خلاص البنزين هايغلي

[kloda]

لا الة الا الله هو احنا ناقصين
انا دوخت علي 92 من يومين و كانت حتفصل و الحمد لله لقيت في بنزينة في صلاح سالم

[samirayad]

لاكن كلها عربيات حديثه واقفين علي 92 انا خايف لو غلي تبقي مشكله

- هى دى الملحوظه اللى خلت الأخ: صاحب التساؤل وضع أستنتاجه .................ليه

_ معظم مالكى السيارات الحديثه الآن ( أى ذات الحقن الألكترونى ) كجانب وقائى .....بيحسبها أزاى ....

- لتر البنزين ال90 معروف تمنه الحالى 175 قرش .....أما ال92 ب185 قرش ......يعنى الفرق فى اللتر 10 قروش .....يعنى فى الصفيحه 2 ج .....

- ومعروف أن فرصة غش ال90 بتكون أكتر شويه من ال92 .......وده أنا لاحظته أكثر من مره ......وبالذات فى البنزينات اللى فى الأماكن النائيه .....اللى مفيهاش 92 .............بتكون فرصة غش ال90 بال80 أكبر بكتير .......شغالين مع نفسهم فى الغش بسبب عدم الرقابه وقلة الضمائر........

_ من هنا بدأت مشكلة الغش للبنزين ال90 تنتشر شويه .....فبدأ مالكى السيارات الحديثه يخاف من ال90 ......بناء على السمعه ....والخوف من حدوث مشاكل فنيه فى دايرة بنزين السياره ......زى الرشاشات مثلا ............

_ فالكل حاليا بيقبل على ال92 ......ومع الأقبال على سلعه معينه ......بيبدأ التجمهر عليها يزداد ......ومن هنا بتبدأ تقل شويه فى سوق عرضها (أى البنزيمات ).............

_ هو ده اللى حصل من وجهة نظرى .....وده اللى أوحى لصاحب الموضوع بهذا الأستنتاج الخاص بتوقعه بأن البنزين جايز يزيد ............وأتمنى من الله ....أن يكون توقعى صحيح .....

[sayedafandy]

اعتقد انه مش هيغلى ولا حاجة لانه ببساطة شديدة كده لو غلى هتلاقى الاقبال يزيد على الانواع الرخيصة زى ال 80 مثلا دلوقتى وبالتالى هتلاقى تكدس العربيات على البنزيمات اللى بتبيعه وهتقف الشوارع اكتر واكتر ودى مشكلة فى حد ذاتها ، شوف كام واحد بيتأخر على شغله فى الذهاب او بيروح الشغل تعبان من كتر اللف فى الشوارع اللى مفيهاش بنزيمات وبالتالى لا بينتج ولا يشتغل وكل شوية يدور على حته ينام فيها او يروح متأخر للبيت لان الشوارع اللى فيها بنزيمات بتبيع بنزين رخيص واقفة وبالتالى يروح تعبان وميلحقش يستريح ويمكن ميروحش الشغل تانى يوم وده برده بيأثر على اقتصاد البلد ويمكن بصورة مباشرة كمان

[أحمد كمال]

هو انت فاكر ان البنزين لو غلى هيوصل ل2 جنية ,ياريت تيجى على كدة مش هتفرق 1.5 فى العشرة لتر
المشكلة لو بقى ب2.25 مثلا هانعمل اية ,والبنزين فعلا هايغلى ,لان كمان سعر برميل البترول عمال يعلى كل شوية ,والدولة مابقتش تقدر تتحمل تكلفة دعمة
وديو بجد اللى ممكن تقلل الزحمة ,لانك لو مونت عشرة لتر على 2.25 سعر اللتر يبقى 22.5 جنية ,يعنى الصفيحة ب45 بدل 37
والاربعين لتر ب90 جنية بدل 74 جنية
يعنى دمار شامل ,وربنا يسترها بجد علينا والمشكلة مش هانعرف نركن العربيات ,المواصلات زحمة جدا وكدة كدة هتتاخر على شغلك او على كليتك ,وكمان البنزين هيغلى يبقى الزيت هايغلى ,والاطعمة ,والمواصلات ,..........................
ربنا معانا

بترول ايه يا معلم

البنزين اما غلي السنة اللي فاتت كان البترول فوق ال 120 دولار للبرميل

دلوقتي مش معدي ال 50 دولار و مضروب بالنار

حتى امريكا البنزين رخص فيها طحن ....

دية يا سيدى اسعار انهاردة، احب افكرك ان الزيادة الاخيرة فى سعر البنزين حصلت لما سعر البرميل وصل ل 140 دولار.

الله ينور عليك قلت اللي انا عايز اقوله

لو شفت يا عمر المنظر ألي انا شوفته و الناس واقفه طوابير اولا البنزينه جمب التوحيد و النور ألي في سفير
و التانيه موبيل في شيراتون قريبه من مرور الشيراتون و استنيت ربع ساعه لغايت ما مونت
انا بقالي سنه بخش البنزيمه و اخيرها عربيتين ادامي مش عشره و لما عديت علي بنزيمه تانيه لقيت نفس الزحمه
علي العموم بكره نعد جمب الحيطه و نسمع الزيطه

و هو زحمة المحطة دليل على انه هيغلى؟


و هو لو انا فولت قبل ما يغلى التفويلة هتقعد معايا قد ايه؟

يومين؟ اسبوع؟ اسبوعين؟؟؟؟

[أحمد كمال]

