تفاصيل المشروع القومى لحل أزمة المرور فى القاهرة الكبرى

[dreslam]

حقك عليا
انت و صاحب الموضوع طبعا
بس اديك شايف

و مع اني مش فاهم توجهي السياسي هيفيدك بايه
الا لو عايز تتاكد انا من رجاله مين :)

عموما اتطمن
انا مش من رجاله حد
و مليش توجه سياسي اصلا ولا بطيق السياسه و مش بفتي فيها
انا مع اي حد هينهض بالبلد و يوفر لي حياه كريمه و يضمن لي حقوقي و يسيبني اشتغل
و زي ما انت شايف الحد ده لسه مظهرش

حضرتك كده مش مستني حد.حضرتك عايز يوتوبيا جاهزه تعيش فيها :)

عشان البلد تنهض عايز خطط ومشاريع وقوانين تتنفذ والناس تصبر عليها لحد ما يبان اثارها زي اي بلد في العالم.المشكله ان الاثار حتبان في وقت اطول عشان الكلام ده بيتطبق في سنه ٢٠١٤ يعني احنا تقريبا اخر بلد حتجرب تنهض ومن مستوى الحضيض.نحمد ربنا لان فيه بلاد كتيره لسه حتبتدي تحاول تبقى بلد بس.نبصص لقدام حاكم معظم المشاريع الضخمه اللي لسه في بداياتها مش حتدي قبل سنتين تلاته ولو حنقعد نستنى مين مش حينفع.تفاءلوا بالخير تجدوه

[lanos2004]

متشكرين يافندم..كتر خيرك وكلك ذوق

تترد لك فى الخناقات ان شاء الله

خناقات انا ماشى جنب الحيط وصحتى مش قد الخناقات قلبك ابيض
بيقولوا الدنيا ساعه اجعلها طاعه مش خناقه

[minicooper20]

كلام حضرتك مش صح ومش واقعى ومش عملى لكنه متسق تماما مع بياناتك .... فاذا كنت حضرتك تتنقل بين الكويت ومدينة نصر يبقى أكيد ماتفرقش معاك ال 6 جنيه
واذا كنت حضرتك تمتلك سيارتين بى ام وبتحط بنزين 95 يبقى حضرتك حاتفرق معاك ال 6 جنيه ازاى ولا حاتعرف منين ازاى الأتوبيس المكيف كان وكر عشاق .... وأكيد حضرتك كل اللى معاهم عربيات حايبقوا أغنياء ...بس دول اللى معاهم بى ام زى سيادتك ... نص المنتدى الل حضرتك فيه راكب عربيات بالقسط ياباشا

بسم الله ماشاء الله وربنا يزيدك ويبارك لك

رد عنصري وطبقي للغايه

[محمد يوسف]

رد عنصري وطبقي للغايه

عنصرى وطبقى ؟

طيب طبقى وممكن أى حد سطحى مش متابع الكلام يقولها ... لكن عنصرى ازاى بقى ؟

عموما متشكرين ياجناب الباشا ...أنا عنصرى وطبقى ونازى وفاشى وارهابى كمان

مبسوط كده؟

[محمد يوسف]

خناقات انا ماشى جنب الحيط وصحتى مش قد الخناقات قلبك ابيض
بيقولوا الدنيا ساعه اجعلها طاعه مش خناقه

وبيقولوا برضه اسعى فى الخير وخلليك محضر خير

[تامر.محمد]

احد فقرات المشروع ان السايس هايدي جزء من اللي بيلهفه اتاوة للحكومة , و هايغلي الفيزيتا عشان خاطر يدفع الاتاوة دي :)

[محمد يوسف]

احد فقرات المشروع ان السايس هايدي جزء من اللي بيلهفه اتاوة للحكومة , و هايغلي الفيزيتا عشان خاطر يدفع الاتاوة دي :)

جزء ضريبة للحكومة وجزء اتاوة للباشا الأمين أو الظابط

لكن مش مهم ياتامر... مادام معاك موبايل بتتكلم فيه وتصور بيه وتخش بيه ع النت وبتروح تصيف فى جمصة وبلطيم تبقى الحياة زبادى خلاط .... ماتدعيش الفقر بقى وتقول منين

فاكر لما أحمد عز (بتاع الحديد مش الممثل) قال فى مجلس الشعب ان تراكم الزبالة فى الشوارع دليل رفاهية المواطن وزيادة معدلات التنمية؟

