سبب زحف السيارة مع الفرامل

[mohamed_berlit]

السلام عليكم ورحمة الله وبركاته.
النهاردة حصلى حاجة غريبة اوى . سيارة كانت امامى ووقفت فجأة ولما دوست فرامل لقيت العربية بتاعتى بتزحف ولا الباتيناج . زحفت بتاع 20 متر مع صوت قوى جدا للعجل مع الاسفلت لدرجة ان رائحة الكاوتش فاحت.
انا مش عارف سبب الزحف دة بالرغم من ان سرعتى كانت لاتتعدى 60 والعربية النترا 2015 وكاوتشها لسا جديد .
العربية مفهاش abs بس يا جماعة دة انا كنت على 60 وكان لافية ماية ولازيت ولارمل ولاحتى تراب.
انا شاكك فى حاجتين وصلحولى
ان الكاوتش بتاع النترا مش تمام
او ان الفرامل مترجلش عليها جامد بحيث انها بتقفش جامد مع اقل دوسة فرامل
نصايحكوا اكيد حتفيدنى لانى الصراحة ابتديت اقلق . همال حعمل اية لو فية زيت ولا رمل ولا ماية ولا اعمل اية لو فرملت وانا على 100 مثلا
الحكاية دية عمرها ما حصلت معايا فى الانوس القديمة والزحف دة عمرى ماشوفتة الا وانا بفرمل على 90 مثلا
منتظر تعليقات حضراتكم وشكرا

[mohamed_berlit]

سبب زحف السيارة مع الفرامل

السلام عليكم ورحمة الله وبركاته.
النهاردة حصلى حاجة غريبة اوى . سيارة كانت امامى ووقفت فجأة ولما دوست فرامل لقيت العربية بتاعتى بتزحف ولا الباتيناج . زحفت بتاع 20 متر مع صوت قوى جدا للعجل مع الاسفلت لدرجة ان رائحة الكاوتش فاحت.
انا مش عارف سبب الزحف دة بالرغم من ان سرعتى كانت لاتتعدى 60 والعربية النترا 2015 وكاوتشها لسا جديد .
العربية مفهاش abs بس يا جماعة دة انا كنت على 60 وكان لافية ماية ولازيت ولارمل ولاحتى تراب.
انا شاكك فى حاجتين وصلحولى
ان الكاوتش بتاع النترا مش تمام
او ان الفرامل اترجلش عليها جامد بحيث انها بتقفش جامد مع اقل دوسة فرامل
نصايحكوا اكيد حتفيدنى لانى الصراحة ابتديت اقلق . همال حعمل اية لو فية زيت ولا رمل ولا ماية ولا اعمل اية لو فرملت وانا على 100 مثلا
الحكاية دية عمرها ما حصلت معايا فى الانوس القديمة والزحف دة عمرى ماشوفتة الا وانا بفرمل على 90 مثلا
منتظر تعليقات حضراتكم وشكرا

[abokoko]

راجع الفرامل الامامية و الخلفية
ويفضل بان تقوم بعمل فك وتنظيف لمجموعه الفرامل فى الاربع عجلات والتاكد من جودة وسلامة التيل
يفضل تغيير زيت الفرامل بالكامل لانه ممكن مرطب
التاكد من وجود رشح او العكس اى عدم وجود انسداد فى دورة زيت الفرامل الواصل لكل عجلة
هتبان وهو بغيير الزيت وينزل زيت فرامل من كل عجلة بفك ماستر الزيت ويسيب شوية زيت ينزلوا على الارض

[fares_311]

كلامك صح بس يمكن السبب التاني هو اللي صح

[mohamed_berlit]

طيب لية اعمل كل دة
المشكلة فى ان الفرامل وقفت العجل فى لحظة لدرجة ان العجل زحف رغم السرعة القليلة نسبيا .
يبقى اعتقد ان اداء الفرامل كويس بس ممكن تكون اترجلش عليها جامد

[mohamed_berlit]

برجاء ملاحظة ان العربية عاملة 1500 كيلو فقط

[طارق _عبد السلام]

ممكن تكون فرملت والعجله على زلطه .. عملت المسافه الكبيره دى

[mazen56]

انا معاك في الغالب السبب الثاني

[kaza]

دي مشكلة في الالنترا MDعموما وهتتاقلم معاها بل زادت المشكلة معايا جدا لما غيرت الكاوتش الكمهو بماكسيس اسواء مليون مرة في الفرامل بس اعتقد المشكلة تتحل بنوع كاوتش اطري زي الميشلان mxv او بريدج ستون تورنزا او يوكوهاما او تويو ...الكاوتش دة افضل بكتير من الالكمهو اللي راكب وبالتالي مش هيحصل موضوع الزحلقة دة تاني .....الحادث بتاعي كان ظريف جدا اول مااشتريت العربية وكنت مسافر طنطا بالليل وانا نازل من كوبري قليوب لقيت شوية زلط ودبش من عربية زلط امامي حاولت افرمل واخد يمين العربية زحفت ولفت حولين نفسها والله من غير ما اعمل حاجة ....تلف الدريكسيون يمين او شمال ما لهاش دعوة زي ما تكون ماشية لوحدها وانت مالكش دعوي باللي بتعملة لغاية ما استجابت في الاخر وخدتت معايا شمل بعد مارفعت رجلي من الفرامل مشيت تاني وافتكرت اللي بيسوق ....بس دمي هرب ساعنها وخفت جدا ...علي الرغم من اني ما كنتش باجري 60-70 وقعدت افكر علي 100 ولا اكتر هتعمل اية

