شركة كونتاكت اصبح تقسيطها إسلامى .....!!!!

[Yarisawy]

السلام عليكم ,

قبل كده كان فى موضوع عن التقسيط الاسلامى وان شركة كونتاكت كان تقسطها مش اسلامى وده بسبب

1- التأمين كان إجبارى من عندهم ولازم تقسطه
2- الشركة تأخذ نسخة من المفتاح
3- يتم احتساب غرامات تأخير
4- صيغه العقد

الأن تم تعديل كل ده واصبح

1- التأمين إختيارى
2- لا تأخذ الشركة نسخة مفتاح
3- لا يتم احتساب غرامات تأخير
4- تم تعديل صيغه العقد ليصبح موافق للشريعه الإسلامية


انا حبيت اقول الخبر ده لأن بصراحة الشركة دى محترمة فعلا وزاد احترامها فى نظرى بعد التعديلات دى

[OlaOsman]

جزاك الله خيرا على الخبر :)

[Noha.M]

حضرتك متاكد من الخبر دة ؟؟

الف شكر

[Sharky]

الخبر صحيح و تم نشره فى ملحق السيارات الخاص بأهرام الجمعة

[amrhussein123]

تسلم ايديك علي الموضوع الهايل

بس ياريت ايضاح اكبر عشان ممكن الكلام ده يكو مثلا بعد دفع 50% من سعر العربيه مثلا او بشروط معينه زي ودائع في بنوك معينه او حجه زي كده

[mohamed_88sk]

بجد طيب إيه المطلوب أرجوك توضيح لو عندك معلومات . ولك جزيل الشكر.

[re3ooo]

دة خبر جامد جدا

[Yarisawy]

ايوا يا جماعه الموضوع أكيد طبعا وهى هى نفس شروطهم قبل كده

- لا تقل الدفعه المقدمه عن 25% من ثمن العربية
- التقسيط بحد اقصى 5 سنوات
- ورقة مفردات مرتب

يعنى عادى الشروط العاديه

ادى الموقع
*******************

وده التليفون

16177

[hazem_khidr]

طب بالنسبه للي مقسط من زمان
ممكن يمشي عليه الشروط الجديده ولا لاء؟؟؟؟؟؟؟
يا رتني صبرت :(

[SAbuhashem]

يعني أصبح اني ممكن أقسط عندهم بدون تأمين نهائي واللا إختياري بمعنى إختيار الشركة المفضلة لي ؟

ما زلت شايف إن معدلات الفائدة مرتفعة عند كونتاكت


Thanks
Eng.Sherif Shaker

[HeMa1981]

التأمين اصبح بإختيار المشترى
واهم من كده انهم لغوا النقطة بتاعت ان توفى المشترى يتم تحصيل المبلغ المتبقى كاش او ياخدو العربية ..... ودى كانت من اهم النقط
بالإضافة انه هيسلمك كل شئ يخص العربية المفتاح التانى

مفيش غير نقطة البعض يرى انها غير شرعية ولكن اباحها جمع من اهل العلم الموثوق بهم بإذن الله الا وهى حظر البيع

فهناك من اهل العلم من اباح للبائع ان يقوم بعمل رهن حيازى على السيارة حتى اكمال المبلغ
والنقطة دى ممكن تتكلم فيها مع كونتاكت وممكن يعدلوها والله اعلم لأن الشركة دى محترمة جداً وبتاخد خطوات ايجابية جداً عكس اغلب الشركات اللى بتعلن عن تقسيط اسلامى وتروح تلائي لا تقسيط شرعى ولا حاجة

والحمد لله ان الناس بدأت تتجه لكده عشان ربنا يبارك فى الرزق

[OlaOsman]

التأمين اصبح بإختيار المشترى
واهم من كده انهم لغوا النقطة بتاعت ان توفى المشترى يتم تحصيل المبلغ المتبقى كاش او ياخدو العربية ..... ودى كانت من اهم النقط
بالإضافة انه هيسلمك كل شئ يخص العربية المفتاح التانى

