هل تسطيع شراء سيارة صيني ومواجهة الناس؟

[DELL]

انت يا اورجنال عممت الموضوع مع ان فيها سيارات يعرها ممتاز بالنسبة للفئة بتاعتها زي التيجو ال 1600 مثلا

[original]

لأ أى حاجة صينى مش معمرة وبلاش نضحك على نفسنا..
العربية بتبأ يابانى أو ألمانى وبتبأا ماشيه بالعافية يعنى مش ناقصة تبأا صينى كمان..

[Samah AbdAllah]

انا مش مقتنعة بصناعتهم اصلا ولا عربيتهم عاجبانى شكلا حتى فازاى هشتريها
لكن لو فى حد مقتنع وعاجباه يشترى

[deyaaeldeen]

أنا معكم في أن الصيني ما زال في بداية المشوار ومن يشترية لابد أن يكون مستعد لبعض التضحيات , ولكن علي سبيل المثال دعونا نقارن بين السمارت الألماني بدون اي دعم فني بمصر وتقليدها النوبل الكتكوتة الرائعة التصميم والأداء , وأظن لا يوجد مثيلتها في اي موديل آخر !!!!!!

[ahmedbasto]

أنا دلوقتى بنى ادم ربنا ادانى عقل
ليه اشترى عربية صينى من شركة لسه فاتحة من 10 سنين بالكتير اوى (يعنى معندهاش خبرة فى صناعة السيارات ) من بلد معروفة بانها بلد اصل المنتجات المغشوشة لو مشترتش ماركة يعنى انا مثلا اشترى موبايل نوكيا صينى و انا مطمن 100% بس مشتريش عربية مجهولة المصدر اسمها نوبل الكتكوتة و لا panda و لا اى هبل صينى , ليه؟ علشان انا بشترى الموبايل بضمان الشركة الام نوكيا انا هنا بشترى عربية على الاقل هتدفع فيها 50000 جنيه و ممكن تخسر نصهم او اكتر لو طلعت مقلب , يعنى اكنك خدت 25000 جنيه لو روحت لعبت بيهم قمار فى رايى .

علشان شوية لعب اطفال و dvd و parking sensors و فرش جلد مضروب اضحى بجودة تصنيع العربية و اشترى عربية ممكن تقرفنى فى عيشتى و تقف كل شوية او تحتاج تروح التوكيل اللى فى ابو رواش كل شوية يصلحوا عيب من العيوب , بلاش و دى اهم نقطة انا جازفت غيرى مش هيجازف , العربيات الصينى ملهاش اعادة بيع اساسا و حتى اللى ليها وكيل قوى زى اسبرانزا بتنزل 40% او اكتر فى خلال سنة و نص مثلا (مثال الa620 ) دا غير ان بيعها صعب اوى و تقيل مش سهل , طيب ازاى العربية الصينى ارخص من غيرها ؟؟ بالعقل و المنطق مستحيل الا بجودة اقل.
البريليانس الجالينا بشوف فى الوسيط اعلانات عن موديل 2007-2008 فى حدود 95 الف مع ان العربية سعرها لاقل فئة 140 الف يعنى خسارة 45 الف فى سنة او سنتين!!!


بعدين اتحدى اى عربية صينى ملهاش بديل فى نفس الفئة السعربية بتاعتها , يعنى معاك 50 الف اشترى سبارك اتوس , 55 اشترى بيكانتو فاضية خالص او سيلاريو او لوجان فاضية , 62 فرنا و لا لوجان , 66 لانوس و لا فرنا و لا لوجان ,75 اكسنت ,85 ياريس فاضية و لا سيريون و لا اكسنت , 90-95 لانسر و لا النترا و لا ياريس كاملة و كدا و كل ما تزود اختياراتك تزيد , يعنى انا مش فاهم مين بيدفع 140-170 الف فى بريليانس!!!!!
ايه اللى حصل للناس مش فاهم
انا معايا 100 الف ليه مشتريش مش هقول النترا و لا سيراتو علشان حبايبنا بتوع الكورى , هقول لانسر , ليه اشترى الa620 اللى ب 100 الف؟؟؟ علشان كبيرة شوية؟؟ علشان فيها لعب اطفال زى فتحة سقف و dvd و ستارة خلفية و كلام كدا؟؟

