قانون المرور مهزله

[MIS]

لا حول ولا قوة الا بالله ..

[فادى]

عقوبه غاشمه؟ يابيه ده شروع ف قتل يعني المفروض واحد سايق وماشي ف طريقه ذنبه ايه ان واحد............. جاي ف المخالف ممكن يحصل حادثه ليه تمشي مخالف سيادتك؟ انت فاهم يعني ايه تمشي مخالف؟ انت مدرك الكارثه او الخطر اصلا؟ بص هقولك انا لا ليا مصلحه مع لندن ولا باريس ولا اي نظام غربي بص ع السعوديه حتى الخليج هناك سجن ياباشا على نفس المخالفه انا مش شايف انها مخالفه الصراحه انا شايف انها جريمه اللي بيعملها ده واحد مش ف وعيه والله انا مش ببالغ وماتقوليش كل بلد ليها وضعها وظروفها ماتمشي عدل ف طريقك وتمشي في اتجاه المرور ليه تمشي بمزاجك؟ عارف اللي مبوظ بلدنا كل واحد ماشي بمزاجه ودي اسمح لي اسمها قلة ادب وهمجيه وبلطجه وتقبل تحياتي

شروع فى قتل؟!!!
هل تعرف معنى هذه الكلمة؟! أم انك تقولها هكذا؟
الشروع فى القتل هو رغبتك فى قتل شخص معين, و أن تكون قد خططت لذلك, لكن لم تصب هدفك لسبب أو لأخر.
هل ترى المشى عكسى هو شروع فى قتل,
يبقى ممكن تعتبر السرعة الزائدة شروع فى قتل, و ال"غرز" شروع فى قتل, و المشى بدون فرامل شروع فى قتل, و قيادة السيارة أساسا نوع من الشروع فى القتل هو انت ايه اللى يضمنك انك متخبطش واحد و انت سايق!!
و انا شايف انو اللى بيعمل غرز و يسوق بسرعة أكثر خطورة من اللى ماشى عكسه واخد يمينه و مركز كويس مع الطريق, و لو الناس اللى جاية فى وشه واخدة بالها من الطريق, عمرها ما هتخبط, لكن بييجى واحد متهور فاكر انو الطريق فاضى و يلبس فيه, يبقى مين اللى غلطان اذن؟!!

[miso8489]

أنت بتسأل و أنا هاجاوب يا دكتور ............ و متزعلش
أدام الإنسان يغلط ............ يبقى يستحمل غلطه ..............
معلش أصل المشكلة أننا في مصر أتعودنا على عدم وجود نظام و أتعودنا على عدم أحترام النظام حتى لو موجود ........... و أتعودنا على الوسايط
فمتزعلش .............. أمشي عدل ........... يحتار عدوك فيك و ده مثل بلدي
و بعدين ممكن أضيف حاجة بعد أذنك و متزعلش برضه

موضوع أنك دكتور ............ بيدينك أكتر و حجة عليك و ليس لك .
دكتور يعني راجل متعلم تعليم عالي و بيؤتمن على أرواح الناس
يعني أنت و المتعلمين يجب أن تكونوا خير مثال لبقية أفراد الشعب و ليس العكس .




أنا موافق على السجن و الغرامة معا و أيضا زيادة عليهم سحب الرخصة نهائي و عدم أستخراج رخصة مرة أخرى لمن يفعل السير عكس الأتجاه .

في أنجلترا ............. الساعة 1 بالليل ............. و مفيش و لا صريخ أبن يومين في الشارع و ماشي و الأشارة أحمرت ................. ووقفت طبعا
علشان هناك مفيش حاجة أسمها الفجر و الشارع فاضي .............
فيه قانون ............ و فيه نظام
مفيش حد ماشي على مزاجه زي مصر



عارف يا دكتور أنا مع حبس السير عكس الأتجاه ليه .
لأنه محاولة غير متعمدة لقتل الناس . و أيضا أستهبال رسمي مصري .
في طريق الواحات في مدينة السادس من أكتوبر و بأعبر الطريق و طبعا عيني على اتجاه واحد فقط لا غير و هو الأتجاه الصحيح للسيارات .
و طبعا واحد حقير ............. حقير .............. حقير
كان هايشلني و كنت هاموت فعلا لأنه كان ماشي بسرعة و كان جاي عكس الأتجاه
و طبعا أنا كل تركيزي في اتجاه واحد ............. و هو كل تركيزه في العربيات اللي جاية في وشه .
و ربنا ستر ............ وواحد في عربية ............ من العربيات اللي ماشية في الأتجاه الصحيح ............. هو اللي حذرني .............و الأخ الحقير اللي ماشي عكسي في طريق سريع زي ده مكنش شايفني و كان طاير كمان .

