**حملة : لا تتنازل عن عوامل الامان مهما كان **

[SAbuhashem]

لا تتنازل عن عوامل الأمان في العربية مهما كان !

أنا مش عارف ازاي الوكلاء بينزلوا عربيات في ٢٠٠٨ بدون أير باج واحدة حتى !
برة في عربيات بتنزل بدون قزاز كهرباء ولا سنتر ولا الكلام إلي احنا بنفرح بيه دة لكن أساسي إلايرباج وباقي عوامل الامان المعروفة

نصيحة لكل من يريد شراء سيارة جديدة لا تتهاون بعدم وجود عوامل الأمان وترتكن إلا أقاويل ذي ما هم اللي قبلنا كانوا بيسوقوا من غيرها ازاي ؟!

الظروف دلوقتي اتغيرت والسرعات اتغيرت وكمان تصميم السيارات اتغير
بقى إعتماد السيارة على عوامل الأمان من الأساسيات في تصميمها لنجاة الركاب
غيروا ثقافة إلباور والسنتر والقزاز الكهربا بقى ومتخليهمش من أساسيات ترجيحك لعربية عن التانية
بصراحة أنا عندي ال-ABS و الأير باج أفضل من التكييف و- السنتر !


إسأل فيها ABS و-EBD واللا لأ وهل على العجلات ال-٤ واللا قدام بس
إسأل فيها أير باج واللا لأ وكام واحدة ومرحلتين واللا مرحلة واحدة
إسأل عن قضبان الحماية في الأبواب والمقدمة
إسأل واخدة كام في إختبارات التصادم أمامية وجانبية
إسأل هل فيها تراكشن كونترول أو ESP أو غيره من أنظمة الامان واللا لأ

بلاش نفرح بشوية اوبشنز بينزلها الوكيل أو حتى بيركبها في الورشة في مصر ونسيب المهم اللي المفروض مبني عليه أساسات مركبة بتمشي بيك وبأسرتك على سرعات عالية و ومعرضين للأخطار في أي لحظة

فكر في المهم
متفكرش تقارن بين عربيتين واحدة بدون عوامل أمان والتانية بعوامل أمان
ودي من المقارنات العجيبة اللي خلتني عملت الحملة دي زي مقارنة إلسيراتو أو إللنترا باللانسر اللي فيها أيرباج و-ABS و-EBD بدون تحيز لماركة معينة والله يعلم

هل تعلم إن أخطر وسيلة نقل هي السيارة وانها أخطر من الطائرات اللي هي أئمنها !!

الاعمار بيد الله وكل شيء مكتوب لكن لا يصح''التواكل''
''ولا تلقوا بأيديكم إلى التهلكة ''

Thanks
Eng.Sherif Shaker

[Eng.Sameh]

لا تتنازل عن عوامل الأمان في العربية مهما كان !

أنا مش عارف ازاي الوكلاء بينزلوا عربيات في ٢٠٠٨ بدون أير باج واحدة حتى !
برة في عربيات بتنزل بدون قزاز كهرباء ولا سنتر ولا الكلام إلي احنا بنفرح بيه دة لكن أساسي إلايرباج وباقي عوامل الامان المعروفة

نصيحة لكل من يريد شراء سيارة جديدة لا تتهاون بعدم وجود عوامل الأمان وترتكن إلا أقاويل ذي ما هم اللي قبلنا كانوا بيسوقوا من غيرها ازاي ؟!

الظروف دلوقتي اتغيرت والسرعات اتغيرت وكمان تصميم السيارات اتغير
بقى إعتماد السيارة على عوامل الأمان من الأساسيات في تصميمها لنجاة الركاب
غيروا ثقافة إلباور والسنتر والقزاز الكهربا بقى ومتخليهمش من أساسيات ترجيحك لعربية عن التانية
بصراحة أنا عندي ال-ABS و الأير باج أفضل من التكييف و- السنتر !


