بلاش غرز من أقصى اليمين حرااااااااااااااام

[AutoTycoon]

اللي بياخد غرز من اليمين دا جاهل و المفروض يقعد في بيتهم و يتحرم من السواقة

[mahmoud_afifi]

بما إننا بنتكلم عن الخليج والطرق والسرعات وكده..

>> نظام الكارتة فـ الإمارات عجبنى حشد :>
كارت pre-paid بتشتريه من إدارة مرور الإمارة تقريبا.. إسمه "ساير" chip بتتلزق عـ الإزاز كده:
والبوابات طبعا مابتوقفش الطريق؟!! متعلقة زى الكاميرات فوق الطريق...

وكل ماتعدى عـ البوابة: تخصم رسوم الطريق إليكترونيك يامعلم :)) عـ الطاير!
وبيحسب المشى عـ الطرق الدائرية دى (أو مابين الإمارات) بالزمن؟!! مش بالمسافة زى عندنا؟؟!!!
- كل ساعة عـ الطريق بيخصم من رصيدك!

الأجمد بقى: الرادارات السمارت دى!! فشيكة (معرفش ساهر الجديد بتاع السعودية شغال كده ولا لأ)؟؟!!

>>> الرادار (مش بس Speed-trap).. لأ، هو بيحسب بطريقة الـTime-Attack؟!! lol
لو لقاك قطعت المسافة بين الـ2 point دول فـ زمن محدد: بيحسب متوسط سرعتك (عنده المسافة و input السرعة سعادتك بتديهوله)!! ههههههههههههه
كاسر سرعة: إلبس يامعلم
- أعتقد ده معمول خصيصا للسواقين المصريين (الفهلوية) اللى بيهدى عند الرادر.. ويرجع يسحب تانى؟!! ههههههههه

ههههههههههههههه
الامارات سبقانا بسنييين ضوئيه
نظام ساير انا قريت ان النظام ده اصلا موجود في اوروبا ولو انت مش جايب الستيكر الي prepaid ودخلت الطريق هتلسع مخالفه قد كده.
اما نظام ساهر الي في السعوديه speed trap بقى وممكن تلاقي الرادار في حتت لا تخطر على بال بشر :D

يا باشا انا متأكد أن السعودية معندهومش سرعات مفتوحة (مع أني ما روحتش هناك و لا مرة )
بس أنا متأكد من ناس كتيرة أن الخليج كله أعلى سرعة فيه تقريبا 120 كم - س (قانونا )
و طالما بنتكلم قانونا ........ يبقى نتكلم عن سرعة الرادار .... و ايه الصح و أيه الغلط .

عموما

السعودية مش زي مصر و الطرق هناك مش زحمة زي مصر ... و معندهومش عربيات قديمة و مهكعة زي مصر و معندهومش مرور بيطلع رخص لعربيات متهالكة و مكسرة .


المقصود من الكلام .
أن السرعة قاتلة ...... و الكلام ده موجود في أوروبا و أمريكا و الدول اللي بتخاف على مواطنيها و بتعتبرها أصول من أصول الدولة .

و أنت بتطلع رخصة في أنجلترا .
أول حاجة بيعلمهاك ............ أنك تسوق على مهلك و تلتزم بالسرعات القانونية للحفاظ على حياتك و حياة من معك على الطريق .
و هناك فيه جملة شهيرة Safety Comes First

عارف لو أتمسكت ماشي في أنجلترا 180 كم - س هايعملوا فيك أيه (لا أقصد شخصك الكريم بشئ ) أي حد لو أتمسك 180 ....... سجن ............ سجن
شوفت هناك السرعة نتيجتها أيه ......... بتتعامل زي المجرمين بالظبط ....... و غرامات كبيرة جدا بتوصل ل 50 ألف أسترليني و مصادرة السيارة و مصادرة الرخصة
الموضوع مش هزار ........... و معندهومش أي مبررات مقبولة .

