حسبي الله ونعم الوكيل في المطبات واللي بيعملوها

[Khaled Lanos]

نفس الموقف حصل معايا وكنت حوالي 130 وهوووووووووووب البس يامعلم وكنت راجع من الصحراوي والعربيه متظبطه وصارف عليها ومبسوط قوي منها وساعتها حسيت ان كل مسمار في العربيه اتكسر وهديت نزلت ل 90 ودوست بنزين لقيت العربيه ماشيه عادي وهوووووووووووووووووووووووووووب المطب التاني وكان مطب بلدي يامعلم وعالي من ناحيه وواطي من ناحية وقلت بس العربيه هتتقلب والحمد لله ربنا سترها وكل ده عشان طريق معلهوش اناره وعذب في كل حته والبشوات عند اي طريق او بيت بيرمو مطب وشكرا

ههههههههه وأنا زيك والله ياباشا حسيت ان العربية اتدشملت..لكن هنعمل ايه بقى

تحياتي ليك ياباشا.

[yoko]

انا لابس مطب قبل كده على 200 كم\س على طريق سفر الساعة 5 الفجر

[Khaled Lanos]

يااااااااااااه , انا لبست المطب دا علي 80 :d
مكانه غبي جدا و حته مضلمه و معليهوش اي اشاره و ف منزل
يعني الي عمله في المكان دا قمه التخلف و الغباء

بس انا شوفته علي اخر لحظه و خدته علي 80

شوفت انا خدته على 140 وملحقتش ألمس دواسة الفرامل حتى

[Khaled Lanos]

والله أنا زيك بعاني من المشكلة دي
وخصوصا إني يوميا بمشي على الطريق ده ومع كده كذا مرة أخد مطب بسرعة بسبب ان مفيش أي عواكس أو حاجة تبين المطب ده
بس عندي سؤال للمسؤولين عن عمل المطبات في شوارعنا المحروسة
ليــــــــــــــــــــــه مش بتصمموا المطبات زي كده؟؟
ليــــــــــــــــــــــــــــــــــــــــه؟؟؟؟؟؟؟ ؟؟؟
والله العظيم مش هتكلفكوا حاجة قصاد الدعوات والشتايم اللي بتاخدوها
ليه طيب على الأقل ما تبقاش المطبات زي اللي على طريق الواحات اتجاه الرماية
كده كده الناس بتهدي بس ع الأقل اللي بيلبس المطب الأضرار بتبقى أخف








وليه مش بيحلالكو تعملوا مطب إلا في الأماكن الضلمة بالذااااااات





وسؤال للناس اللي بتعدي الطريق
ليييييه مش بيحلالكو تعدو الطريق غير في المنحنيات وقبل المطبات؟؟
ما تعدوا بعد المطب بمسافة كافية ع الأقل تكون العربية هدت خالص وما تشيلش واحد ....* فيكو
ما تعدوا في الطرق المستقيمة ع الأقل اللي جاي ما يتفاجئش إن فيه ب....*ييييييم بيعدي الطريق

والله ياريت المطبات تكون بالمواصفات اللي في الصور..لكن زي ما قلت مايحلالهومش يعملو مطبات إلا في الحتت الضلمة..

والمشكلة المطب بيبقى غبي جدا يحسسك إن اللي عاملو دا حمار ومش فاهم حاجة مع احترامي للجميع..

[Khaled Lanos]

ده العادي انا كنت بزعل اوي لما ابس مطب وبعدين اتعودت وحسبي الله ونعم الوكيل انا اكلت مطب اهالي اللي هو صبه وعالي جبلي بالونتيت في فرديتين كاوتش وعوجلي الجنوط وبوظلي بلي العجل

ربنا يعوض عليك كل ده عشان مطب؟!!

حسبي الله ونعم الوكيل..

دا عمر بن الخطاب رضي الله عنه كان بيقول:

( لو عثرت بغلة في العراق لسألني الله تعالى عنها
: لِمَ لم تمهد لها الطريق يا عمر )

شوف بقى احنا الطرق عندنا عاملة ازاي حسبي الله ونعم الوكيل.

[Khaled Lanos]

كلنا بنعاني من حكاية المطبات دي و المفروض المطبات دي لازم يبقي متخطط لها هتتحط فين و ازاي مش اي حد يروح عامل مطب قدام بيتهم و خلاص

مفيش رقابة ولا مرور ولا حاجة اللي عايز يعمل حاجة بيعملها واللي عايز يحط مطب بيحطه حاجة تحرق الدم والله..

