تفاصيل المشروع القومى لحل أزمة المرور فى القاهرة الكبرى

[محمد يوسف]

يا سلام حضرتك بقي من بياناتي قدرت تعرف تاريخي و كل حاجه عني
و يعني هو كلامك اللي منطقي و عملي
مهو كله تسويفات و توقعات

و لو حضرتك متابع كنت عرفت اني سبت الكويت من 3 سنين اهو و مش بروح الا زيارات و رجعت هنا علي امل اعمل حاجه مفيده بس هيهات

و بالمناسبه السيارتين البي ام مش بحط لهم 95 و واحده منهم بالقسط برضه
و العربيات دي علي فكره مجتش بالساهل
جت بتعب و شغل و غربه عمر كامل و الحمد لله اعرف قيمه ال 6 جنيه كويس
اومال لو عرفت كنت راكب ايه في الكويت كنت قلت ايه

و كوني اركب اللي اركبه ده ميخصكش اصلا
و انت متعرفش اذا كنت ركبت الاتوبيس و لا المترو و لا لا
بس الطبقيه و السطحيه تمنعك انك تفكر كده




ممممم
بقي هو كده
يعني حضرتك في الاول صنفتني طبقيا و دلوقتي بتصنفني سياسيا كمان

للاسف كده الحوار ما بينا منتهي لان الحوار مع اللي زيك تضييع وقت و مجهود وحرقه دم

كنت ناوى أرد وأوضح لحضرتك ان مافيش أى نوايا سيئة فى كلامى وانى مش حاقد طبقيا على فخامتك وأتمنى لك كل خير ... بس السطرين دول قفلونى بصراحة
شكرا جزيلا وتمنياتى بعدم ضياع وقتك أو حرق دمك مع الل زيى
مش باقول لك بارفانات مستوردة

[horas3000]

[color=black]
كلام حضرتك مش صح ومش واقعى ومش عملى لكنه متسق تماما مع بياناتك .... فاذا كنت حضرتك تتنقل بين الكويت ومدينة نصر يبقى أكيد ماتفرقش معاك ال 6 جنيه
اذا كنت حضرتك تمتلك سيارتين بى ام وبتحط بنزين 95 يبقى حضرتك حاتفرق معاك ال 6 جنيه ازاى ولا حاتعرف منين ازاى الأتوبيس المكيف كان وكر عشاق .... وأكيد حضرتك كل اللى معاهم عربيات حايبقوا أغنياءبس دول اللى معاهم بى ام زى سيادتك ... نص المنتدى الل حضرتك فيه راكب عربيات بالقسط ياباشا

بسم الله ماشاء الله وربنا يزيدك ويبارك لك

.................................................. .
بسم الله ماشاء الله
هوده كلام السيسى ورجالته بصحيح
كلام ريحته كلها بارفانات مستوردة ومكاتب مكيفة
كلام خلاصته : اللى مامعاهوش مايلزموش

اه
كل ده و مفيش نوايا سيئه خالص
و نحمد ربنا و نشكره انه رزقنا المكاتب المكيفه و البرفانات المستورده
مش عيب و لا بنكر نعمه
و عقبالك

[lanos2004]

اه
كل ده و مفيش نوايا سيئه خالص
و نحمد ربنا و نشكره انه رزقنا المكاتب المكيفه و البرفانات المستورده
مش عيب و لا بنكر نعمه
و عقبالك

والله ما عارف اقول ايه ربنا يصبرك --انته عايش فى مجتمع مريض ومالوش علاج
ارمى ورا ظهرك

[محمد يوسف]

والله ما عارف اقول ايه ربنا يصبرك --انته عايش فى مجتمع مريض ومالوش علاج
ارمى ورا ظهرك

متشكرين يافندم..كتر خيرك وكلك ذوق

تترد لك فى الخناقات ان شاء الله

[محمد يوسف]

لا مدفعناش

بس في المدن المزدحمة ذي مانهاتن و نيويورك بيدفعوا في جراجات.