سبحان الله يا أخى ... تحس برضه ان الكلام المغسول ببارفانات باريس ده كله شبه بعضه

[تامر.محمد]

جزء ضريبة للحكومة وجزء اتاوة للباشا الأمين أو الظابط

لكن مش مهم ياتامر... مادام معاك موبايل بتتكلم فيه وتصور بيه وتخش بيه ع النت وبتروح تصيف فى جمصة وبلطيم تبقى الحياة زبادى خلاط .... ماتدعيش الفقر بقى وتقول منين

فاكر لما أحمد عز (بتاع الحديد مش الممثل) قال فى مجلس الشعب ان تراكم الزبالة فى الشوارع دليل رفاهية المواطن وزيادة معدلات التنمية؟

سبحان الله يا أخى ... تحس برضه ان الكلام المغسول ببارفانات باريس ده كله شبه بعضه

مش لما قال المواطنين راكبين عربيات فارهة 1300 سي سي ؟ :))))))))))
صح على رأيك , انا ازاي انسى نصيب الباشا اللي بين السايس و الحكومة ؟

يبدو و الله اعلم ان البؤرة مركزة على جيوب الناس اللي راكبين عربيات بالقسط و اللي راكبين عربيات مستعملة , ليلتنا زي الفل باين :)

[horas3000]

حضرتك كده مش مستني حد.حضرتك عايز يوتوبيا جاهزه تعيش فيها :)

عشان البلد تنهض عايز خطط ومشاريع وقوانين تتنفذ والناس تصبر عليها لحد ما يبان اثارها زي اي بلد في العالم.المشكله ان الاثار حتبان في وقت اطول عشان الكلام ده بيتطبق في سنه ٢٠١٤ يعني احنا تقريبا اخر بلد حتجرب تنهض ومن مستوى الحضيض.نحمد ربنا لان فيه بلاد كتيره لسه حتبتدي تحاول تبقى بلد بس.نبصص لقدام حاكم معظم المشاريع الضخمه اللي لسه في بداياتها مش حتدي قبل سنتين تلاته ولو حنقعد نستنى مين مش حينفع.تفاءلوا بالخير تجدوه

لا مش يوتوبيا ولا حاجه
و انا مش عايز المطلبات كلها ولا انها تكون 100%
جزء لا باس بيه منها كفايه قوي
يا سيدي نبقي زي الخليج بس
مش هقولك اوروبا ولا امريكا ولا حتي الصين

[ashouhdy]

انا بقيت حاسس ان في ناس بتتمني المشاريع تخرب عشان يأكدوا وجهة نظرهم !

من الاخر البلد نوعين

نوع عايز ينهض و بيتمني المشاريع تنجح

نوع بيتمني تفشل عشان يأكد انة صح من الاول واللي بيحبهم صح وبيفضل يتخيل ويألف كلام من خيالة عشان يكرة الناس في اي حاجة بنحاول نتمني انها تنجح


و محدش يقولي اصل وفصل ونتمني ومصر بلدنا و مش عايزين محسوبية وكل الكلام دة اللي ظاهرة حلو باطنة منيل بنيلة !!


دة حتي مشروع قناة السويس نفس الشخصيات اللي قعدت تتريق وتطلع العيوب و تخترع من دماغها هم هم نفس الاشخاص اللي بيتخيلوا هنا


طبعا في جزء لسة مجاش اللي هم بتوع الجماعة بتوع الشارع المصري اللي نايمين صاحيين علية لسة مشموش خبر الموضوع دة عشان برة القسم بتاعهم ههههههه

Sent from my SM-C115 using Forum Runner

[ashouhdy]

جزء ضريبة للحكومة وجزء اتاوة للباشا الأمين أو الظابط

لكن مش مهم ياتامر... مادام معاك موبايل بتتكلم فيه وتصور بيه وتخش بيه ع النت وبتروح تصيف فى جمصة وبلطيم تبقى الحياة زبادى خلاط .... ماتدعيش الفقر بقى وتقول منين

فاكر لما أحمد عز (بتاع الحديد مش الممثل) قال فى مجلس الشعب ان تراكم الزبالة فى الشوارع دليل رفاهية المواطن وزيادة معدلات التنمية؟

سبحان الله يا أخى ... تحس برضه ان الكلام المغسول ببارفانات باريس ده كله شبه بعضه

انت بتجيب الكلام دة منين ؟ اتاوة اية وامين اية ... لية الظنون دي دة احنا لسة في اول سنة


و يأخي لو اتاوة ذي ما بتقول و المشروع نجح حتي ! انت ذعلان لية

انت معلش يا استاذ يوسف فاكر ان ال 2 جنية الكوين اللي حتدفعهم تمن التذكرة للركنة دي اتاوة ؟

انتم لو نزلتم امريكا او انجلترا ماحتكملوا فيها اسبوع هههههههههه دة انت لو عطست هناك بتدفع فلوس !!