[Khaled Lanos]

بالنسبة للمطبات والطريق .. ف مش معنى ان وجود مطب يقلل حوادث .. بل ممكن يعمل حادث شنيع كمان
لان ممكن العربية تتقلب .. وبالتالى اي مطب يتعمل لازم يكون مطب قانوني مش اهالي ولازم يكون قبلة علامة فسفورية
ومضيئة بنص كيلو على الاقل زي البلاد المحترمة .. لكن احنا بلدنا ماشية بدعا الوالدين

بالنسبة لعربيتك حضرتك : متستهونش ابداَ بالموضوع .. اي مطب حتى لو كلتة على 90 ك لازم تكشف على عربيتك
روح لعفشجى اكشف ع العفشة كلها لو سليمة بأذن الله هتديلة عشرة جنية وتمشى وتبقى اطمنت على عربيتك
وخلي سمكري يبص ع الشاسية والدنجل الخلفي والعفشجى هيبص ع المساعد والبطاحات والدشمة من تحت لفوق
اي مطب تاكلة لازم يترك اثر ولو 5 % ف العربية .. وممكن يعمل شروخ ومتبانش غير مع الوقت .. ربنا يستر طريقنا جميعا ويحفظها لك بس نصيحة منى اكشف عليها عشان تطمن نفسك

كلامك صحيح 100% بدليل اننا كنت هتقلب بالعربية لولا ستر ربنا واني خدته بشكل مستقيم..

وبالنسبة للعربية الهبدة اللي خدتها قلبي بيتقطع عليها لحد دلوقتي والله..وفعلا انا ناوي اكشف عليها لأني حاسس ان في حاجة حصلت بعد المطب الملعون دا..

مع إن طارق باشا قالي طالما مفيش أي تسريب او حاجة او اصوات غريبة يبقى محصلش حاجة..

لكن هكشف بردو للإطمئنان..

ربنا يستر والشاصيه ميكونش حصل له حاجة بس ولا العفشة..

تحياتي ليك ياباشا.

[Khaled Lanos]

دا المطب نفسه كوبري
شوفتو طريق الزقازيق المنصوره لحد ديرب نجم بقئ عليه اكتر من 35 مطب في 21 كيلو
ويا سلام علي القوميه بمطبتها حاجه تشرخ القلب وبلعتها
في مره كنا بنعمل مطب في مكان معين علي طريق قدام مدرسه فبنتكلم مع الناس الي بتعمل المطب لو يا جماعه خلو المطب مفرود عشان العربيات مش واقف كدا
الرد انت هتفهمنا شغلنا يا استاذ واتعمل المطب والبسو يا حلوين

يالاهوي 35 مطب في 21 كيلو لييييييه!!

دي شكلها عالم فاضية بقى..

بس اوعى يكون قصدك على القومية اللي في امبابة ؟

دا بقى لوحدو طريق مايعلم بيه إلا ربنا

[Khaled Lanos]

فين إدارة الطرق والكباري
بلاش ديه
فين فلوس الضرائب اللي بندفعها يا ولاد التيت اللي بتلموها على حس تحسين الطرق يا ولاد التيييييييت
بلاش ديه
فين المرور اللي بيلم مخالفات بس فين العلامات التحذيريه فين مهندسين الطرق بالمرور اللي بيلموا فلوس بس من غير شغل
الضريبه السنويه اللي بيلموها على العربيات غصب واقتدار يا حراميه يا ولاد التييييييييييييييييييييييت بتروح فين وليه
لو جاوبت على الأسئلة اللي فاتت يمكن تعرف سبب اللي حصلك

البلد كلها عايزة تتظبط من اول وجديد يعني هي جات على المطبات بس!!

[Khaled Lanos]

للاسف كل مطبتنا عشوائية بل هى السبب فى كثيير جدااااااااا من حوادث الطرق
واللى زاد وغطا المطبات اللى على الطرق السريعة واللى ولا مدهونة ولا يفطه ولا تصميم هندسى
ربنا يسترها علينا وحسبى الله ونعم الوكيل فى كل من يستهتر بارواح الناس وممتلكاتهم

بيقولك مصر هي الدولة الوحيدة في العالم اللي بتحط مطبات في الطرق السريعة ههههههههههههه

حاجة تشل والله!!!

[Khaled Lanos]

متزعلش يا خالد ما انا كنت عندكوا وخت مطب هدية برضوا
وانت كنت معايا اظن ...
بس ربنا بيستر
الحمد الله علي كل شئ ..

هههههههههههههههه

صح ياباشا فاكر المطب دا..اللي خدتو انا في نفس الطريق بس بعديها بشوية

بس الفرق انك لحقت تفرمل..أما انا ملحقتش هههههههههههههههه

الحمد لله على كل شيء

تحياتي ليك ياباشا.

