لوحة شرف نايل موتورز

[lovelymido25]

جزاكم الله خيرا جميعا

[assem_phd]

انا فخور انى معاكم

يارب الاقى طلبى عندكم

[No Comment]

رغم إنى امتنعت عن المشاركة لفترة طويلة لاسباب معينة ... لكن اعجابى بالكومنت بتاع كريم منير وأحساسه الصادق فيه خلانى عاوز أقوله ربنـــــا يعينكم على استمرار المنتدى بصورة مشرفه .

وشكــــــراً لتكريمى ... مع إنى ما أستحقش هذا التكريم .

نوكومنت

[mohamedabdelmo]

منتدى محترم و كل المشتركين فيه ناس محترمين و أنا بستفيد منهم و بخبراتهم.

[dr.hazem]

السلام عليكم ورحمه الله
قد تعجز الحروف عن تكوين كلمات لصياغه ما اود ان اقوله في هذا الموضوع
فمن عاصر تجمعنا في موقع مصري اخر لم نكن ان نطمح او نفكر في منافسته اطلاقا
ولكن كان هدفنا تكوين مكان محترم لجمع شتاتنا عبر صفحات الانترنت
ونقلها الى ارض الواقع
سيعرف ما اتحدث عنه
سيعرف البداية وارقام الهواتف
بداية الاجتماعات والتخطيط والتخبط والشوري
الشوري حتي في اختيار اسم مصري اصيل لهذا المكان
التعب والمجهود
لحظات التكوين والتجمع
حتي عند تنصيب السوفت وير بواسطة صديقي محمود الحفناوي صباح يوم 15 ابريل 2007 واخذ اول رقم في العضوية رقم واحد
وعندما دخلت لاري ماذا نصب لاني كنت باجتماع في عملي كان ترتيبي رقم 32 بعد 3 ساعات من تنصيبة فقط
لم انسي اول لقاء وكانك تلاقي حبيبتك لحظة تلاقي الاحبة وتلاقي وشوش من عرفتهم كاسماء في واقع افتراضي
من يترك لك سيارته لتجربها وهو لا يعرف عنك شيئ كاكبر دليل عن محبته لك
لم انسي اخي معتز سليم يوم كنت افكر في شراء الهيونداي النترا 2007 وكان ممن كان لهم سبق استلام الدفعة الاولي في مصر
جائني اسفل عملي وترك المفتاح وقالي(اطلع جرب براحتك)
لم انسي فطار رمضان لاول مرة واسماء لم تعد ترونها كثيرا
محمد الطويل
احمد جنيدي
هاني ادام
اسلام شاهين
اسلام المصري
لم انسي تدخلات العديد من الاسماء الكبيرة جدا في هذا الكيان
محمود حفناوي
خالد عمر (سبعاوي)
م. سعيد الفار
م.حازم حزه
د.احمد سمير
اسماء عاصرت وكونت اسس وهيكل للمكان ده
عملت دعامه قوية وكان في روح للمكان وليس حروف
تجلت كاكثر ما يكون وقت وفاة شقيقنا محمد جمعه
لم انسي سطوره وقت ان دخل وقال اتابعكم من بعيد وانا على فراش الموت
لم انسي تجمع وهروله وتسابق العشرات للتبرع بالدم والصفائح
فقد اصبحنا اخوة بالدم
لم انسي اصدقاء لم ارهم الا اسماء وكم تمنيت لقياهم ولكن حالت الظروف
لم انسي اخي وصديقي ايمن واستضافته لي في مكتبه عشان يعملي فنجان قهوة من البن الخاص بتاعه
وقد كان اخر لقاء لي به رحمه الله واسكنه فسيح جناته
لم انسي اخي صبحي وضحكته البشوش وكلامه معي في التليفون لما بقولة موضوعك عن المشايات هنا افاد ناس كتير وفضح مافيا المشايات الكهربا في البلد
قالي المهم افيد الناس يا عم ورزقي هاخدة
واتفصل من شغله وهو عريس عشان خاطر يفيد الناس وفضل ثابت على موقفه ضد عيلته ورفض يحذف الموضوع عشان الناس تستفيد واهو باقيله كعمل صالح ومانقطعش عمله من الدنيا
اسماء كتير هنا ردت واسماء شافت الموضوع وقفت قدام كل اسم وافتكر مواقفه الكويسة وردوده اللي فاد بيها اناس
وافتكر قعدتي قدام شاشة نايل موتورز بالساعات والايام سواء في شغل او زيارات او حتي اجازات مع اولادي اللي عرفو اني طالما بكتب على نايل موتورز مايدخلوش يكلموني الا لما اخلص كتابة
عرفو ان ليهم اخ صغير اسمه نايل موتورز بس طلباته كتير قوي

