**حملة : لا تتنازل عن عوامل الامان مهما كان **

[Ahmad Allawy]

الفرامل في منها نوعين..
Disks & Drums
الديسكات دي اللي هي زي الطنابير اللي قدام كده.. بيسموها طنابير سكينة..
و المكبس بتاعها بيمسك من برة كده زي الايد اللي ماسكة رغيف عيش.. (حلو المثال ده..؟؟ :) )
لكن النوع التاني اللي هو الطبلة.. او الصنايعية بيسموه فرامل قبقاب.. (برضه اسم عجيب :) )
الطنبورة بتبقي زي السلطانية كده و التيل بيبقي جواها.. و بيمسك لبرة..
التيل بيبقي دائري كده و بيمسك علي السطح الداخلي للطنبورة..

[عزيز محمد]

السلام عليكم ورحمة الله وبركاته

جزاك الله خيرا يا باشمهندس شريف على إطلاق هذه الحملة.

إسمحولى أقول شوية أفكار عشان الحملة تبقى (حملة) بجد:

1- التعريف بوسائل الأمان الحديثة والتى لا يعرف معظمنا - وأنا منهم - عنها إلا اختصارات اسماءها، مع توضيح أهمية كل وسيلة منهم.

2- يتطوع عضو عن كل ماركة سيارات فى السوق المصرى - ويفضل من لهم قناة اتصال بالوكيل - بإجراء حصر لوسائل الأمان المتاحة فى سيارات هذه الماركة.

3- الأعضاء الخبراء فى الحصول على نتائج اختبارات الأمان للسيارات فى دول العالم التى تأكل طحينة مع الكباب يضيفوا على الحصر اللى هيتعمل فى الخطوة السابقة نتائج الاختبار لكل سيارة (طبعا فيه اختلاف كبير فى وسائل الأمان المتاحة فى السيارات التى أجرى عليها الاختبار والسيارات التى يبيعها الوكيل فى مصر ، ولكن على الأقل هذه الاختبارات تعطى صورة عن سلوك هيكل السيارة عند التصادم وده ممكن يكون مفيد باعتبار أن السيارتين يشتركان فى نفس الهيكل)

4- تجميع النتائج السابقة فى شكل قاعدة بيانات تكون متاحة لكل زوار الموقع توضح ترتيب السيارات وفق احتواءها على وسائل الأمان، بحيث تمثل القاعدة مرجع لكل اللى بيفكر فى شراء سيارة.

5- ممكن بناء على التقييم السابق نبدأ حملات من نوعية "لا هيونداى بعد اليوم" للضغط على الوكلاء الذين لا تتمتع سياراتهم بدرجة أمان عالية.


6- تحديد نسبة الجمارك التى يتم احتسابها على كل وسيلة من وسائل الأمان ، والتقدم بطلب للسلطات المختصة بإلغاء أو تخفيض الجمارك على هذه الوسائل أو على بعضها (ولنا فى موضوع باشمهندس أحمد أسوة حسنة حينما وصل صوت المنتدى إلى رئاسة الوزراء)

شوية أفكار مبدأية أرجو من الأخوة الأعضاء تعديلها أو الإضافة عليها والأهم: جعل هذه الحملة بداية فعلا نقول فيها إننا عاوزين أمان أكثر فى سياراتنا

[ASD peugeot]

فعلا اقتراح موفق يا استاذ عزيز
منتظرين الرد من باقي الاعضاء
ومحاوله المساعده في تنفيذ هذا الاقتراح
اما انا لسه في زمن ال 504 يعني العفشه الحديد و الصاج المتين

[El Prince]

انا معجب جداً بالموضوع ده يا جماعه
و معجب كمان باقتراحات ا / عزيز

بس ليا سؤال قصير كده حازز فى نفسى :
أنا " سمعت" ماشوفتش والله , ان بعض السيارات بتعمل حوادث و ان الاير باج مش بتتفتح !
هل الكلام ده صحيح ؟ او ايه نسبة الصح من عدمه فيه ؟
بفكر بصوت عالى معاكو
و يا رب تكون مشاركة مفيدة

[som3aa]

شكرا على شرح الديسكات
انا بس عايز اعرف يفرق كتير عن الabs؟

ولنا فى موضوع باشمهندس أحمد أسوة حسنة حينما وصل صوت المنتدى إلى رئاسة الوزراء

ايه الموضوع دا؟

[Zordon]

السلام عليكم
انا متابع جيد للمنتدى لكن دى اول مشاركة ليا
بصراحة الموضوع انا شايفه مهم جداً و فعلاً اللى بتعمله التوكيلات فى مصر"و خصوصاً غبور" ده اسمه استهبال، انا عندى فرامل الABS اهم 10000000000 مرة من الفرش الجلد و السنتر و باقى الكماليات العديمة الفائدة

و بمناسبة الموضوع الجميل ده حبيت اسأل سؤالين كدة:
1. ما هى افضل سيارة فى مصر تتوافر فيها عناصر الأمان فى حدود 75 ألف؟؟ "لأنى أنوى شراء عربية فى هذه الفئة السعرية"

2. ما هى افضل سيارة فى مصر تتوافر فيها عناصر الأمان فى حدود 90 ألف؟؟ "لأن والدى ينوى شراء عربية فى هذه الفئة السعرية"

3. هل فرامل ال ABS فى اللانسر 2007 تعمل على الاربعة عجلات ام اثنان فقط؟؟

[som3aa]

