الفن المسماري - حقائق تاريخية - موضوع متجدد

[PRO-DRIVE]

وساعات الفن المسماري بيبقى جماعي ....
اي والله جماعي ...
مش قادر انسى ان مجموعة فنانين كانوا مرة بيلعبو x o علي كابوت العربية الشاهين القديمة ....وعاملين المربعات وكل ما يلزم للعبة ...
ولما بعتها ... بعتها بسعر عالي جدا بسبب اللوحة الفنية الأصلية ( موقعة من الفنانين الجابذة ) اللي كانت عليها ....
اشمعني المسامير مش بتغلى زي باقي السلع ؟؟؟؟؟؟؟؟؟؟؟؟؟؟ .... سؤال بيطرح نفسه

دا غير شغل الهواه

اللي تلاقيهم ماسكيين مسمار و نازلين كحت في اي عربيه بالطول ولا بالعرض طول ماهما ماشيين

[Goodle]

هوة ده الفن الأصل اللى كل الأعمار بتشتكى منة
مش حنسى و احد عمل معاياالفن المسماري ده كتب اسمة و اسم حبيبتة و رسم قلب و سهم و كتب التاريخ

يااااه.. دي حفرية مهمة جدا يا يوسف.. دي ممكن تساعدنا في حاجات كتير في سياق دراستنا لهذا الفن "الشعب-مسماري" (الديمومسماري) حيث إنه فن يتفاعل فيه الشعب مع المسمار ويقوم في المسمار بدق الشعب في مقتل :) :)

يا ريت لو كل واحد فينا يحط صورة للوحة اللي تشده.. وأنا أوعدكم إننا هانحللها ونخرج منها باستنتاجات تساعد في إلقاء المزيد من الضوء (ومعاه شوية بوليش) على هذا الفن الكاحت (إحم..الصاعد) :)

[rahwan]

أنا ليا إضافة مهممة بالنسبة لموضوع الفن المسمارى. هناك فروع فنية أخرى مشتقة من هذا الفن، و هم على سبيل المثال لا الحصر: الفن الطباشيرى، الفن الجيرى، الفن الصخرى(أى بأستخدام الصخور).
و مؤخرا ظهر الفن "الصخروطبشيرى"، و ده عربيتى اتشرفت بلوحه رائعة منه بطول الباب و جزء من الرفرف، و لما شوفته افتكرت طباشير فقولت بسيطة، لكن للأسف لما مسحته شوفت التجريح.

[rahwan]

و هناك تسائل مهم، هل الفن المسمارى مسموح به دوليا ولا ممنوع و محرم. و إذا كان محرم تفتكروا ايه ممكن تكون العقوبه إذا طبقنا مبدأ الجزاء من جنس العمل. خصوصا إن الموضوع فيه مسامير

[Goodle]

أنا ليا إضافة مهممة بالنسبة لموضوع الفن المسمارى. هناك فروع فنية أخرى مشتقة من هذا الفن، و هم على سبيل المثال لا الحصر: الفن الطباشيرى، الفن الجيرى، الفن الصخرى(أى بأستخدام الصخور).
و مؤخرا ظهر الفن "الصخروطبشيرى"، و ده عربيتى اتشرفت بلوحه رائعة منه بطول الباب و جزء من الرفرف، و لما شوفته افتكرت طباشير فقولت بسيطة، لكن للأسف لما مسحته شوفت التجريح.

دي ملاحظة في محلها وإن كانت تحتاج تصحيح بسيط.. الفن الذي أطلق عليه في أواسط القرن الماضي باسم "الصخروطبشيري" ما هو إلى منظور جديد للفنون القديمة (الفن الصخري والفن الجيري).. فالفن الصخروطبشيري ليس مدرسة جديدة وإنما هي بادرة إحياء لفنون قديمة سادت أيام العصر "الحجري" .. أيام ما كان الجنيه جبس والعفشة بتاعة العربية زي الدبش :)

[Goodle]

