تقرير معاينة سيارة مستعملة: الدروس المستفادة والخسائر

[super_waves20]

شكرا ليك على انك سردت تجربة معاك بكل صدق
وعلى فكرة بلاش تطاوع الشيطان الى بيجيلك ويقولك كنت خدتها ومش مشكلة كنت هتصرف بس هتركب اوكتافيا اصل انا جربتة قبل كدة

[engtmk]

محدش بيبيع عربية مريحاه الا نادرا

ممكن يكون لظروف ماديه بتمر بيه وهو محتاج فلوسها

[opelawy]

بتفكرني حضرتك قبل ما ابيع العربية الاسترا بتاعتي

رحت للميكانكي بتاعي و صرفت الاتي
صلحت الكمبرسور عشان مكنش فيه استيراد زيه و شحب فريون ( 300 جندي)
سيور الكاتينة اتغيرت و معاها طقم البلي كلو ( مع انه لسه كان فيه روح - عملت بيه 30000 فقط ) ب 400 جندي
غيرت قربة الميه و حطيت ميه خضراء و كوعة الميه و غسلت الرادياتير 220 جندي
غيرت فلتر بنزين و تكييف و زيت ( 250 جندي )
غيرت زيت فتيس كلو بزيت شل
و كشفت كمبيوتر و كان في عطل و تم اصلاحة
و غير الكا كير و الرفايع و صرفت اجمالي قرب 3000 جنيه بس عشان لو بعت العربية و فيها مشكلة مش هنام من القلق و عدم راحة البال

والله العربية نزلها اعلان و اتباعت بعدها بساعتين
و مش مستني الادعوة حلوة من المشتري لما يشوف اللي عملتوا يقول ربنا يكرموا صاحب العربية

و الحمد لله ربنا وفقني في نيسان صني صاحبها محافظ عليها اكتر من عربتي كمان صحيح انا اتخميت في 2000-3000 في النيسان بس الحمد لله العربية الحالة متتعوضش
و الحمد لله

و فعلا نصاحيك في محلها و ربنا يكرمك بعربية كويسة

[myself112]

الحمد لله ان حضرتك ما وقعت فيها ... مش المهم الفلوس الى ادفعت , لان خسارتها منعت عنك خسارة اكبر بكتيييييي

[semi]

كلامك صحيح اضف نقطة مهمة جدا جدا جدا
لازم تاخد حد معاك بيفهم زيك او اكتر منك
عشان لو نسيت تبص على حاجه هو ياخد باله منها
ولو انت سحرتك العربية هو يفوقك ويقولك عيوبها
وحبذا لو واحد محترف اعرف ناس تبص على العربية من بعيد تجيبلك تقرير أولي عنها
عاملة حادثة او مركبة ربع او العفشة بتاعتها تعبانة او واخدة كم خبطة
غير لما يقرب منها يجيبلك كل حاجه بالتفصيل
لان المستعمل مغامرة وفي ناس بتحب تستعبط وتصورلك تخيلات

[د.أبونضال]

شكرا للافاده .. بس هو شكله واحد اتخم في العربيه وعاوز يخلص منها

اللهم عافنا واعف عنا...

[د.أبونضال]

محدش بيبيع عربية مريحاه الا نادرا

وخصوصا لو كان فيها كل الكماليات إلا لو كان محتاج فلوس ولا حاجة

[د.أبونضال]

ربنا نجاك منها. هو كمان نادرا ما هتلاقى حد كاتب الحاله الفعليه للسياره و يجب عدم الانخداع بمظهر البائع لانه احيانا بيبقى اسلوب لخداع المشترى

تمام ودي نقطة أنا نسيتها .... طبعا كان متشيك جدا وذوق جدا ... بالمقارنة بناس قفلت التليفون في وشي كذا مرة وأنا باتكلم في التليفون بعد ما باعت عربياتها منهم واحد هنا في المنتدى كان كاتب لدواعي السفر وبعد ما باع عمل إعلان مطلوب كذا طبعا موديل أعلى

[د.أبونضال]

ياااه احمد ربنا انه نجاك منها
فكرتنى بموضوعى ده
http://www.nilemotors.net/nile/300458-a.html

الحمد لله ..
موضوعك جميل وتقريبا نفس التجربة بالمللي ...

[د.أبونضال]

أشكرك اخى الكريم على طرح التجربه وجزاك الله عنا خيرا

عفوا أخي الكريم

[د.أبونضال]

علي فكره مش شرط انه نزل السعر ان العربيه بايظه او فيها مشكله انا نزلت في سعر عربيتي من 116 ل 110 ل 105 لاني محتاج ابيعها ومحتاج فلوسها.

احيانا بيكون اللي جي يشتري عايز ياخد العربيه بالرخييييييييييييييييييييييييييييص اوي ولو الواحد مستعجل وعايز فلوس بسرعه بيكون الحل انه ينزل في السعر عشان ربنا يكرم ويبيع

ربنا يكرم الجميع اللي عايز يبيع واللي عايز يشتري

أنا قلت كده برده وخصوصا بعد ما عملت سيرش على نمرته في جوجل ولقيته عامل إعلان عن سيراتو ب 80 ألف فقلت يبقى هيبيع الاثنين ويجيب كارينز مثلا أو فانتازيا ... وسألته في الموضوع ده وعرفت إن هي عربية واحد صاحبه وإنه هيبيع علشان الشركه هتديله قرض وهيشتري فانتازيا ... كل ده طبعا قبل ما اكشف

[SYD]

شكرا لنقل التجربة
المستعمل بيخدع للأسف
والحمد لله انك ما شتريتش لأن الألماني لو متبهدل بيبقي وحش اوي

[د.أبونضال]

شكرا لنقل التجربة
المستعمل بيخدع للأسف
والحمد لله انك ما شتريتش لأن الألماني لو متبهدل بيبقي وحش اوي

الحمد لله
أنا كمان قررت أجيب عربية أقل من طموحي لكن نضيفة أفضل ما أجيب أعلى من إمكنياتي لمجرد الطموح لكن زبالة وهتكرهني في الدنيا واللي فيها.

[د.أبونضال]

رايح اشوف عربية تانية النهارده الساعة 2... دعواتكم معانا يا شباب ... العربية في زهراء المعادي وهاكشف عليها في بنزينة موبيل اللي في شارع تسعة ... أنا هابدأ المشوار من دلوقت لأني باسافر من المنصورة ... هه ... استعنا على الشقى بالله ... يا مسهل يا رب .. توكلت على الله

[alfateh87]

الحمد لله أولاً و أخيراً
ألف شكر لك على هذه الدرر