هل تقبل التهكم و السخرية من سيارتك-استطلاع

[د. علاء ابراهيم]

انا حبيت أكون صريح و اقول لا مقبلش عشان فعلا بحس بشعور زي الغيرة كدا.... من كتر ما انا مرتبط بعربيتي و بحبها... و كل ما بنعمل كيلوات اكتر علاقتي بيها بتزيد ...

أعتقد معظم الناس متقبلش التريقة على عربياتها لسبب بسيط جدا....
كل واجد فينا عارف هو تعب و شقي أد ايه عشان يجيب عربيته... و بيتعب و بيشقى أد ايه عشان صيانتها و كذلك لو اتخبطت...

فتخيل بأة انك بعد كل ده تيجي و تقوله ايه التحفة اللي انتا راكبها ديه....

انتا مش بتهين عربيته... بقدر ما بتهين شقاه و تعبه ليل مع نهار عشان يصرف عليها...

حتى لو من جواه هو مش مقتنع بيها أو حاسس انها مش العربية المثالية... بس نفسيته هتخليه يغمض عينيه عن العيوب و يعظم أوي المميزات مهما كانت العيوب كبيرة و المميزات صغيرة و بسيطة....

في النهاية دا رأي شخصي... يحتمل الصواب او الخطأ

+1111111111111111111

[mohamed_88sk]

لا ما أقبلش يترئ حد على سيارتي لأنها ببساطة حاجة أنا مقتنع بيها وتعبان عشان أجيبها وسعيد بيها ..
لكن لو مثلا يقولي يتريأ على خبطة على شكل فانوس أوك ماشي لكن عليها كلها لأ . لحد إهنيه وإستوب (كان صاحبي بيقول دايما كده)
والله أعلم برضو ممكن أنا أكون جايب عربيتي عشان مثلا على قد اللي معايا وعلى أمكانياتي وعلى قد متطلباتي من السيارة فالي حيتريأ بيبقى بيتريأ على ظروف صاحب السيارة ... في ناس بتتهكم على ناس وعلى مستواهم المادي بالشكليات دي وبتاخدها حجه (بصراحة بسميهم نفسهم حمضانه) لأنه عيب ده رزق ربنا وزعه وده كده رزقي الله كتبهولي ربنا والحمد لله راضي بيه ..
الأمثله كتير في الواقع للأسف ناس تتريأ على ناس وعلى عربياتهم ليه مش فاهم دخله أيه يتريأ مش فاهم .. هل هو ماسك عليه ذله ولا دافعله فيها ؟ بيكون غالبا لأ .. طيب ليه يقول كده ما تفهمش ...

[hazem_khidr]

صعبتها يا باشمهندس :)

ما عنديش مانع من التريقة على العربية لكن مش على الشخص ....يعني مثلا العربية الفلانية ديه تاكسي ماشي لكن ديه عربية الشحاتين لا

و مش برضه لو التريقه ممكن تضلل حد ناوي يشتري العربية ....

بالضبط يا شيكو باشا هو دا اللي كنت عاوز اقوله لكن كنت نازل ورايا شغل فمكنتش مركز اوي.
ايام زمان كان معايا 125 و كانت حالتها زيرو بجد مكنش فيها غلطه و كنت بحبها اوي
و بصرف عليها كتير علشان احافظ عليها
في مره كنت قاعد في قاعده مع ناس اصحابي و واحد بيسالني ايه رايك في عربيه اشتريها ولا لاء ف انا بتناقش معاه و بقوله رايي
لقيت واحد داخل في النص ما اعرفوش لكن قاعد مع ناس اصحابي ف بيقوله حازم اخره ال 2000 القديمه اللي راكبها دي !!!!!!!!!
و بيتكلم بتريقه و المصيبه انا ما اعرفوش!!!!!!!
هي دي الكلمه اللي قالها بـــــــــــــــــس
و انا بقي اتفتحت فيه خليته كان حيعيط و هو قاعد و بالذوق برضه و الادب
و صعب عليا اوي لما لقيته انكبس و قام و ساب القاعده كلها
لان بيبقي فيه ناس كده لازم تديها فوق دماغها
انما مثلا واحد بيقول العربيه مش ثابته اوك موتورها ضعيف اوك يا تقنعني يا اقنعك
انما تتريق علي صاحبها دا اللي ما اقبلوش ابدا