متهيألي في مغلوطة تاريخية بالنسبة للفن المسماري يقول بعض المؤرخين أن أصولة ترجع إلى زمن ما قبل موبينيل (ق.م) وفعلا كان رائد تلك المدرسة الواد بصلة والذي تتلمذ على يديه الممسمر الكبير (زقلوط) ويقول المؤرخون عن زقلوط أنه التلميذ الذي تفوق على أستاذه ......
ثم تتوالى وتتعاقب الأزمان وتتوالى معها تميز وأنفراد الفن المسماري بإحتلال المراكز والمراتب الأولى حتى أنها في وقتنا الحالي ومن سعة إنتشار ذلك الفن الممتع قد لا تجد أي من السيارات (وهي ألات تم أختراعها من قبل شخص يدعى بنز) إلا وتتواجد عليها منحوتات ولوحات مسمارية متميزة ومبدعة وقد ضهرت قمة أبداع الفن المسماري في أنتشاره أنه وصل إلى كل الفئات الطبقية والعمرية مما يدل أن الشعب المصري منذ قديم الأذل وقبل موبينيل وهو محب لذلك الفن ....
:::::::::::::::::::::::::::::::::::::::::::::::::: :::::
ويا رب إرحمنا من ده فن لأن الناس خلاص قربوا يبقوا يباتوا عند السمكرية .....
مشكور يا أستاذ محمد عبد الجواد على الموضوع الرائع ده وأعذرني معرفتش أرد عليك في اللينكات التانيه بتاعة الموضوع المسماري لأني كنت بخلص مشاوير كده طول اليوم أمبارح وراجع مهدود ونمت قتيل لسه صاحي وقلت أرد هنا لأنه حيبقى أشمل وأعم ...
جزاك الله خير وتقبل خالص مودتي .

في بس نقطتين في مشاركة حضرتك محتاجين توضيح للسادة القراء:

أول حاجة الخطأ الشائع في كتابة اسم الممسمر الكبير زقلط.. وكتابته خطأ باسم (زقلوط)
لذا لزم التنبيه.. كي لا يختلط الأمر على محبي هذا الفن من الشباب :)

أما بالنسبة للسيارات التي اخترعها الريس بنز.. أحب أضيف إن البنز هو أيضاً أداه من أدوات الفن المسماري.. وهي أصغر من المسمار وتستخدم في ملء الفراغات المرسومة (أو بمعني أصح المكحوتة) بواسطة الأداه الأساسية وهي المسمار

ويتطلب استخدام أداة البنز في ملء فراغات الرسم المسماري الكثير من الدقة لا تتأتى إلا بعد ساعات طويلة من الممارسة.. كما تتطلب الكثير من الوقت لإضفاء البهجة على اللوحة الصاجية، الأمر الذي لايتاح إلا في أماكن نائية ينبت فيها الفنان ويجتهد من أجل إعلاء هذا الفن وتعلو معه فاتورة الأسطى البوهيجي أو على الأقل فاتورة كارفور بعد شراء المزيد من البوليش والكومباوند..

ومن هذه المقتطفات نكون قد خرجنا بمعلومة قيمة عن أهم الأدوات (وليس كل الأدوات) المستخدمة في الفن المسماري...

وللحديث بقية :)

[ehabradwan]

و ياترى الفن المسماري بيرجع لأنه أسرة ؟ قلاوظمنت ولا صلبتون ؟
ولا بتختلف حسب اللوحه نفسها ؟ يعني في لوح بتستخدم القلوظمنتية و في ناس تانية بنتتمي لمدرسة الصلبتونية ؟

[Goodle]

و ياترى الفن المسماري بيرجع لأنه أسرة ؟ قلاوظمنت ولا صلبتون ؟
ولا بتختلف حسب اللوحه نفسها ؟ يعني في لوح بتستخدم القلوظمنتية و في ناس تانية بنتتمي لمدرسة الصلبتونية ؟

لأ يا باشا .. حضرتك فهمت الموضوع غلط..
نوع المسمار سواء كان قلاووظ أو صليبة هو راجع للفنان نفسه.. لا علاقة له بالمدرسة التي يتبعها..
لأن نوع المسمار ده حاجة كده زي اختيار الرسام القماشي (اللي بيرسم على قماش) للألوان بمختلف انطباعتها.. من ألوان ساخنة وألوان باردة.. زيت ومياه..

