القوة الحصانية للسيارات و كيفية حسابها

[abohalmos]

يا باشا العفو .........

اللينيا العادية هاتكون بطيئة في حركتها من حالة السكون بس علشان وزن العربية .
إنما العربية لو زي عربيات فيات الجديدة مفيهاش عيب خالص
و تقفيلها كويس و عربية برستيج بجد و هاتكون مميز

فيها عيب تاني و هو سعر اعادة البيع
يعني تعمل حسابك أنك تشتريها و تخليها معاك على الأقل سنتين أو ثلاثة قبل التفكير في بيعها .

و ربنا يوفقك يا باشا

بس ممكن أطلب منك طلب شخصي
ممكن تستخدم حجم خط ما بين 3 أو 4 لا أكثر علشان الحجم اللي أنت بتختاره كبير قوي و بيآكل الصفحة

متشكر ليك يا توت باشا

و كمان متشكر على المعلومات بخصوص العزم و الحصان ...... بجد فعلا استفدت منك بجد

با النسبة للبطء فانا بطبعى سواقتى هادية اوى ..... و مش بفترى فى السواقة خاااااالص ....... و كمان معظم الوقت هابقى لوحدى فى مشاويرى ..... الا لو هاخرج مع اسرتى ودى غالبا اتبقى مرة او اكتر فى الاسبوع ....... و ساعتها برضه هامشى بالراحة


بالنسبة لموضوع التغيير ...... فانا مش فى دماغى اغير قبل 5 سنين عشان انا بعمل عشرة مع العربية و بعدين العربية فيها كماليات ممتازة و شنطة كبيرة وواسعة ..... فاعتقد الواحد مش هايفكر بيع بدرى او بسهولة

و بالنسبة للبنط ...... علم و ينفذ يا توت باشا

معلش اخر سؤال .... انا اعرف انه التربو بياخد بنزين 92 او 95 ..... طب ايه اللى يجرى لو حد ملاقاااش و حط بنزين 90 ؟؟؟؟؟؟؟؟؟

بعدين فى حد فى منتدى فيات بيقول انه اللينيا 77 حصان صافى ..... و انه الحصان الاوربى عشان تساويه بالاسيوى تضرب القيمة فى 1.3 ...... يعنى اللينيا = 100 حصان ....... ايه رايك سعادتك فى الكلام ده ؟؟؟؟؟؟؟؟؟؟؟؟؟؟

[yoko]

أنا مع الأستاذ توت في كلامة عن اللينيا (بس بالنسبالي أنا حاجز التربو العادة متنفعنيش)
أما يا دوكتور حكاية تضرب في ١.٣ ده زيادة شويه يمكن ١.١ أو ١.١٥ بالكتير (على حسب معلوماتي المتواضعة)

[hoda9999]

هل تعنى ان التربو ملوش تأثير على راحة العربية فى السرعات العلية نظرا لان العزب بيجى بدرى وكمان انا سمعت ان التربو بيوفر فى البنزين نظرا انة بيستخدم ضخط هوا او حاجة زى كدا لاعطاء الهورس الباور العالى دة بعكس الماتور البيدية من غير تربو والى اكيد هيكون السسى بتاعة عالى وهل معنى كدا انا الينيا التربو تختلف عن العادة فى سرعة التجميع ولكن فى السرعات المدينية فقط وليس على طرق السفر حتى وان كانت لها هورس باور عالى ارجو التوضيح

[tutankhamoun]

هل تعنى ان التربو ملوش تأثير على راحة العربية فى السرعات العلية نظرا لان العزب بيجى بدرى وكمان انا سمعت ان التربو بيوفر فى البنزين نظرا انة بيستخدم ضخط هوا او حاجة زى كدا لاعطاء الهورس الباور العالى دة بعكس الماتور البيدية من غير تربو والى اكيد هيكون السسى بتاعة عالى وهل معنى كدا انا الينيا التربو تختلف عن العادة فى سرعة التجميع ولكن فى السرعات المدينية فقط وليس على طرق السفر حتى وان كانت لها هورس باور عالى ارجو التوضيح

بُصي يا أختنا الكريمة
في حالة التوربو الموضوع مختلف تماما
أنا قلت أن التوربو زود العزم .............. و زود الحصان كمان
و بالتالي بقى فيه راحة في سواقة المدن ......... و راحة في تجميع السرعات .

