اعتماديه السيارت الاوربى ميجان--اوكتافيا

[Adnfalcon]

مش هرد اليو تيوب يرد
https://www.youtube.com/watch?v=yxfpdcivyvs

ههههه نفس ال ست دي لو كانت راكبه لامبورجيني وعملت كده هتتقلب وش
بعدين انت جايبلي فيديو بتاع واحده ست !! من امتي بيعرفوا يسوقوا عجل اصلا
نيجي ل اللانوس و السيراتو اللي بشوفهم متشقلبين ومطحونين بإستمرار ع طريق الجيش .. دا طريق تحفه تمشي عليه 180 190 معاك ل 300 عادي ساعتها يبان ثبات الكوري الورق و شكرا

[Honda_lover]

مينفعش نتكلم علي الاوروبي بصفة عامة اكيد اللي بيحصل نتيجة للاهمال او عدم الانتظام في مواعيد الصيانة المحددة يعني انا اتكلم من واقع تجربة شخصية كان معايا عربية ستروين اكسارا موديل ٢٠٠٠ كنت بعملها الصيانة بتاعتها بانتظام وعملتلها طقم شمبر بعد استخدام ٦٥٠٠٠٠ كم طقم شمبر فقط فقط بدون المساس باي شئ بداخل المحرك ورجعت زيروو وجبت هيونداي فيرنا ززيروو وكنت بعملها الصيانة بتاعتها بانتظام في التوكيل وعملتها عمرة كاملة بعد ١٢٠٠٠٠ كم

[Adnfalcon]

مينفعش نتكلم علي الاوروبي بصفة عامة اكيد اللي بيحصل نتيجة للاهمال او عدم الانتظام في مواعيد الصيانة المحددة يعني انا اتكلم من واقع تجربة شخصية كان معايا عربية ستروين اكسارا موديل ٢٠٠٠ كنت بعملها الصيانة بتاعتها بانتظام وعملتلها طقم شمبر بعد استخدام ٦٥٠٠٠٠ كم طقم شمبر فقط فقط بدون المساس باي شئ بداخل المحرك ورجعت زيروو وجبت هيونداي فيرنا ززيروو وكنت بعملها الصيانة بتاعتها بانتظام في التوكيل وعملتها عمرة كاملة بعد ١٢٠٠٠٠ كم

كلام سليم
و عيب يا جماعه نتكلم عن الألماني بأي كلام و خلاص و الكارثه ان في ناس بتقارنه بالكوري عيب جدا يعني
الألمان ابتكروا كل شئ يخص السيارات يعني اي حاجه جديده انت فرحان بيها ف عربيتك الكوري او حتي الياباني 2014 تأكد هتلاقيها موجوده ف مرسيدس او بي ام موديلات اواخر التمانينات
وتصبحوا ع خير

[Abdo Taha]

طب نسأل بقه -ليه الاوربى تشتريه 265 الف وتبيعه 120 الف وتشتريه 140 الف وتبيعه 55 الف مجبش حتى نص تمنه زيرو

عشان غلو قطع غياره نسببا فالمواطن المصري برضه ممكن ميقدرش يصرف و ممكن يجبلك قطعة غيار صيني و ريح الجمجمة و يبوظ العربية و نرجع نقول ليه العربية باظت ليه العربية سخنت و العيب في الاصل مش من العربية لكن مننا و من التجار و الحكومة اللي خلو الدنيا غالية كده

[ahmedelfeky]

انا ممكن اشتري عربيه ياباني ليه لأ لكن هبقي عارف وانا سايقها اني بشتري قله اعطال واعتماديه و فايتني فخامه الاوروبي وأمانه انما اشتري كوري ده مستحيل ولا يمكن

الفلوانس موتورها وفتيسها ياباني من نيسان وفخامه الاوروبي ماركه رينو يبقي ناقص ايه ؟ هو ايه اهم من الموتور في العربيه بالنسبه لموضوع الاعتماديه؟

[ahmedelfeky]

أنا بصراحه شايف انك معمم الموضوع اوي ومبالغ فيه انا زميلي في الشغل معاه كورولا 2004 لسه مغير فتيس من كام شهر وفتيس مانيوال مش اتوماتيك قلي انت بقي ازاي اعتماديه تبقي اقل من 10 سنين للفتيس ؟

[Abdo Taha]

ندي مثال على العربيات الاوروبي و اعتماديتها ايه رأيك في البيجو موديلات زمان حمارة شغل و مبتقلش لأ هتقلي زمان و تكنولوجيا قديمة اقول لك عندك الانسجنيا واخدة جائزة افضل سيارة في 2009 و خدت جائزة السيارة الاقل في الاعطال في 2011 يبقى ايه الكلام .

