فلتر هواء سبور واستخدام أكتر من سنة cai

[Eng.Geo]

بعد استخدام أكتر من سنة للفلتر السبور عندي في العربية ومرت عليه عوامل مختلفة أحب أقولكوا مزاياه وعيوبه عشان كل واحد حابب يجيبه أو قلقان من حاجة
العربية نوبيرا (كانت 1500 cc )
كنت قعدت فترة بالفلتر ال stock العادي والعربية كويسة وصوتها مش مسموع نهائي الا في الحرق فوق ال4500 rpm
واستهلاك بنزين ممتاز حتي في الحرق ... تقريبا أكتر موتور شوفته موفر في حياتي ... أكتر من المواتير ال 1300 الياباني حتي
قررت أجيب فلتر هوا سبور ... جبت Simota conical
وحطيته في مكان القديم بالظبط زي الصورة كدة


1-مكان غلط جدا .... بيسحب هوا سخن من الموتور وده بيأثر عالتسارع ... وخصوصا في الصيف
2-الفلتر كبير علي حجم الموتور

الملاحظات ...
العربية بتبقي مكتومة حاجة بسيطة عن الطبيعي في ال RPMs القليلة ولكن في العالية في تسارع أفضل كتير
أستهلاك بنزين أعلي بكتير من الطبيعي
صوت الموتور بقي أعلي كتير خصوصا في الحرق ... بس لو مش حارق مش بيبقي عالي قوي
الفلتر محتاج تنضيف علي طوووول ... كبيرك كل شهر ... انا بنضفه بالهوا فقط وده مش صح ... المفروض في زيوت لتنضيفه بس انا مش لاقيها
العربية الصبح وبالليل وفي أي يوم سقعة بتبقي طيارة ... انما لو حر بتموت
لو مشغل تكييف هتبقي قلة أدب بقي ... المراوح هترمي هواها السخن عالفلتر عدل
المفروض ايه اللي يتعمل ؟
الفلتر يتحط في مكان ساقع زي ما محمد ممدوح عامله كدة


عامل ماسورة داخلة في الفتحة اللي بيجيب منها الهوا بتاع الفلتر ال stock ... الفلتر ورا الفوج بالظبط ... ولو عايز أداء عالي ... شيل الفوج خالص
بس استحمل بقي

ده كدة وماشالش الفوج

انا مش كل شوية هافتح الكارتيرة وأطلع الفلتر أنضفه فقلت أخليه في مكانه زي ما هو كدة وخلاص

مرت الأيام وغيرت الموتور خالص وسقطت 2000 cc
هنا أختلف الموضوع
الفلتر بقي شبه مناسب للموتور ... عشان فلتر كبير
مبقاش في الخنقة العادية بتاعة ال RPMs القليلة ... بس ماختفتش تماما
الفلتر بقي صوته أقوي !!! ... مش صوت الموتور !
طبعا كل العيوب اللي فاتت بقت أقل ماعدا أستهلاك البنزين .... دمااااااااااار
خصوصا لو حارق ... في العادي وانا دايس بالراحة بتبقي كويسة انما مع الحرق ... عداد التانك بيقل قدامي وانا ماشي
ميزة الفلتر بالنسبالي
تسارع ممتاز خصوصا مع الموتور الكبير
صوت جميل وقوي مع الحرق فقط .... تبقي ماشي عادي مع اي حد بيجري وصوته مش مسموع ... تدوس يلاقي العربية أتحولت ... بحب المفاجأت انا
عيوبه بالنسبالي ... البنزين والتنضيف
بس كدة

[ABO MALEK]

مبروك الموتور الجديد 2000cc هتعمل ايه فى الوباء القادم ده الذى يدعى الكوبونات.

[Sehsss]

لو نضفته كمان كويس هاتاخد مفاجآت أكتر

[Eng.Geo]

مبروك الموتور الجديد 2000cc هتعمل ايه فى الوباء القادم ده الذى يدعى الكوبونات.

