اعتماديه السيارت الاوربى ميجان--اوكتافيا

[lanos2004]

صراحه انا بكتب الموضوع علشان انا الى بشيل الطين
اشتروا عربيه اوكتافيا
عطلت-اتصلوا بيا -الحمد لله اتصلحت -هوب اكتشفوا انها كانت مقلوبه--هوة فيه اوكتافيا بتتقلب-باعوها
اشتروا ميجان فرنساوى هاتش باك
عطلت الساعه 2 على الدائرى انزل -انا كنت نايم وفى حالى-
ركناها ولسه هشوف بقه ونش يشيلها وانهاردة الاحد
ان شاء الله يبوعها هيه كمان
ويارب ما يجيبوا اوربى تانى كفايه الاوبل الى بتتصلح اكتر ما بتمشى
فيفا يابان فيفا كوريا

[Ghamrawy]

بصراحة مش قادر اقولك لأ

[amrelsaqqa]

يعنى على اساس ان منظر عربية كوري او يابانى متشالة فوق ونش شيء مستحيل الحدوث ؟

[hilal]

عندك حق
السيارة الوحيدة التي لم تطلب مني اي صيانة من ساعة الشراء الى ساعة البيع
هي تويوتا كورولا
والسيارة الوحيدة اللي فرجت علي امة لا اله الا الله
هي رينو ميجان2
تحيا اليابان وطظ في اوربا

[lanos2004]

يعنى على اساس ان منظر عربية كوري او يابانى متشالة فوق ونش شيء مستحيل الحدوث ؟

على الاقل محصلش معانا ولا معايا نهائى-بعدين فيه مواقع كتير بتقول ان الاوربى فى الاعتماديه بطيخ

[ashouhdy]

بصراحة الكوري .... افضل اعتمادية مليييييون مرة من كل الاوروبي !!

انا اعرف ناس بتسافر شرم بالكيا و يركنوا المرسيدس ال e200 خوفا من الاعطال ومحدش يعرف يصلحها عالطريق

انا كان ليا موضوع يا راجل من زمان عن اعتمادية الكوري حبقي ادور علية

[amrelsaqqa]

هو احقاقا للحق يعنى الكلام ده صحيح الى حد كبير يعنى عربية زي التويوتا كورولا دى انت ممكن تزهق منها من كتر ما هى ما بتبوظش :d

بس للاسف الكوري واليابانى (على الاقل اللى بيجيلنا في مصر هنا ) لما بركبهم بحس انى راكب لعبة في كل حاجة وبتخنق وممكن كتير جدا من الناس يفضلوا الركوبة على الاعتمادية


عامة اليابانى هو اللى رهيب فعلا في الموضوع ده انما الكوري مش بنفس درجة اليابانى خالص يعنى عادى جدا مليانة اعطال واي عربية كوري داخلة على 10 سنين في السوق خلاص عمرها الافتراضى بح وتفتح بقها في كل حاجة
واحد صاحبى جايب عربية اوبترا 2006 كل يوم حوار ، البوابة ، حساس الكامة ، طرمبة الباور بقت خشنة فجأة وعايزة تتغير ومالهاش تصليح .. حساس الشكمان ، لا حساس المش عارف ايه .. عادى يعنى


الفكرة في الاوروبى عندك 3 حاجات :
اول حاجة ان فعلا الاعتمادية بشكل عام اقل من اليابانى بس المفروض مش بنفس الشكل المبالغ فيه اللى بيحصل عندنا

ثانيا وثالثا بقى ان العربيات دى اصلا بتستحمل جامد جدا والله في الاصل بس الفكرة انها بتتركب لحد ما تتهلك وغالبا المالك الاول بياخد خيرها كله من غير ما يحط ايده فيها حتى الصيانة الدورية البسيطة مش بيعملها عشان غلو قطع الغيار والصيانة عامة ، فطبعا على ما تروح للى هيركبها بعد كدة تبقى خلاص جابت اخرها ، المشكلة كمان ان مش اي حد بيفهم فيها فطبعا عندك عك وفتى للصبح ، العوامل دى كلها مع بعض بتخلى العربية لا تصلح تماما بعد كدة

بس عامة الاوروبى وفي الموديلات الجديدة بالذات معقول جدا والفروق اصلا بدأت تتلاشى لان التكنولوجيا بقت كلها شبه قديمة ومعروفة ، غالبا مفيش حاجة هتضرب منك قبل عمرها الافتراضى وطالما بتعمل صيانة كل حاجة هتفضل معاك كويسة ، انت بتتكلم في ميجان ولا اوكتافيا ، موديلات اكيد 2005 و 2006 ، اللى هو لو هتبص في الكوري تلاقي المناظر لها في الكوري انقرض اصلا ، وبتقارن لاشعوريا بكوري 2009 و 2010 !