شوفت بقى ............ ليه اللي يمشي عكس الأتجاه يستاهل الحبس و لو بأيدي ............ المفروض يدفع غرامة كبيرة جدا ............. و ما يسوقش تاني أبدا أبدا أبدا أبدا



هو أيه الفرق بين اللي بيحاول يقتل بسكينة و اللي بيحاول يقتل بعربية و اللي بيقتل فعلا عن طريق الخطأ بالسيارة ؟؟؟؟؟؟؟؟؟؟؟؟؟؟؟؟؟؟؟؟

مخالفة السير عكس الأتجاه اللي الناس مستهترة أوي بيها ............
ممكن تقتل واحد و أنت مش شايفة علشان هو ماشي مركز على اتجاه واحد فقط و و الله حصلت ............. وواحد خبط واحدة بس الحمد لله ما ماتتش و ربنا سترها
بس أخد حتة علقة .............. كان قبل طلوع القانون الجديد .



فجر أو صبح أو الطريق فاضي أسمه غلط ...............
و في كل بلاد العالم اللي فيها قانون
اشارة المرور لما بتكون حمراء إن شاء الله الفجر .............. الناس بتقف غصب أن عنها ........... بس أحنا اللي أتعودنا على الفوضى

مفيش حاجة أسمها العربية ملكية خاصة .......... أنا آسف لأختلافي معاكوا يا جماعة
بس العربية دي ........... شئ بيخرج على الطريق .............. يعني شئ بيتم أستعماله في مكان عام ..........اذن ملكية السيارة خاصة ............. أما السيارة نفسها يجب أن تخضع لقانون البلد من حيث عوامل اﻷأمان و الألوان المسموح بيها

موضوع الحرية الشخصية دي الواحد مش بيسمعه غير في مصر .
برضه تلاقي واحد قاعد في بلكونتهم ............ و مشغلي اغاني على أخر قوة السماعات
و تكلمه يقولك حرية شخصية ؟؟؟؟؟؟؟؟؟؟؟؟؟؟؟
يا عم الحج ..............ز أدخل جوه و حط سماعات ............. عايزين نريح شوية و دماغنا مصدع ................ يقولك أنا في بيتنا .... و محدش لي عندي حاجة ؟؟؟؟
طيب هاسيبك أنت ترد ............
هل دي حرية شخصية أو ملكية خاصة ؟؟؟؟؟؟؟



الموضوع ده حصل بالظبط لواحد معرفة في أمريكا .............. و تم أيداعه مستشفى الأمراض العقلية للكشف على قواه العقلية ظنا منهم أنه مجنون .
و بعد البحث و التحري أكتشفوا أن مصر مفيهاش قانون ............ و منعوه من السواقة لأرتكابة مخالفة قد تودي بحياة من على الطريق و طبعا دفع غرامة و كان هناك تهديد بالترحيل ............ إذا حاول قيادة سيارة في الولايات المتحدة الصهيونية مرة أخرى .

