اتنصب عليا ودي حكايتي عشان الناس تستفيد

[msalx]

معلش يا باشا فداك وربنا يعوض عليك .....

[bakkar80]

السلامو عليكم
انا كنت بدور على عربيه من فتره كبيره وكنت مش لاقي..طبعا كنت متابع النت و السوق والحاجات دي وكانت كلها حاجات مضروبه... وعلى فكره نصيحتي لأي حد ميحاولش يشتري من السوق..المهم كنت زهقت من كتر التدوير...و في يوم لقيت اعلان على كونتكت بتاع سبكترا كلمت الراجل قاللي العربيه رشه جنبين واستعمال اطباء و هو دكتور والكلام ده....رحت شفت العربيه وكانت الفلوس في جيبي المهم لما رحت هو قعد يتكلم و يرغي وانا مبصتش عدل عالعربيه المهم قولت اخدها على بنزينه في اول شارع بتاع رابعه العدويه عاليمين...رحت رفعتها قالولي علي فيها وكلها حاجات غير مؤثره...المهم الراجل قاعد يحلفلي بالله و بحياه ابنه ان العربيه مفهاش حاجه و ان هو قاللي على كل اللي فيها والكلام ده وانا استنضفتو دكتور بقى و عمال يحلف وبتاع و اشتريتها في نفس الوقت...حتى وانا بشتريها كنت عارف اني مبصتش كويس..بس قولت الراجل محترم ...المهم خدت العربيه وبعدها بيومين رايح اعمل حاجه في الميكانيكا لقيت الميكانيكي بيقولي فيها ستاره مرشوشه!!!!!!!!!!! طبعا خدتها و جريت عالمعارض قالولي فيها ستاره و فرده يمين و قوايم يمين مرشوشه كلمت الكلب اللي باعلي العربيه قاللي انا معرفش,ايه الكلام اللي بسمعه ده,ازاي ....قولتلو انا عايز ارجع العربيه ..قاللي الفلوس اتصرفت و بعدين قاللي انت مش شفت العربيه دي مشكلتك مع البنزينه...كل واحد عايز يحلل فلوسه يقول شويه كلام اهبل هو متأكد من جواه انه غلط..بس النصاحه بقى..المهم قعدت اسبوعين اتفاوض معاه وهو يماطل .. ومن بروده يقولي بيع العربيه..اقولو نتشارك في الخساره لما ابيعها يقولي ربنا يسهل..اقوله دي فلوس ورثي وانا في بدايه حياتي يعض يحكيلي عن مشاكله وان ابوه ميت...المهم قاللي خلاص انا هشتري منك العربيه ب 35 مع العلم اني كنت مشتريها منه ب 42 من اسبوع!!!!!!!!!!!!! قاللي اصلي هستلف الفلوس من صاحب المركز اللي شغال فيه عشانك واحنا مسلمين وانت اخويا كلام النصابين بقى ومنتهى الأستفزاز في طريقته....المهم هيا مكانتش جايبالي غير 33 قولتلو ماشي...بس عملت استخاره قولت مبيعاش للكلب حتى لو هخسر قابلتو عشان يشتري قولتلو انا عايز 2000 جنيه قاللي انت كده بتبخسلي بيعتي قولتلو امال انت بتعمل ايه؟؟؟؟؟؟؟؟؟؟؟ قاللي انا هروح شويه و هاجي طبعا ولا جه ولا اي حاجه..المهم انا حقي عند ربنا لأني بعتها ب 33 وكل طلبي ان الناس اللي تقرا الحكايه تدعي عليه لأني مش مسامحو و ان شاء الله تتردلو فيه مش عايز اقول ابنه بس يارب تترد فيه وربنا ينتقم منه
طبعا انا بحكي باختصار شديد لو حكيت بالتفصيل انا اصلان هيجيلي شلل من حرقه الدم.
شكرا و الحمدلله على كل شئ :)

الحقيقه لو عايز رأيى انت اللى غلطان لأنك عاينت ورفعت وواخدها زى ماشفتها وليه انت مش حاطط احتمال انه هو كمان مايكونش عارف اللى فيها سواء اذا كان شارى من واحد قبله او تاجر هاوى انا شوفت عربيات كتير جدا فيها مشاكل وصحابها مايعرفوش اللى فيها هما جبوها كده وماكتشفوش اللى فيها

على العموم هو درس تتعلم منه وربنا يعوض عليك ويرزقك بأحسن منها

[ahmahm1981]

ربنا يعوض عليك بأحسن منها إن شاء الله ويعوض خسارتك آمين .
ياجماعه يعنى إيه راشه ستــــــــــاره ؟
وفين الستـــاره دى فى العربية ؟

[bakkarahmed]

