الفن المسماري - حقائق تاريخية - موضوع متجدد

[rahwan]

انا افتكرت نكته: مره واحد كان عنده عربية 4x4 نزل فى يوم لقى واحد مجرحها بالفن المسمارى و كاتب عليها 16=
وداها عند السمكرى و ضبطها، نزل تانى يوم برضه لقى مكتوب عليها 16=، فزهق و خالى السمكرى يعملها 4x4=16 عشان ماحدش يكتب عليها تانى. نزل تانى يوم لقى معمول قدمها علامة (صح) :)

[meza]

انا افتكرت نكته: مره واحد كان عنده عربية 4x4 نزل فى يوم لقى واحد مجرحها بالفن المسمارى و كاتب عليها 16=
وداها عند السمكرى و ضبطها، نزل تانى يوم برضه لقى مكتوب عليها 16=، فزهق و خالى السمكرى يعملها 4x4=16 عشان ماحدش يكتب عليها تانى. نزل تانى يوم لقى معمول قدمها علامة (صح) :)

:D:D:D

ههههههههههههههه ..... يا عينى عالراجل ده هيموت مقهور

[Goodle]

:D:D:D

ههههههههههههههه ..... يا عينى عالراجل ده هيموت مقهور

لأ بالعكس.. ده كده إتطمئن إن الواد خلص المعادلة وهايغور بعيد عنه.. هههههه :) :)

[Mido80]

طيب بما ان الفن المسماري دة لة تاريخ عريق كدة. وكمان الحضارات القديمة والمعاصرة اتاثرت بية. هل هناك نظريات من الممكن ان نطور بها هذا الفن الي حدود ابعد شوية؟ او اننا نهدمة من باب المصلحة العامة؟ ولا هو الفن دة اقتصر علي تلك النوعية من النظريات؟ ارجو الافادة لاني لسة مطالع الموضوع قريب

[mohamed_88sk]

ميدو باشا نورت الموضوع ونورتنا كامقهور من ذلك الفن ..
أحب أوضح لحضرتك أن الفن ده أصحابه المسماريون متمسكين بجوهريات ذلك الفن جدا مع شبه عدم التقيد بأشياء أخر كالأدوات المستخدمه وكل ما هو جديد فيسخرونه لمساعدة الفن ذاك ..
ولكن الملاحظ والمعروف عن أصحاب ذلك الفن أنهم لا يقبلوا أي منتسب إليهم أو أي أحد يقول عن نفسه أنه منتسب لهم إلا أن يثبت ولاءة(الله يهدهم كلهم) بأنه يمسك شارع بأكمله بكل سياراته ويقوم بالأبداع المبهر بشرط لا يقل طول الشارع عن 150 متر متصل أو متقطع عن طريق التقاطعات والطرق الفرعيه عليه ..وألا يقل عدد السيارات عن 15 سيارة بواقع سيارة لكل متر ...
أما عن حدود الفن وتطويرة فهو الفن أبن ال ......... ده مش عاتق حاجه عندك مثلا أبواب المحلات (مش عاتقينها بس بصورة مش ملموسه زي السيارات وكذلك أبواب المباني) بس بيستخدموا أدوات تانيه مثل الطباشير عشان طبعا الذكريات المهمه (أومال الراجل يبقى إزاي أسمه بيحب البت زغلوله بتاعته من غير الذكرى الهباب وأيام العذاب والزحف عالتراب والجري في السراب ولبس القبقاب -يارب وهو بيجري كده يتزحل في موزه ولا يقع في بلاعه - طبعا عشان البلاعت من غير غطا) وكل الكلام ده طبعا يدل أن الفن لم يقتصر على نظريه أو مسلمه واحده بل تعددت الوجهات وعطائه بلا حدود..

نهدمة من باب المصلحة العامة؟

أكيد وضح من كلامه أنه لايمكن ... فعلا لايمكن لأن عطائه متناهي في العظم مالوش حدود مالوش خالص (عشوائي متطفل هههههه)... وأكيد حصل محاولات كتير شهدها التاريخ لكن المؤيدين والممارسين وقفوا واقفة رجالة وجروا صاحب الأرض عم سويلم متهيألي بالحصان ... أه أسف دي قصة فيلم مش قصة الفن أعذروني سرحت هههههههه
بس في الأخير أنه لايمكن .. إلا إذا نزلت شوطه تاخدهم ..

[mohamed_88sk]

نسيت صحيح أكما نقطه إذا كان الفنان المسماري نفسه شايف أنها مصلحه عامه إذ هو بلوحاته يترك ويحفر في نفس صاحب السيارة أأكبر الأثر وفي نفوس المارة وأيضا في نفس السمكري والبوهيجي ..
فأكيد حيعارضوا على منعه..

