هل تسطيع شراء سيارة صيني ومواجهة الناس؟

[DELL]

كثيرا ممن يقتني السيارة الصيني يقف دائما في صف المدافع عن السيارة الصيني اما الناس المشككين في جودة الصناعة الصيني في السيارات وطبعا هو يدافع لانة اصبح من ملاك السيارة فهل تستطيع انت ان تشتري سيارة صيني وتواجة انتقادات الناس وان كنت من ملاك السيارة الصيني فكيف واجهت انتقاد الناس لك؟؟؟

[Hosam_Optrawy]

اه ممكن أشترى

وأعتقد ان العربيه الوحيده اللى ممكن اشتريها هى التيجو

لأن ملهاش بديل فى الفئه بتاعتها

التريوس ضعف تمنها تقريبا

اما باقى العربيات فليها بدايل

[mramzy]

انا نفذت بالفعل
والحمدلله بعد صلاه استخاره اكثر من مرة
والحمدلله
وربنا يبارك فيها
وعموما انا من هواه التغيير يعنى محبش العربية تطول وقلوت اخوض التجربه بحلوها وبمرها

[Amrrr]

لو اضطريت هشتريها وابقى عارف اني راكب صيني
مش هطلب أداء الألماني او الياباني او حتى الكوري
ومش هطلب جودة التقفيل والخامات
هتقبل لو ظهر لي فيها عيوب صناعة
ايه اللي يخليني اضطر اركب عربية صيني غير الظروف المادية ؟؟؟؟ أكيد يعني مش عن اقتناع
وبرضة هدور على اي بديل يكون ليه سمعة كويسة كوري او حتى هندي والهندي جامد مش وحش - مثلا مثلا الآتوس والآي 10 زي الفل انا معايا آتوس (هندي) ومافيهاش مشاكل وساعة ماكنت بشتري من سنتين بالظبط كان في الاسبيرانزا الـ 1600 مش عارف اسمها ايه وكانت تقريبا نفس سعر عربيتي أو أغلى حاجة بسيطة بكل الأوبشن اللي فيها وطبعا أوسع وبشنطة وكل المميزات والناس كانت بتزن ايه العصفورة اللي هتركبها هات حاجة بشنطة وألف وستمية سي سي وكماليات طبعا الناس كلها عارفاها والآتوس 1100 وخفيفة صغيرة ومن غير شنطة وبالسعر دا تكييف وباور
وجبت الآتوس برضة بصراحة عشان تبع هيونداي والحمد لله مافيش مشاكل حصلت تخليني اندم او اغير تفكيري ولو الوقت رجع تاني ونفس الظروف هجيب الآتوس برضة وبعد الشكاوي من اسبيرانزا وتوكيلها الحمد لله على كل حال لكن ماجيبشي صيني لأ
على فكرة بحس ان في عربيات صيني من شكلها بيبان انها كويسة بس بتبقى غالية وقريبة في سعرها من كوري وساعات ياباني كمان وفي الحالة دي برضة اعتقد البديل الكوري والياباني انظف على الأقل مضمون

[Imhotep]

سيبك من كلام الناس اللى عمره ما هيخلص حتى لو جبت افخم عربية فى الدنيا..... و راجع الحوارات اللى كانت هنا فى المنتدى فى الفترة الماضية التى ضاع فيها الكثير من الجهد الذى ادى الى مشاحنات بلا طائل..... القضيى الحقيقية هى قضية الاعتمادية و الجودة وهى عوامل ماتزال فى غير صالح الصينى..... هذه هى المشاكل الحقيقية فى رأيى...... لكنى ارى ايضا ان الصينيين ناس جد و عايزة تشتغل و تبيع و تكتسح زى ما عملوا فى باقى السلع..... و بالتالى هم على الطريق لتظبيط المشاكل المتعلقة بهذه القضايا و فى غضون مالا يزيد عن 5 سنوات سيحسمونها لصالحهم، كما قام بذلك اليابانيون فى الماضى الذين بدأوا بالتقليد و النتهوا بالابتكار حتى اصبحت منتجاتهم علامة للجودة المضمونة......