انا شايف اللى يشترى الصينى هو حر بس 1-ميحاولش يقنع الناس بيها 2- يكون صريح و امييين جداااا لان دى شهادة منه ممكن يدبس حد فيها 3-مش من حقه خالص يشتكى بعد كدا و فى رايى مش مفروض يبقى له الحق يكلم جهاز حماية المستهلك لانه اساسا من الاول هو عارف بيشترى ايه

+11111111

[Ralliart]

أنا معكم في أن الصيني ما زال في بداية المشوار ومن يشترية لابد أن يكون مستعد لبعض التضحيات , ولكن علي سبيل المثال دعونا نقارن بين السمارت الألماني بدون اي دعم فني بمصر وتقليدها النوبل الكتكوتة الرائعة التصميم والأداء , وأظن لا يوجد مثيلتها في اي موديل آخر !!!!!!

حتى لو وصلت التضحيات لحياتك!!!!!!!!!!!!
معلش انا شفت اسبيرانزا 113 عامله حادثه وكل اللي فيها ماتو وكانت ماشيه في حدود ال90
مفتكرش انهم كانو هيموتو لو كانو راكبين اي عربيه تانيه والاعمار بيد الله بس لازم آخد بالاسباب والاسباب بتقول ان الامان = 0 وخلص الكلام

وانا مش ضد الصيني بس يعملولي عربيه بامان عالي وموتور كويس وشكل مقبول بسعر كويس وانا اشتريها لكن مش ادور على باقي الحاجات وانفض للامان اللي هو المفروض يكون الاساس !!

[esam_comm]

أنا دلوقتى بنى ادم ربنا ادانى عقل
ليه اشترى عربية صينى من شركة لسه فاتحة من 10 سنين بالكتير اوى (يعنى معندهاش خبرة فى صناعة السيارات ) من بلد معروفة بانها بلد اصل المنتجات المغشوشة لو مشترتش ماركة يعنى انا مثلا اشترى موبايل نوكيا صينى و انا مطمن 100% بس مشتريش عربية مجهولة المصدر اسمها نوبل الكتكوتة و لا panda و لا اى هبل صينى , ليه؟ علشان انا بشترى الموبايل بضمان الشركة الام نوكيا انا هنا بشترى عربية على الاقل هتدفع فيها 50000 جنيه و ممكن تخسر نصهم او اكتر لو طلعت مقلب , يعنى اكنك خدت 25000 جنيه لو روحت لعبت بيهم قمار فى رايى .

علشان شوية لعب اطفال و dvd و parking sensors و فرش جلد مضروب اضحى بجودة تصنيع العربية و اشترى عربية ممكن تقرفنى فى عيشتى و تقف كل شوية او تحتاج تروح التوكيل اللى فى ابو رواش كل شوية يصلحوا عيب من العيوب , بلاش و دى اهم نقطة انا جازفت غيرى مش هيجازف , العربيات الصينى ملهاش اعادة بيع اساسا و حتى اللى ليها وكيل قوى زى اسبرانزا بتنزل 40% او اكتر فى خلال سنة و نص مثلا (مثال الA620 ) دا غير ان بيعها صعب اوى و تقيل مش سهل , طيب ازاى العربية الصينى ارخص من غيرها ؟؟ بالعقل و المنطق مستحيل الا بجودة اقل.
البريليانس الجالينا بشوف فى الوسيط اعلانات عن موديل 2007-2008 فى حدود 95 الف مع ان العربية سعرها لاقل فئة 140 الف يعنى خسارة 45 الف فى سنة او سنتين!!!


بعدين اتحدى اى عربية صينى ملهاش بديل فى نفس الفئة السعربية بتاعتها , يعنى معاك 50 الف اشترى سبارك اتوس , 55 اشترى بيكانتو فاضية خالص او سيلاريو او لوجان فاضية , 62 فرنا و لا لوجان , 66 لانوس و لا فرنا و لا لوجان ,75 اكسنت ,85 ياريس فاضية و لا سيريون و لا اكسنت , 90-95 لانسر و لا النترا و لا ياريس كاملة و كدا و كل ما تزود اختياراتك تزيد , يعنى انا مش فاهم مين بيدفع 140-170 الف فى بريليانس!!!!!
ايه اللى حصل للناس مش فاهم
انا معايا 100 الف ليه مشتريش مش هقول النترا و لا سيراتو علشان حبايبنا بتوع الكورى , هقول لانسر , ليه اشترى الA620 اللى ب 100 الف؟؟؟ علشان كبيرة شوية؟؟ علشان فيها لعب اطفال زى فتحة سقف و DVD و ستارة خلفية و كلام كدا؟؟

انا شايف اللى يشترى الصينى هو حر بس 1-ميحاولش يقنع الناس بيها 2- يكون صريح و امييين جداااا لان دى شهادة منه ممكن يدبس حد فيها 3-مش من حقه خالص يشتكى بعد كدا و فى رايى مش مفروض يبقى له الحق يكلم جهاز حماية المستهلك لانه اساسا من الاول هو عارف بيشترى ايه

++++++++++++++1

[dode2002]

انا بصراحه معنديش الشجاعه انى اشترى عربيه صينى .......

11111111111111111111111

[د.محمود صلاح]

تجربتي مع الصيني سيئة وخسارة 21 الف جنيه في سنة و4 شهور والحمد لله اني عرفت ابيعها

[تامر.محمد]

هممممممم
و الله هي العربية الصيني للي عايز امكانيات عالية بسعر رخيص , هو عارف بيشتري ايه , مش مفترض حد يقول له قرارك غلط , بس هو كمان مش مفترض انه يقول ان عربيته احسن من العربيات الكوري و الياباني و الاوروبي اللي في نفس رينج السعر

اما عن المواجهة , فدي مش مشكلة
ليا زميل (ياااااااااااااا رب يشوف الكلام ده ) كان راكب جولييت موديل 2000 و كان بيشكر فيها و اكتر من واحد - انا منهم - جابوا جولييت و لانوس بناء على نصايحه
بعدها باعها و جاب سبيرانزا 516 موديل 2006 , و من ساعتها و هو مش بيطيق يسمع سيرة اللانوس :)))) و دايما بيقول ان السبيرانزا برقبتها

[M.Osman]

+11111111

++++++++++++++1

+1

[darehawk]

لا استطيع ان افعلها

[hugan]

لا تعليق السوق المصري مليان عربيات اسؤ من الصيني بكيلو مترات وماحدش اتكلم وراضيين علشان الاسم والعلامه

[fellacd]

المشكلة مش فى رداءة المنتج الصينى فقط .. لأن الصين بتصنع حاجات بتنافس بيها فى قلب أوروبا وأمريكا
لكن المشكلة الأكبر فى المستورد المصر اللى بيدور على أرخص حاجة فى الصين ويجيبها ويبيعها بأضعاف أضعاف تمنها
واللى عنده فكرة عن الاستيراد من الصين يعرف كويس جدا معنى الكلام ده
لأن المصنع الصينى معندوش أى مشكلة إنه يعملك منتج بأى سعر
يعنى مثلا لو بتستورد تليفون محمول صينى تلاقى المصنع بيقولك إن المحمول ده ممكن نصنعهولك ب 10ج وبـ 20ج وبـ 30 ج وبـ 50ج وهو هو نفس الشكل والماركة مع اختلاف الخامات والجودة
طبعا المستورد المصرى ودى للأسف بقت حاجة معروفة فى الصين وفى سمسارة وأماكن تصنيع مخصوصة للمصرين واللى زيهم - المستورد المصرى بيختار أسوء خامة وأرخص سعر علشان يكسب هنا ملايين الملايين ولا يضع اعتبار لأمانة ولا سلامة ولا جودة ولا يحزنون
وطبعا مع غياب الرقابة وانهيار القيم والأخلاق والفساد المنتشر فى البلد كله بيعدى وفى داهية المواطن
يعنى أنا أظن إن الـ m11 أم 74ألف لا تساوى 25ألف جنيها فى مكانها فى الصين ... وهكذا

[ahmad--ezzat]

مقدرش اشترى عربيه صينى...هحس انى دفعت فلوسى فى اى كلام...دة غير عزاب الضمير والماركه قدامى على الدركسيون