إنما أنواع الريشة المسمارية ليها إنطباع واحد وهو الانطباع البارد زي اللي ماسكه.
ربنا يرزقه بمسمار في.... عينه... ومعاه شوية رتوش بنزية (راجع شرح الريشة البنزية أعلاه) عشان يعرف إن الله حق. :)

[samehafez]

الف شكر علي الموضوع العبقري ده
بس فيه سؤال محيرني .... ملكية اللوحة ( العربية ) لمين
هل من الممكن ان يطالب الفنان باللوحة حيث انها قانونا ما تزال بحوزة شخص اخر اللي هو مالك العربية
افيدونا

[Goodle]

الف شكر علي الموضوع العبقري ده
بس فيه سؤال محيرني .... ملكية اللوحة ( العربية ) لمين
هل من الممكن ان يطالب الفنان باللوحة حيث انها قانونا ما تزال بحوزة شخص اخر اللي هو مالك العربية
افيدونا

شوف برضه.. واضح إن حضرتك مش بتقدر الفنانين المسماريين.. :)
الفن ده يا سامح باشا حاجة لإمتاع النظر ولإبراز المشاعر وعرضها للنقاد (اللي هما إحنا)
لكن مش الغرض منه الكسب أو استحواذ الملكية ابداً..

ده حضرتك بيكون للفنانين القماشيين الغلابة.. إنما الفنان المسمار حتى لو كان ناشئ أو لو مخضرم (وده هايكون ليه مقالة عنه لوحده) عمره ما يحب إن حد ينسب ليه لوحة (حتى لو كان هو اللي رسمه بريشته المسمارية أو ببنزه الرقيق)..

جرب كده تمسك واحد من الفنانين دول، وهو شغال في واحدة من الصاجيات بتاعته.. وقوله اللوحة دي بتاعتك.. هتلاقيه على طول نفى ده بشدة.... ليه ؟؟؟

عشان الفن ده للناس مش لنفسه.. حاجة عاوز يقولها.. مش عاوز يحتفظ بيها لنفسه أو يحتفظ بملكيته ليه

وانا ليا تعليق على النقطة دي ...

يا أستاذ سامح، أنا كل ما بأغوص في عالم الفن المسماري بيتكشًف ليا إنه بحر من عشق الفنان المسماري للصاج (ودرجات ألونه بعد الرتوش) وتناغم بين الريشة المسمارية والبنزات الرقيقة لتخرج لنا لوحات صاجية تجريدية** ترسم أروع ظلال لهذا الإبداع الآسر :)


**(أطلق على الصاجيات لوحات تجريدية لا لأنها تتبع المدارس للفن القماشي ولكن هي تجريدية لأنها بتجرد الصاج من اللون، وبتجرد الناس من مشاعرها وكمان بتجرد جيوبهم من الفلوس بعد التصليح) ... حقيقة علمية !!

[tamohsen]

اعتمدت الحكومه 100 مليون جنيه ميزانيه لتنظيم أول سمبوزيوم للفن المسماري
حيث ستقوم بشراء الف سياره حديثه بألوان وماركات مختلفه
لتلبيه جميع اذواق عشاق هذا الفن
وسيتم توزيعهم علي جميع الشوارع الرئيسيه والجانبيه والميادين العامه

المشاركه مفتوحه

[kh_talaat]

Goodle باشا

أنا عجبني قوي الفن المسماري دة وعاوز أدرسة وأستعمق فيه
يا ترى في مدارس أو معاهد بتدي كورسات في الموضوع دة ؟؟؟ ولا هو فن وجودي هلامي لا يدرس ؟؟؟؟؟؟

[mohamed_88sk]

في بس نقطتين في مشاركة حضرتك محتاجين توضيح للسادة القراء:

أول حاجة الخطأ الشائع في كتابة اسم الممسمر الكبير زقلط.. وكتابته خطأ باسم (زقلوط)
لذا لزم التنبيه.. كي لا يختلط الأمر على محبي هذا الفن من الشباب :)