علي فكرة صدقني الناس مخضوضة بس في الاول لكن لما تلاقي شارع فاضي وسالك ومشوارك بيخلص في 10 دقايق ومفيش زحمة و حرق بنزين عالفاضي

حتبقي مبسوط و حتدفع ال 2 جنية رسوم انتظار وانت مبسوط

يا محمد بية ما انت كدة كدة بتدفعهم للسايس طب ادفعهم في جراج عمومي وخد شوارع و بلد نضيفة سالكة.

Sent from my sm-c115 using forum runner

والله يا د.أحمد أنا مش معترض على كده خالص وما أكرهش الدنيا تبقى سالكة....

بس ليه كل حاجة بفلوس؟

ليه مايعملوش أماكن انتظار نضيفة ومنظمة ومجانية ويسيطروا عليها ويغنونا عن بلطجة الصيع والسياس ؟

وفى نفس الوقت يبقى فيه جراجات بفلوس

ليه محسسينا انهم بيحلبونا وكل خطوة بتمن؟

وبعدين أنا اعتراضى الرئيسى على موضوع الباص اللى تذكرته (حد أدنى) 6 جنبه...لأن صدقنى دى حاتبقى مقدمة رفع دعم وغلاء وبلاء أزرق

[hilal]

المشكلة في القاهرة أن الشوارع لم تعد تكفي العدد الكبير من السيارات
سواء كانت شوارع رئيسية أو فرعية ، ولا توجد خطة حقيقية لحل المشكلة
الخطة المذكورة لا تهدف إلا لجمع أكبر قدر من الاموال
وزيادةالاعباء على مالكي السيارات ،
حتى يقوم عدد كبير منهم بالتخلص من سياراتهم
ولا يحتفظ بالسيارة إلا الطبقة الاكثر ثراء

[ashouhdy]

والله يا د.أحمد أنا مش معترض على كده خالص وما أكرهش الدنيا تبقى سالكة....

بس ليه كل حاجة بفلوس؟

ليه مايعملوش أماكن انتظار نضيفة ومنظمة ومجانية ويسيطروا عليها ويغنونا عن بلطجة الصيع والسياس ؟

وفى نفس الوقت يبقى فيه جراجات بفلوس

ليه محسسينا انهم بيحلبونا وكل خطوة بتمن؟

وبعدين أنا اعتراضى الرئيسى على موضوع الباص اللى تذكرته (حد أدنى) 6 جنبه...لأن صدقنى دى حاتبقى مقدمة رفع دعم وغلاء وبلاء أزرق

بص على حسب ما شفت في الدنيا كلها .. وفي اكثر بلاد العالم ثراء يعنى اللى مش محتاجين

المدن المزدحمة بيعملولها جراجات عامة بسعر رمزي المدن الفاضية بيعملوا مواقف مجانية بس بعيد عن المناطق الحيوية تجنبا للزحام ذى ماقلتلك لما ركنا 200 متر بعيد ورجعنا مشي


الاوتوبيس والله لو الدنيا سلكت و بيوصل في ميعادة انا حركن العربية خالص واخليها بس للفسح يوم الاجازة مع الاسرة وكدة يبقي وفرنا طاقة و وقت لحاجات اهم

كل حاجة حتيجي بس لازم وقت وصبر

مينفعش يعمل الاوتوبيس غير لما يضمن يوصل في ميعادة .. ومش حتضمن يوصل في ميعادة غير لما نفضي الشوارع وهكذا

موضوع الدعم انا متأكد انة كدة كدة حيتشال و غصب عنا على فكرة وكلها كام سنة وناخد لتر البنزين بسعرة الدولى ( المتغير يوميا )

انت عارف ليا اصدقاء قاعدين في بريطانيا ... يوم يروح يلاقي البنزين زاد فيحط 87 يوم يلاقية رخص فيفول 95 وهكذا

فلو حترفع الدعم وتلحق تظبط الدنيا و تخلص مشروع قناة السويس دة و تعمل اللى بتقول علية تفك الزحمة وتعمل موصلات سريعة يبقي مصلحة

خد بالك ان القانون لم يلغي وسائل المواصلات الاخرى هو اضاف اوتوبيسات فقط

[hossam_elwani]

