اعتماديه السيارت الاوربى ميجان--اوكتافيا

[lanos2004]

طب خد دى
الباسات 2008 ---سخنت وجابت ماتور وكانت من الزيرو--واتباعت

والباسات-2010 جابت فتيس على طريق السخنه واتشالت على ونش وكانت برضه من الزيرو واتباعت الحمد لله
تقريبا بقه هوة نحس
وخد دى كان معايا فورد--ومش ماشيه كتير وكانت مطلعه عينى--واول عطل لو حه الزجاج الكهربا اتحرقت من المطر--ومكنتش موجودة ومكنتش عارف افتح الزجاج والعربيه لسه زيرو
الفورد فوكس 2008---مكملتش حاجه وجابت موبينه --وكل شويه كانت تنتش فتيس ويقولك عيب بنزين
بلاش اتكلم عن الاوبل علشان دى مسخرة ومش بتعطل الا فى الساحل او اسكندريه--تقريبا بتكرة البحر-
الانوس الحقيرة مش هقارنها بدول بس عمرها ما وقفت على طريق --وبتمشى حتى وهيه جايبه طقم صباب-والشاسيه بتاعها معدى 700 الف كيلو ----مش زى العربيات الى ذكرتها كانت لسه بحالتها
بس هوة مش نحس لان عندنا تويوتا كرولا بتغير زيت وتحط بنزين فقط واقصى حاجه باظت فيها السنتر-دة حتى تيل الفرامل بنغيرة من الزهق

[Ahmed Saad]

ياباشا بص الباسات من بعد 2009 الفتيس الجديد دي عربيه زباله زي الكرولا الجنوب افريقي فمش هتكلم عليها والعربيه اللي سخنت أي عربيه بتسخن بتضرب الموتور من العربيات الجديده لأن المواتير الجديده كلها ألومنيوم وش سلندر وبلوكه وانا شفت هيونداي النترا 2007 سخنت جابت موتور وصاحبي جبلها شورت بلوك كامل والدايو اللي مع حضرتك دي ماهيه شاسيه اوبل استرا 95 وموتورها ماهو اوبل ومتشابه مع موتور الاسترا وبالليجانزا موتورها متشابه مع موتور الفيكترا b اللي حضرتك اتريقت عليها وبالنسبه للكرولا طول عمرها قليله الأعطال علشان عربيه متخلفه تكنولوجيا يعني فضلوا ينزلوا الكرولا لغاية 2007 وكانت السيفيك ال 2007 شفها عامله ازاى ماشاء الله طيارة من جوه والكرولا تحس أنها عقيمة الكرولا ماتبعتش نهج التكنولوجيا إلا في 2014 الشكل الأخير هتشوف بقى هتعمل ايه السنين اللي جايه هتبقى زي الكرولا القديم ولا هتعطل وتبقى زي الجديد مشكله التويوتا أنها جت متأخرة في موضوع التكنولوجيا مقارنه بمواطنتها الهوندا مثلا علشان ماجبش حاجه من الأروبي اللي ال ABS نازل فيه من التمانينات وشوف الزلموكه موديل 86 ونسيت اقول لحضرتك عربيتي الباسات اول ماجبتها كنترولها فيه اي سيهات ضربت ومشيت عليها يجي اكتر من 250 كيلو لغايه ماغيرت الكنترول العربيه موديل 2000

[lanos2004]

يمكن علشان الواحد اتخنق فمتحامل شويه
عموما نشوف بقيه الاعضاء هيقولوا ايه

[toty_305]

-موضوع صح 100% ده فكرت اجيب استرا قالك easytronic بلاش دي طيب اللي قبليها لا دي برازيلي و بتحيب كنترول طيب رينو ميجان لا مش عارف ايه طيب بيجو 307و بيجو 405 طيب جيتا لا دي كذا ..اوبل زافيرا بره مصر قريبي كل شهر في التوكيل مش عارفين يصلحوها...في الاخر قلت هجيب نيسات او هيونداي او كيا الباقي خساره فيه الفلوس

-واحد صاحبي جابوا باسات 2011 ضربت كونترول لوحدها و غيروها في الضمان و باعوها. ...

-اوروبي يعني bmw و مرسيدس ...رينو بقى بيجو اوبل سيتروين مش عارف ايه الش×الش

[kazamodia]

عمدنا عربية باجيرو 2008 عاملة اكتر من 200 الف كيلو من ساعة ما اشتريناها لم يتم حتى تغيير بوجييهات ولا فلاتر ولا اي حاجة هي زيت وفلتر موتور ففقط

العربية لحد اليوم عمرها ما عطلت وهو ده الياباني

[Mamoud salah H]

معايا اوبل ماشية ٣٢٠ الف كم ومش بتتصين غير كل سنة مرة والصيانة عبارة عن زيت وفلاتر فقط

ومعانا لانسر ٢٠٠٦ سخنت وغيرنا رادياتير ولوحة الازاز الكهرباء بتعلق ومفيهاش حتي ًabs ولا airbag الي موجودين في الاوبل موديل ٩٦

