مسخرة المصرية

[khattab_89]

اللهم إني صائم بصراحة
هما مش عارفين الواحد علشان يروح عندهم و يشتري عربية جديده بيكون تعب في الفلوس دي قد ايه
بجد حسبي الله ونعم الوكيل فيهم و في اللي زيهم
ويا رجاله نصيحة متشتريش قسط من معرض.. خد قرض من بنك معروف بإن فائدتة كويسة وأشتري كاش من معرض أو توكيل
بدل المعرض فائدتة عاليه و مصاريف لإدارية و عمولة و تأمين إجباري و حظر بيع
أنا بقول الكلام ده لأني شغال في مجال مصرفي (بنك) وطبعا الكلام اللي بيقولوه بتوع المعارض ميدخولش دماغنا لأننا أصل الحاجات دي

[moudyman]

aly zayo keda bardo, Samir Rayyan...bardo 3ando el-3arabyat btet5ebet we bysala7ha 3ady gedan we yrga3 ybe3a...lel asaf 3alam ma3andhash dameeeer. !!!! ma3lesh ba2a

[ahmed el-sawy]

استاذ محمد ابيزا انا كنت كتبت قبل كده عن الى بيحصل هناك وده عن تجربه لانى اشتغلت لمدة شهرين هناك
وكنت بروح اصلح سيارات زيرو عند السمكريه وقلت اقبل كده

[hemo200]

المصريه شركه غير محترمه ولا يوجد عندهم بائع فاهم هو بيبيع ايه غير ان هما مهمليين جدا فى العربيات المعروضه اللى هي هتتباع بعد كدة للناس .

[Dream286]

يعني اللي انا شفته كان صح
انا كنت عايز اشوف عربية رينو لوجان في جرين بلازا
قعدت ادور على واحد منهم لحد ما لقيت واحد اقسم بالله مكانش طايق اهلي
انا فعلا كنت عايز اشوف العربية كلها من ورا وادام والشنطة بس لما لقيت رد الفعل الغريب دا قلت اجربها في معرض تاني ودا فعلا اللي حصل
قلت يمكن عشان رمضان والموظف تعبان في الوقت دا ..يمكن
قلت له انا بستسفر على موديلات الرينو وخصوصا لوجان
بصيت على العربية والله العظيم حالها يحزن من كتر الخدوش انا حسيت ان واحد كان جايب موس وادوات حاد وتفرغ للعربية دي بس انا قلت في نفسي لا دي اكيد بس للعرض
والباب اللي من ادام مكانش عايز يقفل ...!! قلت يمكن عشان بس العرض
طبعا تقسيط بدون فوائد والحوارت اللي كاتبينها في الجرايد دي مجرد جذب ليك عشان تكتشف ما لذ وطاب هناك
دا كان انطباع اولي في زيارتي للمعرض دا وأكد لي انطباع كل الردود اللي هنا بس برضو رغم كل شئ اكيد المكان دا ليه مزايا كتير عشان ينجح واحنا مش عارفينها

[egyptianmafia]

tayeb why dont you guys call the hay2et hemayet el mostahlek and complain to them instead of posting it on NM.....

[احمد عز]

شكرا على الافاده

[Nile_Storm]

tayeb why dont you guys call the hay2et hemayet el mostahlek and complain to them instead of posting it on NM.....

حمايه المستهلك عاوزه اللي يتكي يكون مالك للحاجه فاتوره شراء و كده

فبالتالي التوعيه هنا احسن

[egyptianmafia]

bas law el wahed khad shewayet sowar and send it to them, then they can do something....

[yahoo_koko]

على فكره يا محمد المصريه ده من أعفن المعارض شكل و مضمون

[Amrrr]

يا جماعة اكيد العربيات دي للعرض بس
وحكاية الزيرو اللي بيتخبط دا ممكن تلاقيه في اي معرض وعامة انا اشتريت عربية منهم وبعد تلات اربع شهور اكتشفت ان البطارية مش بتاعتها وبطارية مش جافة ومبهدلة ومخربشة اوي وغيروهالي من غير مشاكل
واحسن حاجة الشرا من التوكيل حتى لو اتأخر شوية في تسليم العربية

[ma7mol]

حسبى الله ونعم الوكيل

[Noha.M]

طيب ما الناس كلها طلعت عارفة ان المصرية معرض مش محترم امال ليه برده الناس يتشتري منه و ايه الميزة اللى بيقدمها اوى كدة عن غيره فى المعارض بخصوص التقسيط؟

[Hassan Khalil]

المصرية تعتبر واجهة مبهرة للعميل المفتقر الي التوعية ..
صالات كبيرة ...عرض لمعظم انواع السيارات .. افتح و اقعد و اركب براحتك ..
و الاهم .. الانتشار الواسع .. و الاعلانات الاسبوعية الكبيرة الحجم .. .. بالاضافة الي التاكيد المتكرر علي ان المصرية حصدت المركز الاول في المبيعات علي مستوي مش عارف ايه و المركز التاني علي مستوي مش عارف مين .. و هكذا ..
كل هذا يوحي للمشتري .. انه حتي لو اشتري منها بسعر اعلي من باقي المعارض ..الا انه سيشتري من مكان مضمون .. و بالتاكيد ستكون صفقته رابحة .

[Noha.M]

المصرية تعتبر واجهة مبهرة للعميل المفتقر الي التوعية ..
صالات كبيرة ...عرض لمعظم انواع السيارات .. افتح و اقعد و اركب براحتك ..
و الاهم .. الانتشار الواسع .. و الاعلانات الاسبوعية الكبيرة الحجم .. .. بالاضافة الي التاكيد المتكرر علي ان المصرية حصدت المركز الاول في المبيعات علي مستوي مش عارف ايه و المركز التاني علي مستوي مش عارف مين .. و هكذا ..
كل هذا يوحي للمشتري .. انه حتي لو اشتري منها بسعر اعلي من باقي المعارض ..الا انه سيشتري من مكان مضمون .. و بالتاكيد ستكون صفقته رابحة .

فعلا
تصدق يا حسن انا كنت قبل ما ادخل المنتدى و افهم شوووية في امور العربيات كنت متخيلة الصرية دة ايييه بقااا حاجة كدة مفيش زيهااا و انه معرض محصلش :D

فعلا الدعاية اللى عاملها لنفسه و الهالة اللى حاططها حولين نفسه مخلية العميل الجديد اللى لسه يدوبك مجمع مقدم معقول يجري عليهم كأنهم الملاذ الوحيد اللى ممكن يضمنوله انه يركب عربية قبل ما يموت!!!