بالنسبة لموضوع الحوادث في السعودية .
السعودية مسجلة نسبة حوادث من أعلى نسب الحوادث في العالم بسبب السرعة .
مصر مسجلة نسبة عالية جدا عالميا بسبب السرعة و العشوائية في القيادة .
أعلى دول مسجلة نسب حوادث في العالم هي الدول النامية التي لا يوجد فيها رقابة صارمة على الطرق و طبعا منهم مصر و دول الخليج و الدول العربية عموما .
ألمانيا تسجل أعلى نسبة حوادث في الدول المتقدمة بسبب الطرق المفتوحة و ليس عليها تحديد للسرعة .

أغلب الحوادث اللي بتحصل في الدول المتقدمة (أوروبا و أمريكا و كندا و اليابان ) بتكون لأسباب متعلقة بالبيئة المحيطة ( الثلج . المطر القوي ....... بالاضافة طبعا للقيادة و أنت تحت تأثير الخمر )

إنما الناس تبقى صاحيىة و فايقة و تعمل حوادث ...... بتحصل عندنا هنا بس بسبب اللامبالاة و الفوضى و عدم أحترام القوانين .

و أنا أتمنى في يوم من الأيام ...... أننا نكون صارمين كالأنجليز ...... و لا نكون متساهلين كالسعوديين . و منكنش في البلالة زي مصر !!

مع تحياتي ليك و لفورميلاتور ................ و الحاج ميني كوبر منور من زمان مش بنشوف مشاركات له

هو مؤخرا بقى في حدود للسرعه ورادارات ونظام ساهر الي ظبط الناس هناك :D
بس لما انا كنت موجود ماكنش في حدود للسرعه ونادرااااا لما يحصل حوادث. وفعلا زي مابقول لحضرتك بحكم اني كنت عايش هناك السبب الرئيسي هو التفحيط والهجوله (مسمياتهم) وقمة التهور الي في الدنيا (احنا بالنسبالهم ملايكه).

والطرق هناك مش فاضيه زي ماحضرتك متخيل. طريق الملك فهد وده الطريق السريع الي بيربط الرياض ببعض وبيربط الرياض بأي مدينه بتلاقي الناس ماشيه فيه بسرعات اكتر من 180 ومابيحصلش حوادث. عمرنا ماشوفنا الطريق واقف بسبب حادثه خالص. نادرا ما يحصل حادثه.

وهناك الي بيكسر الاشاره (او بيقطعها زي مابيسموها) بيتسجن 24 ساعه زي المجرمين برضه :)
عندهم التزام برضه ومفيش التسيب بتاعنا ومفيش حاجه اسمها حد يمشي عكس (تقريبا ممكن يقتلوه لو عملها) :D

شوف كدا الصورة دي لطريق سريع في ألمانيا (ليس عليه سرعة محددة ) و بسبب أن السرعة مش محددة أيه اللي حصل و محدش لحق يقف بسبب السرعة الزايدة

ده طريق autoban واكاد اكون متأكد ان السبب في الحادثه دي واحد مصري
ههههههههههههههه

[mahmoud_afifi]

استاذ tutankhamoun

النهارده سمعت كلام حضرتك ومشيت 80-100 ولقيت ان كل ما العربيه كانت ابطأ كل ما استمتعت بالسواقه بس طبعا اخدت اول حاره على اليمين وسيبت الطيارات عماله تعمل فوووو من جنبي :)
واهم حاجه الواحد وصل الكليه من غير حرقة اعصاب والفرق ماكملش 5 دقايق عن وانا بجري :(

[Recaro]

