خلاص البنزين هايغلي

[zidaneelwaly]

انا النهارده شفت موقف زي ألي حصل اخر مره زودو فيها البنزبن لقيت العربيات واقفه طوابير في البنزيمات لغايت الشارع بره في اكتر من بنزينه كأنهم وقفين علي ال80
لاكن كلها عربيات حديثه واقفين علي 92 انا خايف لو غلي تبقي مشكله
بس مش عارف ممكن يوصل بكام يا خوفي يوصل 2 جنيه اللتر و الله يبقي حرام هوا احنا ناقصين

[zakiali]

يادي النيله ... كل اللي ليه فرصه يهرب من البلد دي وميهربش ربنا هيحاسبه !





.

[ashouhdy]

يادي النيله ... كل اللي ليه فرصه يهرب من البلد دي وميهربش ربنا هيحاسبه !





.

+1111111111111111111

دة لو غلى بجد يبقى الله يخرب بيوتهم يارب احنا ناقصيين هو فى اية ياناس

[ramylanos]

ياريت تغير عنوان الموضوع

عنوان الموضوع بيدل ان عندك اسباب مؤكده

[n_light]

يادي النيله ... كل اللي ليه فرصه يهرب من البلد دي وميهربش ربنا هيحاسبه !





.

والله معاك حق
ما بقتش بتاعتنا خلاص

[نور العمر]

لو جبت عربية زيرو ححطلها تسعين
يغلى ما يغلاش
خلاااااااااااص
مبقتش فارقة حاجة
كله محصل بعضه

[jisso82]

ربنا يستر

[Rembrandt]

يادي النيله ... كل اللي ليه فرصه يهرب من البلد دي وميهربش ربنا هيحاسبه !





.

روح يا شيخ ربنا يكرمك

[SAMEH_FOUAD]

هو انت فاكر ان البنزين لو غلى هيوصل ل2 جنية ,ياريت تيجى على كدة مش هتفرق 1.5 فى العشرة لتر
المشكلة لو بقى ب2.25 مثلا هانعمل اية ,والبنزين فعلا هايغلى ,لان كمان سعر برميل البترول عمال يعلى كل شوية ,والدولة مابقتش تقدر تتحمل تكلفة دعمة
وديو بجد اللى ممكن تقلل الزحمة ,لانك لو مونت عشرة لتر على 2.25 سعر اللتر يبقى 22.5 جنية ,يعنى الصفيحة ب45 بدل 37
والاربعين لتر ب90 جنية بدل 74 جنية
يعنى دمار شامل ,وربنا يسترها بجد علينا والمشكلة مش هانعرف نركن العربيات ,المواصلات زحمة جدا وكدة كدة هتتاخر على شغلك او على كليتك ,وكمان البنزين هيغلى يبقى الزيت هايغلى ,والاطعمة ,والمواصلات ,..........................
ربنا معانا

[zidaneelwaly]

هوا انا ما عنديش اسباب موكده بس في كلام بيتقال ان البنزين هايغلي
انا عن نفسي فولت علاطول مع ان العربيه كان لسه فيها
طيب تفسروا بأيه الزحمه و الطوابير علي ال بنزين في اكتر من بنزيمه
و عنوان الموضوع انا مش عارف اغيره لو تقولي اعمل ايه هاغيره علاطول

[amrnader]

هوا انا ما عنديش اسباب موكده بس في كلام بيتقال ان البنزين هايغلي
انا عن نفسي فولت علاطول مع ان العربيه كان لسه فيها
طيب تفسروا بأيه الزحمه و الطوابير علي ال بنزين في اكتر من بنزيمه
و عنوان الموضوع انا مش عارف اغيره لو تقولي اعمل ايه هاغيره علاطول

حضرتك قفزت لاستنتجات و كاتب العنوان زى ما تكون فعلا مونت بسعر مختلف و بعدين جاى تقول طب الزحمة ليه؟؟

انا جنب الشغل عندى بنزينة موبيل على طول زحمة و الناس طوابير، الموضوع ليه علاقة بحيوية المكان و عدد البنزينات فى المنطقة و التوقيت كمان.

يا ريت تغير عنوان الموضوع.

[نور العمر]

يعني هو التزاحم حيضمن تحويش بنزين لشهووور قدام
مش عارفة يعني .... ما كدة كدة حيخلص
وحيغلى
وحنشتريه بالسعر الجديد

[amrnader]

والبنزين فعلا هايغلى ,لان كمان سعر برميل البترول عمال يعلى كل شوية ,والدولة مابقتش تقدر تتحمل تكلفة دعمة

دية يا سيدى اسعار انهاردة، احب افكرك ان الزيادة الاخيرة فى سعر البنزين حصلت لما سعر البرميل وصل ل 140 دولار.

[zidaneelwaly]

لو شفت يا عمر المنظر ألي انا شوفته و الناس واقفه طوابير اولا البنزينه جمب التوحيد و النور ألي في سفير
و التانيه موبيل في شيراتون قريبه من مرور الشيراتون و استنيت ربع ساعه لغايت ما مونت
انا بقالي سنه بخش البنزيمه و اخيرها عربيتين ادامي مش عشره و لما عديت علي بنزيمه تانيه لقيت نفس الزحمه
علي العموم بكره نعد جمب الحيطه و نسمع الزيطه

[KarimAbulEla]

انا لسه ممون من نص ساعة و مفيش اى علامات و الحمدالله
الموقع - بنزينة شل اللى فى ش اللاسلكى - المعادى