قانون المرور مهزله

[جندى مجند]

عندنا فى اسكندرية فى منطقة فكتوريا موقف ميكروباصات (سوزوكى أو توناية) نصف خط سيره مخالف!!! الموقف دة مكانه قرب سوق دربالة فى الشارع اللى على القطر و الشارع دة اتجاه واحد و كل العربيات اللى داخلة الموقف و طالعة منه بتمشى عكسى!!!!

بالاضافة لكدة كل سواقين الميكروباصات و التوك توك و غيرها اللى هما من أهم أسباب الكوارث اللى فى الشارع المصرى حافظين تماماً أماكن الكماين و و مواعيدها و بيحذروا بعض و لو السكة "أمان" بتشوف منهم العجب و لو "الحكومة" موجودة يختفوا زى الفيران ....

اللى بيتمسك فى قانون المرور الجديد للأسف ولا واحد من الفئة دى لكن اللى بيتمسك الناس المحترمة و بيتعامل معاملة المجرمين ... و فى النهاية حيفضل الشارع المصرى بنفس همجيته و كل اللى زاد ان اللى بيتعرض للسجن بسبب القانون دة بيطلع من التجربة دى فاقد لأى انتماء و على أتم استعداد انه يهج من البلد فى أقرب فرصة ...

أرجو ان كلامى ميتفهمش انه دفاع عن سائقى الملاكى و لكن كل الهدف انى أقول ان طريقة تطبيق القانون لن تعالج المشكلة و حيفضل الشارع المصرى بنفس همجيته ... الحل الوحيد هو ان الداخلية تحط كاميرات مراقبة فى كل الشوارع و يتم تصوير المخالف أتوماتيكياً و القبض عليه لاحقاً ... و بكدة ما يبقاش فى فرصة لحد انه يفلت من القانون ... الموضوع مش حيتكلف غير جزء بسيط جداً من ميزانية الداخلية الضخمة و حيبقى أكثر فعالية بكتير جداً من أسلوب الكماين الحالى.

[ehab4367]

من الواضح انك كنت فى الحجز فقط ومتدخلتش السجن زى ما حضرتك اشرت
احمد ربنا
كان ممكن يتعملك محضر محترم وبعد ما تبات ليلة فى الحجز تروح تتعرض على النيابة
تقوم النيابة تتديلك حبس 4 ايام
وبعدين تتعرض على قاضى المعارضات الى ممكن يحكم باخلاء سبيلك من ديوان القسم
مع تغريمك,او يحكم بحبسك طبقا لمواد القانون المرور الجديد
احمد ربنا

[فادى]

متضامن معاك يا دكتور ضد قوانين المرور الغاشمة,
و فعلا الدولة يجب أن تنتبه, لأن حادثة مثل هذه قد تفقد أى مواطن الانتماء تماما, كما حدث للدكتور, و أنا ألتمس له العذر تماما فى انفعاله.
علينا أن نعمل من أجل الغاء هذه العقوبة الغاشمة التى لا تتناسب مع المخالفة, و يا ريت محدش يقولى فى لندن و فى باريس و الكلمتين اللى الناس حافظاهم دول! لأن كل بلد و ليها وضعها و ظروفها الخاصة, و هناك فيه مخالفات مرورية أسوأ 200 مرة من اللى بتحصل عندنا.
و ليس ما يحدث فى المغرب عنا ببعيد, حيث أضرب سائقين النقل و قطعوا الطرقات و أضربوا عن العمل اعتراضا على قانون المرور الجديد هناك الذى قد يضعهم فى السجن لمجرد خطأ بسيط, و تسبب اضرابهم بأزمة اقتصادية فى المغرب حيث شلت حركة المرور تماما, و نفذ البنزين من محطات الوقود, و ارتفعت أسعار الغذاء, مما دفع بالحكومة المغربية لاعادة التفكير فى هذا القانون.
تحية الى سائقى المغرب الذين لم يرضوا الظلم. ان شعور الانسان أن حريته مهددة فقط لأنه ارتكب خطأ بسيط هو أسوأ شعور قد يدفعه للتحول الى شخص اخر تماما.

[tutankhamoun]

و يا ريت محدش يقولى فى لندن و فى باريس و الكلمتين اللى الناس حافظاهم دول!

متشكرين يا باشمهندس فادي !!!!!!!!!!!!


