الفن المسماري - حقائق تاريخية - موضوع متجدد

[kh_talaat]

Goodle باشا

والله دة أنت تنفع مؤلف سينمائي كبير .... وصفك لرواد مدرسة "البوب الشنكوت" كان وصف زي العسل .. خلاني كأني شايفهم قدامي بشحمهم ولحمهم

[Goodle]

Goodle باشا

أنا عجبني قوي الفن المسماري دة وعاوز أدرسة وأستعمق فيه
يا ترى في مدارس أو معاهد بتدي كورسات في الموضوع دة ؟؟؟ ولا هو فن وجودي هلامي لا يدرس ؟؟؟؟؟؟

حضرتك لو متابع كل الحلقات على صفحات هذا الموضوع (الموسوعي) هتقدر تاخد فكرة شاملة، وإن شاء الله تقدر تتقدم للحجز في الدورة التثقيفية المسمارية لما نفتح الباب للهواة والدارسين

[mshamy]

مش عارف ليه يا استاذ محمد و انا باقراء موضوع الفن المسماري و أثاره على شخصية سيارتي العزيزه ..مش عارف ليه جه في بالي علي الزيبق و المقدم دليله و سنقر الكلبي...تفتكر ليه؟

[Goodle]

دا غير شغل الهواه

يا فندم مصطلح هواة هنا مش مقصود بيه غير المحترفين.. إنما هو مقصود بيه هواة لأنهم يهووا هذا الفن.. وزي ما انت عارف إن "الهاوي ينقّر بمساميره" ... ههههه.. حلوة حلوة :) :)

نييجي للجد بقى...

تلاقيهم ماسكيين مسمار و نازلين كحت في اي عربيه بالطول ولا بالعرض طول ماهما ماشيين

حضرتك ده أسلوب وبعض الناس بتعتقد خطأ إنه مدرسة قائمة بذاتها..

شوفي يا سيدي.. الفنانين دول بينتموا لمدرسة "الواد بصلة" المذكورة آنفاً (راجع الشرح في صحفات الموضوع) اللي طوره نهجها الفنان المتميز زقلط (شكر خاص للباحث المحترف الهاوي الأستاذ mohamed_88sk على إضافاته)

ويعد هذا الأسلوب من الأساليب الرومانسية في الفن المسماري، إذ أن هذا الأسلوب مستوحى من القصص الخيالية القديمة ومنه استقى النقاد الإسم المميز له: أسلوب "الأميرة المخطوفة"

ويستوحي هذا الأسلوب كما يظهر من أسمه من قصة الأميرة المخطوفة التي تركت فتات العيش ترسم خطاً ورائها لكي ينقذها أهلها من خاطفيها..

ومن هذا المنطلق الرومانسي (والذي يحوي الكثير من الحنين إلى قصص الأطفال وفترة الطفولة.. المشردة في أغلب الأحوال) وعليه فإن الفنان المسماري يقوم بترك كحت (غالبا من يكون طوليا) أثناء مروره الكريم على سيارات المنطقة وهو رايح في الداهية اللي رايحها.. ويستمر الكحت مادام هناك سيارات في المتناول، واحدة بعد الأخرى، وذلك كي لا يضل عن طريقه... الله لا يرجعه :)

وهذا الأسلوب مظلوم في حق النقاد والجمهور إذا أن لوحاته ماتفتء أن تدمر ما أن تتحرك واحدة أو أكثر من العربات التي كانت ضمن اللوحة الواحدة.. لذا ينصح دائما الجمهور من عاشقي هذا الأسلوب بمتابعة الفنانين عن كثب حتى تتحين لهم الفرصة (إما لمشاهدة اللوحة كاملة وإما لعكش الزفت ده بعد ما بهدل عربيتك) :) :)

شكرا وإلى اللقاء في حلقة قادمة بإذن الله.. :)

[mohamed_88sk]

(شكر خاص للباحث المحترف الهاوي الأستاذ mohamed_88sk على إضافاته)

شكرا يا أستاذ محمد عالثناء ده .... بس حضرتك عارف إن الفن ده مظلوم من قبل بعض الناس وده اللي خلاني أذكر بعض المعلومات اللي تساعد على تحسين صورته (ربنا ينتقم من بصله الكبير وكل اللي جم وراه )

[mahmoud6060]

دي لوحة xo مسمارية (سنييه) لفنان موهوب اسمو eslam الله ينتقم منه ودة علي شنطة سيارة والدي من حوالي شهر

[rahwan]

دي لوحة xo مسمارية (سنييه) لفنان موهوب اسمو eslam الله ينتقم منه ودة علي شنطة سيارة والدي من حوالي شهر

يا باشا اعرفك بنفسى، أنا جامع تحف و لوحات مسمارية، و كنت بدور على اللوحة دى من زمان. دى من كلاسيكيات الفن المسمارى الأصيل و لا تقدر بثمن. يا ترى والدك عنده استعداد يبعها، و يسلمنا الواد إسلام الفنان بالمرة

[SAbuhashem]

الحمد لله وصلت اللوحات المسمارية لعربيتي الليون اللي مكملتش كام شهر !