[احمدعبدالعزيز]

انا بصراحه معنديش الشجاعه انى اشترى عربيه صينى .......

[Samir Elshahawy]

هي جت علي قد الصيني , ده فيه "هندي" دلوقتي , هاتقول عليها ايه ؟؟

[som3aa]

أنا دلوقتى بنى ادم ربنا ادانى عقل
ليه اشترى عربية صينى من شركة لسه فاتحة من 10 سنين بالكتير اوى (يعنى معندهاش خبرة فى صناعة السيارات ) من بلد معروفة بانها بلد اصل المنتجات المغشوشة لو مشترتش ماركة يعنى انا مثلا اشترى موبايل نوكيا صينى و انا مطمن 100% بس مشتريش عربية مجهولة المصدر اسمها نوبل الكتكوتة و لا panda و لا اى هبل صينى , ليه؟ علشان انا بشترى الموبايل بضمان الشركة الام نوكيا انا هنا بشترى عربية على الاقل هتدفع فيها 50000 جنيه و ممكن تخسر نصهم او اكتر لو طلعت مقلب , يعنى اكنك خدت 25000 جنيه لو روحت لعبت بيهم قمار فى رايى .

علشان شوية لعب اطفال و dvd و parking sensors و فرش جلد مضروب اضحى بجودة تصنيع العربية و اشترى عربية ممكن تقرفنى فى عيشتى و تقف كل شوية او تحتاج تروح التوكيل اللى فى ابو رواش كل شوية يصلحوا عيب من العيوب , بلاش و دى اهم نقطة انا جازفت غيرى مش هيجازف , العربيات الصينى ملهاش اعادة بيع اساسا و حتى اللى ليها وكيل قوى زى اسبرانزا بتنزل 40% او اكتر فى خلال سنة و نص مثلا (مثال الA620 ) دا غير ان بيعها صعب اوى و تقيل مش سهل , طيب ازاى العربية الصينى ارخص من غيرها ؟؟ بالعقل و المنطق مستحيل الا بجودة اقل.
البريليانس الجالينا بشوف فى الوسيط اعلانات عن موديل 2007-2008 فى حدود 95 الف مع ان العربية سعرها لاقل فئة 140 الف يعنى خسارة 45 الف فى سنة او سنتين!!!


بعدين اتحدى اى عربية صينى ملهاش بديل فى نفس الفئة السعربية بتاعتها , يعنى معاك 50 الف اشترى سبارك اتوس , 55 اشترى بيكانتو فاضية خالص او سيلاريو او لوجان فاضية , 62 فرنا و لا لوجان , 66 لانوس و لا فرنا و لا لوجان ,75 اكسنت ,85 ياريس فاضية و لا سيريون و لا اكسنت , 90-95 لانسر و لا النترا و لا ياريس كاملة و كدا و كل ما تزود اختياراتك تزيد , يعنى انا مش فاهم مين بيدفع 140-170 الف فى بريليانس!!!!!
ايه اللى حصل للناس مش فاهم
انا معايا 100 الف ليه مشتريش مش هقول النترا و لا سيراتو علشان حبايبنا بتوع الكورى , هقول لانسر , ليه اشترى الA620 اللى ب 100 الف؟؟؟ علشان كبيرة شوية؟؟ علشان فيها لعب اطفال زى فتحة سقف و DVD و ستارة خلفية و كلام كدا؟؟

انا شايف اللى يشترى الصينى هو حر بس 1-ميحاولش يقنع الناس بيها 2- يكون صريح و امييين جداااا لان دى شهادة منه ممكن يدبس حد فيها 3-مش من حقه خالص يشتكى بعد كدا و فى رايى مش مفروض يبقى له الحق يكلم جهاز حماية المستهلك لانه اساسا من الاول هو عارف بيشترى ايه

[akmal_hamdi]

لا استطيع ان افعلها

[DELL]

شكرا لكم علي الرد

[alisleman]

انا شايف الناس اللى اشترتها بتطلتم منها اروح اجبها فين العقل طبعا مستحيل

[egyptianmafia]