أما بالنسبة للسيارات التي اخترعها الريس بنز.. أحب أضيف إن البنز هو أيضاً أداه من أدوات الفن المسماري.. وهي أصغر من المسمار وتستخدم في ملء الفراغات المرسومة (أو بمعني أصح المكحوتة) بواسطة الأداه الأساسية وهي المسمار

ويتطلب استخدام أداة البنز في ملء فراغات الرسم المسماري الكثير من الدقة لا تتأتى إلا بعد ساعات طويلة من الممارسة.. كما تتطلب الكثير من الوقت لإضفاء البهجة على اللوحة الصاجية، الأمر الذي لايتاح إلا في أماكن نائية ينبت فيها الفنان ويجتهد من أجل إعلاء هذا الفن وتعلو معه فاتورة الأسطى البوهيجي أو على الأقل فاتورة كارفور بعد شراء المزيد من البوليش والكومباوند..

ومن هذه المقتطفات نكون قد خرجنا بمعلومة قيمة عن أهم الأدوات (وليس كل الأدوات) المستخدمة في الفن المسماري...

وللحديث بقية :)

هههههههههههههههه أه صحيح أعذرني على أني نسيت
بس أنا ذكرت في لينك تاني أن سواؤ زقلط أو زقلوط فكلا الأسمان لنفس المبدع وأنه أستدل على تلك الحقيقه من الصاجيات والحفريات للرائد العظيم وأنه دون توقيعه بهذان الأسمان ..
أما الأدوات المستخدمه فالعلم دائما في تقدم مستمر وأيضا إرادة الفنان الملهم لا تقف عند أي حدود
فمنهم كما تفضلت حضرتك وذكرت البنز و المسمار (أهم الأدوات وأوسعها أنتشارا)و الطباشير و الجبس والبويه الجبس( زي أبن المؤزيه ما عمل في عربيتنا بعد ما أستخدم المسمار كأداة أساسية لا غنى عنها) ومنهم من قد أعطاه الله هبه عظيمه ألا وهي الأظافر القويه وأيضا الطوب والحجارة ..

الف شكر علي الموضوع العبقري ده
بس فيه سؤال محيرني .... ملكية اللوحة ( العربية ) لمين
هل من الممكن ان يطالب الفنان باللوحة حيث انها قانونا ما تزال بحوزة شخص اخر اللي هو مالك العربية
افيدونا

لالالالالالالا أبدا أرجو أن محدش أبدا يشكك في ضمائر هؤلاء المؤذيون أقصد الفنانون فهم لايقصدون إلا أي ربح مادي أكر لا يقصدون إلا أي ربح مادي أنما هو معنـــــــــــــــــــوي بكل ما للكلمه من معنى فهو يسعى أول ما ينزل عليه الوحي إلا رسم ومسمرة منحوتته فهو يسعى إلا أسعادك أخي الكريم وأسعاد المارة جميعا وأخر ما يريده هو أسعاد نفسه وعلى قمة السعداء (السمكري و كارفور ) ودام لنا الفنان المسماري أبدا ما حينا .

أنا عجبني قوي الفن المسماري دة وعاوز أدرسة وأستعمق فيه
يا ترى في مدارس أو معاهد بتدي كورسات في الموضوع دة ؟؟؟ ولا هو فن وجودي هلامي لا يدرس ؟؟؟؟؟؟

هو طبعا فن مؤثر وقوي يكفي أنه بيترك أثر كبيييييييير في نفوس مالكي السيارات
هو طبعا فن فطري متطفل هههههههه وهو موهبه وقمة شعور (قوي قوي قوي بيكون عنده دم الفنان المسماري) ودقة وحب للتعبير عن الشعور وعدم خوف من المستقبل وأستحضار لأرادة الضمير(الميت طبعا)
فذلك هو لكن الفنان بصله أو من نظمه على هيئة مدارس كالمدارس الشعرية وأول من وضعه في منظومه
فتجد أيانا البعض يمارسوه منفردين وأخرون مجتمعين
فإذا ما أردت حضرتك تعلمه أعكش أي إبن ....... (حلال طبعا) من الفانين المسماريين وهو يقوم بواجبه وظبطه (على دماغه طبعا وذلك لأنه لن يقر بالحقيقه إلا بتلك الطريقه -نظرا لخجله وحيائه-) وأعرف منه تفاصيل تلك العمليه وأستفهم منه.