بس ده دليل أننا عمرنا ما هنبقى منتظمين .............. و منظمين أدام الناس مش عاجباها قوانين الردع للمخالفين !!!!!!!!!!!!!!!
لا أملك إلا أن أقول .............................. فعلا هي دي مصر .............. و هاتفضل مصر

[hesham_tawfiq]

سبحان الله
يعنى يوم ما نبص للناس بره بتعمل ايه علشان حياتها تبئى افضل ومنظمه نبص على اللى عملو اضراب علشان مش عاوزين يلتزموا بالقانون ولما نبص للدول المحترمه اللى سبقتنا بقرون نؤول كل دوله ليها ظروفها !!!!!!!!!!!!!!!!!!!!!!!!!!!!1
ايه المنطق المقلوب دا
وبعدين يا اخ فادى الكلمتين اللى احنا بنؤولهم دول مش حافظينهم احنا عشناهم فعلا بره مصر وجربنا حاجه اسمها احترام القانون والذوق والقياده المحترمه وحسينا فعلا اننا بعيد اوى عن الناس دى
والله انا بره مصر كنت بكون سعيد جدا وانا سايق العربيه وحاسس ان الناس فعلا بتخاف على بعض فالطريق وعارفين اللى ليهم واللى عليهم.
وبعدين معللش فالكلمه اللى جايه دى لانها شديده
لو الدكتور صاحب الموضوع وهو ماشى عكس الاتجاه خبطلك عربيتك او اذاك بشكل او بأخر لا قدر الله
هل دا برضه هيكون رأيك ؟
ولو المهندسين والاطباء وكل الناس اللى متعللمه ما التزموش بالقانون يبئى سبنا ايه للامؤاخذه الجهله؟

[nasroo]

البلد دي عمرها ماهتنضف
انا كل يوم برجع من الاتوستراد من الدائري الي اتجاه حلوان بعدي على لجنتين مرور معمولين في المعصرة اول لجنه عندها 7 مطبات ورا بعض والتانية 5 مطبات اللي بشوفه على الطريق كالتالي يا اخواني:
- عربيات مقطورة ونقل وميكروباصات واتوبيسات واخدين الحارة الشمال وطايرين واول ماييجوا عند اللجنه كله يروح يمين
- مقطورة ماشية على اليمين _صح كده- تيجي مقطورة تانية عاوزة تعديها يروح واخد شمال وما ادراك بئا المقطورة دي بتعدي في اد ايه
- عربيات بعد اللجنة التانية ماشية عكسي في وشي وضارب النور العالي وتيجي قبل اللجنة وتلف
انا كنت فاكر لما اجيب عربية هرتاح من بلطجة سواقين الميكروباصات وتناكتهم
لكن طلعلي فوق بلطجة الميكروباصات بلطجة المقطورات والسير عكس الاتجاه
بص للتوقيع بتاعي وانت تعرف

[bassem.naguib]

يا جماعة .. انا مع وضد الحبس في نفس الوقت ..

أنا مع الحبس علشان يكون عقاب رادع للمخالف بغض النظر عن مركزه الاجتماعي ويا ريت ميفرقش بين وزير وغفير في تطبيقه .

وأنا ضد الحبس في نفس الوقت أنه يكون مع المجرمين والشمامين وقطاع الطرق .. لأنه أكيد حيخلي الواحد ساخط على البلد (وخاصة في ظل التفرقة في تطبيق القانون) ..

وبالنسبة للأخ توت أنا معاه في ضرورة احترام اشارات المرور حتى لو بالليل والدنيا فاضية .. بس ده في حالة لو الأشارة شغاله .. مش شغاله أحمر في الاتجاهين لاخلاء المسئولية في حالة حدوث حادثة لا قدر الله

وبالنسبة لتقليد الغرب في الحاجات المفيدة والحضارية .. فده احنا فاشلين فيه .. وناجحين في تقليد الهلس وخلاص .. تحياتي

[bassem.naguib]

يا جماعة .. انا مع وضد الحبس في نفس الوقت ..

أنا مع الحبس علشان يكون عقاب رادع للمخالف بغض النظر عن مركزه الاجتماعي ويا ريت ميفرقش بين وزير وغفير في تطبيقه .

