حقيقي انا حزنان علي بلدي

[FAR!D]

يا جماعه حرام عليكم

احنا كلنا مشتركين مع بعض اننا زعلانين جدا علي حال البلد

بس لازم نفهم حاجه

كل فئة في المجتمع فيها الغلطانين والطيبين والمحترمين والسفهاء

لو قولنا الضباط في ناس محترمه بلا شك شرف لينا انهم يكونوا موكلين بحمايتنا

لكن مش حننكر في نفس ذات الوقت ان الجيش والشرطة فيهم ناس لو اتحاكموا بمايرضي الله لكانوا القوا في غيابات السجون وكان ده يبقي شويه عليهم

لكن السلوك العام لاجهزة الامن غير مجدي وغير مسيطر وفاسد

وده ميمنعش ان في ناس بتكافح لتحسين الاداء لكن ايد لوحدها متسقفش والكثرة تغلب الشجاعة

المهندسين فيهم الفاسدين والمرتشين برضه والاطباء وكل الفئااااااااااااااااات فيها كدا وكدا

الاتنين اللي اختلفوا مع بعض هنا وزعلوا من بعض

الشخصين عبارة عن مهندس محترم وضابط محترم

وده ميمنعش اني اقول الجهاز الامني في مصر فاسد وملعون

ده ميقللش من الضابط المحترم .... ولا يدي الحق لمهندس او دكتور انه يعامله علي انه مذنب

ولا ينفع ان الضابط ياخد الكلام علي شخصه الكريم ابدا

ولا ينفع حد يتهمه لمجرد انه ضابط

احنا لازم نفكر بقي لحل في البلد دي التناحر العجيب ده مش حيدمرنا بس

ده حيخلي اولادنا يلعنونا مرتين

مرة عشان افسدنا البلد اللي اوياهم

والمرة التانيه عشان خلفناهم اصلا

وانا بقر واعترف تماما انا الجهاز الامني في فساد و كلنا عارفين و معترفين بكده
بس ديه متبقاش حجه ولا شماعه يعلق عليها الشعب غلطاته من كل فئاته ويلبسها لفئه واحده زي كده كنت مفيم و الظابط ابن اللذين خادني مخالفه لا الشعب المصري كله عايز تاهيل
انا كنت بتكلم مع زميل ليا على المستقبل اللي جاي
الكلام سرح بينا لحاجه لطيفه جدا ان مع انتشار الجهل و الفقر الكام سنه اللي جايين دول حنلاقي الهجام والحرامي و انا اسف و الشباب من انواع سميعه المهرجنات دول داخلين الجيش و الشرطه يعني هيا البلد حتستورد شباب؟ ماهي لتجيب من جوا الشعب نفسه
انا شايف ان الشعب كله لازم يعدل ثقافته و تفكيره و كل واحد يبدأ بنفسه و اهل بيته و يعيد تربيه نفسه

[drcobra]

السلام عليكم

سؤال برئ هو احنا ليه كدا ،ليه كل حاجه فيها عقد ملهاش لازمة

ليه العربيه الماروتي داخله مصر بـ15 الف وبتتباع بـ45 الف هو مش دي للغلابه برضوا

ليه اللادا بـ55 الف مش ده جرار زراعي متخفي برضة

طب ليه لما احب اجيب عربية ماروتي محتاج تحويش لو انا باخد 5 الاف جنيه "ده لو انا شاطر يعني"

وححوش نص مرتبي حوصل لـ45 الف بعد سنه ونص ومستحيل حد يكون بياخد المرتب ده ويرضي بعربية زي دي

طب ليه في امريكا النيسان صني تمنها 9 الاف دولار

بيقولك اصل لازم ارخص عربية يكون تمنها يعادل مرتب 3 شهور لواحد مبتدئ بيتقاضي الحد الادني من الاجور

طيب لو قولنا بندفع اكتر من اي حد في العالم في العربيات ليه بناخد اقل فرز

ليه الاسعار في السعودية نصنا والعربيات ضعف المستوي في الجودة

وليه شوارعنا الاسواء في العالم

وليه الامن والمرور مرتشين

وليه التوكيل جاهل وفاشل ومهمل ومماطل وكمان غااااااااااااااااااااااااااااااااالي

وليه اللي معاه عربية مستهدف

من الشحاتين والنصابين والتجار والاجنصات والورش والتوكيل والـ.......... وحتي دورية المرور والامناء

وليه القيادة في مصر متوحشه القوي بياكل الضعيف

سواقين المشروع بتحدف علي كل العربيات ماعدا الغالي اوي اوي بيخافوا جدا طبعا

وليه وليه وليه

انا مش عاوز اجيب عربية خلاص ......... محلاها عيشة الاتوبيس "المضربين عن العمل"

انا اسف اصلي مهندس بترول شاب وشعرت اني محتاج عربية بس انا غلطان

للاسف مصر اصبحت ماتركس انا حاسس اننا مش عايشين واللى حوالينا صور معكوسة بائسة وماتركس والاصل فى مكان تانى
بصوا فعلا لحال البلد
هابدأ بالقطاع اللى انا شغال فية وهو الصحة
مستشفيات ومبانى فقط بدون علاج او احترام لادمية البنى ادمين
فساد للركب فى كل النواحى من مناقصات لادوية لقوافل للجان لانشاءات لتجهيزات دايما بيتسرق مش اقل من 50% منها

تعليم مدارس واسوار
تموين مفتشين واللى يشغل دماغة ويقلب
دعم بيروح اغلبه للاغنياء
بترول بيتهرب عينى عينك
شرطة متقاعسة عن اداء واجبها ودا بيظهر اوى فى الشارع
قضاء بيقعد بالسنيين وكرة الناس فى الاحتكام للقانون
اعلام اغلبه بيفبرك


يا بلدى يوم ما الاقى الشارع فيكى مظبوط هاعرف انك اتغيرتى
لو الباعة الجائلين بقى لهم مكان مخصوص مبيتعدهوش لو الاسفلت اتعمل صح بتكلفتة الفعلية ما اتسرقش لو المرور مشى صح والمخالف اخد مخالفة بالقانون

ان كان مبارك افسد البلد فد اكيد فاسد
بس لو مفيش مسئوليين يغيروا البلد ويحطوها على الطريق يبقى برضوا فاسدين

كلامى على الاغلبية الا من رحم ربى
مصر لسة فيها خير ودا كلام الرسول الكريم صلى الله عليه وسلم

[ehabouf]

مين ال قال ان السوزوكي ماروتي داخلة ب 15 الف؟؟؟
ده سعرها في الهند Maruti Suzuki Alto LXi Online Price in India, Specifications, Reviews, Features : Cars - Compare India
بالمصري يساوي 33991
ارخص من مصر آه بس مش الثلث؟؟؟؟؟؟؟؟؟؟؟؟؟

[م.أحمد الدسوقي]

مين ال قال ان السوزوكي ماروتي داخلة ب 15 الف؟؟؟
ده سعرها في الهند maruti suzuki alto lxi online price in india, specifications, reviews, features : Cars - compare india
بالمصري يساوي 33991
ارخص من مصر آه بس مش الثلث؟؟؟؟؟؟؟؟؟؟؟؟؟

باشا اللي حضرتك جايبها دي التو ماروتي مش ماروتي العادية بتاعتنا

ودي ب62 الف في مصر

كمان دي فيها كماليات في مصر بتتشال

[gade2]

متقلبش المواجع