بالنسبة لموضوع التوفير في البنزين
لا أعتقد أن التوفير هايكون ملحوظ لو اللي بيسوق رجله تقيله على الموتور .

و طبعا فيه فرق شاسع بين اللينيا العادية و اللينيا اللي بتوربو
سرعة التجميع على أي سرعة طبعا طبعا طبعا لصالح أي عربية فيها توربو .
شوفي الرقمين دول للينيا عادية و أخرى بتوربو :

فيات لينيا 1400 سي سي موتور 8 صمامات فقط لا غير ( اللينيا العادية )
77 حصان عند 6000 لفة - دقيقة
115 نيوتن - متر كعزم عند 3000 لفة - دقيقة
وقت الوصول من صفر - 100 كم - س هو 14.6 ثانية
السرعة القصوى هي 165 كم - س

الأخرى فيات لينيا بموتور 16 صمام 1400 سي سي و معاه توربو كمان
120 حصان عند 5000 لفة - دقيقة
206 نيوتن - المتر كعزم عند 1750 نيوتن - متر
وقت الوصول لسرعة 100 كم - س من السكون هو 9.5 ثانية
السرعة القصوى هي 195 كم - س

أنا هاوضح الموضوع أكتر بمثال تاني عن العربيات الديزل اللي كنت شرحت عليها قبل كدا
العربية الديزل لما بيصمموها بتكون الأولاوية للتحميل و ليس السرعة و بالتالي هو محتاج عزم فقط على حساب القوة الحصانية لأنه مش داخل سباق ...... دي عربيات تجارية لتحميل البضائع في الأساس .
هانلاقي ان العربية هنا العزم بتاعها عالي و بيطلع بدري قوي و لكن القوة الحصانية قليلة و بالتالي هو بيجمع قوته بدري و تجميع السرعة بيأخد معاه وقت كتير علشان عند تصميم العربية مكنش فيه أهتمام أنه يعمل عربية بتجري بسرعة و تجميع سرعات عالي في وقت قصير .

بعكس الللينيا على سبيل المثال .
التوربو زود العزم .............. و بالتالي راحة في سواقة المدن
و زود الحصان كمان ........... و بالتالي تجميع سرعات عالي في وقت قصير .

[amrico]

صباح الخير يا استاذ توت انا بحترم اوي الشخص اللي بيصحى بدري ودايما بلاحظ ردودك بتكون بدري اوي
واسف على الخروج عن الموضوع بس حبيت اسجل الملاحظة دي عنك

[tutankhamoun]

متشكر ليك يا توت باشا

و كمان متشكر على المعلومات بخصوص العزم و الحصان ...... بجد فعلا استفدت منك بجد

يا باشا العفو و أنا تحت أمرك

با النسبة للبطء فانا بطبعى سواقتى هادية اوى ..... و مش بفترى فى السواقة خاااااالص ....... و كمان معظم الوقت هابقى لوحدى فى مشاويرى ..... الا لو هاخرج مع اسرتى ودى غالبا اتبقى مرة او اكتر فى الاسبوع ....... و ساعتها برضه هامشى بالراحة

ده مثال مثالي على أن أنت مش محتاج أم توربو .

