ما هو اقصى شىء تستطيع اصلاحه فى سيارتك ؟؟( تجربة واقعية )

[pointer]

و بما ان الموضوع وصل للامتحانات من الاعضاء

لا والله ما فيش امتحانات ولا حاجه و الناس كلها مقدره انها اسئله عاديه مين ها يختبر مين بس

1-اول جهاز مصرى لاستعدال المناطق الميتة بالسيارة
2-استخدام الاشاعة تحت الحمراء فى المجالات الميكانيكية مع تسجيل اختراع فى هذا الشأن و نشره من ضمن اهم اختراعات قدمت لاكاديمية البحث العلمى

ارجو التوضيح اكثر
انهي مناطق ميته ولو هي اللي في دماغي نستعدلها ازاي لو امكن شرح
واستخدمت الاشاعه تحت الحمراء في ايه قول لنا للافاده وده غير مسدس الضوء بتاع ضبط التاكيهات

[michohat]

طب يا جماعه انا بحب اشتغل فى العربية بايدى بس مبحبش ادخل فى شئ مش فاهمه يعنى لو فيه لمبه محروقة بغيرها لو فى وش فانوس مكسور بفكه
بفك فوانيس العربية وبنظفها افك فرش الابواب و لو فيه حاجه فى شغل صالون بعملها على خفيف
بس بالنسبة للميكانيكا اخرى انى بفك وانظف بك السلانسية لما يتسد

ونفسى اتعلم الميكانيكا لانى من النوع الموسوس فكل ما بسمع صوت غريب فى العربية اينعم مش بكون عارفه ايه هوا بس بجرى على طول على الميكانيكى وده بيخلينى عرضه لاشتغالات الصنايعيه يعنى مدام انا مش فاهم اللى بيتكلموا فيه وجاى بالعربية ومش عارف ايه العيب اللى فيها فساعتها اللى يقول عليه الميكانيكى اوامر
يعنى جيب كذا وجيب كذا وانا طبعا مش عندى خلفيه عن ان اللى اتغير ده يستاهل يتغير ولا الميكانيكى بيستسهل

[pointer]

ده اول الطريق وكل شويه بتتعلم حاجه
المكانيكي لو عنده ضمير بيستهبل ولو معندوش بيستعبط

[AHMEDCAR]

سيادتك تشرف بس الحاج احمد يرضي علينا
وبس ايه يا حاج احمد ال45 دول بتوع العده يا ريس مين اللي هيشتغل جوه ده الشغل في الهواء الطلق

اه الهواء الطلق دلوقتى ممتاز تخيل المكانيكى اللى بروحله عنده تكييف

خلاص انا موافق كل واحد فيكوا هايشتغل بلقمته موافقين و اللى مش عاجبه يشرب من البحر انا راجل ديمقراطى

[pointer]

اه الهواء الطلق دلوقتى ممتاز تخيل المكانيكى اللى بروحله عنده تكييف

خلاص انا موافق كل واحد فيكوا هايشتغل بلقمته موافقين و اللى مش عاجبه يشرب من البحر انا راجل ديمقراطى

سيدي يا سيدي تكييف في الورشه ايه الحلاوه دي ده انا هاروح ابيت هناك واقوله برحتك خالص انا مش مستعجل لو حتي بعد اسبوع انا مستني ههههه
بس المشكله كدا هيلبسنا فاتوره الكهرباء
بالمناسبه اخونا متركساوي طلع جامد اوي لازم ندخله معانا في المشروع

[AHMEDCAR]

ماتركساوى ده مخترع ياريت يشرفتا ده احنا نتحايل عليه

بالنسبه للتكييف الراجل اول مابيشوفنى بيقولى انا هاعملك اللى انت عايزه بس روح ماتقفش هنا و تقعد تعدل على الصنايعيه و ادفع اللى انت عايزه (انا اكتر زيون بيفاصل معاه لحد ما الراجل قرف)

[Ahmed Anwer]

بالنسبة لملاك هيونداي

الموضوع سهل

الموقع ده جامد جدا

http://www.hmaservice.com/

يسجل بس و يعيش ،،

فيه كل التفاصيل ،، المشاكل و حلولها و طرق التغيير و الأدوات اللي يستخدمها

كل حاااجة

بس عايز واحد عنده صبر للقراءة و الترجمة و متابعة تفاصيل الصور

و طبعا مفهوش موديلات هيونداي اللي مابتنزلشي في السوق الأمريكي

الجيتز - الماتريكس - الأتوس - الآي 10

[AHMEDCAR]