وانا بكتب الرد هنا منسيتش معارف وصداقات اتكونت مكنتش احلم اقابلها في حياتي وناس وقفو جنبي ووقفت جنبهم وكنا في عضد بعض
منسيتش اول من مسك لجنة فض المنازعات وشال شكاوي الاعضاء دكتور احمد عبد الغني اللي ياما اختلفنا واتفقنا لكن في الاخر فضلنا اصدقاء
دكتور احمد سمير اللي حط معظم القواعد الهيكلية للمكان واللي كان لتدخلة وقفات شامخة في اوقات كادت تعصف الاهواء بهذا الكيان
اخي الاكبر خالد سبعاوي اللي عمره ما رجعتلة في مشكلة فنية وخاب ظني حتي لو مايعرفش لازم يقولي ادور ازاي واوصل ازاي
واللي اول ماتشوفلة مشاركة في المنتدي لازم تقراها حتي لو كاتب ريان يا فجل عشان اكيد هاتخرج من وراها بحاجة
اخي مهندس سعيد الفار اللي كان واحد من اللي اسسو المكان واول من استضاف اول اجتماعاتة التاسيسية وكان دايما صاحب افكار جيدة للتطوير
مهندس حازم حزة الرجل الصامت دائما واحد مؤسسين المكان واللي كان دايما يفكرنا بالشق اللي نسيناه في كل موضوع بحكمه تدبيرة ووترتيب افكارة
اخي الاصغر سنا والاكبر حكمة وصديقي الصدوق الصامت دائما نادر الطرابيشي اللي ائتمنته ووفي الامانة كاجمل ما يكون من مثال وشال عبئ المكان سنين ولم اوفيه شكره حتي الان
اخي احمد عبد المقصود الرجل النظيف قلبا وسجلا صاحب الملف اللي ماتلمسش من اي مشرف :-)
اخي الاصغر المرح دائما واللي هموم الدينا معرفتش تكسره ابو لسان مالح :-) شنوري اللي شال ازمات خفية للمنتدي وكان دايما الواجهة البشوش في عز الضيق
اخي محمد ممدوح رجل الميكانيكا اللي كل بشوفلة رد بفتكر شكل الترس او البيل وكل ردودة تحسسني انه قاعد جوة كرنك او موتور كبير رغم انه في الحقيقة ابعد ما يكون عن انه يلمس زيت في شغلة الحقيقي ,محمد ممدوح صاحب اعلي رقم مشاركات في نايل موتورز على الاطلاق كلها في العربيات والمرة اللي دخل فيها الاجتماعي اتوقف ومارجعش تاني :-)
لم انسي اخي الصعيدي اللي عرض نفسه لموقف بايخ عشان خاطر اسم نايل موتورز ومش لازم اقول ياقوت
لم انسي اختنا الصعيدية ايضا نور القمر اللي تدخلت عشرات المرات لتقديم المساعدة الفنية للمنتدي في ازمات كثيرة وحبيت اقولها شكرا لكل مساعداتك
لم انسي اختنا الصغيرة مهندسة نهي اللي كانت بترد على مشاركة كل واحد باسلوبها الطفولي وساهمت كتير في رسم البسمه على وشنا واحنا متضايقين
مانستش اخي الاكبر احمد ابراهيم الملقب بكلاتاتا عشان مكنش يعرف الفرق بين الزينون والزيتون كلاماتا وبقي حجة في العربيات بعد كام سنة في نايل موتورز
مانسيتش اختنا علا عثمان اللي دخلت المنتدي ماتعرفش اي حاجة في العربيات غير انها بتمشي على اربع عجلات
وجه اليوم اللي شوفتها بتدي فيه support لحد بيسئل عن العربيات
كانت الفرحة مش سايعاني ان المكان ده فرق كتير قوي كدة
لم انسي اختنا الصغيرة ايضا دينا دونزي اللي دخلت المنتدي تسئل عن عربيات وبعد كدة لقيتها معانا بتعمل موضوعات باسمها في المنتدي عن العربيات :-)
لم انسي دكتورة ضحي وايدها في دراعي في القصر العيني وقت الثورة بتسحب دم وتقولي متخافش هاخد ليتر واحد بس :-) وبنزين عربيتها اللي قطع في القصر العيني معرفتش تروحي واضريت اكسر مصفاة تانك عربيتي عشان اسحبلها كام ليتر تروح بيهم عشان كل البنزينات قافلة
وغيرهم كتير منسقين للاقسام واستشاريين كانو خير افادة وثقل لنايل موتورز
وعلى الجانب الاخر او زي ما بيقولو الجانب الغامض اللي محدش من الاعضاء يعرفه كانت حفر الباطن
الغرف المغلقة ومطبخ المنتدي الاداري
حياة تانية واسماء كتير منكم عرفو بعضها وكتير خمنو وطلعت تخميناتهم غلط وساعات تطلع صح
ناس شالو على كتافهم عبء الكيان ده
لم يبتغو جزاء ولا شكورا
شالو وما زالو بيشيلو عبئ اشراف اكبر منتدي سيارات مصري
منظومة واحدة بروح واحدة تتدخل عشان تحافظ النظام
رضيو انهم يكونو مخفيين عشان مايعملش اي حساسية بينهم وبين الاعضاء وتقريبا هو المنتدي الوحيد اللي اعضائة مايعرفوش مشرفينه
وده اللي خللي المشرفين حيادين جدا لانهم مش خافين حد يعرفهم ويتضايق منهم ويسببلهم حرج
مابيخافوش غير ربنا وبس وعمل تطوعي يتحسب ليهم انهم كانو تروس قوية في منظومة كبيرة
ربنا يقويهم ويعينهم على استكمالهم بنفس الروح
اخيرا وليس اخرا لم انسي اختنا سما الجنس الاخر الوحيد في منظومة ادارة نايل موتورز
والوحيدة اللي عرفت تخترق الجدار الحديدي لاشراف نايل موتورز وتخلي مجلس الادارة يطلبها بالاسم لاسباب كتير جدا وقدرت في وقت قياسي انها توصل لراس المنظومة وتبقي الترس التاني بعد نادر الطرابيشي في ادارة المنتدي وقدرت تحافظ على شعرة معاوية بينها وبين المشرفين والاعضاء بطريق تحسد عليها وتقدر تكون الجسر وحلقة الوصل بين المشرفين والاعضاء بطريقة سلسة ومحترفة

