قانون المرور مهزله

[nasroo]

البلد دي عمرها ماهتنضف
انا كل يوم برجع من الاتوستراد من الدائري الي اتجاه حلوان بعدي على لجنتين مرور معمولين في المعصرة اول لجنه عندها 7 مطبات ورا بعض والتانية 5 مطبات اللي بشوفه على الطريق كالتالي يا اخواني:
- عربيات مقطورة ونقل وميكروباصات واتوبيسات واخدين الحارة الشمال وطايرين واول ماييجوا عند اللجنه كله يروح يمين
- مقطورة ماشية على اليمين _صح كده- تيجي مقطورة تانية عاوزة تعديها يروح واخد شمال وما ادراك بئا المقطورة دي بتعدي في اد ايه
- عربيات بعد اللجنة التانية ماشية عكسي في وشي وضارب النور العالي وتيجي قبل اللجنة وتلف
انا كنت فاكر لما اجيب عربية هرتاح من بلطجة سواقين الميكروباصات وتناكتهم
لكن طلعلي فوق بلطجة الميكروباصات بلطجة المقطورات والسير عكس الاتجاه
بص للتوقيع بتاعي وانت تعرف

انا كتبت المشاركة دي امبارح بس وانا مروح للبيت مشيت عكسي 200 متر
ليه بئا لاقيت فعلا ان دي بلد تيييييييييت وانا ماشي في الشارع اللي بمشي منه كل يوم لاقيتهم بيعملوا مطبين مش عارف اقولكم عاملين ازاي والله الميكروباص بيحك فيه هتقولوالي طب مافيش شارع غيره
يا ساده انا لفيت من 3 شوارع عشان مامشيش عكسي الاقيهم عاملين في شارعين جبال مش مطبات ابدنننننننننننن والشارع التالت فيه حفرة كبيرة اعمل ايه بئا حد يقول لي حل غير ان امشي عكسي عشان اوصل للبيت
بجد فيه ناس لازم نعذرهم عشان بيمشوا عكسي

[Drift_Lover]

?????????????????

[aliabutaleb]

عندنا فى اسكندرية فى منطقة فكتوريا موقف ميكروباصات (سوزوكى أو توناية) نصف خط سيره مخالف!!! الموقف دة مكانه قرب سوق دربالة فى الشارع اللى على القطر و الشارع دة اتجاه واحد و كل العربيات اللى داخلة الموقف و طالعة منه بتمشى عكسى!!!!

الموقف على الخريطة هنا أهو
أهو الموقف المخالف اللي حضرتك بتتكلم عنه ده نفسي أشوف له حملة مرورية واحدة
توضيح عن ميكروباسات السوزوكي دي
مش نص خط سيرها اللي مخالف
أظن ان خط السير كله مخالف
لأن ده بيبتدي من عند التقاء شارع مصطفى كامل وبيكمل عكسي لغاية سوق دربالة وبعد كدة المفروض إجباري يمين حسب التعديل اللي اتعمل قريب انما هو بيكمل عكسي تاني شمال لغاية محطة قطار فيكتوريا.

[agwaa]

بصوا يا جماعة
أنا مع اللي بيقول الصح صح والخطأ خطأ ولو كان بسيط
لكن لازم نعترف إن اللي وضع الفقرة دي في القانون الجديد (فقرة الحبس للسير العكسي ) غلطان في جزئية أن المخالف لقوانين المرور يوضع جنباً لجنب مع المجرمين واللصوص و ... و ... و ...
في البلاد المحترمة _ وسامحوني أن كان المعنى في بطن الشاعر _ الحبس مكان محترم ويحترم الآدمية
لأن الحبس في معناه الأدبي هو حبس الذات يعني تقييد الحرية هو دة اللي كفاية وكفاية قوي قوي والناس هناك فاهمة دة
أما عندنا .. أما عندنا ...
هنقول إيييييييييييييييه بقى
حسبنا الله ونعم الوكيل
وبيني وبينك حب الوطن يا حكومة

[A.Elsheikh.01]

بقى ينفع انا ادخل الحجز عشان مشيت متر بالظبط مخالف
انا الدكتور اتحط مع مدمنين
طظ ف مصر
بلد تيييييييييييييييييييييييييييت

القانون يسرى على الكل يا دكتور
وانا معاك انهم غلطو فى حاجه واحده انهم خلطو الحابل فى النابل
والمفروض يكون حتى لو عايزين يحبسو الناس علشان غلطه زي دى وهى اصلا مش جنايه فا يعملولنا سجن فى المرور ارحم
على الاقل هتبقى الحيطان لسه نضيفه والناس الى هناك هيبقو زومول :POINTI~2[2]:
وبلاش غلط فى مصر علشان تبعي

[drahmd]

شروع فى قتل؟!!!
هل تعرف معنى هذه الكلمة؟! أم انك تقولها هكذا؟
الشروع فى القتل هو رغبتك فى قتل شخص معين, و أن تكون قد خططت لذلك, لكن لم تصب هدفك لسبب أو لأخر.
هل ترى المشى عكسى هو شروع فى قتل,
يبقى ممكن تعتبر السرعة الزائدة شروع فى قتل, و ال"غرز" شروع فى قتل, و المشى بدون فرامل شروع فى قتل, و قيادة السيارة أساسا نوع من الشروع فى القتل هو انت ايه اللى يضمنك انك متخبطش واحد و انت سايق!!
و انا شايف انو اللى بيعمل غرز و يسوق بسرعة أكثر خطورة من اللى ماشى عكسه واخد يمينه و مركز كويس مع الطريق, و لو الناس اللى جاية فى وشه واخدة بالها من الطريق, عمرها ما هتخبط, لكن بييجى واحد متهور فاكر انو الطريق فاضى و يلبس فيه, يبقى مين اللى غلطان اذن؟!!