متشكر جدا على الموقع ده بس مشكلتى ان ثقافتى روسى او اى لغه تانيه غير الانجليزى هههههههههههههههه

[Matrixawy]

ارجو التوضيح اكثر
انهي مناطق ميته ولو هي اللي في دماغي نستعدلها ازاي لو امكن شرح
واستخدمت الاشاعه تحت الحمراء في ايه قول لنا للافاده وده غير مسدس الضوء بتاع ضبط التاكيهات

الاشاعة تحت الحمراء عبارة عن اشاعة حرارية و غير مرأية لنا
و تستخدم فى كثير من المجالات و فى التحكم فى الاجهزة الكهربائية عن بعد

اما بالنسبة لاستخدامها فى الميكانيكة فهى لأستبدال الحساسات الميكانيكية او المغناطيسية لنقل النبضات الكهربائية من الاجسام المتحركة
للعمل عن طريق الاشاعة تحت الحمراء للاحساس بالحركة او الدوران

و ينتج عن ذلك اعطاء نبضات كهربائية مستقرة و دقيقة
عن طريق قطع و وصل الاشاعة تحت الحمراء حسب سرعة الجسم المتحرك امامها

و هى شىء قريب الى حد ما من مكون الكترونى اسمه كابلر و هو عبارة عن ليد اشاعة تحت الحمراء يوجد امامه مستقبل لهذه الاشاعة

و يقطعهم الجزء الميكانيكى المتحرك المطلوب حساب حركته و ينتج عن ذلك اعطاء نبضات كهربائية اكثر دقة و اقل تكلفة و اقل تلفا

و كمثال تستخدم هذه الفكرة فى نقل نبضات سرعة دوران العجل لامبير السرعة فى بعض السيارات بدلا من الواير او الحساس المغنطيسى

و ايضا تستخدم فى الاسبراتير الالكترونى لاعطاء النبضات الكهربائية الناتجة عن دوران المحرك للبوبينة و اصبحت تدخل فى اجزاء ميكانيكة كثيرة و متعددة
للاحساس بالحركة عن طريقها بدلا من الوسائل القديمة الميكانيكية او المغنطيسية

اما بالنسبة للاختراع فسوف اوضحه ببساطة لعل احد منكم يستفيد بالفكرة او يطبقها فى مجال اخر

فقد قمت باستخدام الاشاعة تحت الحمراء فى التحكم فى حركة المصاعد الكهربائية

بمعنى ان كل دور يوجد به مرسل اشاعة تحت الاحمراء و هذا المرسل يقابله مستقبل فوق كابينة المصعد و اذا افترضنا ان العمارة ثلاث ادوار مثلا

و كل دور به مرسل يرسل اشعة تحت الحمراء بتردد مختلف عن باقى الادوار
يعنى الدور الاول مثلا يرسل تردد قيمته 100 هيرتز
و الثانى 200 هيرتز
و الثالث 300 هيرتز

و كل هذا يستقبل مستقبل واحد فوق الكابينة و يترجم هذه الترددات الى ارقام ادوار و محطات للوقوف لمساعدة الكنترول على معرفة مكان االمصعد فى البئر الذى يتحرك فيه

اى ان هذا النظام عبارة عن سيلكتور الكترونى يعمل بالاشاعة تحت الحمراء و نسبة الخطأ فيه منعدمة تماما لان كل دور له التردد الخاص به اذا اخطأ بأى دور و هذا صعب

فان الدور الذى يليه يقوم بالتصحيح للكنترول اتوماتيكيا لان كما قلت كل دور و له تردده الخاص به و يصحح الخطأ للكنترول فورا

اما فى السابق فقد كانت تستخدم المفاتيح المغناطيسية فى الاحساس بحركة المصعد فى البئر

و كثيرا ما يحدث لخبطة فى السيلكتور الذى يعمل بهذه الطريقة و تختلط عليه الادوار
و يحتاج المصعد فى هذه الحالة الى عمل ريسيت بالارضى حتى يعود الى وضعه الطبيعى

حد فهم حاجة ؟؟؟

طيب لو واحد فهم حاجة يقولى علشان اكمل الباقى و اشرح كمان موضوع استعدال المناطق الميتة بالسيارة و المقصود بها المناطق التى يصعب الوصول اليها من الداخل لاستعدال الصاج بها.

