إعـــــــلان

**lanos2004** · 08-03-2013, 03:38 AM

المشاركة الأصلية كتبت بواسطة mmamdouh مشاهدة المشاركة

اعتقادى الشخصى لا لاننا برضة بنتكلم فى فرق 10% فى كمية الخليط اللى المكنة بتسحبها بعد التعديل مش اكتر من كدة و الكونترول ممكن يتعامل مع الفرق دة بسهولة او على الاقل المشكلة هتبقى قرب اللفات القصوى للمكنة و ممكن دة يتحل برشاشات بflow اعلى من الستوك

mmamdouh

ركبت رشاشات ليجانزا وبقت حلوة جدا تحت -حاجه محصلتش-واتكتمت فوق جدا

**Eng.Geo** · 08-03-2013, 01:44 PM

المشاركة الأصلية كتبت بواسطة truss مشاهدة المشاركة

كويس انك اتكلمت فى النقطة دى..
ايه اللى بيخلى الهوا يدخل الاسطوانة؟ الـ vacuum اللى البستم بيعمله و هو نازل فى شوط السحب, و بالتالى اللى هيحدد ضغط الهوا هو الـ vacuum
عند ضغط معين و درجة حرارة معينة --> هيخش كمية mass معينة من الهوا
طب انا عايز ازود كمية الهوا عشان احرق بنزين اكتر و اخد قدرة اعلى من الموتور, يبقى الحل انى ارفع من ضغط الهوا اللى داخل على الاسطوانات
طبعاً انت كمهندس عارف انى مش هقدر ارفع من ضغط الهوا الا لو بذلت work و هو دة اللى بيحصل مع التربو و السوبر تشارجر, انى ببذل work عشان ارفع من ضغط الهوا و بالتالى زيادة كمية الهوا
لكن مع الفلتر الاسبور, فين الطاقة اللى هرفع بيها ضغط الهوا ؟!! مفيش

انا عارف ان كل دة كلام نظرى, و انا عمرى ما سقت عربية قبل و بعد تركيب فلتر اسبور و بالتالى ما اقدرش احكم
و يا ريت اللى فاهم الفكرة يفهمنى

مانا بقولك في volumetric efficiency
هاقولك حاجة كنت قاريها زمان
الموتور والفلتر بتاعة زي الرئتين والأنف
الرئتين بتسحب الهوا عشان تملاها تاخد منها الأكسجين واللي هي عايزاه
حجم الرئتين ثابت ... حجم الأنف ثابت
طاب جالك زكام ؟؟؟ ... الرئتين هتسحب هوا بس مش هاتتملي !
هو ده اللي الفلتر ال stock اللي في علبة بيعمله ... مش مدي الموتور كل الهوا اللي عايزه ... وده ليه أعتبارات كتير قوي ... مش هما اللي عايزين يعملوا كدة عشان يرخموا عالناس
لما تجيب فلتر أكبر والمساحة اللي بيخشله منها الهوا أكبر هياخد كل اللي في نفسه
still هو موتور NA بس واخد اللي في نفسه من الهوا

**Eng.Geo** · 08-03-2013, 01:48 PM

المشاركة الأصلية كتبت بواسطة zangry مشاهدة المشاركة

انا عندى سؤال رخم شوية :d الجهل وحش :(

هو اية فايدة الفلتر k&n اية مميزاته؟ واية عيوبه؟؟

طب مانا كاتب الموضوع عشان أوضح !!!

طيب في المختصر كدة
الفلتر بيزود كمية الهوا اللي داخلة للمنافولد وعليه الECU بيزود كمية البنزين .. فبيخش ال cylinders كمية أكبر من خليط الهوا والوقود ... يعني نفس عدد اللفات بيخش كمية أكبر فبيخرج طاقة أكبر
عيوبة اناه بيحتاج تنضيف مستمر وصوته عالي ( للي مابيحبش الصوت ) وفي المواتير الصغيرة بيبقي في خنقة بسيطة في ال low RPMs وطبعا أستهلاك بنزين أعلي من الطبيعي

