شركة كونتاكت اصبح تقسيطها إسلامى .....!!!!

[OldVic]

بالضبط يا أستاذ Oss-M، كل ما حدث هو اتاحة الفرصة للعميل لاختيار شركة التأمين التى يفضلها. بالنسبة لباقى الزملاء، يا جماعة كيف يعقل أن تقوم الشركة بتمويل شراء سيارات بدون تأمين؟؟؟ أتمنى أن يضع كل منكم نفسه مكان الشركة، كيف لها أن تضمن حقها بدون حصولها على تأمين لصالحها؟

شكرا.

[mohameduoser]

يا ريت الخبر ده يعرفوا كل الناس لأن ده معناه إن الشركات دي بتعمل اللي الناس عايزاه يعني هم أكيد عملوا كده لما وجدوا إن معظم الناس بتدور على تقسيط إسلامي فياريت أي حد يبعد عن الحرام وأكيد الحلال هايجي له
لو الناس بتطلت تدخين أكيد مش هايكون هناك شركات تدخين وهكذا نفس الموضوع بالنسبة للبنوك

عندك حق الحلال مفيش احسن منه

[oss_m]

بالضبط يا أستاذ Oss-M، كل ما حدث هو اتاحة الفرصة للعميل لاختيار شركة التأمين التى يفضلها. بالنسبة لباقى الزملاء، يا جماعة كيف يعقل أن تقوم الشركة بتمويل شراء سيارات بدون تأمين؟؟؟ أتمنى أن يضع كل منكم نفسه مكان الشركة، كيف لها أن تضمن حقها بدون حصولها على تأمين لصالحها؟

شكرا.

طيب و لو فيه أرض مثلا أو وديعة بنك مش ممكن تبقى ضمان ليهم ؟ و للا برضه لازم التأمين.

حاجة تانية .... دلوقتى أنا عندى وديعة فى بنك فيصل .. و ان شاء الله لو بعت عربيتى هيبقى معايا نصف تمن العربية الزيرو. يا ترى كده هيبقى ايه نظام التقسيط مع بنك فيصل ؟

[أبو عبدالله]

يا اخواني اللي عاوز يتأكد والموضوع بالنسبة له مهم ياخد صورة من عقدهم ويعرضها على شيخ يعرف بالتقوي والأيمان والتخصص في نفس المجال

[أبومعاذ]

رهن البيع دى مسألة تكلم فيها العلماء وان شاء الله ان يسر الله سأضع كلام العلماء فيها والمنتدى هنا فيه الكلام ده بس بعدم الجواز واعتقد انه كان للشيخ الفاضل على السالوس

الشيخ قال بجواز الرهن

[HeMa1981]

ايه ده
ده كده 100 100
انا صراحة كنت فاكر ان الشيخ على من معارضى نقطة الرهن

طيب يا اخى الله يجازيك خير
كده بعون الله اجيب من عند كونتاكت بإذن الله

هما احلى حاجة فيهم انهم عندهم تجاويب رهيب يعنى لو اولتلهم النقطة دى غير شرعية علطول يروحوا يسألو وهما عملو كده فى الفترة الأخيرة وان شاء الله لما اعرف من المشايخ اللى راجعت العقود الجديدة هئولكم لأنهم راجعو العقود الجديدة عن طريق مشايخ

[som3aa]

مفيش غير نقطة البعض يرى انها غير شرعية ولكن اباحها جمع من اهل العلم الموثوق بهم بإذن الله الا وهى حظر البيع

فعلا النقطة دى مش محتاجة كلام , العربية بتاعتك و كل حاجة , الموضوع كله ان البايع لازم يضمن حقه!
و بصراحة كويس ان الشيخ قال انه يجوز لان اى حد يقول غير كدا فى رايى يبقى متشدد اوى (مش عايز اقول كلمه اشد).
يعنى هو مش بيقولك متبيعش العربية , دا بيقولك بيعها عادى بس بمعرفته مش اكتر علشان ياخد فلوسه لما تبيعها!!!!!
مفيهاش اى حاجة خالص!!!!
انا مش فاهم الناس ازاى شاكة فى النقطة دى من الاول؟
معلش بس ربنا خلقلنا عقل نفكر بيه , لازم نسال فى الحاجات اللى مش فاهمين فيها علماء الدين ’ انما السؤال دا عامل زى واحد بيسال حلال اشترى بيت جديد و لا حرام!!