[pointer]

والله انت طلعت استاذ
طبعا فهمت اشرح براحتك يا كبير
الانفرارد له تطبيقات كتيره وخصوصا في المجالات الفزيائيه وحتي سباقات السيارات تل مرعب للي متابع الساعه بتشتغل بالانفرارد
بس مشكلته حاجه واحده نضافه الوسط يعني ما ينفعش نستخدمه في مكان معرض للاتساخ زيه زي الاوبتكال كابل مع فارق نو الاشاعه المستخدمه
الفكره بتاعه استخدامه في المصاعد خطيره بجد
ممكن كمان نعمل دائره فرعيه لضبط ارتفاع المصعد مع مستوي الطابق بنفس السينسور بدل النظام الكهرو ميكانيكي
ممكن كمان نستخدم دائره فرعيه لفتح القفل المغناطيسي لباب المصعد باستخدام نفس السينسور
اهي افكار للي عاوز يسجل اختراع
اديني فهمت اهو كمل لنا الموضوع ده ده موضوع تحفه
وشكرا

[mohamedway]

الحمد لله اعرف اعمل كل حاجه و لو حتى عمره كامله للموتور بس ده ما يمنعش انى ممكن احتار فى حاجه و ممكن اسأل فيها شخص وقع فى نفس المشكله: و هقولكم بعض الحاجات اللى عملتها بنفسى:
1- تغيير سير الكاتينه و اعاده تقسيم الموتور
2-ضبط التاكيهات
3-تغيير طقم الكهرباء و ضبط الكهرباء
4-فك الكربراتير و تنضيفه و ضبطه
5-تغيير تيل الفرامل و رجلشه الفرامل الخلفيه.
6- تغيير طلمبه الميه
7-تركيب جهاز انذار و سنتر لوك بنفسى
8-زجاج كهرباء بمساعده السمكرى عشان كان فيه تعديلات فى اماكن تثبيت المكنه الكهرباء
9- كنت مركب تكييف بس عدلت دايره الكهربه بتاعته و شغلت المروحه سرعتين و ضيفت سويتش امان عشان لو الفريون فضى يفصل و علايه كربراتير الكترونيه و طبعا اللى ركب التكييف كان عامل اى كلام.

10-شغل العفشه أو فك الماتور باستعين بالميكانيكى عشان امكانيات العده و البهدله بس التشخيص و المشوره الفنيه ليه انا و على فكره انا مهندس ميكانيكا و غاوى عربيات من زمان و الميكانيكى و السمكرى و الكهربائى بقو صحابى من زمان و ساعات بيتصلوا بيه يستشيرونى فى حاجات خصوصا فى العربيات الانجكشن لانهم مش فاهمين كل حاجه فى العربيات ده.

[cobraa2008]

انا الحمد الله بعرف اعمل حاجات كتييييييييييييييير وبحب اعملها بنفسي لاكن يوم مااقول اعمل الاقي ابويا يقولي بلاش تخريف وروح وديها عند التوكيل يا ميكانيكي



ياعني جميع الفلاتر بعرف اغيرها
السيور
تيل الفرامل سوا لادا او الباجيرو
المض في كلا العربيتن

تفككيك قطع وتركيبها تاني

ياعني وحاجات كتيييييير ولو حاجة موش فاهمه افضل اعكل فيها لو اتصلحت خلاص مااتصلحتش ابعتاه للتوكيل يا الاستاذ بلية

[Matrixawy]

والله انت طلعت استاذ
طبعا فهمت اشرح براحتك يا كبير
الانفرارد له تطبيقات كتيره وخصوصا في المجالات الفزيائيه وحتي سباقات السيارات تل مرعب للي متابع الساعه بتشتغل بالانفرارد
بس مشكلته حاجه واحده نضافه الوسط يعني ما ينفعش نستخدمه في مكان معرض للاتساخ زيه زي الاوبتكال كابل مع فارق نو الاشاعه المستخدمه
الفكره بتاعه استخدامه في المصاعد خطيره بجد
ممكن كمان نعمل دائره فرعيه لضبط ارتفاع المصعد مع مستوي الطابق بنفس السينسور بدل النظام الكهرو ميكانيكي
ممكن كمان نستخدم دائره فرعيه لفتح القفل المغناطيسي لباب المصعد باستخدام نفس السينسور
اهي افكار للي عاوز يسجل اختراع
اديني فهمت اهو كمل لنا الموضوع ده ده موضوع تحفه
وشكرا

انت اللى استاذ علشان استخرجت من فكرة الاختراع افكار اخرى
كنت انا ايضا افكر فيها

و اتفق معك بالنسبة لنظافة الوسط التى تعمل به الاشاعة تحت الحمراء و معظم الاجهزة التى تستخدم infrared تكون محكمة و بعيدة عن التلوث .