[Bassem Youssef]

ممكن يكون التيل متاكل

ممكن الطنابير نفسها متاكله

[mohamed_berlit]

يعنى العيب دة فى md.
انا بفكر اروح التوكيل ويحاولوا يخفوا الرجلشة شوية عشان التيل ما يقفش على الفرامل مرة واحدة ولا انا كدة بألف ولا اية
مافتكرش ان التيل متاكل او الطنبورة متاكلة . اولا عشات العربية جديدة . ثانيا التيل قفش على الطنبورة تمام بدليل ان الكاوتش اتشل عن الحركة بمجرد الفرملة والعربية زحفت عشان الفرامل قفشت على الطنبورة جامد.

[eng_amg]

دي مشكلة في الالنترا MDعموما وهتتاقلم معاها بل زادت المشكلة معايا جدا لما غيرت الكاوتش الكمهو بماكسيس اسواء مليون مرة في الفرامل بس اعتقد المشكلة تتحل بنوع كاوتش اطري زي الميشلان mxv او بريدج ستون تورنزا او يوكوهاما او تويو ...الكاوتش دة افضل بكتير من الالكمهو اللي راكب وبالتالي مش هيحصل موضوع الزحلقة دة تاني .....الحادث بتاعي كان ظريف جدا اول مااشتريت العربية وكنت مسافر طنطا بالليل وانا نازل من كوبري قليوب لقيت شوية زلط ودبش من عربية زلط امامي حاولت افرمل واخد يمين العربية زحفت ولفت حولين نفسها والله من غير ما اعمل حاجة ....تلف الدريكسيون يمين او شمال ما لهاش دعوة زي ما تكون ماشية لوحدها وانت مالكش دعوي باللي بتعملة لغاية ما استجابت في الاخر وخدتت معايا شمل بعد مارفعت رجلي من الفرامل مشيت تاني وافتكرت اللي بيسوق ....بس دمي هرب ساعنها وخفت جدا ...علي الرغم من اني ما كنتش باجري 60-70 وقعدت افكر علي 100 ولا اكتر هتعمل اية

+1111111111111111

فعلا دي مشكلة الالنترا ومعظم موديلات هيونداي لاحظت فيها الموضوع دا (فيرنا - نيو اكسنت - النترا)
لكن مش كل مرة ... يعني تيجي ادام موظف التوكيل او الميكانيكي توريله الفرامل تلاقيها 100 % .. وتمشي من عنده تعمل كدا وتتزحلق وتلف كمان.
حاول تتأقلم عليها وعلي فكرة حتى الي فيها abs نفس المشكلة.

[ashrafwolf]

يا جماعه الزحف ده بسبب شدة قوة الفرامل + نوع الكاوتش + نوع الارض اللي ماشي عليها
بسبب الدوسة القويه علي الفرامل ال4 عجلات بيقفشوا (بيعملو لوك) و بتكون العربيه لسه ماشيه بسبب القصور الذاتي
الِABS بيفك اللوك ده من علي الكاوتش و بيخلي الفرده تدور تاني و بعدين تقفش كذا مره علشان يمنع الزحف و علشان كده اللي عندهم abs لما بيشتغل عندهم بيحيو بدبدبه و كركبه في الدواسه

[john55]

انا معايا اكسنت rb نفس المشكله قابلتني من 4 سنين اول ما اشتريت العربيه في نفس المكان وانا نازل من كوبري قليوب الطريق وقف فجاه وضربت فراما جامد العربيه لفت مني نصف لفه شليت بسرعه رجلي من علي الفرامل والحمد لله ربنا سترها العيب اعتقد نوع الكاوتش + عدم وجود فرامل abs دا بسبب الزحف الحل تحاول تتاقلم مع العربيه امتي تجري بلعربيه والوقت المناسب لدوسه الفرامل مع الوقت والخبره هتتاقلم بس عموما كل الهيونداي كدا لو العربيه مفهاش abs بس ان من راي تشوف العربيه في التوكيل افضل ممكن فعلا اللي رجلش الفرامل قرص عليه في الصيانه وقصر المسافه يعني العربيه قبل صيانه 1000 كانت افضل من بعدها يبقي تروح التوكيل وشكرا

[zillo]

الفرامل الاماميه ملهاش رجلاش