حقيقي انا حزنان علي بلدي

[م.أحمد الدسوقي]

السلام عليكم

سؤال برئ هو احنا ليه كدا ،ليه كل حاجه فيها عقد ملهاش لازمة

ليه العربيه الماروتي داخله مصر بـ15 الف وبتتباع بـ45 الف هو مش دي للغلابه برضوا

ليه اللادا بـ55 الف مش ده جرار زراعي متخفي برضة

طب ليه لما احب اجيب عربية ماروتي محتاج تحويش لو انا باخد 5 الاف جنيه "ده لو انا شاطر يعني"

وححوش نص مرتبي حوصل لـ45 الف بعد سنه ونص ومستحيل حد يكون بياخد المرتب ده ويرضي بعربية زي دي

طب ليه في امريكا النيسان صني تمنها 9 الاف دولار

بيقولك اصل لازم ارخص عربية يكون تمنها يعادل مرتب 3 شهور لواحد مبتدئ بيتقاضي الحد الادني من الاجور

طيب لو قولنا بندفع اكتر من اي حد في العالم في العربيات ليه بناخد اقل فرز

ليه الاسعار في السعودية نصنا والعربيات ضعف المستوي في الجودة

وليه شوارعنا الاسواء في العالم

وليه الامن والمرور مرتشين

وليه التوكيل جاهل وفاشل ومهمل ومماطل وكمان غااااااااااااااااااااااااااااااااالي

وليه اللي معاه عربية مستهدف

من الشحاتين والنصابين والتجار والاجنصات والورش والتوكيل والـ.......... وحتي دورية المرور والامناء

وليه القيادة في مصر متوحشه القوي بياكل الضعيف

سواقين المشروع بتحدف علي كل العربيات ماعدا الغالي اوي اوي بيخافوا جدا طبعا

وليه وليه وليه

انا مش عاوز اجيب عربية خلاص ......... محلاها عيشة الاتوبيس "المضربين عن العمل"

انا اسف اصلي مهندس بترول شاب وشعرت اني محتاج عربية بس انا غلطان

[تامر.محمد]

بأسنا بيننا شديد

[S O P H O S]

كله يتلخص فالاقتصاد
وطالما مفيش يبقي هنفضل كده

[Ahmed_m7md_A5]

كله يتلخص فالاقتصاد
وطالما مفيش يبقي هنفضل كده

صح عندك حق محتاجين اقتصاد يصرف على التعليم و التعليم الدينى بشكل خاص

[lenasam]

وبعد ده كله يقول لك بالبق المليان
مصر ام الدنيا و تبقى قد الدنيا

[ramymechanics]

لو انت مهندس فى شركة بترول حكومية ممكن تجيبها قسط طويل بضمان الشركة .. لكن لو قطاع خاص زى حالاتى جواب من ال hr واستعلام وبردو ممكن تجيبها ان شاء الله

اما الاجابة الرئيسية على سؤالك .. فبجد معرفش وربنا يصلح حالها وحالنا أو يخرجنا منها على خير

[W.Zaki]

إبحث عن دور ولى الأمر..

[ahmedteam]

كله يتلخص فالاقتصاد
وطالما مفيش يبقي هنفضل كده

الموضوع ان ذمم الناس خربت مش الاقتصاد بس

[akmm]

اللهم اصلح احوالنا واخلاقنا وضمائرنا جميعا .

[hossam_elwani]

عشان دى مصر بتاعت اتلافات سبع تلاف سنه


ولسه حنتقشف وحنشمى على رجلينا فى العصر الفتجرى


فعلا مابنتشطرش الا على بعض

[م.أحمد الدسوقي]

صح عندك حق محتاجين اقتصاد يصرف على التعليم و التعليم الدينى بشكل خاص

التعليم الديني ..............

مش لما نحدد اصلا مسوغات العلم الديني في مصر

احنا عاوزين انهي اسلام

انا نفسي في التعليم الديني بس انهي بتاع الاخوان ولا السلفيين ولا الازهر ولا مييييييييين ولا ميييييييين

الاسلاميون نفسهم متصارعين وبيخونوا بعض وبيجهلوا بعض

طب ليه احنا كدا

ليه مفيش عقلاء ........ ليه

[م.أحمد الدسوقي]

لو انت مهندس فى شركة بترول حكومية ممكن تجيبها قسط طويل بضمان الشركة .. لكن لو قطاع خاص زى حالاتى جواب من ال hr واستعلام وبردو ممكن تجيبها ان شاء الله

اما الاجابة الرئيسية على سؤالك .. فبجد معرفش وربنا يصلح حالها وحالنا أو يخرجنا منها على خير

اه بس انا مشكلتي اني محتاج باقي الاقساط للزواج

فكنت عاوز حاجه رخيصة اوي

زي زي الناس اللي في كل بلاد العالم

[J A G U A R]

عندك حق فى كلامك

[م.أحمد الدسوقي]

الموضوع ان ذمم الناس خربت مش الاقتصاد بس

الذمم دي مقدور عليها

لكن الثقافة المتجذرة دي مصيبة اكبر

[ahmedsrs]

المشكلة ان اغلب الناس عندها انفصام فى الشخصية كله شغال نصح وارشاد وتدين شكلى لبس ولحى وصلاة لكن عند المعاملات متلقيش غير الصفر المتين ايه الفرق بينا وبين بتوع بره ذى اليابان مثلا الى هما عبدة اوثان لا عندهم تعليم دينى ولا غيره عندهم اخلاق واتقان عمل وحب العمل الجماعى وقانون