حسبي الله ونعم الوكيل في المطبات واللي بيعملوها

[S O P H O S]

متزعلش يا خالد ما انا كنت عندكوا وخت مطب هدية برضوا
وانت كنت معايا اظن ...
بس ربنا بيستر
الحمد الله علي كل شئ ..

[mazher_m]

المطبات في مصر
حاجه كده زي طبق الفول الصبح مينفعش تعيش من غيره
وزي فانوس رمضان مينفعيش يجي رمضان من غير فاونيسه
لو مشيت في طريق من غير مطبات تحس بالغربه وانك مش في مصر

[semi]

انا خدت مطب برضه على طريق الماظة كنت ماشي بالليل وعلى سرعة 100 تقريبا
فجأة وبدون سابق انذار لقيت مطب طلعلي زي الكالو في الشارع
وسريعا بيكون ادامك حل من الاتنين اما تضرب فرامل والعربية تصعب عليك من التزعيق اللي هتزعقه
او تلبس المطب والعربية هتصعب عليك برضه من الهبده
او لو انت ماشي بسرعة عالية هتلبس الخيارين غصبا عنك
وانا مش معترض بتااااااتا على المطبات او انها تتعمل بأي صورة بس يعملوا تحذيرات قبلها
لوحة حقيرة مش هتكلف الدولة 50 جنيه تتحط هتوفر على الناس كتير او اضاءة سفلة تتعمل عند المطب عشان يتشاف
لكن لا اضاءة ولا اشارات واشوف المطب قبل منه ب10 متر تكون النتيجة كاوتش يبوظ مني بسبب بالونة طلعت في
وحسرة على هبدة العربية اللي دافع فيها دم قلبي فده حرام بجد

ودايما كل اللي بيحصله كده ردة فعله واحدة لا تتغير حسبي الله ونعم الوكيل فهنيئا لمسؤلي تلك الطرق

[ahmedhawas]

إزيك يا زقازيقى :10d5c8w1107::10d5c8w1107: ......... فين المطبات دى اللى فوق الكوبرى :n_no[1]::n_no[1]: ....... متفتريش على المدينة المعفنة أكتر ما هى معفنه .......... هههههههه

عادي يا باشا.
طيب ده كمان في بلاعات في الكباري .. زي البلاعة اللي في مطلع كوبري التجنيد من ناحية إدارة التجنيد والتعبئة.

[yalahwy2010]

إزيك يا زقازيقى ......... فين المطبات دى اللى فوق الكوبرى ....... متفتريش على المدينة المعفنة أكتر ما هى معفنه .......... هههههههه

كوبرى الزراعة على طريق اسماعيلية الزقازيق.......شكلك ما بتعديش من هناك

[sakr_skoda]

بس بجد المطب غلطان ومعندهوش اى دم كان لازم يرفع ايدة ويقول انا هنا على العموم بنفكر نعمل اضائة مدفونة فى المطباط بس تنور للناس الى بتمشى اكتر من 120 كيلو وخاصة باليل يعنى حضرتك مش غلطان دا انتا يدوبك كنت ماشى على 140 كيلو فى الساعة وهى دى برضوه سرعة وهو حضرتك راكب سلحفة ....

على فكرة يجماعة 99 % من الحوادث بسب السرعة الجنونية والنهاردة وانا جارى لسى دلوقتى الطريق امام البنزينة بسم الله مشاء الله مقفل من بعيد لمحتة هديت لاكن واحد محترم معجبوش ازاى تهدى وجاى من الخلف على 120 تقريبا ويدوبك المسافة البينية بينى وبين المامى7 متر راح لازق فيهم ولا كان يلذق فى لورى طيب ليه ما تشوف اللى قدامك ليه بيهدى اخبار الطريق ايه للأسف احنا شعوب العالم الثالث ليس لدينا اخلاق القيادة ابدا الا من رحم ربى ربنا يسترها معانا ويهدينا ويهدى جميع الطيارين....*

[shaddadfalcon1]

بس بجد المطب غلطان ومعندهوش اى دم كان لازم يرفع ايدة ويقول انا هنا على العموم بنفكر نعمل اضائة مدفونة فى المطباط بس تنور للناس الى بتمشى اكتر من 120 كيلو وخاصة باليل يعنى حضرتك مش غلطان دا انتا يدوبك كنت ماشى على 140 كيلو فى الساعة وهى دى برضوه سرعة وهو حضرتك راكب سلحفة ....