إسأل فيها ABS و-EBD واللا لأ وهل على العجلات ال-٤ واللا قدام بس
إسأل فيها أير باج واللا لأ وكام واحدة ومرحلتين واللا مرحلة واحدة
إسأل عن قضبان الحماية في الأبواب والمقدمة
إسأل واخدة كام في إختبارات التصادم أمامية وجانبية
إسأل هل فيها تراكشن كونترول أو ESP أو غيره من أنظمة الامان واللا لأ

بلاش نفرح بشوية اوبشنز بينزلها الوكيل أو حتى بيركبها في الورشة في مصر ونسيب المهم اللي المفروض مبني عليه أساسات مركبة بتمشي بيك وبأسرتك على سرعات عالية و ومعرضين للأخطار في أي لحظة

فكر في المهم
متفكرش تقارن بين عربيتين واحدة بدون عوامل أمان والتانية بعوامل أمان
ودي من المقارنات العجيبة اللي خلتني عملت الحملة دي زي مقارنة إلسيراتو أو إللنترا باللانسر اللي فيها أيرباج و-ABS و-EBD بدون تحيز لماركة معينة والله يعلم

هل تعلم إن أخطر وسيلة نقل هي السيارة وانها أخطر من الطائرات اللي هي أئمنها !!

الاعمار بيد الله وكل شيء مكتوب لكن لا يصح''التواكل''
''ولا تلقوا بأيديكم إلى التهلكة ''

Thanks
Eng.Sherif Shaker

+100000000000000000000000

كلام صحيح 100*100 ، ويا ريت الناس فعلا تترك السطحية ، وتنظر للأمور بشيء اكثر عقلانية واكثر عمقا وتحليلاً

[islambana]

كلامك صح بس المشكله فينا احنا 90%من اللي بيشتروا عربيات مش عارفين معاني وفوائد الحاجات دي عشان كده مابييفكروش لكن عارفين وظيفه التكييف والسنتر والكلام الفاضي ده عشان كده بيفكروا فيها

احييك علي فكرتك دي

[limo]

كلام مضبوط 100 %

انا لما جيت اشترى الانسر جبتها هاف سبورت خليجى مخصوص علشان ال 2 اير باج والabs فقط
وتقريبا كنت مستبعد الانترا علشان مفيهاش الاير باج ولا ال abs

ولما جربت الabs فى كذا موقف عرفت قيمتها قوى
ربنا يستر طريقنا ويبعد عنا شر الحوادث

[tutankhamoun]

أصبت و الله يا باشمهندس كبد الحقيقة
المصيبة إن طريقة سواقتنا في مصر محتاجة عوامل أمان أكثر بكثير من خارجها

و نبص للتكييف بس أو السنتر و الكاسيت بس على حساب
الفرامل القوية من نوعية ABS و نوعية EBD
و الوسائد الهوائية ......... و قضبان الحماية

فعلا عوامل الأمان في السيارة مهمة جدا

و فيه حاجة كمان أحب أضيفها

القيادة الرزينة الهادئة المتزنة
تجنبك الكثير من المواقف الصعبة و هذا ما أتبعه منذ أن وضعت يدي على مقود سيارة

و بارك الله فيك و هدانا جميعا لما فيه الصالح لأنفسنا و للأمة جمعاء

[mo3tazelgamal]

موضوع أكتر من رائع عوامل الأمان أهم عامل فى شراء السيارة

[vet mitcho]

والله يا شريف عندك حق
وللاسف اكثر العربيات المنتشرة في السوق المصري واخدة نجمتين امان مثلا
ولو اني مكنتش عاوز اضرب امثلة
لكن مثلا عربية زي الاكسنت القديمة و الجديد حتى هتلاقيها خطر جدا في الحوادث
لكن مثلا عربية زي ال I30 متهيالي اربع نجوم في اختبارات الحوادث