ياما اتهرينا كلام من الدش ده المهم التنفيــــــــــــــــــــــــــــــــــــــــــــ ــــــــــــــــــــذ

[horas3000]

والله ما عارف اقول ايه ربنا يصبرك --انته عايش فى مجتمع مريض ومالوش علاج
ارمى ورا ظهرك

متقولش حاجه
لان مفيش حاجه تتقال
الواحد بس بيستغرب و يتعجب لما تكون دي نظره و تفكير الناس المتعلمه و اللي حالها ميسور اومال الجهله و اللي فعلا مقضينها يوم بيومه بيفكروا ازاي
و انا مشفتش حد بيدعي الفقر قد المصريين بصراحه
تلاقي الواحد من دول ماسك احدث موبايل و مقضيها مكالمات و نت و تصوير في مولات و مصايف و الحياه زبادي خلاط
و يجي علي حاجات بسيطه و يقولك منيييييين

[محمد يوسف]

[aif]

حبيبك يبلعلك الزلط وعدوك يتمنالك الغلط

[mhkash]

متقولش حاجه
لان مفيش حاجه تتقال
الواحد بس بيستغرب و يتعجب لما تكون دي نظره و تفكير الناس المتعلمه و اللي حالها ميسور اومال الجهله و اللي فعلا مقضينها يوم بيومه بيفكروا ازاي
و انا مشفتش حد بيدعي الفقر قد المصريين بصراحه
تلاقي الواحد من دول ماسك احدث موبايل و مقضيها مكالمات و نت و تصوير في مولات و مصايف و الحياه زبادي خلاط
و يجي علي حاجات بسيطه و يقولك منيييييين

معلش يا بيه يبقي حضرتك شوفت 20% بس من المصريين ومشوفتش ال80% اللى بيموت منهم الكتير فى مستشفيات التامين الصحي و المستشفي الميري فى الاسكندريه - ومشوفتش الناس اللى بتشتري عضم عشان تعمل بيه شوربه - لو حضرتك مروحتش القصر العيني او ابو الريش ف ياريت تروح مره زياره واكيد هتغير رأيك

[ahmed1981]

الشكر الجزيل لصاحب الموضوع وناقل الخبر

تعليقي على الخبر:ـ

خطة قومية
والثالثة كمان عشان تسأل على هما إيه الإتنين اللي قبلها

خطة من 57 إجراء
إيه هما يا إعلام يا حكومة يا دولة

عد معايا :ــ
ـ1ـ تشغيل خطوط أتوبيسات مكيفة بتذكرة حد أدنى 6 جنيه عدد 3000 أوتوبيس
ـ2ـ تأجير جراجات
ـ3ـ فتح الجراجات المغلقة
ـ4ـ منع الباعة الجائلين
ـ5ـ منع الركن في الطرق
ـ6ـ منع المواقف العشوائية للمكروباصات
ـ7ـ ؟؟ـ
ـ8ـ ؟؟ـ
ـ9ـ ؟؟ـ
.
.
ـ57ـ

فين بقيت البنود ؟
مفيييش

أنا بقرأ البنود المذكورة في الخبر الطويل قوي
كأني أقرأ سرد لوظيفة المحافظات والأحياء والشرطة
سرد لمهام عمل موظفين المحافظة والحي والمرور

يعني من الآخر الأجهزة التنفيذية في المحافظة والحي والشرطة السيسي هيشغلهم
طيب ماشي الموضوع مش محتاج إستئذان
إيه بقى المشروع والقومية في الموضوع


البند الأول مشروع الأوتوبيس المكيف كبير الحجم نسبياً

إتنفذ سنة 1997 وكان في بدايته روعة
والتذكرة 2 جنيه
وتبخر من الوجود مع الزمن

هينفذوه صح المرة دي ؟
أفلح إن صدق
والتذكرة تبدأ من 6 جنيه
أكيد وقتها بنديرة التاكسي هتبقى 10 جنيه
ما هو عصر الغلووو

برضه أفلح إن صدق

البند الأول أوتوبيس مكيف
من بند 2 إلى 6 قيام الموظفين في الأجهزة الخدمية (محافظة حي شرطة) بعملهم
يا تشغلوهم يا تحلوهم