بالنسبة لموضوع التغيير ...... فانا مش فى دماغى اغير قبل 5 سنين عشان انا بعمل عشرة مع العربية و بعدين العربية فيها كماليات ممتازة و شنطة كبيرة وواسعة ..... فاعتقد الواحد مش هايفكر بيع بدرى او بسهولة
جميل يبقى الفيات اللينيا مناسبة إن شاء الله

و بالنسبة للبنط ...... علم و ينفذ يا توت باشا

يا باشا ألف شكرا ....... و لو أنه لسة كبير ..... متخليك في حجم 3 ....... رزل أنا صح .. بس بجد بيأكل الصفحة و بيأخد مساحة كبيرة قوي
معلش اخر سؤال .... انا اعرف انه التربو بياخد بنزين 92 او 95 ..... طب ايه اللى يجرى لو حد ملاقاااش و حط بنزين 90 ؟؟؟؟؟؟؟؟؟

بنزين أقل من البنزين الموصى به بيقصر عُمر المحرك
بيخرج قوة أقل من القوة اللي خارجة منه اصلا
بيعمل سقف كتير داخل غرفة الحريق و بالتالي عدم وجود راحة في السواقة و تقليل عمر المحرك و أستهلاك بنزين أعلى شوية

بعدين فى حد فى منتدى فيات بيقول انه اللينيا 77 حصان صافى ..... و انه الحصان الاوربى عشان تساويه بالاسيوى تضرب القيمة فى 1.3 ...... يعنى اللينيا = 100 حصان ....... ايه رايك سعادتك فى الكلام ده ؟؟؟؟؟؟؟؟؟؟؟؟؟؟

أنا مع الأستاذ توت في كلامة عن اللينيا (بس بالنسبالي أنا حاجز التربو العادة متنفعنيش)
أما يا دوكتور حكاية تضرب في ١.٣ ده زيادة شويه يمكن ١.١ أو ١.١٥ بالكتير (على حسب معلوماتي المتواضعة)

أيوة صح ...... الأوروبيين ناس أمينة و الباقيين هجص في هجص
بأمارة أنم اللينا 77 حصان
8 صمام بس .......................... صح ؟؟؟

يا عم أنت بتصدق الكلام ده ؟؟؟؟
أنا ركيب فيات قديم ( أنا اللي قديم مع فيات و لكن الفيات اللي ركبته كله جديد من فوق 2000 و طالع )

ازاي موتور 8 صمام ........ و 1400 ........ و 77 حصان أحسن من موتور 1600 ..... و 16 صمام ... و 100 حصان أو 110 حصان أو 120 حصان على سبيل المثال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

أنا سابق واحد معاه برافو عادية من غير توربو ( نفس موتور اللينيا ) و مكنش حتى قريب مني .......إلا لما كنا تحت 80 كم - س
غير كدا ......... دوره أنتهى مشفنيش ..................
( ده كان واحد صاحبي و مصمم أن الأوروبي برضه بيعلن أرقام حقيقية و الباقيين هجاصين :b4_592: )

و سبقت قبل كدا برضه فيات سينا 1600 ................ لغاية 80 أو 90 هو كان معايا أو ساعات بيفرق حاجة بسيطة
بعد ما عدينا 90 .......... مكنتش أعرف عنه حاجة أساسا ....

و الفيات التتمبر ................... نفس الموضوع

يا دكتور كله بيعلن خرج المحرج من عند الحدافة .........إن كان فيات أو بروتون الماليزي أو مرسيدس الألماني أو سوزوكي الياباني أو هيونداي الكوري


طيب أنا مستعد أدفع 100 جنيه رهان ( و لو أنه حرام ) للي معاه برافو عادية ...... و يسابق دايو لانوس 1500
أهو القوتين متقاربتين من بعض ............... واحدة 77 حصان و التانية 84 حصان تقريبا .
و أنا متأكد أن الدايو هاتغلب ...................
علشان أنا عارف أنا بقول أيه علشان أنا مجرب ركوبة الفيات و مجرب السباق معاه ( مش كل الفيات أنا بتكلم عن المواتير الصغيرة أو المواتير الكبيرة اللي من غير توربو )

فيات هدفا مواتير لتوفير البنزين علشان كدا بيعمل مواتير 8 صمام بس .........
و ده بيوفر في البنزين و مريح في السواقة بس سرعة التجميع مش عالية

