مسخرة المصرية

[mohamed ibiza]

انعدم الضمير و انعدمت الاخلاق و النزاهة والصدق في التعاملات التجارية...كل هذة الصفات اجتمعت معا في معرض المصرية (مدينة نصر-كورنيش المعادي)

الغش التجاري هو اقل ما يمكن ان يقال عن المصرية و سياراتها المعروضة للعملاء الراغبين في اقتناء سيارة( زيرووووووووو) و السيارة الزيرو يعني عربية مفهاش الهوا اما عربيات المصرية فهي تحمل الكثيييييييييييييير من الهوا

1-بيجو 407
2-جيتا صيني
3-سيات كوردوبا
4-فيات البيا
5-فيات بونتو
6-نيسان صني
7-دايهاتسو سيريون
8-سيتروين بيكاسو
العربيات دي كلها يا اخواننا موجودة و معروضة للبيع جوا معرض المصرية كورنيش المعادي و كان في في معرض مدينة نصر كمان هقولكم بقي فضيحة المصرية اللي بتبيع عربيات المفروض انها زيرو و بتضحك علي الناس

بيجو407:
صاج باب السواق مطبل و فيه شغل سمكرة و مرشوش

جيتا صيني:
الكبوت مطبل و اكيد كان مخبوط و اتظبط

سيات كوردوبا:
كانت مهذلة انا ركبت الكوردوبا في التوكيل عربية في منتهي الروعة و النضافة و تقفيلها روعة اتصدمت النهاردة في المصرية...دخلت العربية لقيتها مليانة تراب و طين في مجر الكراسي اكن العربية بتستعمل كتير مش شكل عربية معروضة من جوا الناس بتدخل و تطلع منها فقط!!
-لسان فتح الكبوت من الداخل كان ملخلخ و الفيبر اللي فوق عتبة العربية من جوا مخلوع!!! و في تجريح
-فتحنا الموتور لقيت الفيبر كله بتاع التقفيل مخلع من بعضه ايه ده لا يمكن ده يكون مستوي تقفيل و تجميع سيات!!!!!!
المفاجأة::::::الرفرف الشمال ادام كله مطبل و باين جدا جدا جدا جدا ان كان فيها شغل سمكري حمار كمان باين جدا جدا فتحنا الشنطة لقينا فيها حتت ورق مقطعة من الاخر عربية مستعملة بتتباع علي انها زيرو

فيات البيا:الكبوت كله مطبل و البويه مش مظبوطه و مختلفة عن اللون الطبيعي

فيات بونتو:دي كانت عاملة حادثة شديدة بطن الكبوت المفروض لونه ازرق زي العربية كلها لقنا بطن الكبوت لونه رملي كده و الحروف بتاعة الكبوت زرقاء و فيه سليكون فواصل ملزوق بيه بطن الكبوت من جوا!!

نيسان صني:الطبوت كان مطبل برضه و الصاج فيه عالي و واطي

دايهاتسو سيريون:
كان في اختلاف في اللون ما بين السقف و لون العربية نفسه و دي اكتشفها زميل معانا و لفت نظرنا ليها

سيتروين بيكاسو:
الكبوت مش مظبوط هو بيتفتح من مقدمة العربية و الجنبين اليمين و الشمال المفروض يكونوا متساويين الجنب اليمين سليم و الشمال اكن الكبوت مخلوع!!

يا ريا نقاطع المصرية و محدش يشتري منها الا لما يتأكد ان العربية سليمة 100% و في عربيات سليمة فعلا بس العربيات دي في ناس هتلبسها و تشتريها يا ريت نتأكد من عربياتنا و عشان نبقي فاهمين العربيات البايظه هتبان لان الشغل تعبان جدا حتي مش مكلفين خاطرهم يصلحوا عدل!!!!!

[MEDO_AHMED2]

معاك يا معلم

[hazem_khidr]

المصريه معرف عنها الغش
دا غير النصب في الاقساط و الاعلانات اللي غرضها تجيب الزبون و بس
بدون اي مصداقيه.
و سمعنا انهم بيبيعوا عربيات مخبوطه
لكن يبقي معرض واحد فيه كل العربيات دي مخبوطه
لاء بصراحه حاجه قله ادب

[mahamedaraby]

يا ولاد التيت

يعنى حرام والله اللى بيحصل ده لما واحد يدفع دم قلبه فى عربيه وتطلع كده يعمل ايه

بس انت متاكد ان العربيات دى مش للعرض بس يعنى مثلا لو هشترى نيسان صنى هاخد العربيه دى ولا هاخد واحده من المخزن

[mohamed ibiza]

يا ولاد التيت

يعنى حرام والله اللى بيحصل ده لما واحد يدفع دم قلبه فى عربيه وتطلع كده يعمل ايه

بس انت متاكد ان العربيات دى مش للعرض بس يعنى مثلا لو هشترى نيسان صنى هاخد العربيه دى ولا هاخد واحده من المخزن

يا باشا من العربيات اللي الناس بتشتريها و طلعنا ورا المعرض كمان عند الحته اللي بيخزنوا فيها مكانش في عربيات كتير هما كام عربية كده و اللي جوا دول للبيع امال انا ايه اللي صادمني!!