على فكرة يجماعة 99 % من الحوادث بسب السرعة الجنونية والنهاردة وانا جارى لسى دلوقتى الطريق امام البنزينة بسم الله مشاء الله مقفل من بعيد لمحتة هديت لاكن واحد محترم معجبوش ازاى تهدى وجاى من الخلف على 120 تقريبا ويدوبك المسافة البينية بينى وبين المامى7 متر راح لازق فيهم ولا كان يلذق فى لورى طيب ليه ما تشوف اللى قدامك ليه بيهدى اخبار الطريق ايه للأسف احنا شعوب العالم الثالث ليس لدينا اخلاق القيادة ابدا الا من رحم ربى ربنا يسترها معانا ويهدينا ويهدى جميع الطيارين....*

مع كل احترامي لراي حضرتك بس انت لو ماشي في طريق رايح جي ومعلهوش لمبه توحد ربنا وكل اللي جي في وشك نقل وضارب العالي او انت ماشي لوحدك فيه ونور عربيتك مش مساعد فانت هتلبس هتلبس

انا الطريق اللي حكيت عليه ده بمشي 50 او 60 وبرده بلبس المطب لانك مش بتشوف المطب غير لما تبقي قبله بحوالي 10 ولا 20 متر بالكتيير قوي يعني عقبال ماتمسك فرامل ياالعربيه تصرخ ياتلبسه وعشان كده بطلت امشي من علي الطريق ده خالص

لما يبقي طريق معلهوش بني ادم بس لمجرد ان في شوية بشر بتعدي من عليه بالنهار والطريق اصلا مش زحمه والعربيات خفيفه عليه وتلاقي كل كيلو مطب غبي يبقي ده اسمه ايه؟

[monamize4]

حضارتكوا كل دى مطبات محترمة تتاخد ع 140 و العربية تمشى بعدها ,,,, احنا عندنا الناس المحترمة بتعمل مطب من الاسمنت و الزلط عالى من حتة و واطى من حتة و غالبا الحتة الواطية ناحية المية ف انت تطير و تنزل ف المية (بيفكرنى بالdiving) اما الناس التانية بتعمل حاجة اسهل بتكسر الاسفلت و النوع دا من المطبات بعد ما تاكله ممكن يحصل اى حاجة
ياريت يا جماعة اللى بيسافر يركب زينوننضيف و يا سلام لو يجيب فوانيس فيها lens الصراحة حاجة تانى

[tutankhamoun]

المطبات دي أتعملت يا أستاذ خالد علشان السواقين اللي زي ساعدتك و بتمشي 140 كم - س بالليل في الضلمة و هو مش شايف على طريق سرعته القصوى 90 تقريبا .

أنا مع المطبات قلبا و قالبا .......... و لو شالوا المطبات يوضع مكانها رادارات !!!!!!!


حرام بجد اللي أحنا بنعمله ده و حرام عليك نفسك ........ أفرض فعلا فيه حد بيعدي الطريق ؟؟؟

أعذرني و لكننا في مصر قمة الأستهتار بصراحة (كلنا )

[friendship7897]

العنوان الصح : حسبي الله ونعمة الوكيل في الشوارع واللي بيعملوها - لأن الشوارع كلها مطبات .
الغريب بأة - إن فيه تقاطع في الحي السابع في مدينة نصر التقاطع دا كان كل يوم حادثة - وكل حادثة أبشع من التانية - فكتبت خطاب رسمي للحي أطالب بعمل مطب في المكان دا - قالو لي - لأ - مش هنقدر نستلم الخطاب - المفروض الخطاب يتوجه لهيئة الطرق ، غيرت العنوان وحولته لهيئة الطرق وعلى الجواب توقيعات أغلبية السكان ، لما والدي راح يسلمه - قالو له هو جنب المكان اللي أنت عايز تعمل فيه المطب جنبه جامع أو مدرسة - فقال لأ بعيد شوية صغيرة - بس تقاطع خطر - قالو مينفعش رحمة بالسيارات ( أحنا بنعمل المطبات بحساب ) ، وعموماً أرفق بالخطاب خريطة للمنطقة ( خريطة للمنطقة !!! ) أجيبها منين دي ؟! - وبعد الإستغاثة أحد الطلاب في المنطقة أتبرع ورسم رسم كوريكي للمنطقة ، ومن يوميها ما شوفت أي رد فعل لكل اللف دا ؟
ما الحكومة صاحية أهيه وما بتعملش أي مطب