مفيش غير نقطة البعض يرى انها غير شرعية ولكن اباحها جمع من اهل العلم الموثوق بهم بإذن الله الا وهى حظر البيع

فهناك من اهل العلم من اباح للبائع ان يقوم بعمل رهن حيازى على السيارة حتى اكمال المبلغ
والنقطة دى ممكن تتكلم فيها مع كونتاكت وممكن يعدلوها والله اعلم لأن الشركة دى محترمة جداً وبتاخد خطوات ايجابية جداً عكس اغلب الشركات اللى بتعلن عن تقسيط اسلامى وتروح تلائي لا تقسيط شرعى ولا حاجة

والحمد لله ان الناس بدأت تتجه لكده عشان ربنا يبارك فى الرزق

طيب ماهو بديهي يا جماعة ان الواحد ما يقدرش يبيع حاجة مش ملكه و العربية بالبديهة مش بتبقى ملك للمشتري إلا لما يسدد أقساطها.

[HeMa1981]

لأ العربية شرعاً اصبحت ملك المشترى
لذا رهن البيع دى مسألة تكلم فيها العلماء وان شاء الله ان يسر الله سأضع كلام العلماء فيها والمنتدى هنا فيه الكلام ده بس بعدم الجواز واعتقد انه كان للشيخ الفاضل على السالوس

وان كان برضه حتى لو عليها حظر بيع ممكن بتجيب حد يشرى العربية ويكمل هو الاقساط بدلك
لكن النقطة فى ان حظر البيع بيمنعك من بيع العربية كاش لحسابك مع الزامك بدفع القسط للشركة حتى لو بعتها لكن فى شركات بتخاف

وفى فى السعودية النظام ده موجود يعنى بتشرى بالقسط ولا حظر بيع ولا اى حاجة بئت ملك للمشترى حر التصرف يبعها يخللها يبعمل اللى هو عايزة فيها لكن واجب عليه تسديد ماعليه للبائع لأنه دين عليه

[oss_m]

السلام عليكم و رحمة الله ،

انا مشترك من زمان فى نايل موتورز بس ماكنتش باشارك لظروف وقتى و يسعدنى تكون أول مشاركة لى فى موضوع مفيد زى ده.

المكتوب يا جماعة فى ملحق سوق السيارات بتاريخ 4/7/2008 ان التأمين اختيارى بمعنى ان العميل يختار شركة التأمين.
و ده جزء من نص الحوار :
( ..... أما الان فقد تم فتح باب الاختيار أمام العملاء بشرط أن تكون شركة التأمين المصدرة للوثيقة معتمدة من قبل الهيئة المصرية للرقابة على التأمين.
..... أصبح للعميل حرية اختيار شركة التأمين التى تقدم الخدمة التأمينية لسيارته الممولة كما يمكنه أيضا التأمين من خلال نادى خدمة كونتاكت .... )

يا ريت يا جماعة لو أنا اللى فاهم غلط حد يوضح الصورة كاملة.

يا ريت كمان لو حد يقدر يفيدنا فى موضوع التأمين التكافلى .. هل هو جائز شرعاً و هل فيه شركات فى مصر بتقدمه ؟

و أنا اسف ان أول مشاركة لى محبطة بالشكل ده. بس حسيت ان ده واجبى.

[الطنطاوي]

يا ريت الخبر ده يعرفوا كل الناس لأن ده معناه إن الشركات دي بتعمل اللي الناس عايزاه يعني هم أكيد عملوا كده لما وجدوا إن معظم الناس بتدور على تقسيط إسلامي فياريت أي حد يبعد عن الحرام وأكيد الحلال هايجي له
لو الناس بتطلت تدخين أكيد مش هايكون هناك شركات تدخين وهكذا نفس الموضوع بالنسبة للبنوك