حقيقي انا حزنان علي بلدي

[bassemali]

حسبنا الله ونعم الوكيل .. البلد مافيهاش نقطة نظام .. لافي نظام مرور وإشارات وكاميرات مراقبه .. ولا في نظام يحدد المرتبات ويلزم أصحاب الأعمال بأداء حقوق موظفينهم .. ولافي نظام قضائي محترم يجيبلك حقك في الوقت المناسب مش بعد 10 سنين .. ولافي أي نظام لأي شيء .. حسبنا الله ونعم الوكيل.

[sword00]

لان دى مصر
مصر = فساد رشوه سرقه ذمم خربانه بطون مليانه مال حرام وعلى فكره ده مش فى العربيات بس ده فى كل حاجه

[M I D O]

يا صديقي انت في مصر وهنا تقتل الاحلام و الضمير وعندنا الجشع و الظلم اسلوب حياة

[speed_magnum]

الاجابه باختصار
لانك عايش في مصر

[MaZaGAngeE]

لان 500 اسرة مسيطرة على 90% من الاقتصاد المصري ....
منصور كمثال يمتلك 600 توكيل متنوع
عز العرب 400 توكيل
نصير 700 توكيل
و غيرهم كتير ....
و طول ما الحرامي هوه اللي بيحط القانون ( احمد عز هوه اللي عمل قانون الاحتكار و فصله على مزاجه ) .... و طول ما الشريف في السجن يبقى انسى ان البلد دي تتعدل ...
و طول ما ابو 90% بيعتقل و ابو 50% بيحكم يبقى انسى
طول ما ابن القاضي قاضي و ابن العسكري عسكري يبقى انسى

[midrash]

لاننا كشعب بنرضى باللي بيحصلنا وعلشان نعدل حال حاجة عاوزين ثورة والمستريح مش بيهمه حال الغلبان وصاحب التوكيل عاوز يلهف فلوس وخلاص والحكومة مش لاقية واسهل حاجة عندها تمص دم الغلابة

[shiko85]

و طول ما ابو 90% بيعتقل و ابو 50% بيحكم يبقى انسى
طول ما ابن القاضي قاضي و ابن العسكري عسكري يبقى انسى

يعنى هى المشكله فكده ؟؟
طيب ما ابن دكتور الجامعه معيد او دكتور و ما اكثر الظلم و الفساد فالتعليم بس ده مش مهم المهم ان ابو 50% بيحكم طيب ما واحد من اللى بــ 50% استشهد امبارح علشان ينقذ مختطفين
ابن العسكرى عسكرى ما هو بيستشهد علشان اللى مش عسكرى يعيش
انا نفسى اعرف ليه كل مشكله بيكون سببها الضباط ؟؟؟ هو حضرتك لما تروح تخلص اى مصلحه من اى مكان مين اللى بيعطلها ؟؟ مش موظف مدنى ؟؟ فاسد او غلس مش مهم و مش مهم اى حاجه علشان هو مش ضابط
و مين اللى الكشف بتاعه بـ 50 و 100 و 200 و 500 جنيه و الحجز قبلها بفتره ؟؟
و مين اللى بيبع الشقق بــ 4000 جنيه و اكتر ؟؟ و مين و مين و مين بس مش مشكله اصلهم مش ضباط

[FAR!D]