[Mzeid]

انا مش عارف هو دة ولا لا ...
صاحبي لبسه قبل كدة على 120

و حمد لله على سلامتك :)

[Khaled Lanos]

أى مطب بيتحط ....بيبقى عشان حصلت حادثة فى المكان ده.......فا عشان يهدوا الناس.....بيعملوا مطب....وتغور فى داهية الناس اللى راكبة العربيات
احنا فى الزقازيق بيعملوا مطبات فوق الكوبرى............حاجة مسخرة........كان فى مطبات كتيرة برضه على كوبرى على طريق الاوتوستراد........مليان مطبات..........حاجة بصراحة تقرف........
المشكلة ان مافيش أى وسائل تنبيه ولا يافطة ولا كشافات اضاءة تنور للعربيات وتعرفهم ان فى مطب......للأسف

ماشاء الله 25 مشاركة في الموضوع!!

دا شكل الناس كلها زيي كدا قرفانة من المطبات هههههههههههه

--------------------------------------------

والله بقت حاجة مقرفة جدا والواحد مبقاش عارف يعمل ايه..المفروض اقلها يحطو تحذير ولا حاجة قبل المطب.

[Khaled Lanos]

يبقي أنت أكيد ف مصر ...
حمدالله علي سلامتك ياباشا وربنا ستر الحمدلله ..

الله يسلمك ياباشا..وربنا يستر طريق الجميع

وتحياتي ليك.

[Khaled Lanos]

معلش انا مختلف معاكم يا شباب الطريق دا من اسؤا الطرق فى مصر اولا لو اخد بالك هتلاقى الدركسيون فى ايدك مش مظبوط ودا عيب ارضيه الطريق مايله شويه حلوين ثانيا بعد ميدان جهينه وانت رايح على هايبر هتلاقى هبوط ارضى جامد فى الشمال بقالوا سنين


وجود المطبات فى الطريق دا لازم مع انه مش حل لانه طريق سريع بس بدون المطبات كنت بتلاقى حوادث يوميا كتير جداااااااااااا وعربيات مقلوبه وناس ميته وهيا بتعبر الطريق حاليا الحوادث موجوده بس اقل من الاول بكتير


معادله صعبه جداااااااااااااا العربيات ولا الناس ال بتعبر الشارع دا المفروض انه طريق سريع ولا يوجد فيه عبور مشاه بس هتحلها اذاى ؟؟؟؟؟؟؟؟؟؟؟؟

معادله صعبه جداااااااااااااااااااااااا

كلامك صحيح ياباشا فعلا بحس إن الدريكسيون مش مظبوط والعربية بتميل شمال شوية وأنا ماشي..

طيب انت بتعدي على الطريق دا وعارفو بشكل شبه يومي ربنا يكون في عونك..

وبعدين ياباشا مقولناش حاجة يحطو مطبات في الطريق عشان السرعة لكن يكون بالعقل يعني مش في نص الطريق في النازلة والعربيات طايرة ومفيش أي تحذير قبلها والدنيا ضلمة يعني حرام والله..

وبعدين أنا ربنا سترها معايا ومحصلش حاجة لكن غيري ممكن يتقلب أو يحصل له حادثة يبقى ذنب مين؟

تحياتي ليك ياباشا..

[Khaled Lanos]

حضرتك أصلا الطريق ده ماينفعش تجري فيه..

وعموما بعد كده ابقا خد بالك وانت معدي منه
أي منطقة فيها مول أو تجمع أو مكان خدمات لازم هاتلاقي عندها مطبين مش مطب واحد
مطب قبلها عشان يهدي العربيات تحسبا لعبور المشاه
ومطب بعدها عشان يهدي العربيات تحسبا لأي عربيات تانية طالعة من البارك..

فانت حط دي قاعدة أساسية في دماغك هاتلاقي نفسك بتهدي أوتوماتيك كل ما بتقرب من مول أو مكان فيه تجمعات كبيرة عشان عارف انك هاتقابل المطبين..

اللي حصل بقى ياباشا أصلي كنت مستعجل المرة اللي فاتت عشان الحاج كان عندو مشوار وعايز العربية..لكن دلوقتي مبقيتش اعدي الــ 80 او 100 بالكتير في الطريق المنيل دا..

وعموما انا خلاص حفظت المطبات دي قبل أي تقاطع او مول او يوتيرن بيبقى فيه مطب..أغلب طرق زايد وأكتوبر كدا..

تحياتي ليك ياباشا.