يعنى عايزين الشركات تسيب الناس تشترى العربية و تبيعها و تنصب عليهم و خصوصا اننا فى مصر ابقى قابلنى لو جابوهم!!
يعنى الشركة مش بتمنعك تبيعها , مجرد بلغهم و بيعها عن طريقهم و سدد باقى التمن و خد الباقى ليك (مجرد يبقوا معاك و ياخدوا فلوسهم)!!

[ows212]

بالضبط يا أستاذ Oss-M، كل ما حدث هو اتاحة الفرصة للعميل لاختيار شركة التأمين التى يفضلها. بالنسبة لباقى الزملاء، يا جماعة كيف يعقل أن تقوم الشركة بتمويل شراء سيارات بدون تأمين؟؟؟ أتمنى أن يضع كل منكم نفسه مكان الشركة، كيف لها أن تضمن حقها بدون حصولها على تأمين لصالحها؟

شكرا.

انا قريت المقالة كويس التأمين مش اجبارى ...
ولو عايز تأمن ماشى براحتك مش لازم تأمن عند كونتاكت كار
زمان كان لازم تأمن عند كونتاكت

[أبومعاذ]

الفرق الوحيد حاليا هو ان التأمين بقى مسموح مع غير كونتاكت و قبل كدا كان لازم تأمن معاهم
السؤال هو : هل في تأمين تكافلي حقيقي و شرعي ؟

[som3aa]

هل في تأمين تكافلي حقيقي و شرعي ؟

الصراحة معتقدش بس انا فهمت الفكرة.
الفكرة فى التامين التكافلى ان باقى الفلوس بيرجعلك بعد ميوزعوا الفلوس اللى الناس دفعتها عليهم كلهم بعد خصم تكاليف تصليح كل العربيات حسب النسبة الىل كل واحد دفعها و تكاليف التصليح اللى خادها.
اللى الشركات بتعملوا فى مصر انها بعد 4 سنين على ما اعتقد بترجعلك الفلوس فبالتالى بتكون استثمرت الفلوس دى 4 سنين و قيمتهم السوقية بتقل فبيكسبوا.
الله اعلم بقا دا حلال و لا حرام و دا تكافلى فعلا و لا لأ.
يا ريت حضرتك تسالنا بالظبط.
بالنسبة للبنوك فاكيد دى مش اسلامية و لا اى حاجة لانها بتدفع فايدة عادى خالص.

[M_HaFeZ]

انا كنت عايز اكتب الموضوع ده هنا
رحت عملت بحث الاول علشان اشوف حد اتكلم فيه ولا لأ
المهم بقى زى ماموضوع معرض عبداللطيف الجميل فيه جدل واراء العلماء اتمنى حد يتطوع وييجيب العقد الجديد ويعرضه على حد من العلماء

الصراحه انا بحترم الشركه دى جدا لانى حاسس انها بتتعامل باحترافيه وشفافيه فى معظم شغلها وشغل مش متعودين عليه من اى نظام مصرى او فيه مصريين

[mhoss]

الفرق الوحيد حاليا هو ان التأمين بقى مسموح مع غير كونتاكت و قبل كدا كان لازم تأمن معاهم
السؤال هو : هل في تأمين تكافلي حقيقي و شرعي ؟

طب و موضوع التوكيل اللى بيخلوك تعمله فى الشهر العقارى بالسيارة!!!موقفه ايه؟؟؟؟؟؟؟

[tmz9111]

عقبال باقى الشركات

[aratux]

أنا فعلا لغيت الشراء قبل كدة منهم بعد ما عملت الورق بسبب موضوع التوكيل
يعنى هوة ممضينى على ورق و ضامن حقه, و كمان أعمله توكيل بالعربية ؟؟ ليه ؟؟

[abohagar2001]

السلام عليكم ورحمة الله وبركاته
يااخوانا انا كلمت كونتاكت وهما بيعدلوا فى العقود والعقود الجديدة هتنزل بعد 20 يوم تقريبا وان شاء الله حاعمل محاولة لانى اجيب مقالة ملحق الجمعة وارفعها لكم وربنا يغنينا بالحلال
ابو هاجر المصرى