و ياترى الفن المسماري بيرجع لأنه أسرة ؟ قلاوظمنت ولا صلبتون ؟
ولا بتختلف حسب اللوحه نفسها ؟ يعني في لوح بتستخدم القلوظمنتية و في ناس تانية بنتتمي لمدرسة الصلبتونية ؟

في تضارب في الحقبة الزمنيه لظهور الفن المبدع ده وحضرتك ممكن تتاكد من كلامي في الثفحات السابقة من الموضوع
:::::::::::::::::::::::::::::::::::::::::::::::::: ::::::::
في صورة إكسكلوسيف للفنان بصلة ولكنها بالألوان وكان منحوته على صفحات نايل موتورز أهيه الصورة أرجو التركيز فيها وتحليلها
شايفين مدى الأصرار والتحدي هههههههههههههه مش واقفه قدامه أي عقبات .. واد خيطر يعني ههههه.

[Goodle]

هوة ده الفن الأصل اللى كل الأعمار بتشتكى منة
مش حنسى و احد عمل معاياالفن المسماري ده كتب اسمة و اسم حبيبتة و رسم قلب و سهم و كتب التاريخ

أنا بأشكر حضرتك إنك طرحت الموضوع ده.. هايسهل عليا شرح مدرسة "البوب الشنكوت" وإني أقدر أقرب الصورة للسادة القراء (وراغبي تعلم هذا الفن.. ده لو حد ناوي يعني) :)

تعد مدرسة البوب الشنكوت من أوسع المدارس انتشاراً بين الشباب شبه المتعلم (اللي بيروح مدرسة أو معهد عشان أهله بيغرموا فلوس..ولا هو فاهم أي بطيخ في الدنيا)... ويشترك معظم وليس كلهذا الشباب شبه المتعلم بصفات مشتركة:
أولها الوقفة المعووجة (تلاقيه وقف على رجل واحدة ومادد التانية قدام.. ولازم طبعا يبقى حاطط إيده في وسطه لزوم القيامة ورسم الشخصية على الموزة بتاعته (اللي هي طبعا الملهمة ليه في لوحاته الصاجية).. وطبعا الزي المتعارف عليه من بنطلون قماش ضيق الرجلين منفوخ من فوق بتلات أو أربع كوسر فيه.. وعليه القميص الحرير (اللي هو بتاع فرق الأفراح) ومعاه الشبشب أوب صباع عشان الصورة تكتمل ...ده لو موسم صيف..

أما لو شتاء بيكون نفس البنطلون والقميص الحرير وبيزيد عليهم الهاي كول إياه (لازم يكون لونه حاجة تالتة عشان اللوحة الذاتية تكمل).. وطبعا الشبشب أبو صباع ممكن يتبدل بالجزم التكساس عشان القطة بتاعته تفضل مبهورة بيه :).... ده من ناحية زي فناني المدرسة دي.

تاني صفات فناني مدرسة "البوب الشنكوت" بيكون معاه كمية مفاتيح لاتعد وتحصى.. تحس إنه ماشي يلم في المفاتيح الواقعة ويحتفظ بيها.. وده يخلينا نتعرف على أول أدوات الرسم لفناني هذه المدرسة التقدمية في الفن المسماري.. ألا وهي المفتاح .. (هاييجي واحد ناصح ويقول طب يا عم إيه اللي جاب المفتايح للفن المسماري.. نقول له هو ده التجديد.. وده السبب اللي خللى مدرسة "البوب الشنكوت" من أوسع المدارس انتشاراً بين الشباب اللي مش صنايعي).. والتجديد ده جه من إن الأدوات بقت بتواكب متطلبات العصر الحديث وإنها لازم تكون في متناول إيد الفنان.. (عكس موضوع البنز اللي فنان مدرسة "الواد بصلة" يقدروا يحلوا عليه بسهولة بحكم عملهم عن بتاع الكاوتش أو في غسل "المكروباز"

نيجي بقى لأهم الصفات (وهي في الحقيقة من أبرز أدوات) مدرسة "البوب الشنكوت"..