اما الكورولا فدى اصلا عربية اسطورية وفلتة من فلتات الزمن في الاعتمادية زي ما الميجان والفيكترا بي ماهم فلتة برضه في عدم الاعتمادية، الكورولا مفيش فيها حاجة بتبوظ اصلا ، حتى لو قعدت قد عمرها الافتراضى مرتين تلاتة ! وده مش العادى ، ومش لازم كل العربيات تبقى زيها والا بنظلم كل العربيات



اما الاوكتافيا اللى مقلوبة دى فطبعا واضح ان الحالة اصلا تعبانة والعربية اتلعب فيها للصبح وعادى يعنى ما البي ام نفسها ممكن تقلب ، حسب الحادثة ، ممكن العربية اتقلبت بسبب اللى راكبها داخل ملف على 190 مثلا والكاوتش في الضياع مثلا او الجو مطر مثلا او اي سبب كان او اهمل صيانة وحصل مشكلة في انظمة الفرامل مثلا ، ايا كان يعنى .. . اللى هو لو راكب يابانى ودخل نفس الملف على 110 هيتقلب برضه
او حادثة كبيرة جدا برضه اللى هو لو كوري او يابانى مكانها كانت العربية طارت 5 كيلو في الهوا واتفرتكت 100 حتة اصلا !

[ahmed.Elashy]

انت عامل مقارنه ظالمه تماما
انت بتحكم علي العربيات من حيث ايه بالظبط ؟؟
انت مش حاطط ف الاعتبار الشخص اللي كان سايق واللي هلك العربيه واللي قلب العربيه وعمل بيها حادثه
انا ممكن اشتري بورش مقلوبه ومتبهدله وخربانه وف الاخر اعيب علي الماركه نفسها ؟؟؟
م الناس عندها الاوكتافيا وبتقعد عشر سنوات كامله من غير م تفتح بقها
الكوري حلو والياباني احلي
بس الاوروبي من حيث الاعتماديه مفيش مقارنه تماما
هوا اغلي اه امكانيات وابشنز اقل بس شوف انت كل ايه بتغير قطع غيار او حاجه بتبوظ منك
احكم علي الجديد

[tareksedra]

اكبر دليل علي اعتماديه الاوروبي وياريت الناس ما تاخدش بالحالات الفرديه لانها موجوده في جميع السيارات

http://www.nilemotors.net/Nile/421878-2012-335-a.html

[tareksedra]

http://www.nilemotors.net/Nile/421878-2012-335-a.html

[mo3tazanas]

هو احقاقا للحق يعنى الكلام ده صحيح الى حد كبير يعنى عربية زي التويوتا كورولا دى انت ممكن تزهق منها من كتر ما هى ما بتبوظش :d

بس للاسف الكوري واليابانى (على الاقل اللى بيجيلنا في مصر هنا ) لما بركبهم بحس انى راكب لعبة في كل حاجة وبتخنق وممكن كتير جدا من الناس يفضلوا الركوبة على الاعتمادية


عامة اليابانى هو اللى رهيب فعلا في الموضوع ده انما الكوري مش بنفس درجة اليابانى خالص يعنى عادى جدا مليانة اعطال واي عربية كوري داخلة على 10 سنين في السوق خلاص عمرها الافتراضى بح وتفتح بقها في كل حاجة
واحد صاحبى جايب عربية اوبترا 2006 كل يوم حوار ، البوابة ، حساس الكامة ، طرمبة الباور بقت خشنة فجأة وعايزة تتغير ومالهاش تصليح .. حساس الشكمان ، لا حساس المش عارف ايه .. عادى يعنى


الفكرة في الاوروبى عندك 3 حاجات :
اول حاجة ان فعلا الاعتمادية بشكل عام اقل من اليابانى بس المفروض مش بنفس الشكل المبالغ فيه اللى بيحصل عندنا