أما موتور زي موتور الجين 2 على سبيل المثال
110 حصان ................. و 16 صمام
ازاي موتور الينيا يقرب منه و يبقى 100 حصان و هو 1400 سي سي و كمان 8 صمام بس ؟؟؟؟؟؟؟؟؟؟؟؟

فيه ناس دماغها عمرها ما هاتتغير و طريقة تفكيرها واحدة ووحيدة و مهما تقول و تعيد عنده الألماني مثلا أعلى حاجة حتى لو بسكليته بعجلتين ........ يقولك دي أقوي من أي عربية تانية أوروبي حتى أو كوري أو ياباني

زي المثال بتاع الأستاذ كرييبتون بالظبط
واحد معاه عربية بولو 1000 سي سي ( موتورها ميت على فكرة )
البونتو أم موتور 1200 سي سي أقوى منها و بتطلع منها ....

و كمان ركز في المثال بتاع الأستاذ كريبتون و هو فيه رد كامل على اجابة حضرتك .

[tutankhamoun]

صباح الخير يا استاذ توت انا بحترم اوي الشخص اللي بيصحى بدري ودايما بلاحظ ردودك بتكون بدري اوي
واسف على الخروج عن الموضوع بس حبيت اسجل الملاحظة دي عنك

أستاذ عمرو ......... صباح الفل و الجمال و الياسمين
و منور يا باشا
أنا فعلا من الناس اللي بتصحى ردي جدا .......... النشاط الطبيعي للإنسان هو النهار

وجعلنا نومكم سباتا ( 9 ) وجعلنا الليل لباسا ( 10 ) وجعلنا النهار معاشا

وقال تعالى: { الله الذي جعل لكم الليل لتسكنوا فيه والنهار مبصراً }

و أنا بأشعر بحيوية في النهار و بالتالي أقدر أروح شغلي بالي رايق و أقدر أنتج و أشتغل كويس الحمد لله

و ومنور يا باشا

[madda7]

هو انا عندي سؤال بخصوص المتور التيربو بتاع لينيا لاني سمعت بشكل عام اني محركات التيربو عمرها الافتراضي بيقل جامد على الموتور العادي وكنت عايز اعرف دا يأثر قد ايه
ويا ترى الموتور العادي ال 77 حصان ها اداؤه مرضي ولا هيموت العربية خالص
وعموما ازاي اعرف عمر الموتور اصلا لحد كام كيلو يعني بيقى عمر الموتور معروف ولو معروف الواحد يقدر يعرفو منين

[tutankhamoun]

هو انا عندي سؤال بخصوص المتور التيربو بتاع لينيا لاني سمعت بشكل عام اني محركات التيربو عمرها الافتراضي بيقل جامد على الموتور العادي وكنت عايز اعرف دا يأثر قد ايه
ويا ترى الموتور العادي ال 77 حصان ها اداؤه مرضي ولا هيموت العربية خالص
وعموما ازاي اعرف عمر الموتور اصلا لحد كام كيلو يعني بيقى عمر الموتور معروف ولو معروف الواحد يقدر يعرفو منين

اللينيا العادية عربية تقيلة في الوزن ....... و الموتور صغير ......
و بالتالي اللي يشتريها ميكونش في دماغه شد و حرق لأنها مش هاتشد معاه مع أي حاجة من الآخر إلا تحت 100 كم - س .
و طبعا هايكون أدائه مُرضي للناس اللي عايزة عربية شيك توصلهم من مكان للتاني .

بالنسبة للموتور التوربو
التوربو اللي بينزل من المصنع بيكون معمول حسابه في التصميم الخاص بالموتور و بيكون معمول عليه أختبارات ...... الخ .
و بالتالي هايكون مش مُضر للموتور زي التوربو اللي بيركب عمولة ( على حسب اللي بيركب طبعا )

عُمر الموتور دي رجلك اللي بتحددها .......
يعني سواقتك وحشة و عصبية و عنيفة .......... هاتقصف عمره بدري بدري .
هادي و بتحافظ على الموتور و الصيانات و مش بتشد مع حد ....... الموتور هايعيش معاك مهما يكون صناعته .

