مسخرة المصرية

[momenhamdy]

المصرية تعتبر واجهة مبهرة للعميل المفتقر الي التوعية ..
صالات كبيرة ...عرض لمعظم انواع السيارات .. افتح و اقعد و اركب براحتك ..
و الاهم .. الانتشار الواسع .. و الاعلانات الاسبوعية الكبيرة الحجم .. .. بالاضافة الي التاكيد المتكرر علي ان المصرية حصدت المركز الاول في المبيعات علي مستوي مش عارف ايه و المركز التاني علي مستوي مش عارف مين .. و هكذا ..
كل هذا يوحي للمشتري .. انه حتي لو اشتري منها بسعر اعلي من باقي المعارض ..الا انه سيشتري من مكان مضمون .. و بالتاكيد ستكون صفقته رابحة .

اقول لحضرتك ليه هي واخده المركز الاول في المبيعات
طبعاً حضرتك عارف ان المصرية شغالة اقساط مع سيتي بنك و زي ما حضرتك عارف ان سيتي بنك من البنوك الي بطلع القروض للسيارات بسرعة جداً للعميل و بتحتاج ضمنات اقل من اي بنك تاني و لكن الفائده 13 % فاطبعاً العميل عايز الحاجة السريعة و عايز تحصل علي القرض بسرعة
ثانياً المقدم البسيط الي ممكن يخدوا سيتي بنك يصل الي 10 % من ثمن العربية
دا بجانب الانتشار للفروع في انحاء الجمهورية بدرجة انه يوجد فروع في شرم الشيخ و دمياط و طنطا ( علي ما اتزكر ) و ربنا يستر

[mohamed eladawy]

يا جماعة انا كنت هجيب سيات ليون 2009 من عندهم اتفقنا ان تمن العربية 148500 و هدفع 80000 مقدم و الباقي علي 3 سنين كل شهر 2450 ده يبا كتير ولا رأيكم اية؟

[Fadi Ezzat]

انا معاك بردة

[ahmad--ezzat]

هى العربيات كلها مطبلة ولا اية
يا خو المواتير تبقى مطبلة بردو
ولا حتى معمولها طقم شنبر محترم
والله المصرية دى اصلا شركة مطبلة وفاشلة بس نعمل اية
الناس اللى بتروح المصرية وواخدة المصرية ثقة بلا حدود وانها شركة امينة
اولا....لو تقسيط ...فايدتهم عالية جدا
ثانيا ..العربيات..بعضها بيبقى فيها شغل
ثالثا..معاملة زى الزفت جدا
انا عندى السبع انضف منهم بمراحل
وعلى فكرة (انا جبت النوبيرا من المصرية بردوو) ههههه بس بجد لا انصح بالشركة دى خالص

[karimone]

المصرية روحتلهم مره واحده اتفرج علي الاوكتافيا عندهم و من ساعتها قررت اني مش هاشتري من عندهم حتي لو كانوا ارخص من المعارض التانيه
قمه في قلة الذوق و عدم احترام الزبون اللي داخل عشان يديهم فلوس اللي هما اصل بيكلوا عيش منها

[mahmoud_nov1985]

ربنا يحفظنا منهم

[tamirjacko]

طيب ونتو مركزين مع المصرية وسايبين المتحدون العرب دول اوسخ ناس فى الدنيا الف جنية جدية تعاقد واسعار فى الهوا ونظم تقسيط وهمية وفى الاخر هما مش بيقسطو الا مع سيتى بنا ودة طبعا اغلى بنك فى الدنيا وهيجيبولك طبعا عرض غير الى انت كنت متفق علية وبعدين هيقولو احنا ملناش دعوة احنا جبنا الموافقة والبنك وهو الى بيقرر النسبة وبعدين عشان تسترد الالف جنية بتاعتك ودة بعد ميت سنة هيقولولك انهم هيخصمو المصاريف الادارية 250 جنية او اكتر دة برضو بعد عذاب ولو استلمت العربية هتلاقيها ناقصة حاجات كتير هما كلهم نصابين رسمى يعنى وانا اتعملت معاهم والناس الى شغالين هناك يعنى بجد ممكن يشتغلو فى مطعم فول وطعمية او قهوة بلدى انا اصلى بتضايق كل اما اشوف اعلاناتهم وبجد يا ريت كلنا نحزر منهم

[tamirjacko]

المصرية والمتحدون العرب

طيب ونتو مركزين مع المصرية وسايبين المتحدون العرب دول اوسخ ناس فى الدنيا الف جنية جدية تعاقد واسعار فى الهوا ونظم تقسيط وهمية وفى الاخر هما مش بيقسطو الا مع سيتى بنا ودة طبعا اغلى بنك فى الدنيا وهيجيبولك طبعا عرض غير الى انت كنت متفق علية وبعدين هيقولو احنا ملناش دعوة احنا جبنا الموافقة والبنك وهو الى بيقرر النسبة وبعدين عشان تسترد الالف جنية بتاعتك ودة بعد ميت سنة هيقولولك انهم هيخصمو المصاريف الادارية 250 جنية او اكتر دة برضو بعد عذاب ولو استلمت العربية هتلاقيها ناقصة حاجات كتير هما كلهم نصابين رسمى يعنى وانا اتعملت معاهم والناس الى شغالين هناك يعنى بجد ممكن يشتغلو فى مطعم فول وطعمية او قهوة بلدى انا اصلى بتضايق كل اما اشوف اعلاناتهم وبجد يا ريت كلنا نحزر منهم

[osman hisham]

الحقيقه ان عائلة الريان كلها زباله .... أنا كان ليه تجربه سخيفه جدا مع سمير ريان من 3 سنوات للأسف نصب عليا و أخد 300 جنيه مصاريف ورق العربيه من مرور الجيزه و مكنتش واخد خوانه و دفعت و بعد كده أكتشفت أن المعارض بتسلمها ببلاش .
ده غير البياعين كمان شحاتين و يطلبوا أكرميات عبنى عينك .
اللى عكنن عليا أنى بعد ما أستلمت بأسبوع أكتشفت خربشه كتيره جدا حوالين الكونتاكت يعنى كمان السواقبن عمى .
و كمان لقيت حته صغيره فى السقف من الأمام متوسطنه فيها عضعضه بمعنى أتها وقع عليها حاجه و مرجعنها بلدى على البارد .
عموما حسبى الله و نعم الوكيل و محدش يتعامل معاهم دول نصابين .
و الحقيقه أنا غيرت بعدها عربية مراتى و لسه مغير عربيتى فى معرض محترم بمدينة نصر مش حاقول أسمه علشان محدش يفتكر أنى بعمله دعايه و ما فكرتش حتى أسأل عند النصابين دول سمير ريان و لا المصريه.

[crazylambada]

سمير ريان كان بيصلح في مودرن سيرفس جروب عربيتين هيونداي النترا
علشان يبيعهم زيرو

[zanativich]

me too but with EL KAMONI
i take my car
feha 7`abta fe el rafraf men ta7t bemoazat el 3ataba

[ehab4367]

والحل؟
لازم فية حل