الاوتوستراد........مليان مطبات..........حاجة بصراحة تقرف........
المشكلة ان مافيش أى وسائل تنبيه ولا يافطة ولا كشافات اضاءة تنور للعربيات وتعرفهم ان فى مطب......للأسف

إزيك يا زقازيقى :10d5c8w1107::10d5c8w1107: ......... فين المطبات دى اللى فوق الكوبرى :n_no[1]::n_no[1]: ....... متفتريش على المدينة المعفنة أكتر ما هى معفنه .......... هههههههه

دا المطب نفسه كوبري
شوفتو طريق الزقازيق المنصوره لحد ديرب نجم بقئ عليه اكتر من 35 مطب في 21 كيلو
ويا سلام علي القوميه بمطبتها حاجه تشرخ القلب وبلعتها
في مره كنا بنعمل مطب في مكان معين علي طريق قدام مدرسه فبنتكلم مع الناس الي بتعمل المطب لو يا جماعه خلو المطب مفرود عشان العربيات مش واقف كدا
الرد انت هتفهمنا شغلنا يا استاذ واتعمل المطب والبسو يا حلوين

[MIGOS]

فين إدارة الطرق والكباري
بلاش ديه
فين فلوس الضرائب اللي بندفعها يا ولاد التيت اللي بتلموها على حس تحسين الطرق يا ولاد التيييييييت
بلاش ديه
فين المرور اللي بيلم مخالفات بس فين العلامات التحذيريه فين مهندسين الطرق بالمرور اللي بيلموا فلوس بس من غير شغل
الضريبه السنويه اللي بيلموها على العربيات غصب واقتدار يا حراميه يا ولاد التييييييييييييييييييييييت بتروح فين وليه
لو جاوبت على الأسئلة اللي فاتت يمكن تعرف سبب اللي حصلك

[mem]

للاسف كل مطبتنا عشوائية بل هى السبب فى كثيير جدااااااااا من حوادث الطرق
واللى زاد وغطا المطبات اللى على الطرق السريعة واللى ولا مدهونة ولا يفطه ولا تصميم هندسى
ربنا يسترها علينا وحسبى الله ونعم الوكيل فى كل من يستهتر بارواح الناس وممتلكاتهم