[Chicco]

بالضبط يا شيكو باشا هو دا اللي كنت عاوز اقوله لكن كنت نازل ورايا شغل فمكنتش مركز اوي

سنيور زيموس ....أنا و أنت واحد يا باشا
Great minds think alike

[the-hero]

أزعل لأ
أديق لأ
أعمل أية ؟
أضرب طبعا أضرب أيوه أضرب
ههههههههههههههههههههههههههه
دى طبعا أغنية
بس أغلبيه اللى عاوز يتريق على عربيه واحد قليل الذوق لأنه غالب ميكون يقصد الأهانه من شأنها وشأن ملكها وغيرته وحقده وحسدة حتى لوعارف أن العربية مقبلش أشتريها بس مش رأى أكيد الصح أكيد اللى عملوها مش بهايم يعنى لآ الناس أذواق ولو هحب أنتقدها ممكن أقول مبفضلهاش لأسباب كذا وكذا مع ذكر مميزاتها طبعا عشان صحبها ميحس أنى بتنطط عليه وبحاول أقلة أنك مغفل انك جبتها كنت جيبت كذاولا وكذا لأكل العربيات جميلةوفى الأخر بتأدى الغرص منها حتى لو كانت أرخص نوع
وعك ولييس كله كويس

[محمدايهاب]

مستحيل أزعل لو العربية اتشتمت بالأب و الأم و الأهل كلهم أنا مالي
بس أكره العناد و الفتي و النقد العبيط غير الهادف و أكتر حاجة تعصب ( من غير زعل) هو النقد الخاطـــــــــــــــئ

[tamohsen]

نعم اقبل

gلكن لو النقد والتريقه غير موضوعيه
باسمع من هنا وفوت من هنا

بس الشخص اللي بيتريق ده بينزل من نظري اوي

[harphosh]

إيه المانع من قبولى
جايز أنا اخترت غلط وجايز وجهة نظر وبعدين لو أنا مقتنع أى حد يقول اللى هو عايزه مش فارقه معايا حاجة ، ولولا اختلاف الأذواق لبارت السلع .
وفى الأول والأخر أهى حتة حديدة هنزعل بعض علشانها ليه ؟

[hamedo0]

أنا الحمدلله عمر ما حد اتريق على عربيتي
لكن لو اتريق هزعل طبعا لأن عربيتي هي نتيجة اختياري أولا
ثم تعب شهور تعديل وتظبيط وبعتبرها شريكة حياتي اللي دايما شايلاني في الحلوة والمرة

وكمان مافيهاش حاجة يتريق عليها

انا مع هذا الراى
ما انا مش اتعب في ان اخلي عربيتي شكلها كويس ومكنه فايقه واحد ملوش لازمه بعض التعب يجي يترايق عليها ده انا اعلقه

[فادى]

أنا من الأشخاص الذين يتعلقون عاطفيا بسيارتهم جدا,
و عموما و بالنسبة لمعظم الناس, اختيار السيارة هو "زواج حب" و ليس "زواج عقل",
و هذا الحب ينتج عن أسباب داخلية نفسية و ترسبات داخل كل شخص,
و لهذا فان شكل السيارة يمثل عامل مهم جدا فى عملية الشراء ربما أكثر من امكانيتها أو اداءها.
و الأجهزة الشخصية التى تستخدمها, دائما ما تتولد مشاعر الحب بينك و بينها, مثل الموبايل و السيارة و الحاسوب الشخصى, و دى حاجة فيا معرفش اذا ما كانت فى ناس كتير و لا لأ.
فسيارتك هى صديقتك التى لا تتخلى عنك الا لأسباب ميكانيكية بحتة خارجة عن ارادتها, و تبذل قصارى جهدها لتنفيذ أوامرك حتى لو كانت بعضها لا منطقية.
لذا فأنا لا أحب أن يتم السخرية و التهكم من سيارتى صديقتى الوفية.