[moudy88]

المفروض يبقى فيه تهيئه للبلد قبل القانون ده ...يعني تنظيم الطرق وتوضيبها وتوضيح الاشارات على الارض وعلى اليفط ...ويبقى فيه فتره قبل تطبيق القانون لتوعية الناس وعدم محاسبتهم مثلما حدث قبل قانون المرور الجديد في شهر 7 تحديدا وكنت واقف في الاشاره في وسط البلد وبتكلم في الموبايل وامين الشرطه كان معاه دفتر المخالفات وبعدين بصلي وشاورلي على الموبايل وقالي ان كده هيبقى مخالفه في قانون المرور الجديد و قمت بتحيته ومشيت ...وراي ايضا ان لا تتم المحاسبه بالحبس على كل مخالفات عكس الاتجاه ...يعني لو شارع جانبي صغير اليافطه موجوده على اوله والواحد ماشفهاش لاني قطعته من نصفه يبقى كده مش تعمد ...وايضا الشوارع الصغيره اللي من الصعب ان يحدث فيها حوادث بسبب عكس الاتجاه لا يجب تطبيق فيها الحبس بل يتم دفع الغرامه ...وممكن بدل الحبس يتم سحب الرخصه لمده 6 شهور او حتى سنه ...انما طبعا لو طريق رئيسي او سريع يجب تطبيق عقوبه الحبس ولكن يجب ان يتم الحبس في اماكن مخصصه ليس مع المجرمين حتى لا يخرج الانسان محطم كارها البلد وحكومتها وسهل عليه انه يبيعها في اي وقت ....

[moudy88]

واكتر حاجه بيتضايقني ان الشرطه بتبقى مش ظاهره ومستخبيه ورا الشجر ...وده اللي بيحسسني ان فيه ترصد وكره متبادل وحب اذيه ...يعني فيها لو بقوا ظاهرين على الطرق الناس هتشفهم ومش هيخشوا ...زي الرادار اللي على المحور اللي بيبقى فيه يفط مكتوبه (رادار على بعد 1 كم ) والناس كلها بتبقى عارفه اماكن الرادار ومهما كان المحور فاضي الناس بتبقى ماشيه على 90 والمنظر بيبقى حضاري جدا كانك ماشي في اوروبا

[dentoman123]

متضامن معاك يا دكتور ضد قوانين المرور الغاشمة,
و فعلا الدولة يجب أن تنتبه, لأن حادثة مثل هذه قد تفقد أى مواطن الانتماء تماما, كما حدث للدكتور, و أنا ألتمس له العذر تماما فى انفعاله.
علينا أن نعمل من أجل الغاء هذه العقوبة الغاشمة التى لا تتناسب مع المخالفة, و يا ريت محدش يقولى فى لندن و فى باريس و الكلمتين اللى الناس حافظاهم دول! لأن كل بلد و ليها وضعها و ظروفها الخاصة, و هناك فيه مخالفات مرورية أسوأ 200 مرة من اللى بتحصل عندنا.
و ليس ما يحدث فى المغرب عنا ببعيد, حيث أضرب سائقين النقل و قطعوا الطرقات و أضربوا عن العمل اعتراضا على قانون المرور الجديد هناك الذى قد يضعهم فى السجن لمجرد خطأ بسيط, و تسبب اضرابهم بأزمة اقتصادية فى المغرب حيث شلت حركة المرور تماما, و نفذ البنزين من محطات الوقود, و ارتفعت أسعار الغذاء, مما دفع بالحكومة المغربية لاعادة التفكير فى هذا القانون.
تحية الى سائقى المغرب الذين لم يرضوا الظلم. ان شعور الانسان أن حريته مهددة فقط لأنه ارتكب خطأ بسيط هو أسوأ شعور قد يدفعه للتحول الى شخص اخر تماما.

والله انت اللي فهمتنياصلا الطرق هناك مظبوطه لا مكسره ولا فيه متلهات غريبه
انا عشت كتير في الرياض و اللي يخالف هناك فعلا يستاهل الحبس لان مفيش حاجه هتخليك تخالف اللفه لو فاتتك في مليون غيرها ده غير متعة الطريق نفسه ده غير الادب و الزوق عند ظباط المرور هناك
مش ملازم اول .................يعمل فيه كده

[dentoman123]

واكتر حاجه بيتضايقني ان الشرطه بتبقى مش ظاهره ومستخبيه ورا الشجر ...وده اللي بيحسسني ان فيه ترصد وكره متبادل وحب اذيه ...يعني فيها لو بقوا ظاهرين على الطرق الناس هتشفهم ومش هيخشوا ...زي الرادار اللي على المحور اللي بيبقى فيه يفط مكتوبه (رادار على بعد 1 كم ) والناس كلها بتبقى عارفه اماكن الرادار ومهما كان المحور فاضي الناس بتبقى ماشيه على 90 والمنظر بيبقى حضاري جدا كانك ماشي في اوروبا