انا عندى فرامل الABS اهم 10000000000 مرة من الفرش الجلد و السنتر و باقى الكماليات العديمة الفائدة

كلامك مظبوط جدااا , مهمة جدا جداااا خصوصا للى مجربها

[fahd_628]

1. ما هى افضل سيارة فى مصر تتوافر فيها عناصر الأمان فى حدود 75 ألف؟؟ "لأنى أنوى شراء عربية فى هذه الفئة السعرية"

دايهاتسو سيريون بس اكتر بحاجة بسيطة ( فيها 2 ايرباج و لكن مفيش ABS )

2. ما هى افضل سيارة فى مصر تتوافر فيها عناصر الأمان فى حدود 90 ألف؟؟ "لأن والدى ينوى شراء عربية فى هذه الفئة السعرية"

بروتون جين 2 ( 2 airbags و ABS و EBD )
تويوتا ياريس ( 2 ايرباج فى كلة و ABS فى الأوتوماتيك فقط )
نيسان صنى ( 1 ايرباج فقط ) و 2 للسوبر صالون




دول الى انا فاكرهم دلوقتى

[Ahmad Allawy]

تصحيح..
السيريون الاوتوماتيك كلها فيها ايه بي اس..
المعلومة مؤكده لأن واحد صاحبي معاه العربية و ركبتها معاه و جربنا النظام ده وانا معاه..

[SAbuhashem]

معاذ
أعتقد بنسبة كبيرة إن هي دي وأقولك استنى لم نعمل التست درايف إياه وهنتأكد منها
و أكيد ال-EBD ليه وحده تحكم

بالنسبة لل-Drums إلي ورى ممكن يكون عليها ABS معتقدش و مش متأكد بس عموماً نظام الDrums دة نظام ضعيف واللي يركب عربية فيها Disks ورى هيحس بفارق رهيب في الفرامل عن ال-Drums للأحسن طبعاً

أما موضوع العربيات اللي فيها أير باج مبتفتحش فدة للأسف بيحصل على أساس عيوب تصنيع في بعض الحالات.

Thanks
Eng.Sherif Shaker

[mshamy]

بلإضافه لكلام المهندس شريف بخصوص عيوب التصنيع "معظمه صيني" ممكن تكون الحادثة حصلت في مكان بعيد عن حساسات التصادم الخاصة بالوسائد الهوائية و بالتالي ما بتفتحش الوساده و خصوصا في موديلات التسعينات حيث كانت السيارات يا إما بواساده عند السائق و ممكن للراكب الأمامي فقط و بعد كه بدأت الشركات تزود أعداد الوسادات حيث أصبحت 4 ثم 6 ثم 8 و بعض السيارات حاليا سمعت ان فيها 10 وسائد هوائية علشان لو حدث تصادم من اي اتجاه يبقى فيه عنصر أمان للراكب المتواجد ناحية الحادث

انا معجب جداً بالموضوع ده يا جماعه
و معجب كمان باقتراحات ا / عزيز

بس ليا سؤال قصير كده حازز فى نفسى :
أنا " سمعت" ماشوفتش والله , ان بعض السيارات بتعمل حوادث و ان الاير باج مش بتتفتح !
هل الكلام ده صحيح ؟ او ايه نسبة الصح من عدمه فيه ؟
بفكر بصوت عالى معاكو
و يا رب تكون مشاركة مفيدة

[Zordon]

دايهاتسو سيريون بس اكتر بحاجة بسيطة ( فيها 2 ايرباج و لكن مفيش ABS )



بروتون جين 2 ( 2 airbags و ABS و EBD )
تويوتا ياريس ( 2 ايرباج فى كلة و ABS فى الأوتوماتيك فقط )
نيسان صنى ( 1 ايرباج فقط ) و 2 للسوبر صالون




دول الى انا فاكرهم دلوقتى

شكراً على ردك يا فهد باشا و انا فعلاً بفكر فى السيريون لكن حاسس انها صغيرة شوية و خايف من قطع غيارها
بالنسبة لوالدى انا برده رشحتله الجين 2 لكنه قاللى شكلها عيالى قوى

[tamohsen]

شكراً على ردك يا فهد باشا و انا فعلاً بفكر فى السيريون لكن حاسس انها صغيرة شوية و خايف من قطع غيارها
بالنسبة لوالدى انا برده رشحتله الجين 2 لكنه قاللى شكلها عيالى قوى

Yaris Half options Automatic
فيها
ABS + EBD + 2 Airbags

[sherif_84]

طبعا العربية الصينى رخيصة جدا جدا جدا و معظم وسائل الامان اللى فيها لعبة و ملهاش اى لزمة زى الabs و الairbags و الكلام دا.
اللانوس بره بينزل فيها airbags تخيل.
و الاكسنت فى انجلترا بينزل فيها abs + airbags + ebd + esp
يا راجل دا الi10 بينزل فيها esp بره و هنا فى مصر السوناتا 1 و لا 2 airbags و مفيش ESP.

شكرا على الرد ياسمعة ربنا يكرمك

[som3aa]

و الاكسنت فى انجلترا بينزل فيها abs + airbags + ebd + esp
يا راجل دا الi10 بينزل فيها esp بره

معلش تصحيح الاكسنت و الi10 مبينزلش فيهم esp
اسف على الغلطة