وجبنا ميجان ٢٠٠٧ قعدت معاتا ٦ شهور مصرفتش غير بنزينها وبس

[Super_Star_h]

انت بتقارن بين فئات مختلفه
يعنى اللانوس تتقارن باللوجان والفيرنا .. تكنولوجيا متقاربه
واللوجان تكسب وركنت العربيتين دول على جمب خلاص

[maio_do]

عمدنا عربية باجيرو 2008 عاملة اكتر من 200 الف كيلو من ساعة ما اشتريناها لم يتم حتى تغيير بوجييهات ولا فلاتر ولا اي حاجة هي زيت وفلتر موتور ففقط

العربية لحد اليوم عمرها ما عطلت وهو ده الياباني

اليابانى اعتمادى مقولناش حاجة ولا حد هيختلف بس الغريب فى كلامك موضوع الفلاتر والبوجيهات ازاى متغيروش لحد 200 الف؟

[maio_do]

يا باشا انت بتتكلم فى حالات فردية من نوع وماركة وسبت كل الباقى هى كوريا عملت عربية زى المرسيدس ولا البى ام وبلاش دول علشان كتير عليهم خلينا نتكلم فى فئة اقل هى عملت عربية زى الاوبل انسيجينا ؟

[Abdo Taha]

انا شايف حضرتك جي على الاوروبي شويتينين ا انت عندك عربيات الكوري كتيير ماشية من غير مشاكل عربية واحد صاحب اخويا اوكتافيا موديل 2000 استيراد و زي الفل معاهم و بص الفيكترا من ايام ال a و ال b عربيات لسة ماشية للناهردة و بتشد بيها و تلاقي العربية بتستجيب معاك و قطع الغيار الاصلي بتجيبها و تنساها يا راجل في سير كاتينة في الكوري يقعد 100 الف انا مبتكلمش على العادي انا بتكلم على الكوتش الجديد... طيب ، طول ما انا ماشي معظم العربيات المقلوبة يا اما كوري او لانسر او كوروﻻ هو اه اعتمادية الكورولا عالية بس بص على كمية العربيات اللي تويوتا بتسحبها بره عشان مشكلة في كذا و كذا هى العربيات دي مش اللي عندنا طبعا لكن موديلات اخرى طب عشان انا سمعت الكلام ده اقول الياباني اعتماديته بقت ضايعة الهوندا عربية محترمة و التويوتا و المازدا عربيات محترمة جدا لكن هل وصلو لتكنولوجيا البيجو و الاوبل و فخامتهم و طبعا مش هتكلم عن المرسيدس و البي ام في الموضوع ده ، اصل برضه الالمان و الاوروبيين مش عبط انهم ينزلو العربيات دي و مصروف على مشروعها كويس اوي يعني خد عندك بالنسبة للاوبل مثلا اللي انت بتعيب عليها عاملة موتور 1000 cc بيطلع 115 حصان تربو يعني زيه زي ال 1600 العادي طب يعني وفر في البنزين و انبعاثات العادم بنسبة كبيرة و طلعلك قوة بتطلع من مواتير اكبر و نيجي نقول عربيات تعبانة و الفولكس اللي بتطور supercars و الفولفو اللي هى اعلى امان في العالم و البيجو بدأت احس انه بيميل للاعتمادية في العربيات الجديدة و الدليل على كلامي ال 508 المشكلة مش مشكلة عربيات المشكلة بتظهر اكثر في الاوروبي انه معقد و الميكانيكية بيعكو فيه و يفتو فتي السنين و عاملي فتك و يقوم معدل على الخواجة بس سيظل الياباني الاعلى اعتمادية لكن كوري يا راجل اللي خلى الكوري كده قطع غياره الرخيصة مش اكثر و ده هتلاحظه في اوروبا انهم مبيركبوش كوري كتيير لكن الياباني هو الاعلى مبيعا في اميركا و الافضل اعتمادية و ليس افضل ركوبة من الاوروبي .



تحياتي.....

[lanos2004]

انت بتقارن بين فئات مختلفه
يعنى اللانوس تتقارن باللوجان والفيرنا .. تكنولوجيا متقاربه
واللوجان تكسب وركنت العربيتين دول على جمب خلاص

لوجان وافيو اسوأ عربيتين جربتهم فى حياتى -لوجان دى مش عربيه اصلا-دى صندوق حديد متحرك

[lanos2004]

طب نسأل بقه -ليه الاوربى تشتريه 265 الف وتبيعه 120 الف وتشتريه 140 الف وتبيعه 55 الف مجبش حتى نص تمنه زيرو

[Adnfalcon]

لانوس و سيراتو من أكتر عربيات متصممه عشان تتقلب

[lad]

انا مع صاحب الموضوع يابانى او كورى افضل و الايام بتثبت ده يوم بعد يوم

[lanos2004]

لانوس و سيراتو من أكتر عربيات متصممه عشان تتقلب

مش هرد اليو تيوب يرد

https://www.youtube.com/watch?v=YxFpdCiVYvs