اتنصب عليا ودي حكايتي عشان الناس تستفيد

[sameh73eg]

طبعا قلت للي بعتلو العربيه على اللي فيها كله حتى لو كان حد بيجي يشوفها وميعرفش اللي فيها والله كنت بوريلو اللي فيها ومكانش بيشتريها بس انا ميرضنيش ان حد يجرالو اللي جرالي وطبعا عشان حرام.....ياريت يا سامح تبعتلي رقمك عشان عايز اكلمك ...ابعتهولي عالخاص وقولي الخاص ده بيتفتح منين.. لو مش هيضايقك يعني

انا بعتلك على الخاص وممكن تشوفه من اول الصفحه من لوحة التحكم

[amrhady2]

فى معرض اسمه الامبراطور بقرب قسم عين شمس جسر السويس خلف المستشفى العسكرى والمعرض ده فى تلاته شوركا النصاب الكبير مجدى واللى بعده طلب صاحب النصيب الاكبر وا محمد اللى بيبلسمو بيه الزوبون حزااااااارى من التعامل مع هزا المعرض اللعين حسبى الله ونعم الوكيل وربنا ينتقم منهم قولو ااااااامين

[hossamtota]

معلش يا اخى انت عارف انى ربك بيبتلى كل مؤمن على قدر ايمانه وبعدين ثق تماما انى ربنا مش بيضيع حق حد بجد

[SHERIF2009BHIT]

ربنا يعوض عليك والمال الحرام بيدمر صاحبة

[ahmedsrs]

ربنا يعوض عليك تجارة المستعمل فى مصر كلها نصب واحتيال ومفيش حد متنصبش عليه او حد حاول ينصب عليه وهو بيشترى عربية مستعملة
انا اعرف واحد محترم بجد وحاول يعمل مكتب بيع وشراء عربيات مستعملة على اساس انه سمع ان فيها مكسب كويس بعد اسبوع قفل المكتب بقله ليه عملت كده قالى انا مكنتش بنام من النصب والأحتيال والحلف بالله والحلف بالطلاق على عربيات متسواش

[AAAH]

طبعا قلت للي بعتلو العربيه على اللي فيها كله حتى لو كان حد بيجي يشوفها وميعرفش اللي فيها والله كنت بوريلو اللي فيها ومكانش بيشتريها بس انا ميرضنيش ان حد يجرالو اللي جرالي وطبعا عشان حرام.....ياريت يا سامح تبعتلي رقمك عشان عايز اكلمك ...ابعتهولي عالخاص وقولي الخاص ده بيتفتح منين.. لو مش هيضايقك يعني

كده تمام يا باشا
وربنا يباركلك

[misoalex]

طب وانت بعتها ليه
هو عيب كبير اوى كده انها مرشوشه !!!

[powerofhelll]

خليك متفائل انشاء الله تخدهم منه يوم الحساب و خليهم ينفعوه في الدنيا

[astra]

الميكانيكية والسمكرية فى مصر محترفين فلو عايز تشترى مستعمل الاحسن انه يكون فابريكة برة وجوة كده تضمن ان الشاسية سليم واى واحد بتاع دوكو يقدر يعرف ان كانت رشة ولا لأ وده المهم بعد كده اذا كان فية مشكلة فى الميكانيكا فدى مقدور عليها
وربنا يعوض عليك وما تزعلشى ممكن تكون ماشى بيها ولا قدر الله وتخسر فى تصليحها اكثر من كدة

[rabbat5]

اللى يكشف يكشف فى التوكيل البنزينة مالهاش داعي الا مجرد فكرة مبدئية عن حالة السيارة.

[dramir1]

ربنا يعوض عليك ولكن انصحك بعد كده لوهاتشتري عربيه ليها توكيل في مصر
لازم تكشف عليها في التوكيل..... لان مهما كان تمن الكشف هايكون ارخص من خسارتك فيها لو لقيت فيها مشكله......
وانصحك الان بان تكثر من قول (إنا لله وانا اليه راجعون ..الهم اجرني في مصيبتي واخلف لي خيرا منها)
وان شاء الله ربنا هايعوضك بعربية افضل منها والفلوس اللي خسرتها هاترجعلك اكتر منها.

[memononos]

انا اشتريت عربيه 128 والراجل اعد يعملى افلام هندى وفى الاخر اكتشفت انها مقلوبه بعد ما اشتريت بس الحمد لله على كل شىئ

[MEDO84EG]

يا سلام علي الحنيه
و الله مش عارف ازاي الواحد يقبل انه يخدع حد و الله العظيم بتترد
اصبر و احتسب و متخفش الفلوس اللي اتنصب عليك فيها في ميزان حسناتك ان شاء الله

[MEDO84EG]

و مش هقولك متزعلش و سيبك و كلام خايب لا
من حقك طبعا تزعل و ده شعور طبيعي بس الحمد لله انك بخير و ان شاء الله اصبر و هتشوف ان الله هيعوضك ان شاء الله
يمفي انك لما جيت تبيعها مخدعتش اللي بيشتري

[Amr ElShimy]

قال تعالى فى حديث قدسى
الجزء من جنس العمل
فاصبر واحتسب ان شاء الله العوض من الله قريب جدااااااااااااااااااااااااااااا