Welcome To Egypt Roads
X
-
المشاركة الأصلية كتبت بواسطة coolsh مشاهدة المشاركةانا اسف على التأخر في الرد.. بصي يا نها.. عارفه شارع اسمه احمد ذكي.. افضلي ماشيه فيه علطوووووول هتلاقي التوحيد والنور على شمالك بعديها بشويه هتلاااقي محل كبير اسمه الزعيم على شمالك خدي اليوترن الي بعده ولما تروحي هناك اسألي اما عن حماده او حسن بلاش حد تاني يشتغل غيرهم.....
ثانيا انا بفضل اروح متأخر كان بيبدألي شغل الساعه 2 بليل :) عشان مش ليا في اللبش بتاع شارع احمد ذكي ودار السلام كل ما تروحي متأخر احسن... انا بيتي في شارع النادي بطلع على ميدان سوارس ومن ميدان سواروس على احمد ذكي مرورا بمطلع 77 بكون هناك في 11 دقيقه بالظبط واي خدمه...
طيب دة حلو اوى و قريب جدا كمان
الف الف شكر
رنا يخليييييييييك
[SIZE="2"]i'll miss everyone[/SIZE]
Comment
-
النهاردة و انا ماشية بالعربية جنب النادى و واقفة فى اشارة ميدان سوارس لقيت واحد ست فى الاربعينيات معاها سيريون فضي واقفة جنبي و العربية لسه بكياسها بس واضح انها جديدة لسه فى السواقة و احنا جايين نقف فى الاشارة فيظهر هي شايفة اللى جاى من وراها جاى بسرعة و هيكبس عليها من ورا و يخبطها فجاة لقيتها قامت مصوووووتة جنبي صوييييييييييت هيستيري و نزلت من العربية و عماله تزعق و تقول للراجل حرام علييييييييييييييييييك حسبي الله و نعم الوكيل حسبي الله و نعم الوكيل و الراجل اصلا مجاش جنب عربيتها هو متحكم كويس فى عربيته بس يا حرام دى جالها هلع و نزلت تصرخ فى الشارع و موقفة الاشارة !! هو الواحد طبعا بيبقي خايف على هربيته و هي جديدة بس مش بالدرجة الهيستيرية دى ![SIZE="2"]i'll miss everyone[/SIZE]
Comment
-
هههههههههههه انا لسه معدي من هناك الساعه 8 مده بعد الفطار شبابين من شباب الي بيقفوا عند كشك النادي كانوا بيعدوا مره واحد وقفوا قداامي وبيحكوا وبيضحكوا وانا كلااااااكس ونووووووووووووووور عالي وهمه ولا هنا كانوا هيخلوا الي ورايا خابطني خابطني بس ربنا ستر .. على اخر الزمن بقيت اعمل غرز من بني ادمييييييين .. ربنا يهدي[SIGPIC][/SIGPIC]
Comment
-
إخواني الكرام
اشكركم علي الردود علي موضوعي
و أشكر لكم نصائحكم الغالية
انا حبيت اعرض مأساة فعلا بنعيشها كل يوم وفي نفس الوقت أنفس عن اللي حصلي
بجد يا اخونا انا حاسس اني هاموت بدري ، ان ماكنش من حادثة فمن السكر والضغط، او بسبب أزمة قلبية تحصلي
ولا لو حادثة بقي دي هاتبقي حادثة عجب...بسبب عربية تيلا مثلا جاية قدامي في المعاكس علي 180 تخليني افاديها و اتقلب مثلا، ولا اموت متسفلت تحت نفس التيريلا اللي متخيلة نففسها وبور الظلط اللي بيساوي الاسفلت
ولا يطلع فوق عربيتي موتوسيكل جاي من المعاكس برضو.... والله نكت نكت بتحصل في الطريق
انا مش صعبان عليا نفس يا اخونا لو جرالي حاجه ،، انا صعبان عليا قرايبي و بالذات لو حد منهم سافر برة وحكي للناس انه له حد قريبه مات متسفلت تحت تريلا ، ولا طلع علي عربيته متوسيكل ولا عربيته اتقلبت في نقرة عمقها مترين وقطرها 12 كيلو مثلا... اللي صعبان عليا ان الناس مستحيل تصدقه وممكن ينبذوه في المجتمع ويعتبروه مجنون وبيخرف .... علي حين انه بيقول الحقيقة
وعلي رأي سيد درويش "مصر يا أم العجايب"
تحياتي
و عيدكم مبارك بأذن الله[CENTER][SIZE=5][COLOR=blue]ليل طويل[/COLOR] ... [COLOR=purple]هم ثقيل[/COLOR] ... [COLOR=seagreen]وهم سرمدي[/COLOR][/SIZE][/CENTER]
[CENTER][SIZE=5][COLOR=blue]صبر جميل[/COLOR]... [COLOR=purple]شاب فتي[/COLOR] ... [COLOR=seagreen]ورود وحلم جميل نقي[/COLOR][/SIZE][/CENTER]
[CENTER]د.حسام الزلباني:smartass:[/CENTER]
Comment

Comment