وفعلا لو الدول الاوربية بتفكر في عوامل الامان مرة احنا لازم نفكر مية
لان هناك فيه نظام و الناس عارفه اللي ليها و اللي عليها
لكن هنا....
الاحوال ما شاء الله لا تسر احد

وربنا يحفظنا

[Ahmad Allawy]

ما شاء الله ..
تسلم ايدك يا شريف بك..
يا رب اي حد يفكر في شرا عربية يكون الكلام ده حاضر في دماغه وهو بيتفرج و بيقارن..
انا عن نفسي من اسماني بالكلام ده.. لما حد بيلب مقارنة بين عربيتين.. في مفس الفئة السعرية.. بارشح العربية اللي عوامل الامان فيها اكتر.. مهما كانت صناعتها بالفعل..
ويا ريت كل اللي بيقارن تكون النقطة دي حاضرة في دماغه..

و الف شكر ليك علي الموضوع الهاااااااااااااااااااام جدا و يا ريت يتثبت في قسم المقارنات.. عشان كل اللي عايز مقارنة يقرا الموضوع ده الاول..

[OldVic]

موضوع ممتاز جدا يا شريف بك، و بالصدفة كنت أدخل على الموقع الان لكتابة موضوع عن اختبارات الامان و ال ratings التى تحصل عليها السيارات المباعة هنا فى مصر فوجدت موضوعك و اسمح لى ان أكمل عليه الاتى:

ألم يكن من الاولى عند تعديل قانون المرور إلزام الوكلاء و المستوردين و المصنعين إعلان ال crash test rating سواء ان كان الاوروبى EuroNCAP او الامريكى؟ و ذلك حتى نتخلص من التخاريف التى نصادفها فى الصحافة و معظم اعلانات الوكلاء من عينة "مصابيح قوية و فرامل قوية" كدلالة على معدلات "الامان" العالية، ما هذا الهراء؟ لا أعلم اذا كان من المناسب أن اذكر موديلات بعينها ذات معدل امان متدنى جدا و تباع هنا فى مصر ام لا و لكن نظرة بسيطة على اختبار التصادم لاحدى السيارات الكورية (و تباع هنا تحت علامة امريكية) تجعلك تدرك حجم الماساة، فالناس هنا تدفع دم قلبها فى سيارات ذات معدلات امان منخفضة و معظمها بدون وسائد هوائية او فرامل مانعة للانغلاق دون ان يدركوا ما يعنى هذا.

[mshamy]

و الله الواحد من كتر ما بيشوف من المصايب ابتديت افكر اغير التابلوه بتاع عربيتي و اجيب التابلوه الأوروبي اللي بيبقى فيه وساده هوائية للراكب الأمامي عشان عربيتي مافيهاش إلا وسادة واحدة للسائق وربنا يسهل في تمن التابلوه لأن صاحبه طالب فيه 3000 جنيه يا رجاله
بس اهو يعتبر أخذ بالأسباب و ربنا ما يكتب علينا حوادث
قولوا آمين

[ASD peugeot]

موضوع مهم جدا فعلا ونصيحه غاليه لكل من يريد شراء سياره انه يجب ان يهتم بعوامل الامان
وكل شئ مقدر بعد كده
بس سؤال جهاز Abs -ebd يعتبر جهاز واحد ومرتبطين مع بعض ولا ايه وازاي ممكن يكونو مع العجلات الاماميه فقط

[Ghamrawy]

تمام يا باش مهندس شريف كلامك صح 100 فى ال 100
و حتى لو العربية عاملة شغل جامد فى اختبارات التصادم الاوروبية و الامريكية فهيا غير اللى بتنزل مصر خالص زى الجيتز اللى فيها
Safety equipment
Front seatbelt pretensionersFront seatbelt load limitersDriver frontal airbagFront passenger frontal airbagSide body airbagsSide head airbags
و اللى بتنزل مصر ما فيهاش حاجة من دول خالص يعنى المفروض تبقى نجمة واحدة مش اربعة
المهم ياريت الناس كلها تعرف الموضوع ده و تاخد بالها من نقطة الاختلاف دى و الوكلاء كمان يتعاملوا مع الجمهور على انه جمهور درجة اولى مش تالتة و كفيانا بقى تنازل