Sent from my SM-C115 using Forum Runner

[محمد يوسف]

انت بتجيب الكلام دة منين ؟ اتاوة اية وامين اية ... لية الظنون دي دة احنا لسة في اول سنة


و يأخي لو اتاوة ذي ما بتقول و المشروع نجح حتي ! انت ذعلان لية

انت معلش يا استاذ يوسف فاكر ان ال 2 جنية الكوين اللي حتدفعهم تمن التذكرة للركنة دي اتاوة ؟

انتم لو نزلتم امريكا او انجلترا ماحتكملوا فيها اسبوع هههههههههه دة انت لو عطست هناك بتدفع فلوس !!

Sent from my sm-c115 using forum runner

ياباشا احنا الحمدلله رحنا أمريكا وعارفينها وعرفنا نعيش فيها ونعطس الحمدلله .. وبلاش كده عشان ماحدش يقول انك عنصرى وطبقى

وبعدين حضرتك جبت منين انها كوين وب 2 جنيه ؟ ده تأجير لشركات خاصة هى اللى حاتحدد القيمة

وأخيرا لو ماتعرفش ان السياس وسواقين الميكروباص كانو بيدفعوا اتاوات لأمناء الشرطة أيام مبارك ( اللى راجعة تانى دلوقتى) يبقى حضرتك اللى ماتعرفش مصر ياباشا

[ashouhdy]

يا سيدي ما يدفعوا ! المهم انك بتاخد الخدمة اللي انت عايزها

وحتدفع كام مثلا بيات ! الجراجات اللي تبع المحافظة هنا في اسكندرية 6 جنية في اليوم

اقل جراج ب 400 جنية بترمي فية عربيتك

و انتظار الشوارع تفتكر حيبقي بكام مثلا 2 جنية 3جنية

!!

و لو رحت امريكا و انجلترا حتعرف ان كل خطوة بفلوس و حساب

Sent from my SM-C115 using Forum Runner

[Terrible_DaRsH]

أي مشروع حاليا مهما كان وحتى لو من غير دراسة يبقى نموذج للدول المتقدمة مهما كان خطورته وهينهض بمصر ، ومن كام شهر سبحان الله اي مشروع هيتعمل هيدخل مصر حرب وهيخرب الدنيا وهيفلسنا .

الشعب ده من كتر النفاق يستاهل العن من كدا

[محمد يوسف]

يا سيدي ما يدفعوا ! المهم انك بتاخد الخدمة اللي انت عايزها

وحتدفع كام مثلا بيات ! الجراجات اللي تبع المحافظة هنا في اسكندرية 6 جنية في اليوم

اقل جراج ب 400 جنية بترمي فية عربيتك

و انتظار الشوارع تفتكر حيبقي بكام مثلا 2 جنية 3جنية

!!

و لو رحت امريكا و انجلترا حتعرف ان كل خطوة بفلوس و حساب

sent from my sm-c115 using forum runner

انت مصمم بقى !!

ماقلت لك رحت أمريكا ياسيدى .... وبعدين هو حضرتك مستويات الدخول والمعيشة فى بلدك وتطبيق القوانين زى أمريكا وانجلترا اللى انت واخدهم مثال؟

وبعدين الجراج عندنا ب 150 جنيه بالغسيل مش 400 ولا حاجة

وتعرف منين ان لو شركات خاصة أجرت المواقف مش حاتعملها زى سيتى ستارز مثلا وتبقى الساعة ب 3 جنيه؟

أركن عربيتى بقى وأطلع شغلى 10 ساعات أنزل أدفع 30 جنيه !!!

ولو رايح 3 ـو 4 أماكن فى اليوم تبع شغلك أو مشاوير شوف حاتركن فى كام حتة وكل مكان بكام

عموما ياد.أحمد زى ماقلت لك قبل كده أنا مش رافض تنظيم الانتظار والكلام ده لو حايتعمل بنظام وعدل ويراعى ظروف الناس