الله يبارك فيك :D
هاركنها ... انا لو سايق 1300 مش هيكفيني الكوبونات أساسا
في الغالب هجيب Bike

لو نضفته كمان كويس هاتاخد مفاجآت أكتر

أزاي ؟
ممدوح كان بيقولي بيغسله عادي ويحط زيت باور ... بس انا مجرتش

[lanos2004]

اخيرا ظهرت فى المنتدى

[Formulator]

أجورج أصديقى :)

دلوقتى أنا مركب الـoem-replacement الـdrop-in جوا العلبة! اللى زى الستوك..
- إستهلاك البنزين طبعا أعلى، يمكن عشان رجلى بقت أثقل؟!!
- وفعلا السحب فوق أحسن من الـlow-end بكتييييير :))

طبعا فلتر البرافو (الفابريقة) أصلا كبييييييير أوى فـ الحجم -وكذلك الـK&N



تفتكر فرق الـhigh-flow ده >>> يبقى كده: -الفلتر كبير علي حجم الموتور زى مانت بتقول؟؟!!!

وكمان: هل أنظفه بإستمرار، على الرغم انه نظيف إلى حد ما عن الـCAI (لأنه جوا الـAirbox)
هيفرق معايا فـ حاجة؟؟!!

معلش حاجة أخيرة يابرانس :)
أنا كان عاجبنى أوى الـApexi Power-intake ده



أنا عاجبنى أوى انه أصغر (هركبه على الـflange جوا العلبة بردو)!

أيـــــــــه رأيك ياكبييييييييييييير؟؟!!!

[Eng.Geo]

اخيرا ظهرت فى المنتدى

حبيبي يابو حميد :d

[MMamdouh]

القاعدة العامة بتقول:

هتركب فلتر سبور متشتكيش من التنظيف او صوت الموتور... هتحرق حرق التنين متسالش على استهلاك البنزين

MMamdouh

[Eng.Geo]

أجورج أصديقى :)
formulator ... والله انت من اكتر الناس اللي كنت مفتقدهم الفترة اللي فاتت :d
دلوقتى أنا مركب الـoem-replacement الـdrop-in جوا العلبة! اللى زى الستوك..
- إستهلاك البنزين طبعا أعلى، يمكن عشان رجلى بقت أثقل؟!!
- وفعلا السحب فوق أحسن من الـlow-end بكتييييير :))

طبعا فلتر البرافو (الفابريقة) أصلا كبييييييير أوى فـ الحجم -وكذلك الـk&n



تفتكر فرق الـhigh-flow ده >>> يبقى كده: -الفلتر كبير علي حجم الموتور زى مانت بتقول؟؟!!!
اللي خلاني قلت الجملة ده اني جربت علي الموتور القديم فلتر k&n conical صغير ... العربية علي ال rpms الصغير أفضل كتير من الفلتر الكبير ... لكن في العالي مش زي الكبير
تفسيري ان الهوا المسحوب كبير فال ecu بيحاول يظبط ال a/f ratio بس مش بتظبط عشان الهوا بيبقي كتير فالعربية بتتكتم في ال lower rpms
وكمان: هل أنظفه بإستمرار، على الرغم انه نظيف إلى حد ما عن الـcai (لأنه جوا الـairbox)
هيفرق معايا فـ حاجة؟؟!!
أكيد هيفرق ... بس مش زي الفرق بتاع ال cai ... لأن ال cai معرض لتراب أكتر ومساحة سطحه أكبر بكتير
معلش حاجة أخيرة يابرانس :)
أنا كان عاجبنى أوى الـapexi power-intake ده



أنا عاجبنى أوى انه أصغر (هركبه على الـflange جوا العلبة بردو)!

أيـــــــــه رأيك ياكبييييييييييييير؟؟!!!

لو ركب جوة العلبة يبقي فل قويييييي
لو ينفع بقي ... تقوم كاسر العلبة من الأجزاء البعيدة عن الموتور عشان يسحب منها هوا أكتر
بحيث تسيب الأجزاء اللي تمنع الهوا السخن اللي جي من الموتور
وحتة خرطوم يجيب هوا ساقع من الشبكة قدام للفلتر

[Eng.Geo]

القاعدة العامة بتقول:

هتركب فلتر سبور متشتكيش من التنظيف او صوت الموتور... هتحرق حرق التنين متسالش على استهلاك البنزين

MMamdouh

الصوت مش مضايقني في حاجة ... مانت عارفه عامل أزاي :D
ويمكن التنضيف مش قوي ... انا بنضفه علي طول ... بغسل العربية بالكتير كل شهر وبنضف الفلتر
المشكلة بقي يا دوحة في حتة الحرق ده ... انا أساسا مش علي طول مقضيها حرق ... حاسس ربنا هداني ولا ايه مش عارف
بس تطلع الجنونة وتلاقي ال RPM مش بيسيب ال Red Zone ... وعوضي علي الله في التانك اللي بيتشفط

