إستفتاء : بتاكل اللي يعجبك و بتركب اللي يعجب الناس ؟؟

[ibrahimsaad]

انا مع المثل اللى بيقول على قد لحافك مد رجليك

وبرده كل اللى يعجبك والبس اللى يعجبك واركب اى عربيه تعجبك انت وسيبك من كلام الناس

لان كلام الناس لابيودى ولاياخر

على رأى جورج وسوف

ومافيش حد هيمسحلك دمعتك من الناس

يبقى من الاخر سيبك خالص من كلام الناس واعمل اللى انت مقتنع بيه وفى ضوء امكانياتاك وقدراتك

وعلى فكره هوده اللى بيحصل بره وبيعملوه الغرب

يعنى مثلا تلاقى عالم محترم راكب عجله وماشى بيها عادى

ده لو فى مصر هتلاقى الناس كلها زفته فى الشارع

هو ده الفرق

[شريف]

المنتشر هيريحنى طول العمر و راحة بال مفيش احسن من كدة
لو العربية اللى عجبانى اثبتت وجودها و بقى ليها قطع غيار متوافرة معروف سعرها لية مجبهاش

[islammmm]

يا اشرف باشا انا كنت بسالك قبل كده عن قطع غيار الدايو الاسبيرو لاني عاوز اشتريها وياريت لو حد عنده معلومات اكتر يفيدني؟

[ahmed_bq]

الموضوع بكل بساطه انك لما تفكر تشتري عربية هتدور طبعا وتفكر

ملازم تعمل لنفسك راحه نفسيه في وجود قطع غيار منتشره ورخيصه واي ميكاميكي يشتغل فيها

والحجات دي مش هتلاقيها الا في عربيات عاجبه كل الناس واذا كانو مش بيحبوها فأكيد مش بيكرهوها وده بيسبب انتشارها

انا شايف ان الطبقة المتوسطة زي حلاتنا كده
انسب حاجه ليهم اكثر السيارات انتشارا في الشوارع

128 و 127 و 131 الخ
لانوس و نوبيرا
لانسر
افيو

قطع غيارهم في كل مكان وفيه منها الغالي والرخيص

[Osama_soliman]

انا آكل اللى يعجبنى والبس اللى يعجبنى واركب اللى يعجبنى

مع كامل احترامى للناس

[ahit]

طبعاً الواحد بياكل اللى يعجبو
لكن فى موضوع العربيات فالمسألة نسبية جداً
- ممكن تتوقف على الإمكانيات المادية و بالتالى إختيارات محدودة و مرغمة.
- تجربة مع ماركة معينة تجعل الشخص إما متمسك بأى موديل للماركة أو مبتعد تماماً عن التفكير فيها.
- طبعاً توافر قطع الغيار و التوكيل سبب مهم فى عملية الإختيار.

و أنا عن نفسى بيحكمنى الإمكانيات المادية و إعتمادية السيارة و قدرتها على تلبية مطالبى منها.

[lordnykon]

مش معنى ان العربية منتشرة يبقى هى عربية كويسة .
فيه ناس كتير مش بيعرفوا يختاروا صح فا بيستسهلو و يشتروا اللى اشتراه الناس.
كمان فيه حاجة بتقول ان الفرد ذكى لكن المجموعة أغبياء. بمعنى ان الناس بيمشوا ورا بعض و مش لازم يكون القرار اللى اختاروه يكون صح.

[i_Am_Legend]

انا اكل اللى يعجبنى واركب اللى يعجبنى بردة وانا بشترى ال127 بتاعتى اصحابى كلهم قالولى هات 128 وكمان 4 ابواب انا صممت على ال127 الايطالى وماردتش اجيب 128 ولا فيورا علشان مزروطة فى الشوارع وانا بحب شكل ال127 الايطالى

[sir_servizio]

انا بحب اركب العربيه الي ارتاح ليها مهما كانت

[ashraflotfy1]

يا اشرف باشا انا كنت بسالك قبل كده عن قطع غيار الدايو الاسبيرو لاني عاوز اشتريها وياريت لو حد عنده معلومات اكتر يفيدني؟

اسلام باشا أنا اسف على عدم الرد لأنى مشغول و دى أول مرة أدخل من فترة
سيادتك معظم قطع غيارها زى النوبيرا و الأوبل فكترا و هى موجودة فى الحرفيين عند بتوع الدايو و الأوبل و فى الهرم و بورسعيد منتشرة جدا جدا و كذلك الجديد عند بتوع الدايو و الأوبل عادى
سلاماتى و تحياتى

[islammmm]

طب بالنسبه للصاج والكشفات والفوانيس وكده موجوده برده وعلي فكره انا من طنطا؟

[islammmm]

ياريت تطمني وهل بيع شركة دايو هياثر عليها ولا قطع غيارها انتاج الماني؟

[ashraflotfy1]

ياريت تطمني وهل بيع شركة دايو هياثر عليها ولا قطع غيارها انتاج الماني؟

باشا كل حاجة ليها موجودة فى الاماكن اللى قلت لك عليها و حاجتها كورى و يابانى و تايوانى و صينى و حتلاقى عربيات كاملة فى الحرفيين و بورسعيد و الهرم و على فكرة قطع غيار كتير للاوبترا مشتركة لان الاوبترا هى اصلا النوبيرا الشكل الجديد تحت اسم اوبترا

[abdalla45]

جاتلي فكرة الموضوع ده

من نصيحة أخونا الكبير ، المشرف العام ،، م/ سبعاوي ل أ/ وائل عطية إنه لما يجيب عربية يخليه في المضمون أو العربيات المنتشرة ،،

زي اللانسر و الماتريكس و الصني في الفئة اللي كانوا بيتكلموا عليها

فكرني بالمثل الشعبي كل اللي يعجبك و البس اللي يعجب الناس ،، مع التحوير

و دي وجهتين نظر مختلفين ،، أجيب العربية اللي كل الناس بتجيبها و خلاص و لا أجيب العربية اللي تعجبني أيا كان حجم إنتشارها ،، كل فريق ليه وجهة نظره ،،

الفريق الاول أسبابه :_
1- إنتشار العربية يضمن سهولة الصيانة و توافر قطع الغيار و إعادة البيع
2- العربية المنتشرة يعني عربية اثبتت وجودها ،، هتبقي كويسة علي الأقل
3- العربيات الجديدة كلها الفروق بينها بسيطة لو في نفس الفئة ايه اللي يخلني أدوخ نفسي بعربية نادرة

الفريق الثاني أسبابه :_
1- التميز
2-مش معني إن العربية منتشرة إنها كويسة و في أمثلة كتير
3- إعادة البيع بعدخمس سنين مش بتفرق و انا مش هانقي عربية للي هيشتريها من بعدي

يا ريت تقولوا أرائكم و تجاربكم الشخصية ،، بالأسباب من وجهة نظركم

1:فعلا فى الغالب العربيه المنتشره بيضمن سهولة الصيانه وتوافر قطع الغيار
2:ثانيا انت مش بتنقى عربيه للى هيشتريها منك لا انت بتنقى عربيه ليها زباين وسوقها ماشى عشان برده انت تستفاد وتعرف تبيعها بسهوله