وأنا ضد الحبس في نفس الوقت أنه يكون مع المجرمين والشمامين وقطاع الطرق .. لأنه أكيد حيخلي الواحد ساخط على البلد (وخاصة في ظل التفرقة في تطبيق القانون) يعني المفروض يكون فيه حبس في مكان مخصوص مش مع المجرمين لأن ممكن انسان محترم يتعرض للموقف
ده غصب عنه وفجأة يلاقي نفسه بيتقلب من المجرمين في التخشيبة :K_crying[1]: وتبقى ليله سودا عليه .

وبالنسبة للأخ توت أنا معاه في ضرورة احترام اشارات المرور حتى لو بالليل والدنيا فاضية .. بس ده في حالة لو الأشارة شغاله .. مش شغاله أحمر في الاتجاهين لاخلاء المسئولية في حالة حدوث حادثة لا قدر الله

وبالنسبة لتقليد الغرب في الحاجات المفيدة والحضارية .. فده احنا فاشلين فيه .. وناجحين في تقليد الهلس وخلاص .. تحياتي

[فادى]

متشكرين يا باشمهندس فادي !!!!!!!!!!!!


بس ده دليل أننا عمرنا ما هنبقى منتظمين .............. و منظمين أدام الناس مش عاجباها قوانين الردع للمخالفين !!!!!!!!!!!!!!!
لا أملك إلا أن أقول .............................. فعلا هي دي مصر .............. و هاتفضل مصر

يا أستاذ توت انا مش قصدى أزعل حضرتك و انت راجل عزيز عليا,
بس لما توصل رجل دكتور انو يكره البلد و تحبسه لمجرد انو دخل متر عكسى فى شارع فاضى عشان يتجاوز سوء تخطيط الشوارع المصرية(و الذى بدأت أشعر انه مخطط و مقصود لجمع جباية المرور), و نحبسه مع المدمنين و المجرمين, يبقى اكيد فيه حاجة غلط.
و مفيش بلد فى العالم بتحبس الناس فى المخالفات المرورية, و لو فى, تبقى بلد فيها قوانين غاشمة و مش لازم نقلدها, ما هو مش كل حاجة بره صح, طب ما هما برضو عندهم انحلال أخلاقى و القوانين هناك تسمح بذلك, لما هما ناس متقدمين و راقيين زى ما حضرتك بتقول, طب ما نقلدهم فى دى كمان زى ما عاوزين نقلدهم فى قوانين المرور؟!
للمرة الثانية, ليس كل ما يطبق فى البلاد الأخرى يصلح فى مصر, نحن بلد لها خصوصيتها, و مشكلة الحكومة انها لا تخطط لمصر, بل هى تحاول استنساخ الخطط التى تطبق فى الخارج لتطبقها فى مصر, و هو احدى اسباب ما نحن فيه.

[drahmd]

علينا أن نعمل من أجل الغاء هذه العقوبة الغاشمة التى لا تتناسب مع المخالفة, و يا ريت محدش يقولى فى لندن و فى باريس و الكلمتين اللى الناس حافظاهم دول! لأن كل بلد و ليها وضعها و ظروفها الخاصة, و هناك فيه مخالفات مرورية أسوأ 200 مرة من اللى بتحصل عندنا.
.

عقوبه غاشمه؟ يابيه ده شروع ف قتل يعني المفروض واحد سايق وماشي ف طريقه ذنبه ايه ان واحد............. جاي ف المخالف ممكن يحصل حادثه ليه تمشي مخالف سيادتك؟ انت فاهم يعني ايه تمشي مخالف؟ انت مدرك الكارثه او الخطر اصلا؟ بص هقولك انا لا ليا مصلحه مع لندن ولا باريس ولا اي نظام غربي بص ع السعوديه حتى الخليج هناك سجن ياباشا على نفس المخالفه انا مش شايف انها مخالفه الصراحه انا شايف انها جريمه اللي بيعملها ده واحد مش ف وعيه والله انا مش ببالغ وماتقوليش كل بلد ليها وضعها وظروفها ماتمشي عدل ف طريقك وتمشي في اتجاه المرور ليه تمشي بمزاجك؟ عارف اللي مبوظ بلدنا كل واحد ماشي بمزاجه ودي اسمح لي اسمها قلة ادب وهمجيه وبلطجه وتقبل تحياتي

[M_Nabil]

اى شخص تعمد السير عكس الإتجاة يستهل الحبس ومتر ذى كيلو طريق رئيسى ولا فرعى، انما في حالة سيره بالخطأ والسهو انا مع دفعه للغرامة فقط.