باقي ال 57 خطوة بيقولك في الخبر كلمة خطيرة قوي
أنهم بينفذوها بتكتيم شديد
خطير قوي الكلام ده ومبهر

أجمل حاجة هو العنوان في جريدة السابع
إزاي تبهر الناس بأي كلام بعيد عن صلب الموضوع
والجميل إنك بعد كده متحكيش صلب الموضوع
تكتفي يإبهارهم وبتكرار رقم 57 في الموضوع حوالي خمس أو ست مرات
مشروع قومي من 6 نقاط معلومة والباقي مكتمين عليهم تكتيييم شديد - وطي صوتك- وطي صوتك -
!!!!!!!!!!!

بخصوص البنود الستة الموطنين المصريين موافقين عليها من سنين
وبيدفعوا رواتبهم من ميزانية مصر من سنين

شغلوا المرور والشرطة والأحياء والمحافظات لو تقدروا
وأفلح إن قدر

ـ

[mhkash]

الشكر الجزيل لصاحب الموضوع وناقل الخبر

تعليقي على الخبر:ـ

خطة قومية
والثالثة كمان عشان تسأل على هما إيه الإتنين اللي قبلها

خطة من 57 إجراء
إيه هما يا إعلام يا حكومة يا دولة

عد معايا :ــ
ـ1ـ تشغيل خطوط أتوبيسات مكيفة بتذكرة حد أدنى 6 جنيه عدد 3000 أوتوبيس
ـ2ـ تأجير جراجات
ـ3ـ فتح الجراجات المغلقة
ـ4ـ منع الباعة الجائلين
ـ5ـ منع الركن في الطرق
ـ6ـ منع المواقف العشوائية للمكروباصات
ـ7ـ ؟؟ـ
ـ8ـ ؟؟ـ
ـ9ـ ؟؟ـ
.
.
ـ57ـ

فين بقيت البنود ؟
مفيييش

أنا بقرأ البنود المذكورة في الخبر الطويل قوي
كأني أقرأ سرد لوظيفة المحافظات والأحياء والشرطة
سرد لمهام عمل موظفين المحافظة والحي والمرور

يعني من الآخر الأجهزة التنفيذية في المحافظة والحي هيشغلوها
طيب ماشي الموضوع مش محتاج إستئذان


البند الأول مشروع الأوتوبيس المكيف كبير الحجم نسبياً

إتنفذ سنة 1997 وكان في بدايته روعة
والتذكرة 2 جنيه
وتبخر من الوجود مع الزمن

هينفذوه صح المرة دي ؟
أفلح إن صدق
والتذكرة تبدأ من 6 جنيه
أكيد وقتها بنديرة التاكسي هتبقى 10 جنيه
ما هو عصر الغلووو

برضه أفلح إن صدق

البند الأول أوتوبيس مكيف
من بند 2 إلى 6 قيام الموظفين في الأجهزة الخدمية (محافظة حي شرطة) بعملهم
يا تشغلوهم يا تحلوهم

باقي ال 57 خطوة بيقولك في الخبر كلمة خطيرة قوي
أنهم بينفذوها بتكتيم شديد
خطير قوي الكلام ده ومبهر

أجمل حاجة هو العنوان في جريدة السابع
إزاي تبهر الناس بأي كلام بعيد عن صلب الموضوع
والجميل إنك بعد كده متحكيش صلب الموضوع
تكتفي يإبهارهم وبتكرار رقم 57 في الموضوع حوالي خمس أو ست مرات
مشروع قومي من 6 نقاط معلومة والباقي مكتمين عليهم
!!!!!!!!!!!

بخصوص البنود الستة الموطنين المصريين موافقين عليها من سنين
وبيدفعوا رواتبهم من ميزانية مصر من سنين

شغلوا المرور والشرطة والأحياء والمحافظات لو تقدروا
وأفلح إن قدر

ـ

الله ينور عليك

[MaZaGAngeE]

تكلفة الأتوبيس الواحد مليون و 500 ألف جنيه .. طبيعي كدا؟

اه طبيعي بالعمولات و الرشاوي و الشاي بالياسمين