**Eng.Geo** · 08-03-2013, 01:52 PM

المشاركة الأصلية كتبت بواسطة TheUnknown مشاهدة المشاركة

اه قافل عليه هو Kit كامل جاي بغطاء العلبه الoriginal و الفلتر.
هي في tube جاياه من بره ( عند الشبكه كده بتدخل هواء علي العلبه)

زي ديه:

هو فكرة حلوة ... عامل زي ال carbon كدة
زي ده كدة

بس بتاعك ده أفضل ... من وجهة نظري يعني
لأن ال cone بيعمل خلخلة للهوا جوة فبيسحب هوا بسهولة أكتر ... وطبعا صوت أجمد :D

**Eng.Geo** · 08-03-2013, 01:53 PM

المشاركة الأصلية كتبت بواسطة hany63 مشاهدة المشاركة

الفلتر حلاوته و هو جديد و بزيت المصنع المشكله ان شهر استخدام في مصر بمقام سنه في اوروبا و الدول المتقدمه بسبب التراب
و رغم اني جبت الكيت الاصليه بتاعة التنضيف مره في التانيه في التالته لما نضفته حسيت ان الاداء بقى ضعيف و الستوك بيخلي العربيه اقوى يعني باظ بعد ال ٢٠ الف

فعلا في فرق
انا لما بنضفه بالهوا بحس اني مطلع الفلتر من المقابر !

**Eng.Geo** · 08-03-2013, 01:56 PM

المشاركة الأصلية كتبت بواسطة 1.8Tee مشاهدة المشاركة

باشا انت الخطوة اللى جاية تبقى itb's ....صباح ال throttle response و الصوت العالى الجميل.

ده كل موتور وليه ولا ده بيتركب زي التربو كدة ؟ (بالحب؟)
انا بشوفه كتير برة بس ماعرفش بيتباع أزاي

**Eng.Geo** · 08-03-2013, 01:58 PM

المشاركة الأصلية كتبت بواسطة mmamdouh مشاهدة المشاركة

كل اللى قلتة دة كلام لطيف بس انت وقعت منك حتة صغيرة....

كل كلامك مبنى على ان الvolumetric effecency للمكنة 100% و دة غلط... المكن الستوك العادى بتاعنا اخرة 85% او 88% فقط نتيجة الrestrictions اللى فى فلتر الهوا و المنافولد بالتالى المكنة ال2000 سى سى مبتسحبش 2000 سى سى خليط هوا و بنزين انما فى احسن الاحوال بتسحب 1700 سى سى فقط نتيجة العوامل السابق ذكرها

تركيب فلتر بيقلل من مقاومة دخول الهوا فا بيرفع من الvolumetric effecency للمكنة و دة بيترجم لفرق فى الاداء.... لو ركبت individual throttle body system هترفع الكفائة اكتر و اكتر و بالتالى الاداء هيبقى احسن و احسن

العربيات اللى فيها تربو او سوبر شارجر الكفائة الحجمية بتاعتها بتتجاوز 100% لانك بتقدر تدخل حجم هوا اكبر من سعة المحرك نتيجة ضغط الخليط... و دة سبب ان bmw لما نزلت مكنة 3200 تربو كتبت على العربية 745 لان القدرة اللى طلعت من المكنة ال 3200 التربو توازى القدرة اللى طالعة من مكنة 4500 normally aspirated

mmamdouh

الله ينور عليك :d

**Eng.Geo** · 08-03-2013, 02:06 PM

المشاركة الأصلية كتبت بواسطة Formulator مشاهدة المشاركة

طب ماهو بردو بتتكتم (العزم بيقل) فـ المواتير التربو ياGeo؟!! (الجولف والبرافو1.4T) بالفلتر السبورت -لما يدى high-flow؟؟!!!

- وكمان الـECU بيضبط الـAFR بتوصل أقل من 13.0:1 والموتور شغال rich -عشان مايرفعش حرارة الـexhaust >> التربو والموتور يزعلوا :(
فـ بتكون النتيجة ان العربية بتاكل بنزين بزيادة فـ الـlow-end..؟!!

