بلاش غرز من أقصى اليمين حرااااااااااااااام

[Khaled Online]

الموضوع كتر وقدم وبقى سخييييييييييييييييييييييييييييييييييييييييييف
اللي عايز ياخد غرز --لو لازم يعني وخلاص هيفوته ميعاد الطيارة-- يخليه في الشمال أو حتى تاني حارة شمال
لكن اللي بيحصل ده مهزلة وبتحصل حوادث بالعبيط بسبب الفهلوة السخيفة دي

[aldesha989]

انتا اصلآ على الطرق السريعه لو بتأخد غرز يمين بتلاقى عربيات جايه عكس :d

اصلآ احنا بلد عكس

[|Mostafa|]

في الحالتين غلط تاخد غرزة :d

لان اليمين زي الشمال في مصر....كلها حارات بطيئة. الحل؟ تقعد في بيتكم احسن لانك ياما هتعمل حادثة ياما هتتثبت.

حسبي الله ونعم الوكيل.

[AlGazar2]

اخطر غرزه هى الغرزه الى فى اقصى اليمين دى ( عملتها مره زمان اوى و لقيت عربيه فى وشى و حرمت من ساعتها - مكنتش اعرف الخطوره بتاعتها )

حاليا بقى ممكن تلاقى عربيه واقفه - توكتوك جاى عكس - ناس مستنيه المكروباص ع السريع - عربيه ترمس ع الدائرى

بس بصراحه عندى احساس ان الغرزه لما تتاخد للحاره اليمين ( مش اقصى اليمين ) بتبقى امان اكتر مش عارف ليه بحس ان العربيه ماسكه نفسها احسن مش عارف ده صح ولا احساس ان العربيه بتروح للجنب الى انا مش فيه الاول

[kokowasfy]

الاسف كتير من الناس لما بتشد ولا بتجرى بتلاقى اليمين فاضى فا هب اخدين يمين ميعرفوش ممكن مستنيهم اية بس حرام خلو بالكم فى ناس بتبقا وقفا على اليمين

[mshmshm3]

الغرز اصلا حرام

[Sehsss]

للأسف الشديد، ده بقى العادي

[Mr.Lawyer]

دى حقيقه فعلا ، الموضوع بقى مستفز وكل الناس عامله نفسها مايــكل شــــوماخر وان شوارعنا المعفنه المكسره بقت حلبات ســــــــــــــــباق


بصراحه كل ما بشوف واحد مش الشباب السيس دول بيعمل غرز فى شوارع عرضها حوالى عشره متر وزحمه ، ببقى عايز اوقفه والســـــــــــــــــعه على قفـــــــــــــــــــاه

[SonaSteel]

ههههههههههههههههههههههههههه طيب لو شوفته حد بياخد غرزة وعلي العربية استيكر نايل موتورز يسامحني

بس نتفق لو الطريق فاضي ووواحد ماشي علي الشمال علي 20 .... هاخبطه هههههههه

[dede_dodo88]

لا يمين, ولا شمال..
يا ريت كل واحد يلتزم بحارته و الحياة هتبقى فلة..

[mahmoud_afifi]

طب لما يكون في عالم رخمه بنت رخمه ماشيه بطئ على الشمال وفي النص ومفيش مكان اعدي منه غير على اليمين الواحد يعمل ايه بس ؟
على العموم انا مابعديش من على اليمين غير لما بتكون الرؤيه واضحه وشايف ان مفيش اي خطر من اني اتجاوز من اليمين.

[p r i n c e]

عملتها قبل كدا و دخلت اقصى اليمين لقيت واحد راكن ف المخالف و لبست فيه xd
بلاش غرز يا جدعان و الله اخرتها سودا
حاولو متغيروش حارتكم على قد متقدرو
نصيحة من مجرب بلا ا ا ا ا ا ا ا ا ش

[Khaled Online]

أحيانا الغرز من ناحية الشمال بتكون ضرورية لما يكون قدامك أتوبيس/نقل/سايق بطيئ ووراك نقل أو حتى ميكروباص ومش عاتقينك كلاكسات وبيكبسوا بنزين
والغرزة بتتعمل صح برده.. إشارة للي وراك + كلاكس خفيف للي قدامي + تقدير مسافة مزبوط + بيكون اللي قدامي واللي ورايا متوقعيني (مش زي اللي بيكسروا علينا بعربياتهم ومتقمصين دور الموتوسيكلات الصيني)
وجب التنبيه عشان ملاحظ بعض الزملاء الأفاضل فهموني غلط

[AhMeD MeTwAlY]

حضرتك بتتكلم عن مصر ؟؟
يا باشا دا الناس بتاخد غرز من فوق الكبوت والغرز دي متعت القياده انا معاك انها متعه مميته بس الطريق بحيكمك

[S O P H O S]

احنا فمصر
وبنتوقع اي شئ فالطريق