انا استعجلت في بيعها لأن الرخصه كانت هتنتهي في شهر 6 وعلى فكره البنزينه مقالتليش ان فيها ستاره خالص لو كانت فالتلي مكنتش اشترتها طبعا ومقالتش اي حاجه ...ووالله انا مشتريها اصلا غاليه مش رخيصه تمنها 40 و 41 سيبكو من اللي بيتكتب في المواقع ده... و صاحبها فعلا كان دكتور بس النصب ملوش علاقه بحاجه.... على فكره انا كاتب الحكايه من غير تفاصيل اوي التفاصيل لو كتبتها اكتر الناس هتعرف اد ايه انا اتظلمت... انا كتبت الموضوع عشان محدش يتخدع زيي....ونصيحه مني لأي حد عايز يجيب مستعمل يكتب عقد ابتدائي و يفحصها مره واتنين و عشره و يوديها لميكانيني و بوهيجي...انا البوهيجي طلعلي حجات في العربيه كان هيخليني اجنن....وعلى فكره احسن بنزينات بترفع في الهرم وانا ساكن في الهرم بس كنت بروح اللي في مدينه نصر دي عشان كنت فاكرها كويسه,,,لو حد عايز يجيب عربيه مستعمله و ساكن قريب من هناك وعايز يعرف يرفع ازاي يقولي ...طبعا الكلام ده عرفتو بعد ما خسرت كتير ...بس فعلا والله اتمنى اني لو اقدر اقدم حاجه اقدمها عشان محدش يمر بالحاله اللي مريت بيها......

قدر الله وما شاء فعل
واحد صاحبي اشتري عربية اكسيل واكتشف فيها انها كانت مقلوبة وماعرفش الا لما اتخبطت منة ومن الصدف ان السمكري اللي عملهالوا هو كان اللي عامل العربية لما اتقلبت قبل كدة
طبعا كلنا كنا مبلمين ساعتها فراح بعت جاب الصور من البيت علشان كان بيحتفظ بصور عربيات الحوادث قبل الشغل ويصورها بعد اتمام الشغل
رحنا كشفنا عليها عند ناس كتير وطلع الكلام دة مظبوط
المشكلة ان اللي باع لصاحبي العربية كان انتيم اخوة الكبير (دي كانت المصيبة)
ومعرفش ياخد منة حق ولا باطل
و صاحبي قال قدر الله وماشاء فعل واحتسب اجري عند الله والحمد لله انها ما اتقلبتش بيا وان انا سليم واللي يجي علي الحديد يروح

[sameh73eg]

سؤال محدش رد عليه

انا وكمان في ناس غيرى عوزين نعرف اية الستارة دى الى مرشوشه على شان نستفيد

[تامر.محمد]

لا حول ولا قوة الا بالله
ربنا يوريك فيه يوم هو و بتوع البنزينة دول

اصلا البنزينة دي لو اللي في شارع الطيران جنب مركز منصور فدي فيها ميكانيكية , مش معقول ما يعرفوهاش

حسبنا الله و نعم الوكيل

[mmsa]

لله ما اعطي ولله ماخذ فلا تحزن ان الله سيعوضك لا محاله في الدنيا اوفي الاخره واعلم ان دعوه المظلوم لا ترد

[ahmedhilmy]

رببنا يعوض عليك مريت من سنتين بموقف مماثل اصبر و احتسب و ربنا يخلف عليك الاحسن

[MEDO84EG]

ربنا يهدينا يا رب و يعوض عليك و يجعلوا في ميزان حسناتك انا برضه بيحصل معايا مواقف شبه دي بس نخلي بالنا في ناس بيفهوا انك تحترموا و تديلوا ثقه انها شطاره منه و يخدعنا
ربنا يعافينا

[Moustafa_Kamel]

ربنا يعوض عليك و اعرف ان انك لو ليك حق هاتاخده فى الاخره و ساعتها انت الكسبان

[semsem_uno]

حسبي الله ونعم الوكيل

[eg_falcon]

طب و العمل ايه لا بنزينة نافعة و لا ميكانيكية و سمكرية طب اللي ملوش خبرة زي حالاتي كده يعمل ايه ؟؟!!

[marwan_147]

كل مفترى وظالم منة لله . حسبى الله ونعم الوكيل متزعلش يمكن يكون خير ليك

[Abody1985]

ربنا ينتقم منه ويجيلك حقك ان شاء الله
تعمل ايه طيب انت مع واحد صاحبك استلف منك 5 الاف جنيه وراح يشتري العربية اللي انت بتتكلم عليها ويفاوض الراجل من وراك وفي الاخر تعرف وتشتري انت العربية وهو يقعد يقولك مش معايا فلوس ولما يبقى معايا مع العلم انك عارف انه معاه 43 الف كان بيشري بيهم العربية ؟!!! الحمدلله على كل شيء وربنا ينتقم من كل ظالم

[mohamed_e36]

قول حسبي الله ونعم الوكيل ووالله ربنا مهيضيع حقك بس الواحد مش عارف يعمل ايه مع الناس بنت ال.......... دي
حاجه تغيظ والله الواحد حاسس انو لازم يتنصب عليه كل يوم من اصغر واحد لاكبر واحد للاسف بلدنا بقت كده كلها ..............على فكره انا برضو طيب زيك كده وبينصب عليا كتير جدا بس الواحد لازم ميثقش فحد بعد كده...... وحسبي الله ونعم الوكيل