بالاضافة لحاجة تانية

الدعم عندنا مش دعم جقيقي

بمعنى

الدعم يعني تكلفة انتاج او شراء - سعر البيع = قيمة الدعم


يعني لو اللتر بيتكلف لحد ما يوصل مجطة البنزين خمسة جنيه و بيبعوه باتنين جنيه يبقى الدعم 3 جنيه لكل لتر

ده مش صحيح

لاننا بننتج البنزين بتاعنا و عندنا بترولنا و مش بيكلف كده


البهوات بيحسبوا الدعم على ان لو صدرنا البنزين ده هيتصدر بكام و لو بعناه محلي الخسارة ما بين فرق سعر البيع المحلي و سعر البيع برة

انا موافق يلغوا الدعم

بس يدونا مرتبات برة

و ماعنديش مانع اللتر ادفع فيه 10 جنيه

بس اديني 10 الاف دولار في الشهر !!!!!!

[abzoabzo]

عمر ما الحكومة هتفكر فى الشعب
عمر ما الشعب هيفكر فى الحكومة
طرفان متنافران
وحسبى الله ونعم الوكيل فى المفترى

[abzoabzo]

بالاضافة لحاجة تانية

الدعم عندنا مش دعم جقيقي

بمعنى

الدعم يعني تكلفة انتاج او شراء - سعر البيع = قيمة الدعم


يعني لو اللتر بيتكلف لحد ما يوصل مجطة البنزين خمسة جنيه و بيبعوه باتنين جنيه يبقى الدعم 3 جنيه لكل لتر

ده مش صحيح

لاننا بننتج البنزين بتاعنا و عندنا بترولنا و مش بيكلف كده


البهوات بيحسبوا الدعم على ان لو صدرنا البنزين ده هيتصدر بكام و لو بعناه محلي الخسارة ما بين فرق سعر البيع المحلي و سعر البيع برة

انا موافق يلغوا الدعم

بس يدونا مرتبات برة

و ماعنديش مانع اللتر ادفع فيه 10 جنيه

بس اديني 10 الاف دولار في الشهر !!!!!!

البترول المصرى رادئ زولاحة

[ashraf229]

كان فيه أغنية زمان لواحد كويتي اسمه محمد البلوشي و كانت مشهورة جدا في التسعينات بتقول:

كل شيء معقول.....الزمن غدار و الحكمة تقول...كل شيء معقول

و هوه ده اللي بيتحقق في مصر كل شيء معقول لا تقولي الأسعار العالمية و لا رخص و البرميل بكام و لا اي كلام من ده

احنا مختلفين عن العالم كله احنا احفاد الفراعنة و حكومتنا...الغالية...النظيفة...الرشيده...الفاهمة... المتصالحة...الشريفة...(أرجو قراءة ما بين السطور والحدق يفهم) حكومة مختلفة عن العالم كله...........

انتظرونا قريبا و حصريا بأحلى القرارت انفراد فقط من الحكومة المصرية......معانا مش هتقدر تغمض عينيك......

لأننا هنطلع عينك انت و اللي يتشددلك.............

[M.almaghraby]

مصر هي امي

[shok]

حل ملهمش حل

اية رايكم نول عربياتنا كلها غاز ونريح دماغنا وبدل ميصدروا الغاز الاسرائيل الدولة الشقيقة شعب مصر اولى بية

[Ashraf_Ashraf]

موضوع زياده البنزين دا شئ متوقع من الحكومه تعمله فى اى وقت علشان تغطى العجز الشديد فى الموازنه مش هنتكلم على سوء الانفاق والسفهه من جانب الحكومه واللى هتغطيه من جيوبنا
المشكله او غلى احنا هنسكت وهنجرى نمون عادى جدا كان مافيش شئ حصل وده اللى انا متاكده مليون فى الميه انه هيحصل
وبالتالى كل يوم والتانى البنزين هيغلى طالما مافيش اى رد فعل من الناس البترول كان وصل 160دولار دلوقتى 67 والبنزين مارخصش
ومعرضين فى اى وقت يغلى

[lancerevolution]

ما يغلو بنزين 80 شوية بدل ال92 و 90 لأن بجد كدا حرام الدعم بتاع ال80 ما بيوصلش لمستحقيه

[som3aa]

متخفش الطوابير دى فى الصيف بس , بتبقى موجودة علطول كل صيف!! علشان ضغط الناس مش اكتر انما هو بيغلى فجاة كدا محدش بيبقى عارف و لا حد يقدر يتوقع الموضوع.

[ahmedsamir79]

الطوابيير دي عاديه في فصل الصيف
علي الأقل في الأسكندريه عندنا

[zidaneelwaly]

انا تيقنت ان الطوابير دي سببها ان الناس متوقعه الزياده في اليوميين القادمين دول
انا سألت ناس قالولي ان في كذا بنزيمه لا يوجد فيها 92 فكان الظغط علي باقي النزيمات ألي فيها

و انا بعتزر عن عنوان الموضوع ألي يخض الواحد
بس كان قصدي انكوا تفولو العربيات يومها باليل عشان لو حصل زياده نبقا لحيقنا شويه بنزين بالسعر القديم
و حتي لو غلي يعني ها نعمل ايه كده كده هانشتري
نفسي البنزين سعروا يقل عشان الافيو معايا حريقه بنزين و بملاها ب 73 جنيه كل شهر و ساعات بزود كمان حسب المشاوير
يالا ربنا يستر