واللي مستغربله إن البيه كان بيتعلم الفن بتاعه في إلإكصدام الخلفي

اشمعنى مش عارف ؟!!

Thanks
Eng.Sherif Shaker

[Ahmad Allawy]

جايز كان قاعد في الارض يا شريف..
يا اما نايم تحت العربية..
او الحل الاهير بقي..
ان الطفل المعجزة.. لسة مش بيعرف يمشي اصلا..
بيزحف لحد ما وصل لمكان التعليم الاول للفن المسماري..
المفروض تعمل اعلان علي عربيتك بقي..
اول جداري مسمارية اكصدامية في جمهورية مصر العربية.. :) :)

[mohamed_88sk]

This image has been resized. Click this bar to view the full image. The original image is sized 749x392 and weights 22KB.


دي لوحة xo مسمارية (سنييه) لفنان موهوب اسمو eslam الله ينتقم منه ودة علي شنطة سيارة والدي من حوالي شهر

يا خبر أبيض إيه الأفترا ده منه لله بجد .... بس يا ترى كسب ولا لأ بعد الأذى ده :):)

[mohamed_88sk]

الحمد لله وصلت اللوحات المسمارية لعربيتي الليون اللي مكملتش كام شهر !

واللي مستغربله إن البيه كان بيتعلم الفن بتاعه في إلإكصدام الخلفي

اشمعنى مش عارف ؟!!

ممكن عشان إكصدامها كبير أو غريب بعض الشئ بالنسباله فقال مش حسيبها في حالها ....
ربنا يعوض على الناس بجد من الأذى ده .

[mahmoud6060]

يا باشا اعرفك بنفسى، أنا جامع تحف و لوحات مسمارية، و كنت بدور على اللوحة دى من زمان. دى من كلاسيكيات الفن المسمارى الأصيل و لا تقدر بثمن. يا ترى والدك عنده استعداد يبعها، و يسلمنا الواد إسلام الفنان بالمرة

:) ياباشا متغلاش عليك وعندي علي عربيتي شوية لوحات صغيرة سريالية و هندسية مسمارية بردو بس مش بالحجم الكبير دة اما بخصوص الفنان سمسم فربنا يوعدني اعرفو عشان اشجعو و اسلمهولك

يا خبر أبيض إيه الأفترا ده منه لله بجد .... بس يا ترى كسب ولا لأ بعد الأذى ده

مش عارف بصراحة هو كسب ولا لأ بس اول ما شفت اللوحة جاتلي هواجس شيطانية و تخيلت شكلو وانا مسكو و نازل فيه تشجيع بس للأسف مش عارف اجيبو حسبي الله ونعم الوكيل

[Goodle]

وساعات الفن المسماري بيبقى جماعي ....
اي والله جماعي ...
مش قادر انسى ان مجموعة فنانين كانوا مرة بيلعبو x o علي كابوت العربية الشاهين القديمة ....وعاملين المربعات وكل ما يلزم للعبة ...
ولما بعتها ... بعتها بسعر عالي جدا بسبب اللوحة الفنية الأصلية ( موقعة من الفنانين الجابذة ) اللي كانت عليها ....
اشمعني المسامير مش بتغلى زي باقي السلع ؟؟؟؟؟؟؟؟؟؟؟؟؟؟ .... سؤال بيطرح نفسه

يا ترى اللي اشتراها كان برضه الأستاذ rahwan جامع التحف المسمارية والصاجيات النادرة ؟؟؟

[Dr Ahmed]

جايز كان قاعد في الارض يا شريف..
يا اما نايم تحت العربية..
او الحل الاهير بقي..
ان الطفل المعجزة.. لسة مش بيعرف يمشي اصلا..
بيزحف لحد ما وصل لمكان التعليم الاول للفن المسماري..
المفروض تعمل اعلان علي عربيتك بقي..
اول جداري مسمارية اكصدامية في جمهورية مصر العربية.. :) :)

بصراحة أنا لو شفت الواد إسلام وهو بيلعب ال إكس أو مش هشجعه و بس دنا هشيل له اللوز وهو واقف

[OlaOsman]

لااااااااااااااااا ده الموضوع طلع كبير فعلا

امال انا ليه ماحدش من المسماريين دول بيقرب جنب عربيتي؟

يمكن عشان 127 و متمسمرة جاهزة؟ :)

انا كده بجد بدأت أعيد نظر في اني أغير عربيتي لعربية زيرو.. العربيات الجديدة النضيفة بتكون مستهدفة من شتى أنواع المخربين.. و على رأسهم المسماريين.