ثانيا وثالثا بقى ان العربيات دى اصلا بتستحمل جامد جدا والله في الاصل بس الفكرة انها بتتركب لحد ما تتهلك وغالبا المالك الاول بياخد خيرها كله من غير ما يحط ايده فيها حتى الصيانة الدورية البسيطة مش بيعملها عشان غلو قطع الغيار والصيانة عامة ، فطبعا على ما تروح للى هيركبها بعد كدة تبقى خلاص جابت اخرها ، المشكلة كمان ان مش اي حد بيفهم فيها فطبعا عندك عك وفتى للصبح ، العوامل دى كلها مع بعض بتخلى العربية لا تصلح تماما بعد كدة

بس عامة الاوروبى وفي الموديلات الجديدة بالذات معقول جدا والفروق اصلا بدأت تتلاشى لان التكنولوجيا بقت كلها شبه قديمة ومعروفة ، غالبا مفيش حاجة هتضرب منك قبل عمرها الافتراضى وطالما بتعمل صيانة كل حاجة هتفضل معاك كويسة ، انت بتتكلم في ميجان ولا اوكتافيا ، موديلات اكيد 2005 و 2006 ، اللى هو لو هتبص في الكوري تلاقي المناظر لها في الكوري انقرض اصلا ، وبتقارن لاشعوريا بكوري 2009 و 2010 !

اما الكورولا فدى اصلا عربية اسطورية وفلتة من فلتات الزمن في الاعتمادية زي ما الميجان والفيكترا بي ماهم فلتة برضه في عدم الاعتمادية، الكورولا مفيش فيها حاجة بتبوظ اصلا ، حتى لو قعدت قد عمرها الافتراضى مرتين تلاتة ! وده مش العادى ، ومش لازم كل العربيات تبقى زيها والا بنظلم كل العربيات



اما الاوكتافيا اللى مقلوبة دى فطبعا واضح ان الحالة اصلا تعبانة والعربية اتلعب فيها للصبح وعادى يعنى ما البي ام نفسها ممكن تقلب ، حسب الحادثة ، ممكن العربية اتقلبت بسبب اللى راكبها داخل ملف على 190 مثلا والكاوتش في الضياع مثلا او الجو مطر مثلا او اي سبب كان او اهمل صيانة وحصل مشكلة في انظمة الفرامل مثلا ، ايا كان يعنى .. . اللى هو لو راكب يابانى ودخل نفس الملف على 110 هيتقلب برضه
او حادثة كبيرة جدا برضه اللى هو لو كوري او يابانى مكانها كانت العربية طارت 5 كيلو في الهوا واتفرتكت 100 حتة اصلا !

احلى كلام

[rotanamasoud]

طيب م انا معايا اوربى شديت بقى اعتمادى مع انه موديل 96
كل اللى عملته سقطت مكنه وغيرت نظام التبريد وغيرت العفشه بالكامل ونظام الفرامل رجعت زيرو

[Mamoud salah H]

مع احترامي لحضرتك انا مش متفق معاك خالص
لان ببساطة مل العربيات الي ركبتها وكانت بتاعتنا اوروبي
فيات سيينا...رينو ميجان..... اوبل فيكترا بي
عابز افول لحضرتك ماشاء الله بجد عربيات محترمة لاقصي الحدود بالذات الاوبل فيكترا موديل ٩٦ وعمرها ما وقفت ولا عملت حركة ندالة ولسة معانا لحد دلوقتي وكل مصاريفها زيوت وفلاتر وبوجيهات وعاملة ٣٢٠ الف كم

ملحوظة

عندنا بجانب الفيكترا لانسر بومة ٢٠٠٦ صرفنا عليها اكتر من الاوبل وعطلت اكتر من الاوبل وتكيفها اقل من الاوبل مع ان كل خاجة فيها سليمة من حيث التكيف

[maio_do]

اوفق على كلامك ف اليابانى انما كورى لا يا راجل انا كان معايا الانوس 2 خليت الناس كلها تعمل معايا جمايل

[Ahmed Saad]

ياباشا مش كل الأوروبي زي بعض ومش كل الياباني زي بعض والكوري ابتدى يبقى حلو بس برضه هنيجي نقول شوف عمر العربيه الأوروبي مقارنه بالكوري واليباني وهناخد مثال على موديلات 1994 شوف البي أم الدبانه والمرسيدس الزلموكه والبيجو 405 والجولف 3 والفيكترا a مقابل هيونداي اكسيل والنترا 94 وسوناتا 94 في الكوري ونيسان صني 94 وسيفيك 94 كورولا 94 شوف مين دلوقتي أفضل من حيث الشكل الخارجي ومين كويس ومين متبهدل ومين اعطاله كتير ومين قليل وانت تعرف الفرق بين كل دول