[Eng. Rafy Samy]

الموضوع اكبر من كونة مخالفة وحبس الموضوع مربوض بالبني ادم نفسة
انا متفق كلياً مع العقوبة ومدى خطورة المخالفة
اكبر مشكلة في مصر ان القانون متهاون ومش رادع يعني مش بيخوف - يعني اهبل - يعني مالوش لازمة - يعني كل واحد يعمل اللي هو عاوزة.

وده اللي بيخلي ظاهرة زي بتوع الميكروباص والتوكتوك والشباب المتهاون وغيرهم وغيرهم يظهروا

انا ليا استفسار واحد بس
الاستاذ الدكتور الفاضل : هل بعد تطبيق العقوبة على حضرتك - ممكن تمشي مخالف تاني ..؟؟؟؟؟؟
لو الاجابة اه ممكن : يبقى انت عارف النتيجة واللي حيحصل.
لو الاجابة لا مش ممكن : يبقى الغرض من تطبيق القانون اتحقق وهو الالتزام بيه بدون اي استثناءات

لو عاوز تعمل مخالفة تاني انت حر انت اللي حتضر مش حد تاني.

في كمان نقطة مهمة قوي قوي قوي كل القراء اللي حيخشوا يقروا الموضوع والتعليقات هل ممكن حد فيهم يمشي مخالف ( معتقدش ) ليه لانهم حيخافوا من العقوبة والنتيجة ممتازة... لان اغلب الناس حتبتدي تتلزم لما يعرفوا ان القانون ده جد مش هزار وحيطبق حيطبق...

مفيش حاجة اسمها روح القانون لان القانون لو اتحط في ايد بني ادم ممكن مختار العقوبة اللي هو عاوزها عمرة ما حيكون قانون لان مفيش بني ادم عادل 100% وكمان لو اللي حطبق عليا القانون على مزاجة ده شاويش ولا صول ولا حتى ظابط ممكن يبقى انا المظلوم والمتضرر.

ومننساش ان المساواة فى الظلم عدل. ولو لكنا عرفنا ان اي واحد فينا حيتحبس لو مشي مخالف يبقى كلنا حنخاف ومش حنخالف القانون.

سيدي الدكتور الفاضل اسف انك كنت كبش الفادى اللي حيكون ليك الفضل الكبير في ان كل اللي حيقروا الموضوع حيتجنبوا مخالف القانون وسعتها ممكن الشوارع تبقى اامن ولو 1%
ارجو من حضرتك تبص على الموضوع ده :

http://www.nilemotors.net/Nile/showthread.php?t=67408

[tgaber]

أنت زعلان علشان دكتور و هتبقى مع المدمنين
طيب انت مشيت مخالف و لازم تعرف ان متر زى 100
فى النهايه انت عمات زى الجهله يبقى انت زيك زى اللى فى السجن و يمكن يكون ليهم عزر
بس انت ملكش عزر يا دكتور يا متعلم

[zeka127]

فيه بلاد محترمه عندها سجن خاص بالمرور كل الى فيه ناس عامله مخالفات زيك لاكن صعب اوى انك تعمل مخالفة مرور فتتحط مع حراميه وبلطجيه يعنى فيه احتمال انى ادخل حجز مع ناس زى دى اطلع مجرم ويبقى البلد اتولد فيها مجرم جديد بسبب مخالفة مرور ...

[SAMER_ENGINES]

شوف يا دكتور انا هقول رأيي بصراحة شديدة و هو اني وضعك في الحجز لانك مشيت غلط و لو لمتر واحد انا موافق عليه و مش موافق عليه في نفس الوقت بمعني ايه؟؟!!
بمعني انا موافق اني المخطئ (ايا كان و لو اني ده مش بيحصل) يتعاقب حتي لو مشي عجلة واحدة بس غلط الغلط غلط سواء كان متر او كيلو و سواء كان اللي سايق العربية ده شحات او دكتور او ما الي ذلك.
و مش موافق اني الواحد يتحط مع الفئة دي من الناس كلهم قطاع طرق و مدمنين فعلا و الواحد لو طيب شوية زي حالاتنا ممكن ميعرفش يتعامل معاهم و كنت سمعت اني في اوضة لغير معتادي الإجرام يعني الناس اللي عاملة مخالفات و لا قدر الله حوادث و حاجات زي كدة بيكونوا في غرفة مخصصة لكدة غير المجرمين و الناس دي