[Khaled Lanos]

المطبات في مصر
حاجه كده زي طبق الفول الصبح مينفعش تعيش من غيره
وزي فانوس رمضان مينفعيش يجي رمضان من غير فاونيسه
لو مشيت في طريق من غير مطبات تحس بالغربه وانك مش في مصر

يبقى انت اكيد اكيد في مصـــــر :d

[Khaled Lanos]

انا خدت مطب برضه على طريق الماظة كنت ماشي بالليل وعلى سرعة 100 تقريبا
فجأة وبدون سابق انذار لقيت مطب طلعلي زي الكالو في الشارع
وسريعا بيكون ادامك حل من الاتنين اما تضرب فرامل والعربية تصعب عليك من التزعيق اللي هتزعقه
او تلبس المطب والعربية هتصعب عليك برضه من الهبده
او لو انت ماشي بسرعة عالية هتلبس الخيارين غصبا عنك
وانا مش معترض بتااااااتا على المطبات او انها تتعمل بأي صورة بس يعملوا تحذيرات قبلها
لوحة حقيرة مش هتكلف الدولة 50 جنيه تتحط هتوفر على الناس كتير او اضاءة سفلة تتعمل عند المطب عشان يتشاف
لكن لا اضاءة ولا اشارات واشوف المطب قبل منه ب10 متر تكون النتيجة كاوتش يبوظ مني بسبب بالونة طلعت في
وحسرة على هبدة العربية اللي دافع فيها دم قلبي فده حرام بجد

ودايما كل اللي بيحصله كده ردة فعله واحدة لا تتغير حسبي الله ونعم الوكيل فهنيئا لمسؤلي تلك الطرق

كلام سليم والله

[Eng.Geo]

خد بالك بعد كدة والحمد لله
الحمد لله عمري ما لبست مطب
عمري ما بجري في حتة مامشيتش فيها قبل كدة الا لو في عربية قدامي
عجلي بيمشي في نفس المسار اللي هو بيمشي فيه بالظبط ... وببقي عامل حسابي لو حصله حاجة أتفاداها
غير كدة لو طريق انا عارفه بطير عليه براحتي
الحمد لله مفيش مطب كان جديد ولبسته ... دايما بالحق نفسي قبله
ولو حصل مع حد وخلاص هايلبس مطب ..... أوووووووووووووووووعي تلمس الفرامل !
لو داخل المطب مفرمل يبقي وش العربية تحت وانت ونصيبك ساعتها
لو العربية طارت ونزلت عالأرض وانت مفرمل هتعوم ومش هاتعرف تلمها

[Khaled Lanos]

بس بجد المطب غلطان ومعندهوش اى دم كان لازم يرفع ايدة ويقول انا هنا على العموم بنفكر نعمل اضائة مدفونة فى المطباط بس تنور للناس الى بتمشى اكتر من 120 كيلو وخاصة باليل يعنى حضرتك مش غلطان دا انتا يدوبك كنت ماشى على 140 كيلو فى الساعة وهى دى برضوه سرعة وهو حضرتك راكب سلحفة ....

على فكرة يجماعة 99 % من الحوادث بسب السرعة الجنونية والنهاردة وانا جارى لسى دلوقتى الطريق امام البنزينة بسم الله مشاء الله مقفل من بعيد لمحتة هديت لاكن واحد محترم معجبوش ازاى تهدى وجاى من الخلف على 120 تقريبا ويدوبك المسافة البينية بينى وبين المامى7 متر راح لازق فيهم ولا كان يلذق فى لورى طيب ليه ما تشوف اللى قدامك ليه بيهدى اخبار الطريق ايه للأسف احنا شعوب العالم الثالث ليس لدينا اخلاق القيادة ابدا الا من رحم ربى ربنا يسترها معانا ويهدينا ويهدى جميع الطيارين....*

مع احترامي لسعادتك بس انت ازاي حكمت اننا سواق جرّاي أصلا؟

وبعدين انا متفق مع حضرتك اننا اه غلطان لاني مشيت على سرعة زي دي عشان كنت مستعجل لان والدي كان عندو مشوار وعايز العربية..لكن دا مش معناه اننا اخد مطب زي دا بدون اي لوح تحذيرية زي الدول المحترمة ما بتعمل ولا اضاءة ولا اي حاجة وكان ممكن اتقلب بالعربية..ولا ايه؟!!!

وبعدين لو ماشي على 60 كيلو مش 140 في طريق ضلمة وبدون اي اضاءة او لوح تحذيرية هتلبسه بردو.