لوحة شرف نايل موتورز

[abogooda]

بالتوفيق ان شاء الله

[misoalex]

مبروك وان شاء الله ابارك ليكم على مرور 100 سنه ده لو عيشت وكان ليا عمر

واوجه الشكر طبعا لاخى كريم منير اللى مستضيفنا ومستحملنا السنين دى فى نايل موتورز

اما عن شكر اهل نايل موتورز فالاسماء اللى اتكتبت اكيد اقل بكتيييييييير من الواقع وفيه ناس كتيييييييييير تستحق الشكر

[mohamed_68]

السلام عليكم و رحمة الله و بركاته
اخوكم محمد حسن من الاسكندريه
يشرفنى ان انضم لعضويه هذا المنتدى الرائع الثرى بالمعلومات المفيده

[szaalouk]

كل سنه و نايل موتورز دائماً الي الأمام
من تقدم الي تقدم

أخوكم شريف

[mo7a_mo7a]

شكرا نايل موتورز
شكرا كريم منير
شكرا للادارة والاعضاء
وعام سعيد علينا جميعاً

تحياتي

[sasa79]

كل عام والمنتدى بخير وفى اذدياد بأعضاءة وبمواضيعة ليست فى مجال السيارات فحسب بل فى جميع النواحى ليكون المنتدى الاول على الانترنت

[haissam24h]

الى الامام نايل

[ahmed1981]

كل عام والمنتدى وإدارته وأعضاؤه وأسرهم بخير
وأسأل الله تعالى أن يجعل عملنا خالصاً لوجهه الكريم
-
-

[Karim_Monir]

يااااااااااااااااااااه....
انا بجد دمعت معرفش من الفرحه ولا من حزني اني مش قادر اكون عندكم واحتفل معاكم ولا من شوقي لعيد ميلاد المنتدى ولا ولا ولا...

الله يديم المعروف والود ويارب من نجاح لنجاح....
تحياتي

sent from my se arc s using forum runner

رغم إنى امتنعت عن المشاركة لفترة طويلة لاسباب معينة ... لكن اعجابى بالكومنت بتاع كريم منير وأحساسه الصادق فيه خلانى عاوز أقوله ربنـــــا يعينكم على استمرار المنتدى بصورة مشرفه .

وشكــــــراً لتكريمى ... مع إنى ما أستحقش هذا التكريم .

نوكومنت

والله يا اصدقائي الاعزاء مش لوحدكم اللي دمعت يا حازم او حسيت يا احمد
عايز اقولكم من غير ما تقولو لحد :-) اني بسبب الموضوع ده والمشاركة دي مشتغلتش في شغلي بشلن النهاردة
فتحت الصبح المنتدي لقيت استاذة سما نزلت الموضوع اللي بتجهز فيه مع المشرفين بقالها 3 شهور وبصراحة المجهود 80 % ليها عشان هما كانو كسلانين قوي :-) انا مش بفتن :-)
فتحت الموضوع واسم ورا اسم ومشاركة ورا مشاركة تاريخ بيعدي ومشاهد بتمر قدام عيني
وانا عمال اتاثر وادفن عيني في الشاشة عشان كل شوية ادمع من الذكريات
واكتر مشهدين وجعوني مشهد تكريمي اللي مستحقهوش في رمضان اللي فات حسيت فعلا اني مستاهلش كل ده لكني روحت مبسوط قوي بالشهادة والساعه الجيس (الجوتش يا قاسم :-) ) زي العيال الصغيرين وفضلت حاططها في العلبة كتير مش عايز اطلعها من فرحتي بيها

والمشهد التاني كتير منكم ماشفهوش
يوم ما كان اخوات نايل موتورز بيعزو ابو اخونا صبحي بعد ما دفناه ولما وطيت قولتله كلمه في ودنه بخصوص امر لصبحي لانه سئل عليها بالاسم رغم المشاغل دي
وعرفته ان الامر منتهي لاني المسئول عن الامر ده
قعد يدعيلي على المكان والصحبة والاخوة اللي كان صبحي بيحكيلوة عن نايل موتورز واخواته الكتير قوي اللي عرفهم في المكان ده

هو انا كل ما هقعد اتكلم في الموضوع ده هادمع تاني
هاقوم انام احسن ومحدش يقولي افتح الموضوع ده تاني