[ahmedteam]

الموضوع بيعتمد على الاستخدام برضه

فى بلد الكنافه اسوء ظروف تشغيل و اسوء قطع غيار و اسوء استخدام

فى عيوب فى العربيات مقلناش لأ بس شوف الاستخدام الأول عامل ازاى

[toty_305]

-عقدة الخواجة مسيطرة

-الالماني bmw و Merc و يمكن opel و vw زمان... عيوب السيارات البيجو و الاوبل أنا بتكلم عن عربيات قريبي عايشين في أوروبا

-دائما اللي بيسافر الامارات مثلا مسمعتش حد راح جاب سيتروين و لا بيجو مثلا

-واحد صاحبي 2004 octavia a4 الكونترول كان عمال بيهيس لغاية مت الموتور قفش و غير موتور و كنترول

[Adnfalcon]

ملاحظ ان في ناس عمرها ما امتلكت الماني او ياباني و عماله تقطع فيهم رغم انه لو ركز بس ع الكوري اللي راكبه هيعرف انه راكب شبه عربيه !!
هو حصل ايه فالدنيا يا جدعااان انا بسمع كلام غريب فالمنتدي هنا !!

[Ahmed Saad]

-عقدة الخواجة مسيطرة

-الالماني bmw و merc و يمكن opel و vw زمان... عيوب السيارات البيجو و الاوبل أنا بتكلم عن عربيات قريبي عايشين في أوروبا

-دائما اللي بيسافر الامارات مثلا مسمعتش حد راح جاب سيتروين و لا بيجو مثلا

-واحد صاحبي 2004 octavia a4 الكونترول كان عمال بيهيس لغاية مت الموتور قفش و غير موتور و كنترول

يا باشا عقده خواجه مين على أساس أن هيونداي شركه مساهمة مصريه ومقرها مدينه الحرفيين ماهي برضه خواجه وكل العربيات خواجه يعني احنا صنعنا عربيه وبنقطع فيها دلوقتي

[toty_305]

-الخواجة اﻷوروبي متزعلش :d

-الحج هيونداي تلاقيه في الشرقية بلبيس

[rotanamasoud]

-الخواجة اﻷوروبي متزعلش :d

-الحج هيونداي تلاقيه في الشرقية بلبيس

هههههههه فهمه ان الخواجه الكورى غير الخواجه الاوربى
لان الخواجه الاوروبى انظمته معقده لا تتماشا مع اى ميكانيكى
لاكن الخواجه الكورى نظامه بسيط ويشتغل فيه اى ميكانيكى

[lanos2004]

ملاحظ ان في ناس عمرها ما امتلكت الماني او ياباني و عماله تقطع فيهم رغم انه لو ركز بس ع الكوري اللي راكبه هيعرف انه راكب شبه عربيه !!
هو حصل ايه فالدنيا يا جدعااان انا بسمع كلام غريب فالمنتدي هنا !!

الحمد لله اول عربيه كانت مازدا 929 وتانى عربيه ابيزا--على شويه عربيات اوربى وانتقلنا للكورى بعدها عادى يعنى
هوة بس انا بحب فى الاوربى العربيات الهاتش باك علشان الغرز وشكلها حلو -غير كدة شكرا

[maio_do]

طب نسأل بقه -ليه الاوربى تشتريه 265 الف وتبيعه 120 الف وتشتريه 140 الف وتبيعه 55 الف مجبش حتى نص تمنه زيرو

علشان الكورى منزل فئات باسعار قليلة واسعار قطع الغيار

والكلام ده بدا يتغير فى 2013 واكبر دليل على كدة ال 301 والرينو لوجان وبدات تسحب من الكورى

واكبر دليل الانتشار ومبقاش فيه انك تشتريها ب 140 الف وتبيعها ب 55 الف ال 301 لما تتباع تجيب عادى جدا