خلاص البنزين هايغلي

[ASKAFRAWY]

- هى دى الملحوظه اللى خلت الأخ: صاحب التساؤل وضع أستنتاجه .................ليه

_ معظم مالكى السيارات الحديثه الآن ( أى ذات الحقن الألكترونى ) كجانب وقائى .....بيحسبها أزاى ....

- لتر البنزين ال90 معروف تمنه الحالى 175 قرش .....أما ال92 ب185 قرش ......يعنى الفرق فى اللتر 10 قروش .....يعنى فى الصفيحه 2 ج .....

- ومعروف أن فرصة غش ال90 بتكون أكتر شويه من ال92 .......وده أنا لاحظته أكثر من مره ......وبالذات فى البنزينات اللى فى الأماكن النائيه .....اللى مفيهاش 92 .............بتكون فرصة غش ال90 بال80 أكبر بكتير .......شغالين مع نفسهم فى الغش بسبب عدم الرقابه وقلة الضمائر........

_ من هنا بدأت مشكلة الغش للبنزين ال90 تنتشر شويه .....فبدأ مالكى السيارات الحديثه يخاف من ال90 ......بناء على السمعه ....والخوف من حدوث مشاكل فنيه فى دايرة بنزين السياره ......زى الرشاشات مثلا ............

_ فالكل حاليا بيقبل على ال92 ......ومع الأقبال على سلعه معينه ......بيبدأ التجمهر عليها يزداد ......ومن هنا بتبدأ تقل شويه فى سوق عرضها (أى البنزيمات ).............

_ هو ده اللى حصل من وجهة نظرى .....وده اللى أوحى لصاحب الموضوع بهذا الأستنتاج الخاص بتوقعه بأن البنزين جايز يزيد ............وأتمنى من الله ....أن يكون توقعى صحيح .....

هو دة الكلام المنطقى يابشمهندس هى فعلا كدة و دة واضح فى جميع محطات البنزين

[zakiali]

انا تيقنت ان الطوابير دي سببها ان الناس متوقعه الزياده في اليوميين القادمين دول
انا سألت ناس قالولي ان في كذا بنزيمه لا يوجد فيها 92 فكان الظغط علي باقي النزيمات ألي فيها

و انا بعتزر عن عنوان الموضوع ألي يخض الواحد
بس كان قصدي انكوا تفولو العربيات يومها باليل عشان لو حصل زياده نبقا لحيقنا شويه بنزين بالسعر القديم
و حتي لو غلي يعني ها نعمل ايه كده كده هانشتري
نفسي البنزين سعروا يقل عشان الافيو معايا حريقه بنزين و بملاها ب 73 جنيه كل شهر و ساعات بزود كمان حسب المشاوير
يالا ربنا يستر

73 جنيه كل شهر ! يعني انت مش بتتحرك بيها خالص انا بأه ممكن املي ب 500 جنيه كل شهر تخيل بأه لو غلي يبقي وضعي ايه . مشكله الصراحه ده غير الصيانات الدوريه في التوكيل .. كل ده والعربيه لسه زيرو يعتبر . الواحد بيفكر يركنها ويركب تاكسات احسن خصوصا في زحمة الصيف والسيرك اليومي بتاع الشوارع وضغط الأعصاب ده ومفيش ركنات وده غير المخالفات حضرتك ! اللي مش عاوز اكشف عليها في النت لسه ! ربنا مع الجميع ....














.

[zidaneelwaly]

لا ما باتحركشي كتير يدوبك ال 400 كيلو و خلاص
اكيد يا زكي انتا بتستعملها في شغلك عشان كده بتفتح معاك

[نور العمر]

صعب يغلى
لإن برميل البترول رخص
ورغم من هذا اسعار البنزين والوقود زي ما هي ما نزلتش في مصر
فصعب يغلو دلوقتي على الاقل ... السهل انهم ما يرخصوش

وربنا يستر

[M.almaghraby]

تقريبا اسماعيلية مافيهاش بنزين 92 خالص الفترة دي

[samirayad]