[MoToRiZeR]

انا بشوف عربيات المعارض و هي مش معلقة نمر و سايقنها و رايحة المخازن .. تلاقي الواحد من دول ماشي غرز و فوق ال 100 ولا أكنه راكب عربية أهله .. أكيد طبعا بيعملوا حوادث غير إن المفروض العربية و هي جديدة تتساق بالهداوة .

سؤال عالسريع .. هو يعني إيه مطبل يا محمد !؟

[hany_hady]

ياساتر يارب

ربنا يحمينا منهم ومش شر كل تاجر عايز يغش الناس

[Chicco]

من سنة تقريبا كنا بندور على عربية لحماتي و رحنا المصرية عشان نفرجها على عربيات متعددة في نفس المكان ...طبعا كنت قايل لكل اللي معايا إن ما ما فيش شرا منهم لانهم ببساطة حرامية

طبعا التقسيط من عندهم سرقة عيني عينك

المندوبين ما عندهمش فكرة عن البطاطس ....واحد فيهم ما كنش مصدق إن دايهاتسو تبع تويوتا في الآخر و كان فاكرني بضحك عليه

أسعار الزيرو في الباي باي إن وجدت

عربيات الحوادث الزيرو كانت موجودة بس الصراحة كانوا بيقولوا انها عاملة حادثة في المكان الفلاني ...بس كان الكلام إن العربيات مغيرة الأجزاء المخبوطة في التوكيل يعني مفروض ما فيش لا سمكرة و لا دوكو

سؤال عالسريع .. هو يعني إيه مطبل يا محمد !؟

أعتقد إن محمد يقصد أن الصاج مكرمش ....سمكرة أي كلام يعني

[mohamed ibiza]

انا بشوف عربيات المعارض و هي مش معلقة نمر و سايقنها و رايحة المخازن .. تلاقي الواحد من دول ماشي غرز و فوق ال 100 ولا أكنه راكب عربية أهله .. أكيد طبعا بيعملوا حوادث غير إن المفروض العربية و هي جديدة تتساق بالهداوة .

سؤال عالسريع .. هو يعني إيه مطبل يا محمد !؟

يعني صاج العربية يا باشا فيه عالي و واطي و تمشي ايدك عليه كده تحس انه مطبل يعني مش مستوي

[mohamed ibiza]

غير اسعار التقسيط عندهم حاجة تهريج الليون ايام ما كانت ب 145 لف والدي كان بيسأل عليها في المصرية مدينة نصر و احنا اعمال حرة طبعا حسبنا سعر القسط لقيناه 222 الف جنيه باين !!!!!!!!!!!!!!!!!!!!!!!!!!!!عربية ب 145 الف بيبيعوها قسط بفايدة 12% تقريبا بسعر عجيبببببببببببب!!!!!!!!!!!!!!!!!!!!

[AhmedGen2]

غير اسعار التقسيط عندهم حاجة تهريج الليون ايام ما كانت ب 145 لف والدي كان بيسأل عليها في المصرية مدينة نصر و احنا اعمال حرة طبعا حسبنا سعر القسط لقيناه 222 الف جنيه باين !!!!!!!!!!!!!!!!!!!!!!!!!!!!عربية ب 145 الف بيبيعوها قسط بفايدة 12% تقريبا بسعر عجيبببببببببببب!!!!!!!!!!!!!!!!!!!!

محمد انت بتحسبها ازاى ؟ طلعتها 12 ازاى؟.

[mohamed ibiza]

محمد انت بتحسبها ازاى ؟ طلعتها 12 ازاى؟.

محسبتش الفايدة انا الراجل هناك هو اللي قال الفايدة هتبقي كذا و عشان انا ضايع في الحسابات:D:D والدي حسب السعر بعد التقسيط لقاه حاجة ضخمة كده و زيادة رهيبة قام منفضلهم علي طول

[محمد عز]

لا حول ولا قوة الا بالله
وياعينى بيبقى فيه ناس ملهاش فى العربيات
وناس طيبه مش مديه خوانه
ويضحك عليهم فى المعارض ده

حسبي الله ونعم الوكيل

احسن حاجة فى مصر تشترى زيرو كاش من التوكيل وتريح دماغك

[mohamed ibiza]

لا حول ولا قوة الا بالله
وياعينى بيبقى فيه ناس ملهاش فى العربيات
وناس طيبه مش مديه خوانه
ويضحك عليهم فى المعارض ده

حسبي الله ونعم الوكيل

احسن حاجة فى مصر تشترى زيرو كاش من التوكيل وتريح دماغك

عارف يا محمد حتي لو واحد ليه في العربيات مبيبقاش مدي خوانه لانها زيرو يعني ومعلقتش نمر و في المعرض يعني حاجة تقرف والله فعلا التوكيل مفيش احسن منه

[M_HaFeZ]

فعلا من كلام اللى شغالين هناك الفائده 11% تقريبا !!!! مش عارف والناس بتشترى ازاى يعنى

ده غير التأليف اللى موجود هنا ... بام عينى مكتوب على الفيات نوفا بونتو 1300 سى سى حاجه وتسعين حصان !!!!!!

للاسف مصورتهاش ... ده مش غش برضوا ..

عموما المصريه بالنسبه لى مكان تنزل تشوف فيه العربيات ... وبس