كل ما باسمع جملة غرزه يمين دى بافتكر موقف حصل معايا على المحور، ماشى فى النص 160 تقريبا والحارات كلها فيها شويه عالم ولاد تيت ماشيين بنظرية ياللا نمشى جنب بعض ونشبك ايدينا !!
كلاكسات نور مفيش فايده المهم الاوبل اللى قدامى قرر فجأه يجرى وياخد يمينه والاقى فى وشى 132واقف يغير الكاوتش على الشمال وفاتح الباب كمان ابن ال .... !! ... وقفت على الفرامل لدرجة دخان حرق الكاوتش دخل عليا جوه الكابينه وستر ربنا العربيه اللى فى اليمين وسعت شويه من صوت الفرامل دخلت ما بينهم ونجيت بمعجزه
وده يعلمنا حاجات مهمه جدا:
1- متشبكوش ايديكم عالمحور عشان دى حاجه تفقع ال.... مراره.
2- ياريت ولاد ال ...... يفهموا ان محدش يقف يغير كاوتش فى الشمال على طريق سريع..!!
3- متفتحش باب العربيه وتسيبه مفتوح الا لو متضايق منه وعايز تفتح الكابينه عالطريق.
4- واضح انو ضرورى نكبر قطر ديسكات الفرامل ونستخدم كاليبرز اقوى من كده.
5- ياريت حد يخترع حاجه تخلى العربيه تقدر ترفع عجلها وتقفز لمسافه امنه عشان الأوغاد اللى زى ده واللى بيقرروا يطلعوا على الطرق السريعه عكس الاتجاه.
5- يجب قتل كل هؤلاء الأوغاد.
6- فى مصر مفيش حاجه اسمها غرزه يمين اخطر من غرزه شمال، انت لو راكن العربيه ومغطيها تحت البيت فانت فى خطر داهم.

[SonaSteel]

النهارد جربت امشي بادبي واخد الغرز بهدوووووووووووووووووووووووووووء ..... ماشاء الله حسيت ان العربية مش متضايقة مني وبتجري برده مش مضطر احرق علي الغيارات هههههههههههههه

[tutankhamoun]

كل ما باسمع جملة غرزه يمين دى بافتكر موقف حصل معايا على المحور، ماشى فى النص 160 تقريبا والحارات كلها فيها شويه عالم ولاد تيت ماشيين بنظرية ياللا نمشى جنب بعض ونشبك ايدينا !!
كلاكسات نور مفيش فايده المهم الاوبل اللى قدامى قرر فجأه يجرى وياخد يمينه والاقى فى وشى 132واقف يغير الكاوتش على الشمال وفاتح الباب كمان ابن ال .... !! ... وقفت على الفرامل لدرجة دخان حرق الكاوتش دخل عليا جوه الكابينه وستر ربنا العربيه اللى فى اليمين وسعت شويه من صوت الفرامل دخلت ما بينهم ونجيت بمعجزه
وده يعلمنا حاجات مهمه جدا:
1- متشبكوش ايديكم عالمحور عشان دى حاجه تفقع ال.... مراره.
2- ياريت ولاد ال ...... يفهموا ان محدش يقف يغير كاوتش فى الشمال على طريق سريع..!!
3- متفتحش باب العربيه وتسيبه مفتوح الا لو متضايق منه وعايز تفتح الكابينه عالطريق.
4- واضح انو ضرورى نكبر قطر ديسكات الفرامل ونستخدم كاليبرز اقوى من كده.
5- ياريت حد يخترع حاجه تخلى العربيه تقدر ترفع عجلها وتقفز لمسافه امنه عشان الأوغاد اللى زى ده واللى بيقرروا يطلعوا على الطرق السريعه عكس الاتجاه.
5- يجب قتل كل هؤلاء الأوغاد.
6- فى مصر مفيش حاجه اسمها غرزه يمين اخطر من غرزه شمال، انت لو راكن العربيه ومغطيها تحت البيت فانت فى خطر داهم.

7 - ما نجريش على 160 و نخلي حياتنا في خطر و حياة غيرنا في خطر .

