بلاش غرز من أقصى اليمين حرااااااااااااااام

[tutankhamoun]

تعبت بصراحة من طريقة السواقة و تعبت كمان من الكتابة في المواضيع دي .
للآسف دي أخلاق (رقم 1 ) و تفاهة (رقم 2 ) و غباء (رقم 3 )

انا شوفت بي ام من 3 سنين بيأخد غرزة يمين ....... لبس في نقل كان راكن في أقصى اليمين ....... و العربية بقت كفتة .

ربنا هو الهادي

[mahmoud_anwar]

حصل موقف هحكية علشان الناس تتعلم
عربية واحد زميلي في الشارع هيونداي اكسنت ار بي جديدة لسه
المهم اول يوم العيد قولنا نرو دندي مول بليل المهم واحنا علي طريق المحور
وصحبي ماشي علي 180 وماشي شغال غرز يمين شمال والعربية بسم الله ماشاء الله حب جميل وثبتة لي انها كانت لسه جديدة معملتش 3000 الف كيلو سعتها المهم وهو ماشي في الشمال لقيامامة علي بعد مثلآ 200 متر او اكتر عربية وسرعته هتتخطها وفي الحارة الي في النصف عربية جيب وسرعته برضة ضعيفة وهو صحبي سرعته هتتخطها المهم راح يمين من الشمال لليمين مش حارة حارة لا خطف اليمين اتاري بقا ايه الجيب مغطية علي عربية 127 هوبا مسك فرامل العربية عومت بقت من وره جت يمين وشمال وقام لطش العربية ال127 بي جمبة الباب اطبق بتاع 127 وعربيتة الباب والرفرف رشه وسئلتة ايه سبب التعويمة قالي ان الدركسيون خفيف جدآآآ مش دركسيون زيت كهرباء فالما ضغط جامد الدركسيون عايز اقل من لمسة فا الحمد الله انها جت علي قد كده والعربية ماتقلبتش لي اني مش متخيل لو عربية كانت اتقلبت علي سرعة 180 كانت هتبقا شكلها ايه واحنا كنا هنبقا ايه

[تامر.محمد]

ده اصل المشكلة ,

http://www.nilemotors.net/Nile/338367-a.html

و لو اتحل (و حله ان يبقى فيه رغبة عند الناس انها تراعي بعض مش رغبة انها تخنق على بعض) هايقلل عدد الناس اللي بياخدوا غرز بنسبة كبيرة
الجزء التاني من الحل ان اللي بياخدوا غرز نفسهم يراعوا برده الناس التانيين ما يبقاش عايز يدوس عليهم

[شاهين - بنز]

أنا باخدد الغرز اليمين في حالة واحدة إني أكون كاشف الغرزة تماما وعشان أعملل كده ببقوم حادف بالعربية يمين جامد قبل الغرزة علىطول ومطلع راسي يمين وأشوف لو فاضية كملت يمين لو مقفولة بيبقى قدامي فرصة إني أرجع تاني فمش بسيب أي مجال للخطأ والصراحة الغرز إللي عاليمين بتبقى كلمة السر إنك تجيب أي حد بيشد معااك

[SonaSteel]

حضرتك بتتكلم عن مصر ؟؟
يا باشا دا الناس بتاخد غرز من فوق الكبوت والغرز دي متعت القياده انا معاك انها متعه مميته بس الطريق بحيكمك

ههههههههههههههههههههههههههههههههههههههههههههههههه

[lanos2004]

انا مبخدش غرز خالص الحمد لله
نقل حارات فقط

[kokowasfy]

ههههههههههههههههههههههههههه طيب لو شوفته حد بياخد غرزة وعلي العربية استيكر نايل موتورز يسامحني

بس نتفق لو الطريق فاضي ووواحد ماشي علي الشمال علي 20 .... هاخبطه هههههههه

ههههههههههههههههههههههههههههههههههههههههههههه

[hossam_elwani]

