هل تقبل التهكم و السخرية من سيارتك-استطلاع

[mohamed2002]

بصراحة انا بتجيني حساسية ربيعية و مغص عقلي و ارتجاف مراري اذا حدا جرب يتمسخر على سيارتي و نهايته اكيد وخييييييييمة

اذا سمحت ,ممكن تكتب لنا عن تجربتك مع الكالينا؟
سعر؟
قطع غيار ؟
التوكيل معروف انه سيئ
ثبات؟
اقصي سرعه ؟
صوت الماتور ؟
الصناعة روسي ولا اوكراني؟شكرااا

[Ahmed Anwer]

احبك واحترمك واقول ان كلامك صح الصح لكن التريقه للتريقه زى اللى ناس كتير بتعمله فى منتدى الصينى(بصراحه هما اللى بيجيبوه لنفسهم)فده انا من اكبر المعترضين عليه

هوا الصراحة فكرة الموضوع ده جتلي من مواضيع في الصيني

الوزة العارجة و البطة مش عارف ايه و كده يعني ،،

و أخوة افاضل علقوا علي الحكاية دي ان ده ممكن يضايق اصحابها ،،

خاصة ان عادي ممكن واحد يغلط في قرار الشراء و في ناس كتير معندهاش رفاهية انها تغير عربية لمجرد انها مكنتش اختيار مناسب

و بيضطروا يتعايشوا معاها ،،

[lada kalina]

عزيزي محمد تكرم عيونك تجربتي مع لادا كالينا ستقرأها قريبا في صفحة اللادا و لك مني كل التحية و السلام

[Ramy.Gamal]

طبعا انا هتكلم على التهكم والسخريه الغير بنائين وغير واقعيين على فكره الاغلبيه العظمه من اللى بيتتريقوا على العربيات بيبقوا معندهمش حتى عجله انما اى حد راكب عربيه بقاله فتره مش ممكن يتريق على اى عربيه مهما كانت قديمه لانه عارف ومجرب ان ازاى العربيه رحمه صاحبها من بهدله المواصلات ومدياله خصوصيه .وفيه نقد تانى وبرضه غير محترم ودائما بيبقى عند شراء السياره الجديده ( الزيرو) زى ما حصل معايا ناس تافهه تقولك جبت لانسر ليه كنت هات كورولا واللى جاب كورولا يقولوله مجبتش لانسر ليه ولا هوندا واللى جاب اكتافيا يقولولوا مجبتش جيتا ليه والمرسيدس والبى ام يعنى اهم حاجه يطلعوك غلطان وان العربيه المنافسه تمسح عربيتك باستيكه او لو حتى اكتر من عربيه منافسه يطلعوا عربيتك اقل عربيه فى كل سيارات فئتها وكأنها محطوطه غلط فى فئتها وايضا هؤلاء الناس بيبقى كل همهم انهم يضيعوا فرحتك بعربيتك الجديده اللى شقيان وتعبان فى فلوسها وهؤلاء الى حد بعيد من راكبى المواصلات وعندهم هوايه الشعبطه فى الاوتوبيسات واحسن رد على الناس ده تقولهم انا سبتلكم السيارات التانيه علشان تركبوها انتم لو تقدروا .ولو حد عنده عربيه منافسه مثلا لعربيتى وقعد يتريق على عربيتى هقوله ان عربيتك فيها مميزات وعيوب وانا كمان عربيتى فيها مميزات وعيوب فبلاش نتريق على بعض .انما طبعا ان مع رأى كل الاخوه الاعضاء فى ان الرأى البناء المبنى على علم ومعرفه ده كويس او حتى التهكم والسخريه على عربيتى بس بهزار وتهريج برضه بيبقى لذيذ

[ibrahimsaad]

طبعا النقض شئ صحى ومفيد ولكن بشرط ان يكون فى حدود الادب والاحترام وهذا مانقبله جميعا

اما التهكم والسخريه باسلوب سئ فهذا غير مقبول

ولنتذكر جميعا ان الناس اذواق
وايضا الناس تختلف امكانياتها الماديه من شخص لاخر فربما يضطر شخص لامتلاك سياره 128 مثلى غير مناسبه مثلا لمكانته ولكن نظرا لامكانياته الماديه التى خلقه الله عليها فهذه حكمه الله فى خلقه

ولنحمد جميعا الله على نعمته التى يفتقرها الكثير فشكر النعمه واجب حتى لاتزول

[Rsarabia]

على حسب الكلام يعنى لو قال العربية دى فراملها ضعيفة او سحبها وحش دا نقض عادى لكن لو قال دى خردة دا انت ذوقك وحش دا انت عبيط انك جبت العربية العبيطة دى مش تبقى نقض للعربية دا يبقى تجريح في شخصيتى و هنا ستووووووووووووووب

[AHMEDCAR]

طبعا أقبل و لا أزعل
و ممكن أتناقش مع الناس لو حد قال العربية فيها كذا و كذا
و ممكن أتناقش ...........

إنما أزعل .................. لاءة .......... خالص
اللي عايز يقول يقول ................... هي من بقية أهلي
دي شوية حديد ................. بس طبعا لازم النقد يكون بناء و متحضر

+1111111111111111111111

[abo_hosni]

فكرتوني بصديقي العزيز هو من أقرب الناس ليا بس في شوية عنطزة. عنده 504 برضه و بيتريق على عربيتي عشان مخبطة من زمان و مرشوشة مطرح الخبطات مرة أرش بابين مرة رفارف و كبوت. عشان ناقصة رشة فرن و جنوط و طقم فوانيس
مع أني قريب عامل عمرة كاملة و مغير فلاتر و طلمبات و مغير الشكمان كامل و تيل الفرامل و المساعدين.

و يقول الفرق بين عربيته و عربيتي 15 ألف جنيه. قلت له مرة نازل الجراج لقيت عجلة نايمة قال لي"لا ماتلاقيش عندي كده أصلي مركب تيوبلس" و استغرب قوي لما قلت له أن الكاوتش عندي تيوبلس و كأن التيوبلس ده حكر على ناس و مابينامش كمان. و يقول "عربيتي ليها رونق كده " ومش عارف ايه تحس أنه بيتكلم على رولز رويس. باسيبه يتكلم عشان عارف اللي فيها و لما أحب أسكته أقول له الوجيعة "على الأقل ما عملتش 3 حوادث بوز و راشش حوض" يسكت على طول. أو أزود كاوتش بالكمبروسيور الكهرباء الصغير و أحياناً أفتح فتحة السقف عندي بتضايقه شوية. لما أركب معاه و أحب أضايقه أقول له" فين السماعات اللي قدام" يقول لي "السماعتين اللي عندي ورا برقبة ال 4 بتوعك" أقول له"فين المحيطية في الصوت؟" هههههه

اللي تعرف ديته اقتله