لأ
أعتقد ان دى مشكلة intake length/geometry + حرارة/ضغط الهواء اللى داخل..أكثر منها مشكلة ecu/ afr

يعنى: المواتير اللى فيها VGIS أو Variable-Length intake أو الـplenum فيه هورنات بتعمل swirl >>> سرعة الهواء بتزيد!
والمواتير دى بتتأثر -إلى حد أقل- فـ العزم وإستهلاك البنزين لما يركبله intake مابيعملش turbulence جامد و Air-velocity تفضل عالية

omaaaal هى الـindividual throttle-bodie's بتعمل أيــــــــــه؟؟

مانا بحاول أوصل لحل وده كان الأقرب

لو قلنا مثلا ان المشكلة في طول الماسورة ... انا حاطت short arm و ممدوح long بس مش قوي ونفس الحال عندي وعنده
انا حاطت في مكان سخن وممدوح في مكان بيجيله هوا بارد من كل حتة
حطيت فلتر أصغر في نفس المكان ... بقت تقرب من الفلتر ال stock .... العزم زاد في الأول وقل في الأخر

**Eng.Geo** · 08-03-2013, 02:07 PM

المشاركة الأصلية كتبت بواسطة lanos2004 مشاهدة المشاركة

انا لا اعترف ان الفلاتر الرياضيه بترفع الاداء

يا عم انت عربيتك مش محتاجة فلاتر ولا حاجة هههههههههههههههههههه

**Eng.Geo** · 08-03-2013, 02:11 PM

المشاركة الأصلية كتبت بواسطة Formulator مشاهدة المشاركة

Lol

هيبقى جامد على عربيتك أجيو :))

بس هتحتاج تشيل الشبكة من الإكصدام خالص.. وتعمل ductــات للـ4 من الـwindow؟!!
هههههههههههههههه

بس أعتقد الـitb هتبقى مفيدة أكثر فـ المواتير الـhigh-revv يابروs.. يعنى مشهورة أوى فـ الـS2000 ومكن الـS البيمر-M///
- كمان الـv-tec والـvalvetronic بيفتح على rpm عالية فـ المواتير دى! فـ بيغير فـ الـintake-pressure كتييييييييير!! :)

-@ أجورج:
هو الموتور الـ2.0 فيه VGIS أو vvt زى مواتير الـGM-Opel اللى بعد كده؟؟ ولا عشان E-tec مفيهوش؟!!!

هههههههههههههههههههههههههههههههههههههه
انا سايب الشكمان ضيق ومرخي دواسة البنزين عشان ماجريش وأحترم نفسي ... كل ماسمع صوت الموتور وهو بي revvvv ..... ماباسيبهوش غير عند ال Red Zone
موتوري هو هو بتاع الفيكترا
ال 1500 فيه VGIS
مش متأكد ان كان ال 2000 فيه ولا GDI

**Ahmod** · 08-03-2013, 03:51 PM

موضوع هايل يا برو !!

انا من خلال تجربتي مع الفلتر K&N لمدة سنة تقريبا !!

اول ماجيت اركب الفلتر دخلت على موقع Yarisworld لقيت ان فيه نوعين من ال Setup للفلاتر

Short ram intake // Cold Air Intake

ال Short ram ده اللى بيكون الفلتر فيه بماسورة صغيرة و موجود في حوض الماتور !! و اهم عيوبه انه بيكتم العربية على ال RPM القليل

وعلى حسب كلامهم هناك !! ان ده بيتحل من خلال انك تركبه Cold air intake يعني تاخد الفلتر بماسورة طويلة برة حوض الماتور

وان طول الماسورة بيقلق مقاومة الهوا بالتالي بيحل مشكلة الكتمة اللى بتحصل على ال RPM القليل !!

بس كانو دايما بيحذرو من ال Hydrolic shock وهي ان قرب الفلتر من الفوجات بتخليه يسحب ماية !! طبعا بالنسبة لمصرنا الحبيبا الموضوع هيبقى صعب لانه مش بس هيسحب ماية !!! ؟؟ ده هيحسب تراب وظلط وزبالة وكل حاجة !! ؟

فطبعا اضطريت اني اركبه في الحوض

في البداية كنت مركبه بطريقة غلط وبالشكل التالي

ولاحظت فعلا ان العربية وسط البلد مكتومة !! وبتحتاج ادوسلها شوية عشان تجري بعكس الاول كانت اقل دوسة بتجريها !! لكن في النهاية على ال RPM العالي بقت العربية بتحقق سرعات عالية في ازمنة اقل من الاول

وطبعا استهلاك البنزين !! ماتسالش !!!!!!!!!!