ربنا يستر طريقك و طريقنا و يبعد عنا الشر

[dede_dodo88]

2- ياريت ولاد ال ...... يفهموا ان محدش يقف يغير كاوتش فى الشمال على طريق سريع..!!

كذا مرة يحصلي الموقف ده و ربنا بيسترها.. و المصيبة أنه مثلاً بيبقى على طريق سريع و بليل و اللي واقف على الشمال ده لا حاطط مثلث عاكس و لا مولع نور العربية حتى!!..

[د.أبونضال]

كل ما باسمع جملة غرزه يمين دى بافتكر موقف حصل معايا على المحور، ماشى فى النص 160 تقريبا والحارات كلها فيها شويه عالم ولاد تيت ماشيين بنظرية ياللا نمشى جنب بعض ونشبك ايدينا !!
كلاكسات نور مفيش فايده المهم الاوبل اللى قدامى قرر فجأه يجرى وياخد يمينه والاقى فى وشى 132واقف يغير الكاوتش على الشمال وفاتح الباب كمان ابن ال .... !! ... وقفت على الفرامل لدرجة دخان حرق الكاوتش دخل عليا جوه الكابينه وستر ربنا العربيه اللى فى اليمين وسعت شويه من صوت الفرامل دخلت ما بينهم ونجيت بمعجزه
وده يعلمنا حاجات مهمه جدا:
1- متشبكوش ايديكم عالمحور عشان دى حاجه تفقع ال.... مراره.
2- ياريت ولاد ال ...... يفهموا ان محدش يقف يغير كاوتش فى الشمال على طريق سريع..!!
3- متفتحش باب العربيه وتسيبه مفتوح الا لو متضايق منه وعايز تفتح الكابينه عالطريق.
4- واضح انو ضرورى نكبر قطر ديسكات الفرامل ونستخدم كاليبرز اقوى من كده.
5- ياريت حد يخترع حاجه تخلى العربيه تقدر ترفع عجلها وتقفز لمسافه امنه عشان الأوغاد اللى زى ده واللى بيقرروا يطلعوا على الطرق السريعه عكس الاتجاه.
5- يجب قتل كل هؤلاء الأوغاد.
6- فى مصر مفيش حاجه اسمها غرزه يمين اخطر من غرزه شمال،
[gdwl]انت لو راكن العربيه ومغطيها تحت البيت فانت فى خطر داهم. [/gdwl]

هو ده اللي كنت عايز اقوله من زمان ومش عارف

[amraction]

اللي بيعمل غرزة في أوروبا ......... بيدخل السجن و يتحرم من السواقة كام سنة أو للأبد حسب الضرر ...... و يدفع غرامة ممكن يكون يبيع بيته فيها !!

و حضرتك بتقول عن اللي بيدافع عن حقه في الطريق (من حرامية الطريق الغرزجية ) انه بهيم ؟؟؟!!!

اعذرني ....... أصل مش معنى أننا بنسوق بالبركة ............ أن ده صح ..........

و على فكرة (في الدول المحترمة ) مفيش حاجة أسمها واحد يقلبلك علشان يعدي منك .
علشان ببساطة ...... فيه سرعة رسمية للطريق ........ و الكل ملتزم بها و مفيش حاجة اسمها تقليب للي قدامك .
مالها يا جدعان 80 أو 90 كم - س ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لسة فيه زميل في قسم تويوتا عامل حادثه بسبب الغرزة بعربية ياريس .
و أنا شوفت واحد ببي أم بيعمل غرزة من اليمين من كام سنة على الدائري و العربية بقت كفتة ... بجد كفتة دخل في عربية نقل من ورا !!

ليه كل ده ...... كله بيوصل ... مش فارقة نص ساعة أو حتى ساعة زيادة على الطريق ........ المهم أني أوصل سليم معافي و معايا عربيتي سليمة ...... و الناس في الطريق سليمة
طبعا لا مجال للكلام عن الناس اللي بتمسك شمال و تمشي بسرعات منخفضة أو العكس .
التطرف شئ غير صحي (التطرف في أي شئ ........... حتى الدين )

ربنا هو ا لهادي .
تقبل تحياتي يا أستاذ محمود ........ و أرجوا أن وجهة نظري توصلك

ده فين ده يا فندم ؟؟ خش ع اليوتيوب واكتب autobahn .. ده الطريق السريع فى المانيا ومش عليه سرعات.. يعنى قانونى تقفل عدادك عادى جدا .. شوف كده اللى بيسوقو دول تلاقى واحد جايب 260 وبيقلب نور للى قدامه واتوماتيك اللى قدامه يدى اشاره يمين ويوسعله الطريق .. نفس الكلام فى الاوتوسترادا بتاع ايطاليا ..

نفس الكلام ف انجلترا .. اه فيه سرعه رسمى 70 ميل ف الساعه .. حوالى 120 - 140 كيلو متر ف الساعه .. والطريق البطئ فيه يمين والسريع فيه شمال .. وبافتراض انا عامل فيه 70 ميل واللى قدامى 65 وقلبتله نور بيوسع اوتوماتيك برضه ... و قريت ردود حضرتك اللى بعد كده لما اتكلمت عن انجلترا .. بس انا سمعت الكلام ده من انجليز .. و شفته فى برامجهم وفيديوهاتهم ..

انا مش بعيب على حضرتك .. بس يا فندم ما ينفعش اكون ع الدايرى والاقى اربع بطات ياريتهم جايبين 80 زى حضرتك .. وقافلين الطريق كله بالعرض .. او يكون ع الشمال واديله نور يشاورلى اليمين واسع يا بيه !!!! ..او تلاقيه ماسك نص حاره من هنا ونص الحاره اللى جبنها .. ولا عايز يعدى من هنا ولا من هنا ...او يكون فى حاله طوارئ شخصيه ومحتاج اوصل فى اقل من ثانيه للمكان اللى عايز اروحه ولما الطريق يفضى وادوس بنزين الاقى واحد بيرخم عليا ومصمم يبطئنى زيه ... ده غير حاجه انا مسميها غرزه مضطر .. يعنى تلاقى واحد زنقك .. يا تاخد الغرزه يا تخبطو سوا ويا عالم ايه اللى هيحصل زى البهوات اللى لما عربيتهم تعطل او يحب يشرب عرقسوس يركن فى الشمال او فى نص الطريق.. عادتشى.. بيتأمل الطريق .. السواقه فى مصر كلها بايظه .. من سريع لبطئ لطرق زباله اساسا لسرعات مقرره مش معقوله لعدم امان ف الطريق. .. وربنا يسترها معانا كلنا

[D . a .\ AYMAN]

ده فين ده يا فندم ؟؟ خش ع اليوتيوب واكتب autobahn .. ده الطريق السريع فى المانيا ومش عليه سرعات.. يعنى قانونى تقفل عدادك عادى جدا .. شوف كده اللى بيسوقو دول تلاقى واحد جايب 260 وبيقلب نور للى قدامه واتوماتيك اللى قدامه يدى اشاره يمين ويوسعله الطريق .. نفس الكلام فى الاوتوسترادا بتاع ايطاليا ..

نفس الكلام ف انجلترا .. اه فيه سرعه رسمى 70 ميل ف الساعه .. حوالى 120 - 140 كيلو متر ف الساعه .. والطريق البطئ فيه يمين والسريع فيه شمال .. وبافتراض انا عامل فيه 70 ميل واللى قدامى 65 وقلبتله نور بيوسع اوتوماتيك برضه ... و قريت ردود حضرتك اللى بعد كده لما اتكلمت عن انجلترا .. بس انا سمعت الكلام ده من انجليز .. و شفته فى برامجهم وفيديوهاتهم ..