عشان ننهي الكلام البايخ اللي مالوش لزمه بتاع ال50 ٪
بتاع المجموع ده الكليات العسكريه بتعمل كده عشان،تعرف تاخد كفايتها من الاعداد يعني لو رفعوا المجموع شويه و ضيقوا الدايره حيتحصروا في الالدغ و الاكتع و الاعور وابو نضاره بكعب كبايه ( مش تريقه على خلقه الله) واصلا اصلا المجموع ده مش بيجري بيه ولا بيدرب بيه ولا بيضرب نار بيه و اهوا بياخد ليسانس حقوق شوف انت الحقوق بتاخد و تبقوا اتكلموا اعتبروا ياخي طالب حقوق بس صحته حلوه شويه..و بعدين اموت ولاقي حد يديني دليل ان علام بلدك و مجاميعه بتدل على مستوى الفكر او الذكاء اللا اللهم ملكه الحفظ يا ساده
و بعدين زي ماقال العضو المحترم ابو 50 مثلا مابيموتش و ابو 90% حيموت بزمه شويه كله بيموت فدا بلده...
معلش اسمحولي وانا بوجه الكلام لكل من مقتنع بحوار ال50 هجص ده " انت بني آدم حقود " مش لاقي حجه غير اللي انت بتردده ولو جاتلك الفرصه ابام الثانويه والله ماتفوتها و تدخل ياجيش او شرطه بطل حقد على غيرك و خليك في نفسك
ويا اخي لو وقعت في مشكله او كارثه لا قدر الله ابقى قوله انت جايب 50% كوخه سيبني اموت متلحقنيش و ماتقولش انه ديه شغلته باه هه؟
ماكاره فرد الامن الا مجرم
انتهى

[EngAhmedSayed]

و ليه.......................................
مفيش فايدة

[MaZaGAngeE]

يعني انا كنت هسيب هندسة و اروح ادخل حربية لو الايام رجعت ورا ؟.............. ابدا ما كان هيحصل و لا انت فاكرني دبلوم تجارة ؟

[FAR!D]

يعني انا كنت هسيب هندسة و اروح ادخل حربية لو الايام رجعت ورا ؟.............. ابدا ما كان هيحصل و لا انت فاكرني دبلوم تجارة ؟

يعني انت سبت كل الكلام اللي قولته و مسكت في ديه يا بشمهندس؟ عموما لو انت واحد الف غيرك يتمنى

[MaZaGAngeE]

يعني انت سبت كل الكلام اللي قولته و مسكت في ديه يا بشمهندس؟ عموما لو انت واحد الف غيرك يتمنى

اصل باقي الكلام لا يستحق الرد ..........

[FAR!D]

اصل باقي الكلام لا يستحق الرد ..........

متشكر ياذوق

[م.أحمد الدسوقي]

متشكر ياذوق

يا جماعه حرام عليكم

احنا كلنا مشتركين مع بعض اننا زعلانين جدا علي حال البلد

بس لازم نفهم حاجه

كل فئة في المجتمع فيها الغلطانين والطيبين والمحترمين والسفهاء

لو قولنا الضباط في ناس محترمه بلا شك شرف لينا انهم يكونوا موكلين بحمايتنا

لكن مش حننكر في نفس ذات الوقت ان الجيش والشرطة فيهم ناس لو اتحاكموا بمايرضي الله لكانوا القوا في غيابات السجون وكان ده يبقي شويه عليهم

لكن السلوك العام لاجهزة الامن غير مجدي وغير مسيطر وفاسد

وده ميمنعش ان في ناس بتكافح لتحسين الاداء لكن ايد لوحدها متسقفش والكثرة تغلب الشجاعة

المهندسين فيهم الفاسدين والمرتشين برضه والاطباء وكل الفئااااااااااااااااات فيها كدا وكدا

الاتنين اللي اختلفوا مع بعض هنا وزعلوا من بعض

الشخصين عبارة عن مهندس محترم وضابط محترم

وده ميمنعش اني اقول الجهاز الامني في مصر فاسد وملعون

ده ميقللش من الضابط المحترم .... ولا يدي الحق لمهندس او دكتور انه يعامله علي انه مذنب

ولا ينفع ان الضابط ياخد الكلام علي شخصه الكريم ابدا

ولا ينفع حد يتهمه لمجرد انه ضابط

احنا لازم نفكر بقي لحل في البلد دي التناحر العجيب ده مش حيدمرنا بس

ده حيخلي اولادنا يلعنونا مرتين

مرة عشان افسدنا البلد اللي اوياهم

والمرة التانيه عشان خلفناهم اصلا

[الاستاذ]

عشان دة مش بلدنا