معجبنيش الموضوع شلته ورجعت الاستوك

وبعد فترة قلت انا لازم اركبه بس المرة دي اركبه صح !!

وركبته بالشكل ده وده على فكرة الشكل اللى Recommended للفلتر على الياريس من K&N

زي مانت شايف الفلتر يعتبر في ابعد مكان عن حرارة الماتور ومروحة الراديتير !!

الاداء فعلا اتحسن عن الاول وكمان استهلاك البنزين !!

يعني فعلا مكان الفلتر بيفرق جامد في الاداء واستهلاك البنزين

بس Still كان فيه الكتمة اللى موجودة على ال RPM القليل ولو انها قلت سيكا !!

لكن طبعا لما بتهمله بيتحول للمنظر التالي

واللى لاحظته ان الفلتر لما بيتوسخ جامد !! مش بس بيقلق اداء العربية لا ده بيزود استهلاك البنزين بطريقة غبية جدا !! اانا الفلتر عندي لما بيوصل للشكل اللى انت شايفه ده !! خصوصا لواحد ساكن في الهرم والجو كله مترب !!

العربية مش بتكمل 150 كم في الصفيحة !! متخيل !! ؟؟

بعد مدة ركبت Exhaust system - Header Back 2" inches

اللى لاحظته انه حللي موضوع الكتمة على ال RPM القليل !! العربية اتظبطت زي الاول

ومابقتش احس انها مكتومة في الزحمة ولا حتى في الحر !!

العربية بقت احسن مع الحمولة !! يعني عزم العربية زاد بشكل ملحوظ

وطبعا على السرعات العالية خصوصا فوق ال 120 فيه تحسن ملحوظ

والاحسن من كل ده انه محصلش اي تاثير على استهلاك البنزين

عموما انا انصح اي حد ناوي يعدل يركب Exhaust احسن مليون مرة من ال Intake !!

استهلاك البنزين بيتحسن !! الاداء كمان بيبقى افضل !! وفي نفس الوقت لو مركب علبة شكمان كويسة هتعملك الصوت اللى انت عايزه

عايز اقول ان الفرق في الاداء اللى حسيته بعد تركيب ال Exhaust اكبر بكتييير من الفرق اللى حسيته بعد تركيب الفلتر

**Ahmod** · 08-03-2013, 04:09 PM

المشاركة الأصلية كتبت بواسطة hany63 مشاهدة المشاركة

يعني انت دلوقت مركب الفلتر الاستوك مع ال exhaust ؟
و ياترى كلفك كام و عملته عند مين ؟

لا انا دلوقتي مركب K&N مع ال Exhaust

وال Exhaust كلفني 900 جنيه

بس مركب علبة Jasma وهي كانت اغلى حاجة في الموضوع !! كانت ب 450 جنيه استيراد

**Ahmod** · 08-03-2013, 04:16 PM

وعلى فكرة انا مصور تلت فيديوهات تسارع للعربية من 100 ل 160

واحد بفلتر K&N فقط

والتاني ب K&N و Exhaust

والتالت بالفلتر الاستوك و Exhaust

واقدر اقول ان فعلا احسن نتيجة كانت مع ال K&N وال Exhaust !!!! بفرق حوالي 2.5 ثانية في التسارع من 100 ل 160 !! وده يعتبر رقم كبير !!

صحيح ماقدرش اعتبر ده حاجة Documeented مع اني مجرب على نفس الطريق وفي نفس التوقيت تقريبا !! ؟

بس برضوا ظروف الهوا بتفرق حتى ولو بالبسيط خصوصا ان التلت تجارب كانو على فترات زمنية مش متقاربة فبرضوا ممكن حالة العربية كزيت ماتور وبوجيهات تكون اختلفت

Comment

Comment

إعـــــــلان

.

فلتر هواء سبور واستخدام أكتر من سنة cai

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment