هل تسطيع شراء سيارة صيني ومواجهة الناس؟

[human]

لا - انا بخاف اركب عربيه معموله فى الصين

[egyptianmafia]

for me Safety is #1

and then Safety is # 2

and then Safety is #3

and then everything comes after that

[amrico]

افتكر انك روحك جواها انت وعيلتك وبتخاطر بنفسك جوا عربية عمرها ماهتوصل لأي معايير امان معترف بيها
اللي بيشتري صيني بيرمي بنفسه في التهلكة بس اللي بيغيظ الناس اللي بتقاوح عشان يثبتوا انهم صح وقرارهم كان سليم
ربنا يهدي

[M.Osman]

لأ .. بصراحة مقدرش
حتى العربية الوحيدة الصيني اللي عجباني جداً و هي البريليانس FRV ليها بديل هينزل قريب الـi20 و ان مكنش يبقى اكسنت او ريو..
...

for me Safety is #1

and then Safety is # 2

and then Safety is #3

and then everything comes after that

خلى بالك .... معنى ان موضوع الأمان دا عندك مهم كدا يبقى المفروض متسوقش في مصر ابداً لأن بصراحة مفيش طريق في مصر عليه امان
:( أنا زهقت

[Dr Zezo]

بغض النظر عن رأيي في شراء سيارة صينية

لفت انتباهي كلمة


مواجهة الناس

[Hegazio]

و أواجه الناس علي إيه ؟؟ !!
الغاوي ينقط بطاقيته
الصيني لمن لم يشتريه كأنه قتل له قتيل
انا أرجع و أقول كلمة واحدة Cost Effectiveness
للي مش فاهم .. يعني باشتري إيه بكام
ماحدش يقول علي بي إم دبليو وحشة بس لا يمكن اشتري ال 116 و أسيب الجولف و هما نفس السعر مع فرق كبير في الإمكانيات
عشان كده لما أشتري صيني بنفس إمكانيات غيرها بفرق سعر 40 % بأحس إن انا المنتصر !
غير كده لا يمكن أجيب صيني لو بنفس تمن الكوري
ولا كوري بنفس تمن الياباني
و لا ياباني بنفس تمن الأوربي
عشان كدي ممكن أجيب التيــجـو و هي أرخص من الياباني ب 50000 ألف جنيه و إمكانيات أحسن

[badblood]

مش هقدر اقنع نفسي اصلا

[جمال]

انا دخلت هذا الموضوع كذا مرة وحاولت الا اشترك فيه لكن
بصراحة انا مش عارف ايه الغرض من الموضوع ؟
يعنى ايه تواجه الناس ؟ هو انا لما اشتريت صينى عملت جرسة و لا نهبت حد علشان اخاف اواجه الناس ؟؟
هل صاحب الموضوع له تجربة شخصية مع الصينى مزعلاه , لو كده يعرضها بصراحة و بدون تعميم على كل الصينى
الصينى ( زى الكورى و اليابانى و حتى الاوروبى ) فيه ماركات كويسة و ماركات وحشة
حكاية الكراش تست ده اتعمل فى اوروبا للحد من الغزو الصينى لصناعة السيارات
هل كل الكراش تست لكل السيارات كويس عدا الصينى ؟؟ لا اظن
حد شاف كراش تست للسيارات المجمعة فى مصر و مالية البلد ؟؟
اخاف ان المواضيع اللى زى هذا الموضوع تكون لمجرة التريقة من السيارات الصينى و مستعمليها بدون اى حق او تجربة عملية
الاهم من ذلك مانقدرش نعمم على كل العربيات الصينى ويكون الكلام مفتوح ( العربيات الصينى ) و خلاص لان الصينى فيه ماركات كتير فيها الكويس و فيها الوحش
وبعدين الموضوع ده مكانة قسم السيارات الصينية ليه موجود على العام ؟؟

[hossam_elwani]

فى حاجة بالمبلغ ده لا طبعا

[ابوهاشم]

مهما كان ثمنها مش هشتريها واشترى ماركه محترمه
استعمال بنفس السعر

[mekano]

معايا فلوس معينة + مقارن +مستريح نفسيا + خلاص اخترت و جيبت
= محدش لية حاجة عندي
و الي معاة فلوس ينام بيها علي الجنب الي مريحة
بس عندي سوال يعني اة اواجهة الناس هو انا سارقها

[himatros]

لالالالالالالالالالالالالالالالالالالا
انا قلبي خفيف مووووووووت مقدرش اعملها والله لو على جثتي

[DELL]

يا جماعة اعذروني انا اقصد تريقة بعض الناس الي فاكرة ان العربية الصيني دي لعبة مش عربية ويقعد يقولك علي غيوب هي مش موجودة فيها اصلا واخر حاجة يقولك كفاية انها صيني و ابقي شوف العربية دي هتعمل اية بعد 5 سنين وانا معنديش مشكلة مع عربية ولا حاجة انا معاية عربية ياباني بس انا شوفت الناس مثلا مبهدلة العربية الاسبرانزا ولما شوفت منها الموديل a113 مع الاستعمال الشاق امامي ممتازة وعربية كويسة جدا وسعرها تحفة بالامكانيات دي ولما اقول لحد كدة يقول كفاية انها صيني فاقصد بقي عندك احتمال للجدال حول العربيات الصيني الدائر بين الناس الان

[DELL]

وبعدين يا باشا دة موضوع عام مطروح للنقاش انا مش بسالك اية رايك في العربية الصيني عشان تقول نخلية في الصيني وبعدين انتو بتقولو الصيني يفرق عن الصيني انا بسال عن راي المجتمع في السيارات الصيني مش عن تقييم الوكيل

[original]

لو العربية بتتباع بسعرها الحقيقيى اللى هوا ببلاش هواجه الناس طبعا لكن خسارة فيها السعر الحالى وخصوصا إن مافيهاش حاجة معمرة..