90؟
و اوروبا؟
هههه انا اسف بس اكيد في اوروبا مش 90
عايزين يعملو قانون لا يتم خرقه كانو يحددو السرعه 100 او 110
واحد هيقولي العربيات تعبانه.....امل ايه لازمة الفحص عند الترخيص؟رشاوي و بس؟
واحد هيقولي الطرق ماتساعدش
اقوله الطرق ماتساعدش في تطبيق اي قانون
و الردود ع الموضوع معظامها ضايقني اكتر من الحبس لان الناس ماحاسيتش يعني ايه حبس
انا لما قلت دكتور قصدي اني مش وش كده و مكانش قصدي اني بني ادم و زمايلي في الحبس حيوانات

[ابوهاشم]

يادكتور اسمحلى الغلط لا يتجزء
متر واحد زى ك كله غلط
بس ده مش معناه اننا كلنا مش معترضين على الحبس طبعا وده ظلم
المروض انها تكون غرامه وبس

[moudy88]

90؟
و اوروبا؟
هههه انا اسف بس اكيد في اوروبا مش 90
عايزين يعملو قانون لا يتم خرقه كانو يحددو السرعه 100 او 110
واحد هيقولي العربيات تعبانه.....امل ايه لازمة الفحص عند الترخيص؟رشاوي و بس؟
واحد هيقولي الطرق ماتساعدش
اقوله الطرق ماتساعدش في تطبيق اي قانون
و الردود ع الموضوع معظامها ضايقني اكتر من الحبس لان الناس ماحاسيتش يعني ايه حبس
انا لما قلت دكتور قصدي اني مش وش كده و مكانش قصدي اني بني ادم و زمايلي في الحبس حيوانات

انا مش عارف حضرتك زعلان ليه ...يعني لو كانوا خلو المحور سرعته 60 زي طريق المطار او كورنيش اسكندريه كان هيبقى احسن ؟؟؟؟......وبعدين المحور من اكتر الطرق في مصر اللي عليها حوادث واكثرها ازدحام و لما يخلو السرعه 90 كم على المحور اللي طوله 15 كم هيبقى 100 فل وهتلاقي كل العربيات ماشيه جنب بعض ومفيش اي حد بيطير من جنبك وبعدين السرعه في اوروبا اعتقد لاتزيد عن 60 او 70 ميل يعني 100 -120 كم في الساعه في بلاد طرقها انضف مليون مره وعربيات انضف مليار مره ....ولو على الحبس لو قريت ردي الاول هتلاقي اني لا اؤيد الحبس بالنسبه للشوارع الجانبيه التي من الصعب حدوث حوادث فيها بسبب السير عكس الاتجاه ....وبعدين انا العبد الفقير لله الطالب في اكاديميه الطيران اللي اسرتي فيها 5 اطباء و2 مهندسين ...اترميت في الحجز مع المجرمين بسبب واحد مجرم اتبلى عليا اني خبطته وكان مصاحب امناء الشرطه والمخبرين في القسم وكان هيقسم معهم الفلوس ....لذلك انا ذقت طعم الحبس الظلم مش حتى علشان خطأ عملته ......ولك مني جزيل الاحترام وكفانا الله شر الطريق

[hisham343]

كل اللي حضرتك قلته مظبوط .
بس فيه حاجة .
الخطأ الصغير متساوي مع الكبير .
و قليله مُسكر ........... فكثيره حرام ..........
يبقى ترك قطعة قطن في بطن مريض أثناء العملية = لترك فوطة

هذا خطأ و هذا خطأ

و أنا نفسي أشوف القانون بيتم تطبيقه علينا كلنا بعدل
خصوصا الأمثلة اللي حضرتك ذكرتها __________________

