سبب زحف السيارة مع الفرامل

[mohamed_berlit]

فعلا انا بعد صيانة 1000 حسيت ان فرامل اليد قصرت المسافة اوى بمعنى ان العربية قبل الصيانة كنت بحتاج اطلع فرامل اليد 3 تكات عشان تثبت . بعد الصيانة بقيت بمجرد 1 تكة العربية بتثبت جامد جدا. فاكيد هما رجلشوا الفرامل الخلفية جامد وممكن يكون دة سبب.
شكرا جدا يا جماعة وان شاء الله فى صيانة 5000 حخليهم يرجعوا رجلشة فرامل اليد الفبريكا زى ما كانت

[zillo]

فعلا انا بعد صيانة 1000 حسيت ان فرامل اليد قصرت المسافة اوى بمعنى ان العربية قبل الصيانة كنت بحتاج اطلع فرامل اليد 3 تكات عشان تثبت . بعد الصيانة بقيت بمجرد 1 تكة العربية بتثبت جامد جدا. فاكيد هما رجلشوا الفرامل الخلفية جامد وممكن يكون دة سبب.
شكرا جدا يا جماعة وان شاء الله فى صيانة 5000 حخليهم يرجعوا رجلشة فرامل اليد الفبريكا زى ما كانت

علي 5000كم وفرامل كدا ,الرجلاش هيكون راح ههههه .وواضح ان الشكوي عامه في الالنترا وزيها في الصني مع تاكل الطنابير وكذا الفيرنا ,فكدا مجموعة الفرامل اصغر من المطلوب ومحتاجه جشم وطنابير اكبر.

[abou-yahia]

تيل رديئ يؤدي الي حراره في الاحتكاك اعلي

مع تكرار استخدام الفرامل في المشوار وارتفاع حراره الجو وعدم التهويه الجيده للطنابير والتيل
يؤدي الي ان الفرامل مش بتقفش كويس ويحصل الزحف
ده عامل

جوده الكاوتش و التراكشن بتاعه عامل

زوايا العربيه عامل

ومن الاخر الكوري بوجه عام مفهوش فرامل ( ده من وجهه نظري )

تحياتي

[abou-yahia]

الحل في المواقف ديه

انك مش تفضل دايس

لازم تكارك
يعني تدوس دوسه للنص في الاول وتسيب وترجع تدوس تاني حسب الحاجه

وممكن ساعتها تستخدم تسقيط نقلات او فرامل اليد

[zillo]

ت

ومن الاخر الكوري بوجه عام مفهوش فرامل ( ده من وجهه نظري )

تحياتي

ولا قطمه كمان ,ههههههه

[abou-yahia]

ولا قطمه كمان ,ههههههه

هههههع
لا فعلا جرب فرامل حاجه تانيه وانت تحس بالفرق

[zillo]

اقصد قطمة دركسيون ,ههههه

[abou-yahia]

اقصد قطمة دركسيون ,ههههه

انت شكلك جعان :)

[ahmed2y]

أظن والله اعلم الفرامل الخلفية مش بتمسك كويس ودة يجو من ضعف فى ضغط زيت الفرامل بالضغط على دواسة الفرامل وضغط الزيت ضعيف العجل الامامى الى هو بداية دايرة الزيت يقفل وتفرمل كويس ورا ولانة فى نهاية دايرة الزيت يبقى ضعيف ومش هتفرمل كويس تقوم تزحف ونصيحة متمشيش بيها كدة الا للصيانة لان كان عندى نفس الموضوع وكلفتنى حادثة

[hesham22]

حضرتك ياريت تجرب الفرامل مره تانيه فى شارع فاضى وعدل وطارة الدريكسيون كمان تكون عدله وركز مع العربيه هاتحدف يمين او شمال ولا لاء وبكده هاتعرف اذا كان فى عجله بتمسك قبل التانيه او لا .... وحاول تخلى رجلك حساسه شويه مع الفرامل طالما مفيش abs

[yyy]

السلام عليكم ورحمة الله وبركاته.
النهاردة حصلى حاجة غريبة اوى . سيارة كانت امامى ووقفت فجأة ولما دوست فرامل لقيت العربية بتاعتى بتزحف ولا الباتيناج . زحفت بتاع 20 متر مع صوت قوى جدا للعجل مع الاسفلت لدرجة ان رائحة الكاوتش فاحت.
انا مش عارف سبب الزحف دة بالرغم من ان سرعتى كانت لاتتعدى 60 والعربية النترا 2015 وكاوتشها لسا جديد .
العربية مفهاش abs بس يا جماعة دة انا كنت على 60 وكان لافية ماية ولازيت ولارمل ولاحتى تراب.
انا شاكك فى حاجتين وصلحولى
ان الكاوتش بتاع النترا مش تمام
او ان الفرامل مترجلش عليها جامد بحيث انها بتقفش جامد مع اقل دوسة فرامل
نصايحكوا اكيد حتفيدنى لانى الصراحة ابتديت اقلق . همال حعمل اية لو فية زيت ولا رمل ولا ماية ولا اعمل اية لو فرملت وانا على 100 مثلا
الحكاية دية عمرها ما حصلت معايا فى الانوس القديمة والزحف دة عمرى ماشوفتة الا وانا بفرمل على 90 مثلا
منتظر تعليقات حضراتكم وشكرا

اول حاجة تعمل كدة ان نوع الكاوتش وحش
تانى حاجة ان الفرامل الخلفية ضعيفة فا ترمى الحمل كلة لقدام فالعجل يقفش ويزحف
تالت حاجة ان المساعدين وحشة تعمل نفس الكلام

[aw2100]

انصحك تغير الكاوتش فورا وركب يوكوهاما لو امكانياتك تسمح c drive لو ماتسمحش ركب a drive كانت عربيتى بتزحف قبل ماركبه بس بعد ماركبت اليوكوهاما a drive بتلزق فى الأرض مع الفرامل وربنا يكفيك شرها ؟؟؟

[mohamed_berlit]

شكرا جدا يا جماعة

[tameem2010]

على فكرة ده طبيعي جدا

[D . a .\ AYMAN]

القصة دي ولا سببها تيل ولا طنابير ولا رجلاش ولا أي حاجة ليها علاقة بمنظومة الفرامل كلها ... خصوصا إن العربية لسة ما كملتش 1500 كيلوا ... يعني الفرامل اللى الخلفية لسة بحالتها

منظومة الفرامل عندك بتقوم بواجبها المطلوب منها بصورة مثالية ووقفت العجل تماما

لكن نوع الكاوتش هو السبب في الزحف المبالغ فيه ده ... غير نوع الكاوتش بنوع كويس مشهور وإنتاجه جديد ... لأن كل ما الإنتاج يبقى قديم ... كل ما المطاط يكون نشف أكثر وبالتالي الفرامل بتاعة الكاوتش تكون وحشة أكثر

بريدجستون ممتاز
يوكوهاما رائع
ميشلان ولا أروع
بيريلي مش سيء
فولدا كويس جدا
هانكوك برضه كويس



إبعد عن الأنواع الغير معروفة والرخيصة لأن نتيجتها هاتكون زي كدة بالضبط فرامل وحشة وخامة رديئة

الكاوتش مش من الحاجات اللى الواحد يسترخص فيها