قد يختلف البعض في موضوع إطالة أظافر اليدين، إلا أن فناني هذه المدرسة التقدمية قد اجتمعوا على هذه الأداة الخارقة.. ألا وهي الضفر (أو الضافر) الطويل بتاع الصباع الصغير..

أثبتت التجربة ريادة هذه المدرسة للفن المسماري لأنها تخلصت من قيد الأدوات الفنية بأنواعها (المسمار، البنز، وحتى المفتاح اللي هي نفسها ابتكرته)..
إذ أن اللجوء إلى أداة خارجية للاستعمال في "الحفريات" (وهي أعمال الحفر المبدئي في اللوحات الصاجية) من شأنه أن يقيد إبداع الفنان من عدة جوانب: أولها عدم توافر الأداة وقت نزول الوحل (قصدي الوحي) عليه.. وثانيها عدم الأحساس بالتواصل بينه ولوحته الجديدة بوجود طرف ثالث بينهم (اللي هو المفتاح.. بس ليه وقته برضه لما العملية تسخن معاه).. وخصوصاً وهو ساند على العربية هو والبنت ملهمته..

تلاقيه واقف وقفته إياها والملهمة مركونة على العربية وعمالين يرغوا ... وهنا.. ينزل الوحل على دماغة وتتحرك غريزته المسمارية لتحرك أصابعه اللي بتاكله.. تلاقيه يدور على أي كاوتش أو فيبر في العربية.. زي كاوتش الزجاج أو الفيبر بتاع المرايات (لو واقفين في جنب العربية) وتبدأ الحفريات (راجع تعريف المصطلح)... ولو واقفين في مقدمة أو نهاية العربية.. يتم عمل الواجب لتصميم الاسكتش الأساسي للصاجية الجديدة.

ويستمر الكلام الرومانسي الملهم وتستمر اللمسات الفنية للبوب الشنكوت في أسلوب أطلق عليه النقاد أسم "الضفروجرافيكس".. وما بين نزع جزئي وكلي للاستيكرز الموجودة ونزع طولي للكاوتشات وحفريات متناسقة على فيبر المرايات. أما في حالة الوقوف أمام أو خلف السيارة (راجع وقفة فناني مدرسة البوب الشنكوت أعلاه).. ما أنت ينتهي الفنان من الاسكتش الأساسي والذي يستوحيه من وجه حبيبته الملائكي


ويستمر الفنان في العمل جاهداً أن ينجز لوحته قبل أن ينتهي ميعاد درس فتاه (اللي هي مزوغة منه) أو قبل حلول ميعاد المصلحة اللي هايبيعها (غالباً موبايل عاوز يفك شفرتها.. إلهي يفك رقبته البعيد)..

ولإضفاء الرتوش الأخيرة في حالة الصاجيات أو لترك بصمة لاتزول في حالة الكاوتش والفايبر.. يلجأ الفنان البوب الشنكوت لأداته اللي لم تخذله قط وهي المفتاح..
فبحركات سريعة مدروسة يتم ترك إمضاء ثابت على اللوحة تثبت أنها أصليه غير مقلدة.. ليتم رفع الستار عن الصاجية منذ هذه اللحظة للجمهور، وتخليدا لهذا اليوم المشهود الذي التقى فيه الإلهام بالفنان، وتمخض عنه عمل فني جديد يشهد على ريادة مدرسة "البوب الشنكوت" في مضمار الفن المسماري..

وإلى حلقة قادمة .. :)

[mohamed_88sk]

ههههههههههههههههه والله موتني من الضحك يا استاذ محمد
مدرسة مدرسة يعني .... ههههههههههههه
إلى الأمام وفي إنتظار المزيد من المدارس لتعميم الفائدة .