كل الاسماء اللي ذكرتها واللي مذكرتهاش واللي اجتريت معاهخا ذكريات اكثر من 6 سنوات احب اقولهم
شــــكــــــــــــــــــــــرا
من عميق قلبي
ونشوفكم في احتفال المنتدي بدخول السنة السادسة كمان شهرين باذن الرحمن



الله يبارك فيه يا باشمهندس والاحتفال في نص ابريل بقي مع مفاجئة حلوة ان شاء الله انتظرونا في عيد ميلاد المنتدي ويا ريت نشوفك

ولا انا لاقي كلام اقوله يا شقيقي معاك انت بالذات
ربنا يديم فرحتك

يااااااااااااااااااااه....
انا بجد دمعت معرفش من الفرحه ولا من حزني اني مش قادر اكون عندكم واحتفل معاكم ولا من شوقي لعيد ميلاد المنتدى ولا ولا ولا...

الله يديم المعروف والود ويارب من نجاح لنجاح....
تحياتي

Sent from my SE Arc S using Forum Runner

[hossamalsadik]

أنا أسمى مش مكتوب ليه ههههه يلا مش مشكله

أتمنى من الله مزيد من التقدم لهذا الصرح العملاق

وكل عام ونيل موتورز بخير

[Hacker5]

شكرا جزيلا لادراة نايل موتورز و شكرا لجميع الاعضاء :)

[HATEM.M]

[rehab702001]

كل سنة والمنتدي كلة بخير ومصر في احسن حال ان شاء الله

[amrico]

اجمل منتدى في الدنيا

[khaled nada]

كل سنة وانت طيب يا احلى منتدى

[SuMo]

ربنا يخليكو و والله العظيم ليكو وحشه

[bassam nagy]

بصراحة المنتدى الواحد استفاد منه كتيير والواحد مايعرفش يعدى يوم من غير مايصبح او يمسى على نايل موتورز
ان شاء الله يتوسع اكتر واكتر

[abomona]

اتمنى لهذا المنتدى الجميل العطاء بافكار مشتركية التقدم وشكر خاص للجميع والادارة واخص بلذكر الاخوة فى قسم السيارات الصينى الاستاذ الجميل باسم والاستاذ ايهاب البوب وابو جنى والاخ الفاضل بيتر للمساعدة والرددو الجميل وعدم التاخير عن مساعدة الخرين وكل التقدير لجميع العاملين على نجاح المنتدى

[sas5]

الله يبارك فيه يا باشمهندس والاحتفال في نص ابريل بقي مع مفاجئة حلوة ان شاء الله انتظرونا في عيد ميلاد المنتدي ويا ريت نشوفك

اخى العزيز كريم تقبل تحياتى
وانشاء الله لو ربنا اعطانا العمر سوف احضر انشاء الله الاحتفال
اخوك سعيد الفار