أنا دلوقتى بنى ادم ربنا ادانى عقل
ليه اشترى عربية صينى من شركة لسه فاتحة من 10 سنين بالكتير اوى (يعنى معندهاش خبرة فى صناعة السيارات ) من بلد معروفة بانها بلد اصل المنتجات المغشوشة لو مشترتش ماركة يعنى انا مثلا اشترى موبايل نوكيا صينى و انا مطمن 100% بس مشتريش عربية مجهولة المصدر اسمها نوبل الكتكوتة و لا panda و لا اى هبل صينى , ليه؟ علشان انا بشترى الموبايل بضمان الشركة الام نوكيا انا هنا بشترى عربية على الاقل هتدفع فيها 50000 جنيه و ممكن تخسر نصهم او اكتر لو طلعت مقلب , يعنى اكنك خدت 25000 جنيه لو روحت لعبت بيهم قمار فى رايى .

علشان شوية لعب اطفال و dvd و parking sensors و فرش جلد مضروب اضحى بجودة تصنيع العربية و اشترى عربية ممكن تقرفنى فى عيشتى و تقف كل شوية او تحتاج تروح التوكيل اللى فى ابو رواش كل شوية يصلحوا عيب من العيوب , بلاش و دى اهم نقطة انا جازفت غيرى مش هيجازف , العربيات الصينى ملهاش اعادة بيع اساسا و حتى اللى ليها وكيل قوى زى اسبرانزا بتنزل 40% او اكتر فى خلال سنة و نص مثلا (مثال الA620 ) دا غير ان بيعها صعب اوى و تقيل مش سهل , طيب ازاى العربية الصينى ارخص من غيرها ؟؟ بالعقل و المنطق مستحيل الا بجودة اقل.
البريليانس الجالينا بشوف فى الوسيط اعلانات عن موديل 2007-2008 فى حدود 95 الف مع ان العربية سعرها لاقل فئة 140 الف يعنى خسارة 45 الف فى سنة او سنتين!!!


بعدين اتحدى اى عربية صينى ملهاش بديل فى نفس الفئة السعربية بتاعتها , يعنى معاك 50 الف اشترى سبارك اتوس , 55 اشترى بيكانتو فاضية خالص او سيلاريو او لوجان فاضية , 62 فرنا و لا لوجان , 66 لانوس و لا فرنا و لا لوجان ,75 اكسنت ,85 ياريس فاضية و لا سيريون و لا اكسنت , 90-95 لانسر و لا النترا و لا ياريس كاملة و كدا و كل ما تزود اختياراتك تزيد , يعنى انا مش فاهم مين بيدفع 140-170 الف فى بريليانس!!!!!
ايه اللى حصل للناس مش فاهم
انا معايا 100 الف ليه مشتريش مش هقول النترا و لا سيراتو علشان حبايبنا بتوع الكورى , هقول لانسر , ليه اشترى الA620 اللى ب 100 الف؟؟؟ علشان كبيرة شوية؟؟ علشان فيها لعب اطفال زى فتحة سقف و DVD و ستارة خلفية و كلام كدا؟؟

انا شايف اللى يشترى الصينى هو حر بس 1-ميحاولش يقنع الناس بيها 2- يكون صريح و امييين جداااا لان دى شهادة منه ممكن يدبس حد فيها 3-مش من حقه خالص يشتكى بعد كدا و فى رايى مش مفروض يبقى له الحق يكلم جهاز حماية المستهلك لانه اساسا من الاول هو عارف بيشترى ايه

+1111111111111111111111111111111111111111111111111 1111111111111111111111111111

100/100

actually 10000000000000000/1000000000000000

[abzoabzo]

يادى الخيبة مبقاش ناقص اللى الصينى كمان

الحمد لله على نعمة الكورى

[ahmedsamir79]

بغض النظر عن السيارات الصيني في حد ذاتها

أنا لو أشتريت عربيه صيني أنا مش محتاج أكون في مواجه مع حد لأنه ده قراري بفلوسي يعني محدش له حاجه عندي

[EslaM_NagY]

النهادرة لا

ممكن كمان 10 15 سنة افكر تكون ساعتها بقت كويسة