ربنا يبارك في اعماركم

[memo2008memo]

كل عام ونتم بخير

[Kareem Fawzy]

كل سنة والمنتدى بخير واحنا اسرة واحدة
فعلاً بيتى التانى
رغم انشغالى من 3 اشهر عنه الا انى لا استطيع ان انقطع من الدخول اليه
الى الامام دائماً

[الغزالى]

اييييييييييييييييييييييييييييييييييييه ... والله وعجزنا وعدت عليا 4 سنين ونص تقريبا فى نايل موتورز
كل سنه وأنتو طيبين ... وان شاء الله من تقدم الى تقدم لنايل موتورز
ونفسى ان شاء الله نايل موتورز يرجع تانى للروح الى كانت موجوده فى سنه 2009 و 2010 .... وكل الاعضاء الى سابوا لمنتدى لسبب او لاخر ... يرجعوا تانى ...
وأشوفكم ان شاء الله على خير فى عيد ميلاد المنتدى ...

[ahmed1981]

والمشهد التاني كتير منكم ماشفهوش
يوم ما كان اخوات نايل موتورز بيعزو ابو اخونا صبحي بعد ما دفناه

رحمه الله رحمة واسعة وجميع موتى المسلمين

أنا في المنتدى من بدايته في 2007 وعرفته من كونتاكت
يعني ست سنين مرت سبحان الله
2007 --- 2013
ستة سنوات

ونحن نشارك والملك يسجل والحساب يوم الحساب على كل حرف في كل مشاركة

رحم الله زملائنا الذين توفاهم الله

وأتذكر زميلنا صبحي الذي إستفدت منه كثيراً
وكلما قرأت مشاركة له دعوت له بظهر الغيب

وكلنا لا يدري متى سيأتي اليوم الذي سيكتب تحت إسمه عضو رحمه الله
هذا إذا كان سيعرف أنه توفي
وقد لا يعرف وتتوقف مشاركاته

أتخيل ما سيحصل عليه الإنسان في قبره وهو ميت من سعادة أو حزن أو من حسنة أو سيئة على مشاركة كتبها في مجتمع الإنترنت في مدينة نايل موتورز

تعلمون جميعاً أن الصدقة الجارية يستمر ثوابها في الوصول للإنسان بعد موته

ومن الصدقة الجارية علم ينتفع به أو ولد صالح يدعوا له

فلا تبخل بكتابة علم ينتفع به في مجتمع الإنترنت فكل من سيقرأه ستثاب أنت على ذلك حتى بعد رحيلك عن الدنيا

وإذا قلنا ولد صالح يدعوا له
فلنا أن نقيس عليها أخ صالح أو عضو صالح يدعو له

فلا تبخلوا بالدعاء لزملائنا ممن توفاهم الله تعالى فهم في أمس الحاجة لكل دعوة


أنا مش عايز أقلب الموضوع زعل
لكن الحقيقة كلما تذكرت وفاة زميلنا صبحي حزنت عليه كأنه صديق عزيز
وأتذكر عندما علمت بوفاته وانا في العمل وكنت في غاية الحزن وأحكي لزملائي في العمل عن وفاة صديق عزيز علي
ولو سألني أحدهم ما إسمه الكامل أو أين يسكن أو ما شكله لن أستطيع الإجابة
لكن له في عنقي معلومات تعلمتها وأخلاق طيبة رأيتها في كتابته وروح مرحة طيبة تدل على حسن خلقه

رحمه الله تعالى هو وكل من توفاه الله من زملائنا وكل موتى المسلمين

منتدى نايل موتورز مدينة في دولة المجتمع الإفتراضي
تعليم وتعلم وبذل وعطاء ومحبة ودعاء
فاغرس لنفسك في هذه المدينة شجرة تستفيد من ثمارها في الدنيا وفي الآخرة

أسأل الله لنا ولكم التوفيق والسداد
-
-

[TeMoON]

كل سنه ًومنتدي نايل موتورز طيب واحنا كمان معاه لانه فعلا المكان هنا افدني وافاد ناس كتير فا يارب دايما للامام

[shehataeltahan]

كل عام ونايل موتورز في تقدم وإزدهار ان شاء الله
شكرا نايل موتورز