[theking2690]

يا جماعه ده انا من الناس اللى عربيتهم عليها اقيم لوحات الفن المسمارى بس كان من عربيه كارو

[Ahmad Allawy]

ايوة انا فاكر الحوار ده..
دي لوحد جدارية اصلا..
و سوريالية كمان.. :) :) :)

[Goodle]

يا جماعه ده انا من الناس اللى عربيتهم عليها اقيم لوحات الفن المسمارى بس كان من عربيه كارو

ومعقولة سيبت الحمار (قصدي الحمار التاني) يمشي بعد اللي عمله ده؟؟؟؟؟

[Goodle]

Goodle باشا

والله دة أنت تنفع مؤلف سينمائي كبير .... وصفك لرواد مدرسة "البوب الشنكوت" كان وصف زي العسل .. خلاني كأني شايفهم قدامي بشحمهم ولحمهم

أهم حاجة إنك ما تكونش شايفهم بمسمارهم وضفرهم من البلكونة.. ههههههه :) :)

[rahwan]

الفن المونوكيرى

أنا كباحث حفجر مفجأة حتقلب الدراسة التاريخية دى رأسا على عقب. انا اكتشفت حفرية مهمه جدا على عربيتى، و يبدو إن الجنس اللطيف كمان وضع بصماته الأنثوية على الفن المسمارى، و طور منه كتير، فاستخدموا طلاء الأطافر بدل من المسمار، و الصورة خير من يعبر. و يبدو إن الموضوع موقفش بس عند الواد زقلط و البوب الشنكوط، لكن كمان الفنانة الرائدة البت برومة العايئة من جيل الرواد بالنسبة للسيدات. و انا لسه محتفظ بالحفرية، و ناوى اعرضها فى اقرب معرض

[youssef_sallam]

ده فن تجريدي
بس ليها معنى يعنى أنظر بعين فنان حتحس إن العلامة دة ليها معنى

[misho2mimy]

متهيألي في مغلوطة تاريخية بالنسبة للفن المسماري يقول بعض المؤرخين أن أصولة ترجع إلى زمن ما قبل موبينيل (ق.م) وفعلا كان رائد تلك المدرسة الواد بصلة والذي تتلمذ على يديه الممسمر الكبير (زقلوط) ويقول المؤرخون عن زقلوط أنه التلميذ الذي تفوق على أستاذه ......
ثم تتوالى وتتعاقب الأزمان وتتوالى معها تميز وأنفراد الفن المسماري بإحتلال المراكز والمراتب الأولى حتى أنها في وقتنا الحالي ومن سعة إنتشار ذلك الفن الممتع قد لا تجد أي من السيارات (وهي ألات تم أختراعها من قبل شخص يدعى بنز) إلا وتتواجد عليها منحوتات ولوحات مسمارية متميزة ومبدعة وقد ضهرت قمة أبداع الفن المسماري في أنتشاره أنه وصل إلى كل الفئات الطبقية والعمرية مما يدل أن الشعب المصري منذ قديم الأذل وقبل موبينيل وهو محب لذلك الفن ....
:::::::::::::::::::::::::::::::::::::::::::::::::: :::::
ويا رب إرحمنا من ده فن لأن الناس خلاص قربوا يبقوا يباتوا عند السمكرية .....
مشكور يا أستاذ محمد عبد الجواد على الموضوع الرائع ده وأعذرني معرفتش أرد عليك في اللينكات التانيه بتاعة الموضوع المسماري لأني كنت بخلص مشاوير كده طول اليوم أمبارح وراجع مهدود ونمت قتيل لسه صاحي وقلت أرد هنا لأنه حيبقى أشمل وأعم ...
جزاك الله خير وتقبل خالص مودتي .

يا سلام عليك يا ابو السيد والله مشرف مدرسين الرياضيات بمعلوماتك العظيمة لتاريخ الفن المسماري

[mohamed_88sk]

يا سلام عليك يا ابو السيد والله مشرف مدرسين الرياضيات بمعلوماتك العظيمة لتاريخ الفن المسماري

أخجلتم تواضعنا يا محمود باشا
إيه مقرأتش حاجة عن الفن العظيم ده من قبل !!!! ياريت تتسلح بالعلم النافع اللي تنتفع بيه في ظل تواجد الفن ده
عليك أنك تبحث عنه في مراجع التارخ ...

[meza]

أنا كباحث حفجر مفجأة حتقلب الدراسة التاريخية دى رأسا على عقب. انا اكتشفت حفرية مهمه جدا على عربيتى، و يبدو إن الجنس اللطيف كمان وضع بصماته الأنثوية على الفن المسمارى، و طور منه كتير، فاستخدموا طلاء الأطافر بدل من المسمار، و الصورة خير من يعبر. و يبدو إن الموضوع موقفش بس عند الواد زقلط و البوب الشنكوط، لكن كمان الفنانة الرائدة البت برومة العايئة من جيل الرواد بالنسبة للسيدات. و انا لسه محتفظ بالحفرية، و ناوى اعرضها فى اقرب معرض

الرسمة دى لو أنا فكرت أعيد رسمها ... ممكن تاخد معايا ساعة و فى الأخر برضه مش هتطلع بنفس تفاصيل الصورة الأصلية ....... لكن الفنانة دى من مهارتها .. رسمت اللوحة الفنية دى بحركة واحده من إيديها ... فعلاً منتهى الإحترافية و التمكن.