انا مش بعيب على حضرتك .. بس يا فندم ما ينفعش اكون ع الدايرى والاقى اربع بطات ياريتهم جايبين 80 زى حضرتك .. وقافلين الطريق كله بالعرض .. او يكون ع الشمال واديله نور يشاورلى اليمين واسع يا بيه !!!! ..او تلاقيه ماسك نص حاره من هنا ونص الحاره اللى جبنها .. ولا عايز يعدى من هنا ولا من هنا ...او يكون فى حاله طوارئ شخصيه ومحتاج اوصل فى اقل من ثانيه للمكان اللى عايز اروحه ولما الطريق يفضى وادوس بنزين الاقى واحد بيرخم عليا ومصمم يبطئنى زيه ... ده غير حاجه انا مسميها غرزه مضطر .. يعنى تلاقى واحد زنقك .. يا تاخد الغرزه يا تخبطو سوا ويا عالم ايه اللى هيحصل زى البهوات اللى لما عربيتهم تعطل او يحب يشرب عرقسوس يركن فى الشمال او فى نص الطريق.. عادتشى.. بيتأمل الطريق .. السواقه فى مصر كلها بايظه .. من سريع لبطئ لطرق زباله اساسا لسرعات مقرره مش معقوله لعدم امان ف الطريق. .. وربنا يسترها معانا كلنا

أنا معاك إن في طرق زي autobahn في ألمانيا واللى زيه مالهاش تحديد للسرعة ... وفعلا من حقك إن تمشي على الطرق دي وتقفل عدادك

لكن لما بيكون في طرق سواء في ألمانيا أو إيطاليا أو انجلترا محدد عليها السرعة بيكون 99 % من رواد الطرق دي ملتزمين بالسرعة المحددة وهو ده الفرق بينا وبينهم ... الإلتزام بالقوانين ... وبالذات التي تمس حقوق ومصالح الآخرين فهي لا يمكن التساهل فيها نهائيا

البرامج بتاعتهم نفسها زي توب جير وما إلى ذلك ... لما بيكونوا ماشيين في شارع محدد عليه السرعة لا يمكنهم تجاوزها بأي حال ... ومرة قدامي كانوا ماشيين على طريق سرعته المحددة 15 ميل / س ... ولم يستطع تجاوز تلك السرعة نهائيا

ومرة أخرى كان في أمريكا والسرعة المحددة للطريق كانت 10 ميل / س ... ولم يمكنهم تجاوزها .. وبرغم أن في تلك المرة كان الطريق صحراويا ونائيا بشدة ولم يكن عليه أناس غيرهم .. ولكنه كان ذو طبيعة جبلية إلى حد ما ولم يتجاوزوا السرعة نهائيا

فإنهم حتى وإن كانوا يرتكبون مثل تلك المخالفات في بعض الأحيان فيما بينهم فإنهم لا يمكنهم ارتكابها على شاشات برنامج عام وشهير يراه ملايين البشر من مختلف أنحاء العالم

...

نقطة أخيرة ... أكيد طريق زي autobahn في ألمانيا مش معمول بنفس المواصفات الرائعة اللى معمول منها الطرق المصرية الخطيرة بتاعتنا ... وللعلم مش كل أجزاء طريق autobahn في ألمانيا غير محددة السرعة وإنما بيكون عليه أجزاء كتير محددة السرعة حسب مواصفات الطريق والمناطق التي يمر منها


وطبعا أنا متفق مع حضرتك في كلمة تانية انت قلتها بتوصف فيها السائقين المصريين الرائعين على الطريق الدائري الرائع بتاعنا والتزام كل واحد منهم بحارته وما إلى ذلك

[Khaled Online]

بعد ما عدت سنة ونص عالموضوع ده، مين شايف السواقة في مصر اتحسنت؟
ياريت بلاش شتيمة!!
وإيه الحلول لو ممكن تتنفذ؟