[cobraa2008]

لا انا قصدي انا ان هاقبل النقد من واحد عنده عربية ساق عربية اقبل كده نزل ودور واشترى عربية موش واحد ما يعرفش العربيات ولا عيوبها ولا بيسوق اساسا
واستنى منه راي بناااااااااااااء

طب ما انا عندي واحد صحبي ابوه اشترى عربية وموش راده يركبهالوه واهي مرفوعة بالقاها سنة

هي العربية لانسر 1300 كريستلة بيركب معايا الادا وبيقعد يتريق على العربية ده عايزني اوله ايه
انا علشان اسكته اقلتلوا ايه لما ابوك يركبك العربية يبقى تعال شد معايا ونشوف من الاحسن طبعا هو صاحبي اوووووي فا الموضوع ده عادي كل مرة نقعد نشتم في بعض ونتريق على بعض
المهم الواحد بيقبل نقد من واحد والتاني لاه

[MoToRiZeR]

أنا من الأشخاص الذين يتعلقون عاطفيا بسيارتهم جدا,
و عموما و بالنسبة لمعظم الناس, اختيار السيارة هو "زواج حب" و ليس "زواج عقل",
و هذا الحب ينتج عن أسباب داخلية نفسية و ترسبات داخل كل شخص,
و لهذا فان شكل السيارة يمثل عامل مهم جدا فى عملية الشراء ربما أكثر من امكانيتها أو اداءها.
و الأجهزة الشخصية التى تستخدمها, دائما ما تتولد مشاعر الحب بينك و بينها, مثل الموبايل و السيارة و الحاسوب الشخصى, و دى حاجة فيا معرفش اذا ما كانت فى ناس كتير و لا لأ.
فسيارتك هى صديقتك التى لا تتخلى عنك الا لأسباب ميكانيكية بحتة خارجة عن ارادتها, و تبذل قصارى جهدها لتنفيذ أوامرك حتى لو كانت بعضها لا منطقية.
لذا فأنا لا أحب أن يتم السخرية و التهكم من سيارتى صديقتى الوفية.

هو ده اللي بتكلم فيه !
يا جماعة العربية دي منطقة أعراض و فيها عار و دم و رقاب تطير !
يعني انا بفكر قبل ما اتخانق لواحد صاحبي .. انما للعربية .. انزل انتحر في اللي لمسها حتي لو هركليز
and if you touch my car .. i will kill you

[ESO_POP]

انا عندى تعليق واحد هو ان فى كلمه بتقول كل واحد دماغه مريحاه اللى عايز يجيب ميتسوبيشى يجيب واللى عايز تويوتا يجب او لو حتى عايز يجيب هامر
كل انسان بيجيب اللى هو شايف انه صح ومناسب بالنسبه ليه عشان كده معظم الناس بيتضايقوا لما حد يتريق على عربياتهم
وانا واحد من الناس دى لان دى عربيتى اللى انا بحبها وبعتمد عليها كتير جدا وانا شايف انى كلمه حته حديد ومش من بقيه اهلى دى غلط
لانه فى وجهه نظر بتقول ان العربيه دى بيتك التانى
يبقى ازاى حته حديد ومش من بقيه اهلى لا دى من بقيه اهلى وحبيبتى كمان
فا انا عن نفسى مبحبش التريقه سواء على الامكانيات او الاشكال لكن لو ختقولى على عيوب مزايا فصصلى العربيه
احبك واحترمك واقول ان كلامك صح الصح لكن التريقه للتريقه زى اللى ناس كتير بتعمله فى منتدى الصينى(بصراحه هما اللى بيجيبوه لنفسهم)فده انا من اكبر المعترضين عليه

[tmz9111]

لأ طبعا مقبلش

[lada kalina]

بصراحة انا بتجيني حساسية ربيعية و مغص عقلي و ارتجاف مراري اذا حدا جرب يتمسخر على سيارتي و نهايته اكيد وخييييييييمة