إستفتاء : بتاكل اللي يعجبك و بتركب اللي يعجب الناس ؟؟

[El Prince]

متفق معاك في الجزئية الاولانية والتانية كمان لكن في تغيير بسيط و هو ان اللي بيختار عربية عاجباه مش شرط ان تكون امكانياته كبيرة
في عربيات كتير رخيصة ومش منتشرة
يعني عندك GEN 2عربية روعة و في رأيي تنافس عربيات في فئة سعرية اعلى منها زي الاسترا والميجان هاتش باك لكن برضه مش منتشرة للمبدأ اللي حضرتك ذكرته ان الناس بتخاف تضحي بتحويشة العمر في عربية مش منتشرة
يعني التميز محتاج شوية جرأة وكتير من ستر ربنا عشان ما ترجعش تندم و تقول يا ريتني كنت ماشي مع التيار

هوه ده الكلاااام من الاخر

[MohabSaeed]

اكل الى يعجبنى و اركب العربيه الى تعجبنى ...... هو حد شريكى !!

[Hassanelrafe]

لا اشتري اللي يعجبيني طبعا

أنا عن نفسي اشتري اللي يعجبني طالما العربيه هاتفضل معايا كام سنه
( اكتر عربيه عمرت معايا 3 سنين )
انما لو هاتشتري عربيه فتره مؤقته تشتري عربيه سهله البيع - و ده حسب ظروفك الخاصه

أخوكم حسن الرافعي

[aif]

اكل اللي يعجبني
والبس اللي يعجبني
واركب العربية اللي تعجبني
واعمل اللي يعجبني
علي رأي شعبولا
احب اعمل كده ... واحب اعمل كدة
انا سايب نفسي خالص.... ما فيش احسن من كدة

[kingnoro]

اكيد اركب اللي يعجبني
لان العربيات زي كل حاجة ازواق
فممكن تروح تجيب عربية عجبة الناس و بعد كدة يطلعلك شوية ناس يقولوا لك اية العربية التعبانة دة
يبئى لا جبت اللي عجبك و لا اللي عاجب الناس

[Noha.M]

انا المفروض كنت اركب اللى يعجبنى بس ركبت اللى يعجب خطيبي و بجد بضرب نفسي

مليووووون SHOES !!! لان مكنتش عارفة ان اللون الاسود هيطلع عيني فى

النضافة كدة و انا كل يوم الوسواس القهرى عمال يزيد كل ما اشوف العربية :(



ادعولى اخف يا جماعة من الجناان دة!!!

[limo]

انا الوالد ماشى بانه يجيب الى يعجبه وانا ماشى بمبداء انى اركب الى يعجب الناس وبعد كده عدلت عن المبداء ده وبقيب واجيب الى يعجبنى ويعجب الناس
نيجه لكده والدى جاب عربتين اول ما نزلوا علطول بمجرد انهم عجبوه
127 موديل 82 طبعا كانت وقتها لسه نازله ومحدش يعرف عنها حاجه وبعديها بفتره بسيطه جاب 128 مع 127 وكان المفروض يبيع ال127 بس الى حصل العكس باع ال128 لان 127 عجبته اكتر بالرغم من ال128 كانت اكثر انتشار
العربيه التانيه كانت رينو كليو طبعا هوه بيشتريها تقريبا محدش شكر فيها كمان العربيه كانت نادره جدا جدا فى الشارع
لدرجه اننا اول ما روحنا نعمل صيانه فى الاول كانت 3 عربيات فقط همه الى فى التوكيل وطبعا هوه عجباه الكليو جدا دلوقتى

طبعا ميزه الفكر ده انه بجليك مقتنع جدا بالحاجه الى انت راكبها بس ليه ضريبه انه فى عربيه زى الكليو فطع الغيار غاليه بمقارنه العربيه الى كان ممكن يجيبها وكمان اعاده البيع

انا بقى وضعى مختلف شويه .
انا اول عربيه جبتها كانت دايو لانوس مو99 وجبتها مستعمله سنه 2005
الوالد كان عايزنى اجيب حاجه المانى زى البولو الابيزا حاجه كده بس انا فضلت الانوس علشان قطع الغيار واعاده البيع وكده
بينى وبينكم انا مكنتش مقتنع بالانوس اوى+اى عربيه مستعمله بتكون فيها مشاكل بيسطه
علشان كده كنت عايز ابيعها اول ما جبتها بشهرين بس اعدت معايا سنتين وبعتها

تانى عربيه كانت الانسر

على فكره انا مكنتش بحب الانسر خالص ومكنتش اتوقع انى اجيبها فى يوم من الايام
بس وانا بشترى كانت هيه ده العربيه الوحيده الى فى السوق الى مناسبه ليه كأنها متفصله على مقاسى .
والحمد لله جبتها وحاسس انها عربيه متوازنه فى حاجات كتير اوى
انا بكده راكب الى يعجبنى ويعجب الناس فى نفس الوقت
راكب عربيه مريحانى فى نفس الوقت حاجتها موجوده فى كل حته ووقت البيع منغير ما اعرضها هلاقى العربيه اتباعت

[BomBom]

ومن وجهة نظري المتواضعة ..... إن كان الشخص بيفكر يشتري عربية ب 20% او 30% بس من إمكانياتة المادية فمش حتفرق معاه نوعها إية ولا الناس بتشوفها إزاي......الهم لا حسد

ولكن واحد بيدفع تحويشة عمرة وكمان بيستلف ويقسط علشان يشتري عربية........ لازم يجري ورا إللي يعجب الناس علشان يلاقي صيانة معقوة وقطعة غيار متوفرة وسعر إعادة بيع مقبول........