والله بص هقولك حاجه لما يبقى ده طريق والناس واخده طريقها وماشيه على سرعتها العاديه وييجي بيه عشان مزاجه موديه لكده انه يمشي مخالف يطلع لك مره واحده تلاقيه ف وشك عشان خاطر مزاجه طبعا ده شروع في قتل والشروع في القتل هو اتخاذ الاسباب والطرق التي تؤدي للقتل والموضوع ده هنا في الحاله دي ينطبق تماما على اللي ماشي مخالف وبعدين انا ذنبي ايه ابقى ماشي في طريقي على سرعتي الاقي واحد لامؤاخذه طلعلي في المخالف طب افرض انا مش باصص عليه ومش متوقع حد مخالف جاي افرض حد طلعلي فجأه في المخالف انا نفسي افهم اللي بيمشي مخالف بيمشي مخالف ليه؟بيوفر بنزين مثلا؟ يقوم يموت الناس وبعدين اذا كان هو مش قد تكاليف يمشي بالعربيه ويدفع بنزين مايمشيش والله مش لازم يعمل نفسه فهلوي وشاطر وطبعا اللي بيعمل غرز ويمشي بسرعه ويكبس ده اساسا بني آدم معندوش ريحة الدم ولا الذوق ولا الاحترام اساسا. ايه هو الدنيا هتطير؟ بعدين نرجع نقول ياه يامصر الناس فيكي مبتعرفش تسوق طب ماتشوف ثقافة الشعب عامله ازاي الاول وتعالا اتكلم وبعدين من غير مقارنه بين المخالف واللي بياخد غرز المخالف اوقات كتير بيوقف المرور في الشارع لو اتجاه واحد وبيعمل مشكله للي جاي في اتجاهه وطبعا لو مخالف على طريق سريع دي مصيبه وبلوه مسيحه واللي بيغارز مهما كان بيغارز ده ماشي في طريقه هي من وجهة نظري طبعا اللي ماشي مخالف العن وازفت اصل انا عملت حادثه مره عشان واحد كان جاي مخالف معلش فالموضوع مضايقني حبتين تلاته اصله كان ماشي على 120 مخالف وانا كنت ماشي على 60 والألعن انه جوا البلد كنت هروح فيها عشان خاطر سيادته معلش فالموضوع حارقني حبتين تلاته وقارفني ف عيشتي واديني عايش اهو ياسيدي عشان آجي ادوشك واصدعك واختلف معاك ياللا سلاموز

[drahmd]

[quote=فادى;786883] و المشى بدون فرامل شروع فى قتل, و قيادة السيارة أساسا نوع من الشروع فى القتل Quote]

طبعا المشي بدون فرامل شروع في قتل لو ماشي وعارف انك مش معاك فرامل شروع في قتل طبعا طبعا مفيهاش كلام هو الموضوع صعب ولا ايه؟ بيتهيألي دي حاجه بديهيه ماشي من غير فرامل=طالع تعمل حادثه لا بس طبعا قيادة السياره مش شروع في قتل مادام سيارتك مضبوطه وقيادتك محترمه وملتزم بالقانون ودمتم

[raslan177]

معلش حصل خير , معلش يا جماعة في سؤال كده , عشان سمعت كلام كتير عنه
الرخصة لسة على 18 سنة و لا بقيت 21 سنة ؟ و لو بقيت على 21 سنة من امتى يطبق الكلام ده ؟ و ارجو الرد
و شكرا

[ابو حسين]

يادكتور
اسمحلى اختلف معاك والارزاق على الله
لو هتدى لنفسك عذر انك تمشى مخالف يبئى تدى الحق دا لكل الناس وفى الحاله دى يبئى بلا قانون بلا يحزنون.
انا معاك ان القانون مبيتطبقش على الكل , عقوبات ملهاش معنى , تعسف ....... الخ
بس احنا كللنا دلوئتى عارفين المخالفه وعارفين العقوبه يبئى ليه احط رقبتى تحت رحمة ناس.......؟!
انا ساكن فى حى فى 6 اكتوبر وبخرج كل يوم من البوابه وبينى وبين الملف اقل من 10 متر
عودت نفسى انى اسيب الملف دا وامشى 300 متر زياده لحد الملف اللى بعده عشان ممشيش عكس الاتجاه.
متزعلش منى بس المثل بيؤول امشى عدل يحتار عدوك فيك