أه جزئية مهمة جدااااااا نسيت أحطها في الموضوع ... مهمة قوي بقي
مش تنضيف الفلتر بس اللي مهم
ضروري تنضف بوابة وحساسات علي طول
أخر مرة أستنيت علي تنضيف البوابة 4 شهور ... مطلع طين وفحم من المنافولد !!!
والغريب بقي ان العربية تحسها مكتومة .... بس أدوس من هنا والعربية بتطير !

[truss]

استهلاك البنزين بتاعك لازم يكون عالى بسبب سواقتك ما تلبسهاش للفلتر
ايه رأيك انت فك الفلتر خالص و امشى بالبوابة كدة منها للهواء الطلق, بس حاسب لا تشفط الدبان و الناموس و انت ماشى (طبعا اوعى تعمل كدة)
بس مش قادر افهم (او مش قادر اقتنع بمعنى أصح) ازاى الفلتر الاسبور ممكن يزود الـ flow بتاع الهوا, و ليه بيخنق الموتور على السرعات البطيئة

[Eng.Geo]

استهلاك البنزين بتاعك لازم يكون عالى بسبب سواقتك ما تلبسهاش للفلتر
وهو انا بجري يا زيزو ؟
ايه رأيك انت فك الفلتر خالص و امشى بالبوابة كدة منها للهواء الطلق, بس حاسب لا تشفط الدبان و الناموس و انت ماشى (طبعا اوعى تعمل كدة)
ههههههههههههههههههههههههههههه
كان في فيديو شوفته لسوبارو تقريبا كان عنده hood في الكبوت وواقف عصفورة عليه
بيدور العربية الموتور شفط العصفورة هههههههههههههههه
بس مش قادر افهم (او مش قادر اقتنع بمعنى أصح) ازاى الفلتر الاسبور ممكن يزود الـ flow بتاع الهوا, و ليه بيخنق الموتور على السرعات البطيئة

كمية الهوا اللي داخلة أكبر عشان مساحة دخول الهوا أكبر بكتيييييييييير من ال stock .... ده كله بجانب انه بيفلتر أقل فبيخش هوا أكتر بنسبة شوائب أكبر
انت مشكلتك علي ما أفتكر انت قلتلي زمان .... علي ما أفتكر يعني .. انت عارف اني بفتكر بالعافية أساسا
ان حجم ال cylinders ثابت ... ايه اللي هيخلي كمية أكبر تخش ؟
هو كدة كدة هينضغط يا زيزو ... أمال العربيات ال charged علي مواتير صغيرة بتعمل ايه ؟ :D
هوا زيادة مع بنزين زيادة وينضغطوا جامد ويخشوا السيلندر
كدة كدة ال volumetric efficiency بتاعة مواتيرنا قليلة ... فالفلتر ممكن يحسنها شوية
ليه بتتكتم في ال RPMs القليلة ؟
ده تفسيري مش أكتر
ال ECU مش بيظبط الكمية قوي فالهوا بيبقي كتير بالنسبة للبنزين فالعربية بتتكتم
في العالي كدة كدة الموتور ساحب جامد فبيعوض البنزين الناقص ... انا بحاول أوضح وانت أكيد فاهمني :D

[TheUnknown]

انا اللي مركبوا عندي في العلبه الstock ، كان فيها restriction pipe ف شلتها و انا بركب الفلتر، محستش بفرق الصوت اوي عشان كنت مركب قبليها الشكمان بس البنزين بقي بيزعلني اما اجري.

ده شكل الفلتر:

[Eng.Geo]

انا اللي مركبوا عندي في العلبه الstock ، كان فيها restriction pipe ف شلتها و انا بركب الفلتر، محستش بفرق الصوت اوي عشان كنت مركب قبليها الشكمان بس البنزين بقي بيزعلني اما اجري.

ده شكل الفلتر:

انت قافل عليه في العلبة ؟؟؟؟

[Eng.Geo]

ده صورة كانت عندي وباين فيها أختلاف في لون الفلتر
اللي عالشمال كان الفلتر جديد
عاليمين ده من 7 شهور تقريبا وكان متنضف