تقريبا اسماعيلية مافيهاش بنزين 92 خالص الفترة دي

البنزينه بتاعة شيل ......اللى فى آخر شارع شبين ( قبل مجمع المحاكم ) فيها 92 بصفه دوريه

[n_light]

انا ليا وجهة نظر في الموضوع ممكن تكون صح او غلط

هما هيشيلوا الجمارك والضرايب اللي علي العربيات

وقصاد كده يشيل الدعم اللي علي البنزين

ويقول ان ده الطبيعي عشان هو كده في جزء من الدخل بتاعه راح فيعوضه بشيل الدعم

نفس المنطق اللي بيحاولوا يعملوه في رغيف العيش

بس هو مش فاهم ان سعر البنزين مؤثر في اسعار كل حاجة يعني لو البنزين زاد هتلاقي الدنيا ولعت في اسعار كل حاجة عشان مصاريف النقل وغيره :K_crying[1]::K_crying[1]:

وانا بادعي ان يكون الخبر مش صحيح طبعا للسبب ده بالذات

وده طبعا منتهي عدم الذكاء (بلاش كلمة تانية) المعتاد منهم في التفكير وربنا يستر

وطبعا زي العادة احنا مش في ايدنا حاجة غير اننا ندعي وبس انه ما يحصلش او ممكن نعمل حاجة تانية وهي


هو يا رب مش كفاية الحر اللي احنا فيه

[homme49]

لو شفت يا عمر المنظر ألي انا شوفته و الناس واقفه طوابير اولا البنزينه جمب التوحيد و النور ألي في سفير
و التانيه موبيل في شيراتون قريبه من مرور الشيراتون و استنيت ربع ساعه لغايت ما مونت
انا بقالي سنه بخش البنزيمه و اخيرها عربيتين ادامي مش عشره و لما عديت علي بنزيمه تانيه لقيت نفس الزحمه
علي العموم بكره نعد جمب الحيطه و نسمع الزيطه

مصر للبترول الموجودة فى سفير دائما زحمة لسببين
أولا أنها تبيع بنزين 80
ثانيا : أن بها منفذ لبيع غاز السيارات

[homme49]

فين أيام السبعينات حيث كان لتر البنزين لا يتعدى ثلاثة عشر قرشا

[M.almaghraby]

استاذ سمير عياد انا لسه راجع من هناك من ساعة ونص كدا و مفيش

[AHMED900]

المفروض يرفعوا سعر البنزين 95 بس ويوصلوه انشالله لأربعة جنيه

لكن ما يرفعوش ال 92 ،، الناس اللي راكبه بي ام ومرسيدس يستحملوا

لكن احنا غلابه ،،،

الحكومة عندها عجز في الموازنة وبتعوضه من جيبنا في حين انهم صرفوا على زيارة احمد نظيف للمنوفيه 1.3 مليون جنيه

حاجه تشششششششششششل

[Samir Elshahawy]

طيب ماهو يوم الخميس كنت راجع من السويس و البنزين اللي في العربية كان قرب يخلص و روحت أمون من المحطة اللي جنبي (موبيل الرحاب) لاقيت طوابير العربيات واقفة فمشيت و روحت و النهاردة نزلت لاقيت المحطة رايقة دخلت و فولت براحتي و لا البنزين زاد و لا حاجة

[samirayad]

استاذ سمير عياد انا لسه راجع من هناك من ساعة ونص كدا و مفيش

أنا لسه مفول من يومين بالضبط .....وساعة ماروحت هناك لقيت العربيه بتفضى البنزين فى التنك .......عملت جوله بسيطه كده بالعربيه ورجعت تانى وفولت .....فاحتمال يكون التنك فضى ....ومنتظرين العربيه مثلا وقت ذهابك اليهم .........وأكيد حضرتك لو رحت دلوقتى مثلا أو الصبح حتلاقى ال92 (لأن البنزينه دى فعلا ممتازه .......وسمعتها طيبه جدا ) وبأستمرار ال92 موجود ......وأن شاء الله تلاقيه موجود أما تروح تانى ..............

[M.almaghraby]

thanx MR.samir

i always refuel from there

[samirayad]

best wishes for you