ان مستقبل infrared رائع فى مجال الميكانية لانه سيتم استبدال المفاتيح الكهرومغناطيسية او مفاتيح التلامس التقليدية بها فهذا سيقلل الاعطال و التكلفة .
الموضوع محتاج افكار كثيرة و تطبيقات مدروسة.

بالنسبة لموضوع استعدال المناطق الميتة بالسيارة
انا اعتبره موضوع مهم جدااااااااااااااا

و فكرة غير تقليدية و لم يستخدمها احد من قبل و ستعجبك كثيرا ان شاء الله.

و سيكون لنايل موتورز السبق فى عرضها .

و ان شاء الله سوف افتح بها موضوع مستقل بعد الانتهاء من رسم الفكرة بطريقة مبسطة للاعضاء و رفعها بالمنتدى حتى يستفيد منها الجميع و انت اولهم .

[pointer]

انت اللى استاذ علشان استخرجت من فكرة الاختراع افكار اخرى

كنت انا ايضا افكر فيها

و اتفق معك بالنسبة لنظافة الوسط التى تعمل به الاشاعة تحت الحمراء و معظم الاجهزة التى تستخدم infrared تكون محكمة و بعيدة عن التلوث .

ان مستقبل infrared رائع فى مجال الميكانية لانه سيتم استبدال المفاتيح الكهرومغناطيسية او مفاتيح التلامس التقليدية بها فهذا سيقلل الاعطال و التكلفة .
الموضوع محتاج افكار كثيرة و تطبيقات مدروسة.

بالنسبة لموضوع استعدال المناطق الميتة بالسيارة
انا اعتبره موضوع مهم جدااااااااااااااا

و فكرة غير تقليدية و لم يستخدمها احد من قبل و ستعجبك كثيرا ان شاء الله.

و سيكون لنايل موتورز السبق فى عرضها .

و ان شاء الله سوف افتح بها موضوع مستقل بعد الانتهاء من رسم الفكرة بطريقة مبسطة للاعضاء و رفعها بالمنتدى حتى يستفيد منها الجميع و انت اولهم .

خلاص بس اعتبر ده وعد منك ان انا اكون من اول اللي يسمع موضوع المناطق الميته دي وياريت لما يكمل تبعت لي لينكه علي الخاص دا انا اموت في الحجات دي

[pointer]

انت اللى استاذ علشان استخرجت من فكرة الاختراع افكار اخرى

كنت انا ايضا افكر فيها

و اتفق معك بالنسبة لنظافة الوسط التى تعمل به الاشاعة تحت الحمراء و معظم الاجهزة التى تستخدم infrared تكون محكمة و بعيدة عن التلوث .

ان مستقبل infrared رائع فى مجال الميكانية لانه سيتم استبدال المفاتيح الكهرومغناطيسية او مفاتيح التلامس التقليدية بها فهذا سيقلل الاعطال و التكلفة .
الموضوع محتاج افكار كثيرة و تطبيقات مدروسة.

بالنسبة لموضوع استعدال المناطق الميتة بالسيارة
انا اعتبره موضوع مهم جدااااااااااااااا

و فكرة غير تقليدية و لم يستخدمها احد من قبل و ستعجبك كثيرا ان شاء الله.

و سيكون لنايل موتورز السبق فى عرضها .

و ان شاء الله سوف افتح بها موضوع مستقل بعد الانتهاء من رسم الفكرة بطريقة مبسطة للاعضاء و رفعها بالمنتدى حتى يستفيد منها الجميع و انت اولهم .

خلاص بس اعتبر ده وعد منك ان انا اكون من اول اللي يسمع موضوع المناطق الميته دي وياريت لما يكمل تبعت لي لينكه علي الخاص دا انا اموت في الحجات دي وشكرا علي الرد