معلش انا مش معاك يا فخامة الملك (احنا في منتدي ديموقراطي)
متقليش ان واحد دخل حاره ميعرفش ان الحكومه المبجله عملاها اتجاه واحد علشان طبعا مفيش اشارات ولاتنبيهات علي كده
وتقلي يتحبس
مش زيه زي اللي كان ماشي مخالف علي طريق سريع او شارع عمومي اتجاهين
وهوه عارف ومصر علي كده
وبعدين قللي هوه القانون المبجل ده مبيتنفذ ليه علي بتوع الكارو
ولا العربيه الكارو مبتموتش و مبتتلفش الممتلكات
لو عايز تعمل قانون مشدد زي ده لازم يكون له استثناءات معروفه مش لاستثناء الوحيد فيه ان المخالف يكون مخاوي
لازم علشان القانون يبقي صح لازم الشوارع تبقي صح ولاشارات صح
الناس المتشدده في القانون فاكره مصر كلها زي مدينة نصر ولا مصر الجديده
ايه رايك لو نزلت الزقازيق وانت مش منها ومشيت في شارع مرصوف وجميل وكله عشره علي عشره ويطلعلك ضابط يقولك انت ماشي عكس الاتجاه وتلاقيك انت الوحيد اللي مش عارف
يبقي عدل لما تتحبس
ولا حرام

[جندى مجند]

سؤال برئ: أنا كنت قريت فى الأهرام على ما أتذكر من عدة أسابيع ان فى تعليمات صدرت لرجال المرور بعدم القبض على السائق المخالف فى حالة عدم وجود يافطة توضح اتجاه الشارع ... فهل يتم تطبيق هذه التعليمات وللا اللى بيتمسك ممكن يكون داخل شارع مفيهوش يفط و بالتالى مش عارف انه ماشى غلط؟؟؟

[hisham343]

اشارات ايه اللي بتتكلم عليها ممكن يكون فيه اشارات لكن محطوطه غلط او مقلوبه او حرامية الحديد سرقوها
انت سعات بتكون في اماكن غريبه
وممكن ولاد الحلال يكونوا كاتبين علي الحيطه ان الشارع اتجاه واحد
وزي م حد من الزملا قال
دول بيبقوا واقفين في اماكن معينه مش كل الناس عارفاها او فيها لخبطه
او يافطتها مسروقه
يعني واقفين يصطادوا
وابقي اثبت ان مفيش يافطه
بعد ما يكون القانون اطبق عليك
كلنا معرضين اننا نروح اماكن مش عارفينها
وبعدين ممكن تكون من نفس المكان بس اتجاه الشوارع بيتغير بين يوم وليله
وسبحان مغير الاحوال

[hisham343]

دي اشاره من الاشارات العظيمه اللي ماليه البلد

حد يقوللي فهم منها ايه
دي عايزه الواحد ياخد فيها دكتوراه علشان يعرف يمشي فين

[hisham343]

اسف الصوره في الرابط السابق

[wkisho2005]

الناس المتشدده في القانون فاكره مصر كلها زي مدينة نصر ولا مصر الجديده
ايه رايك لو نزلت الزقازيق وانت مش منها ومشيت في شارع مرصوف وجميل وكله عشره علي عشره ويطلعلك ضابط يقولك انت ماشي عكس الاتجاه وتلاقيك انت الوحيد اللي مش عارف
يبقي عدل لما تتحبس
ولا حرام

انا بئي اموت واعرف الناس ليه مش مش قادرة تفهم وتستوعب الموضوع دا ان ممكن ابقي مش عاااااااااااااااااااااااااااااارف انو اتجاه واحد ولو حلفتلهم ساعتها 21654684487 مرة انك متعرفش بردو هتتحبس:k48::k48:
وبعدين بالزمة مش اولي بدل مايستخبوا في الشوارع الجانبية ويطلعوا للناس فجأة زي العيال الصغيرة وهي بتلعب استغماية يروحوا يشوفوا اللي ماشيين عكس علي الطرق السريعة؟؟

اناكل اللي عرفت انهم اتحبسوا لحد دلوقتي كلهم كانوا في شوارع جانبية يعني مش شارع رئيسي حتي ولا طريق سريع من هنا دانا القانون دا قرب يجيبلي جنان وتخلف وضغط وسكر وكل حاجة مش كويسة