100000000000000000+

[aeltokhy]

strange

it is very strange
the men which voted to second notes are begger

but in the street we found the opposite
i am sory the keyboard does not write arabic

[sa3dawy]

انا المفروض كنت اركب اللى يعجبنى بس ركبت اللى يعجب خطيبي و بجد بضرب نفسي

مليووووون SHOES !!! لان مكنتش عارفة ان اللون الاسود هيطلع عيني فى

النضافة كدة و انا كل يوم الوسواس القهرى عمال يزيد كل ما اشوف العربية :(



ادعولى اخف يا جماعة من الجناان دة!!!

هههههههههههههه
حلوة بضرب نفسى مليون shoes دى
..................
................
..................
بالنسبة للموضوع دا
انا اكيد بركب الى على زوقى هما الناس هما الى هيركبواا ولا اية؟؟

[ashraflotfy1]

أنا مع الرأى الثانى أشترى اللى يعجبك لأن أنا اللى حركب مش غيرى و كمان لا يعنينى سعر اعادة البيع بعد كام سنة لأنى سأكون بايع بايع فلن تفرق معى كثيرا الى جانب ان السوق المصرى ليس مقياس لجودة السيارة بدليل ان سيارات محترمة جدا مثل الستروين و الرينو و الساب و الفولفو و الأودى و اللانشيا و الألفا روميو لا يمكن لأى فرد انه يقول انها لا تنتشر فى مصر و ينتشر عنها الشاهين و ال 128 و الفيرنا و الصينى كالاسبيرانزا أو اللانوس و لننظر الى الدول العربية و الأوروبية و الأسيوية بل و حتى الأفريقية لنرى ما هو المنتشر عندهم و ما هو الحال عندنا. الذى أريد قوله اذا حبيت تركب سيارة ادخل على الانترنت و على المواقع المهتمة بالسيارات سواء العربية أو الأجنبية لتعرف كل ما تريده عن السيارة التى ترغب فى شرائها و معرفة رأى الناس فيها طبعا فى مصر و غير مصر لكن ركز على غير مصر لأن المصريين اللى أنا منهم بيمشوا ورا بعضهم بدون تمهل أو دراسة بما ان الهيونداى أو ال 128 أو الشاهين ماشية يبقى أجيبها واللى تعرفه أحسن من اللى ما تعرفهوش مش هى دى الأفكار المصرية. أنا مثلا اشتريت بيجو 305 و سمعتها مش قد كدة و مع ذلك من افضل السيارات التى ركبتها و استمرت معى 8 سنوات و اشتريت أيضا دايو اسبيرو و هى من أروع السيارات التى صنعت فى كوريا كذلك الدايو ريسر كل هذه السيارات ليس لها سمعة قوية فى مصر و سعر اعادة البيع ليس عاليا و مع ذلك أفضل من سيارات أخرى منتشرة فى السوق المصرى و هذا عن تجربة و كله بيتباع فى الاخر بعد شوية وقت و خسارة ألف أو ألفين أو ثلاثة مش حاجة أمام انى أركب اللى على مزاجى

[mrghost]

لاطبعا بجيب اللى تناسبنى بغض النظر عن رأى الناس فيها يعنى انا معايا شاهين ومش ناوى اغيرها حتى لوهيدونى لانسر ببلاش (دى وجهة نظرى ) (طبعا لو هيدونى لانسر هاخدها وبعد كده ابيعها واجيب بالفلوس شاهين ههههههه لانى شايف انها مناسبه ليا جدا بس بصراحه ببقى مكسوف لو ركبت عربيه اقل منها زى الريتمو بتاعه والدى بحس ان الناس كلها بتبص عليا وانا راكبها ؟!!!!!

[Chucky]

و الله يا احمد انا من اكتر الناس اللى بحب اعمل الحاجة اللى على مزاجى و اللى انا مقتنع بيها طلما مش بضر بيها حد

فى موضوع العربية انا من اول الناس اللى كانت مشجعة للامبريزا اول لما نزلت و لما والدى كان ناوى يشترى عربية فى حدود سعرها كنت بقنعه بيها بس للاسف ( والدى من فريق اشترى المنتشر احسن ) و كان وقتها الامبريزا كنت تشوفها فى الشارع ولا اكنها لامبورجينى او فيرارى

و لحد دلوقتى قبل ما اشترى عربيتى كنت بدور على الامبريزا موديل 94 بس للاسف نادرة جدا و صعب انك تلاقيها بسهولة

و انا كنت مستعجل فأشتريت تانى عربية انا بحبها بعد الامبريزا

فالموضوع بالنسبة ليا بيرجع للاقتناع و هل العربية كويسة ولا لاء... سواء بقى منتشرة ولا محدش بيقربلها

[nobody]

طبعا اركب اللي يعجبني

[Osama_soliman]

حقيقى انا مقتنع بحاجة

- كل اللى يعجبك
- البس اللى يعجبك
- اركب للى يعجبك

بس من غير ما تغيظ الناس