فوضى الشارع اسوء قيااااااده فى العالم قيااااااادة المصرييييييييين

[toty_305]

- كل واحد أتكلم معاه او اسمع كلامه تحس أنه ملتزم بالقواعد 100% طب مين بقى اللي بيكسر القواعد

-مبررات everywhere

[SonaSteel]

اكيد مش في المنتدي هههههههههههههههههههه .........وانا اعترفت
بس بجد بجد حرام لما تلاقي واحد ماشي وهو واقف علي الشمال هههههههههه
زي ما حران غرزة علي اليمين ....... يبقي حرام ده يمشي علي الشمال

ودلوقتي بقي الشارع لو 4 حارات
اليمين فاضية طبعا ....... اللي بعديها والشمال ماشين علي 20
وااللي بينهم ماشي علي 30

انت بقي تخش وسطهم وتستني حد يتعطف عليك ويشعر بنزين علشان تطلع من وسطهم او تاخد اليمين

الرحمة حلوة برده :))

[AhMeD MeTwAlY]

اكيد مش في المنتدي هههههههههههههههههههه .........وانا اعترفت
بس بجد بجد حرام لما تلاقي واحد ماشي وهو واقف علي الشمال هههههههههه
زي ما حران غرزة علي اليمين ....... يبقي حرام ده يمشي علي الشمال

ودلوقتي بقي الشارع لو 4 حارات
اليمين فاضية طبعا ....... اللي بعديها والشمال ماشين علي 20
وااللي بينهم ماشي علي 30

انت بقي تخش وسطهم وتستني حد يتعطف عليك ويشعر بنزين علشان تطلع من وسطهم او تاخد اليمين

الرحمة حلوة برده :))

ما انا مش ابق مستعجل والقي واحد ماشي علي الشمال علي سرعة 50 ولو مشيت وراه تقلب نور هيطلعلك ايده من الشباك يبق قدامك حل من الاتنين يا تعدي من اليمين يا تاخده زق قدامك بالاكصدام زي رمضان مبروك ابو العلمين حموده

[toty_305]

-الكلام مات يا جماعه احنا نتكيف على الوضع و خلاص

- و على فكره أقصى سرعه داخل المدينه 60 كم-س و 90 كم-س

[mahmoud_afifi]

-الكلام مات يا جماعه احنا نتكيف على الوضع و خلاص

- و على فكره أقصى سرعه داخل المدينه 60 كم-س و 90 كم-س

داخل المدينه بقى انما انا بمشي على طريق السويس والاسماعيليه وبرضه اغبيه everywhere

[Magoda]

مش ديه المصيبه كمان اللى بياخد غرزة من ناحية الشمال ساعات مش بشوفه بلاقى صاروخ من جمبى

[toty_305]

داخل المدينه بقى انما انا بمشي على طريق السويس والاسماعيليه وبرضه اغبيه everywhere

-الصراحه طريق السويس و الاسماعيليه مليش فيه أخري الرحاب و توكيل هيونداي في الاسماعيليه يبقى الحمد الله أنا مش من الأغبيه

-بس أعتقد لو طريق سفر بيبقى فيه مناطق سكنيه ف لازم تنزل بسرعتك + ان السرعه الرسميه 120 كم-س في طريق السخنه فقط الباقي أعتقد كله 100 كم-س

-أنا أكيد مثلا مش بتقيد بالسرعه الرسميه لطرق السفر زي وادي النطرون بس بكون شايف الطريق فاضي لمرمى البصر و واثق من الاطارات و مفيش مناطق سكنيه الح....

-لو قيه كثافه على الطريق أخري 100-120 كم-س

-أنا عندي نظريه لو مفيش قاعده ثابته يبقى لا تلوم أحد لو مفيش سرعه قانونيه نلتزم بها يبقى لو أنا نتهور مثلا و ماشي 160 و عامل وحش على الناس اللي سايقه بالسرعه القانونيه هيجي عليك واحد راكب ب BMW ماشي على 200 كم-س يشيلني من على الارض