ممكن عربيتين من نفس المصنع
واحدة يتعملها عمرة مثلا على 200 ألف كم
والتانية تثعد لغاية 400 ألف من غير أي عمرات .

أهم حاجة الصيانات الدورية
تغيير أي قطع تالفة فورا بقطع جديدة حتى لا ثؤثر على شئ آخر .
القيادة العادية الهادية بعيدا عن الشد و الجري و السباقات و الكلام ده .

[Ghamrawy]

طيب أنا مستعد أدفع 100 جنيه رهان ( و لو أنه حرام ) للي معاه برافو عادية ...... و يسابق دايو لانوس 1500
أهو القوتين متقاربتين من بعض ............... واحدة 77 حصان و التانية 84 حصان تقريبا .

توت باشا بعد صباح الفل
موتور البرافو العادية 1400 DOHC 16 v
90 حصان عند 5.500 دورة/دقيقة

بص كده : http://www.carsfromitaly.net/fiat/index.html

[Mzeid]

في ملحوظة برضه يا استاذ توت ..
نسب التخفيض في الصندوق الاتوماتيك مختلفة عن النسب في المانيوال

[popoooo]

..
.
Gross Horse power : هو قدرة الموتور لوحده .. أيوه لوحده .. يعني متوصل بالبنزين و شكرا
Net Horse Power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصل للحدافة فعلا صافية.

الكلام فقط للتوضيح انا اعتقد ان ال NET هو قدرة الموتور صافى ولكن ال GROSS هو قدرة الموتور مع اضافة باقى ال EQUIPMENT

[popoooo]

كل الكلام الى انت قولتة جميل جدا ومشكور علية
امال تفسر باية حكاية ( net & cross )
الهوندا سيفيك net بتعمل 140
وcross بتعمل 124
يعنى الشركة قاست الاتنين مش نت بس ولا كروس بس
واعلنت الاتنين بردة

وهذا النص دليل على كلامى وبالتالى يكون ال net اكبرمن gross

[momopersona]

موشوع جميل
وشكرا لكل اللى شاركو فيه

طب ايه رأيكو فى موتور الالنترا والسيراتو 122 و 124 حصان؟؟؟
ياترى ده كده gross ولا net ؟؟؟ ولا ايه ؟؟؟ ولا نفس طريقة الحساب العاديه الgross يعنى زى اى عربيه ؟؟

[Hegazio]

..
.

الكلام فقط للتوضيح انا اعتقد ان ال NET هو قدرة الموتور صافى ولكن ال GROSS هو قدرة الموتور مع اضافة باقى ال EQUIPMENT

وهذا النص دليل على كلامى وبالتالى يكون ال net اكبرمن gross

ده انت جيت في حته غلط خالص ..
ده كلامك .. اللي مش حآخذك عليه لأنك قلت ( اعتقد ) هو مجرد اعتقاد .. لا اساس له من الصحة
Gross Horse power : هو قدرة الموتور لوحده .. أيوه لوحده .. يعني متوصل بالبنزين و شكرا
Net Horse Power : و دي طريقة القياس الأدق و هي بعد تركيب السيور و الجير بوكس و الباور و المروحة و الشكمان .. يعني القدرة اللي بتوصل للحدافة فعلا صافية.
و طبعا ال Net أقل من ال Gross بحوالي 10-15 %
و ممكن تقرأ اكتر ف الموضوع ..او شوف ويكيبيديا مثلا بتقول ايه :
SAE gross hp was measured using a stock test engine, generally running with few belt-driven accessories and sometimes fitted with long tube (test headers) in lieu of the OEM exhaust manifolds. The atmospheric correction standards for barometric pressure, humidity and temperature for testing were relatively idealistic which when the Net hp is measured with the engine fitted accessories, the Net result falls down