[PRO-DRIVE]

بجد اصبت الحقيقه

اي اوبشن في العربيه ممكن يتركب بعد كدا

لكن عوامل الامان صعب جدااا انها تتعوض


غير بعض الناس اللي فاكرين نفسهم سواقين لا يقهروا و الحجات دي مبتهمناش و مبتفرقش معانا

و انه مدام بيعرف يسوق كويس ممكن يركب اي حاجه :(

[جمال]

موضوع مهم جدا جدا
وانا متابع معاكم باهتمام
وفعلا الوكلاء بمصر ( طبعا مش كلهم ) بيشيل عوامل الامان و يهتم بالسنتر و التكييف و الانذار

[SAbuhashem]

شرح سريع و بسيط لمن يعتقد إعتقاد خاطئ إن الناس زمان كانوا يسوقوا عربيات بدون أيرباج ولا غيره و كانوا تمام

عربيات زمان كانت فيها عوامل أمان لكن بدائية شويه ألا و هي الإعتماد على كمية الحواجز و الحديد و دة تصميم أثبت فشله الذريع في حماية الركاب بل بالعكس كان من أهم أسباب وفاة ناس كتير

كانوا بعتمدوا إن العربيات يكون ليها شاسيه كمر حديد و صاج زي التهمة و طبعاً أبسط شيء حزام الأمان

لكن دلوقتي الموضوع إختلف العربيات وصل بيها الدرجة إن الجسم الخارجي بقى ألياف كربون أو صاج خفيف جداً و مفيش شاسيه بالمعنى المعروف لأن معظمها واخدة فكرة ال Uni Body و مع ذلك واخدة أعلى درجات الامان زي الميجان مثلاً ليه
بسبب أنظمة الأمان اللي فيها و مناطق الإنهيار في المقدمة اللي بتمتص الطاقة الناتجة عن التصادم

هل عمرك سألت عن الحاجات د في عربيتك الجديدة هل عمرك سألت الدركسيون والبدالات بتنهار في التصادم واللا لأ ؟
ودول أهم أسباب كسر الساق والركبة أو الأضلاع في حالة إصطدامك بالدركسيون بدون أيرباج!
و علشان رجلك بتكون محملة على الفرامل بشدة ومع التصادم لو منهارش البدال ممكن يكسر رجلك !

هات الميجان و شيل منها كل عوامل الأمان و دخلها الإختبار هتجيب مش زيرو لأ بالسالب !

حد شاف إختبارات العربيات القديمة إلي أجروها حديثاً كارثة بمعنى الكلمة وإلي كانو زمان يقولك دي دبابه دي عربية حديد في حديد كل دة أثبت فشله !

ناهيك عن التصميمات الحديثة لحماية المشاه

نصيحة لوجه الله بخصوص المشاه

ابعدوا عن حاجة اسمها '' دفندرات''

بتزيد نسبة وفاه المشاه بشكل فظيع و تسبب نزولهم تحت العربية أثناء التصادم و تدمر كل التصميمات الهندسية اللي معمولة لحماية المشاه

تاني حاجة بتكون عائق مهول أمام عمل نظام الاير باج

حمل دائم على العربية مما يؤدي لزيادة إستهلاك البنزين و تقصير عمر المحرك و أجهزة نقل الحركة

بتتركب في ما يمكن تسميته شاسيه العربية يعني أي خبطة جامدة شويه بدل ما كانت هتيجي في إكصدام بيتغير لأ هتيجي في أساس بناء العربية و دة يدل على انها كماليات فاشلة تماماً و هدامة مش بناءة .

Thanks
Eng.Sherif Shaker